Crostini Bakery & Cafe (Closed)

平時這間店的蛋糕平極都要三十幾蚊件，貴要五十幾蚊件。但今日做特價一佰蚊三件任選。平均三十幾蚊一件，就本住試下無壞心態，蛋糕好靚但有點甜。都可以。但...........重點是.........重點不是在蛋糕本身，而係入面嗰個職員，隔着個口罩都覺得佢好無禮貌，唔想你幫襯咁。講野極不願意, "要邊款" 佢指蛋糕，但佢企係Cashier 櫃講，離蛋糕櫃有尺幾遠，叫我點指比佢睇呀！大佬，之後攞盒大大力，嘩，好唔願做咁，更好味蛋糕，但見到佢我應該唔會想再幫襯。 其實雖然衹是數分鐘的服務，點解唔做好佢呢？失望。

榛子朱古力慕絲用左58%朱古力加埋榛子cream , 味道香濃，鐘意食朱古力嘅你一定鍾意呢一款。雲呢拿士多啤梨慕絲士多啤梨果醬，味道酸酸甜甜，好開胃！食多件都唔會覺得濟。白桃洋甘菊慕絲呢款有白桃啫喱係入邊，外型好靚有隻蝴蝶係上面，味道比較特別，好清新。抹茶慕絲香濃的抹茶味，味道唔會好甜。好岩做下午茶的甜點。

放工之後，打算看一看有什麼麵包買，做明天早上早餐。經過商場果時，順路行去依間麵包店。之後打算買個green tea croissant 🥐 試一試下。之後個店員就說麵包買2送1，你會否再看下，除了牛角麵包，其他種類都是買一送一。之後我買了一個green tea croissant ,一個orange peel chocolate muffin 同一個sweet potato raisin 。green tea croissant綠茶味道很濃郁，外層酥皮算是脆口，不過還是不夠酥脆。因為某部分較淋。orange peel chocolate muffin朱古力味道很濃密，咬口鬆軟，上層橙粒食到啖啖橙的甘香味道。sweet potato raisin外型類一個有花紋的香菇，原來是紫薯。紫薯甜而香。外層麵包🥯脆口。

今日落雨，唯有喺商場行下，無無聊聊諗住飲杯咖啡。依家出街都一定帶着隨行杯，減少使用一次性塑膠。餐廳而家做緊優惠，買一杯嘢飲就送$25現金卷，下次買任何飲品可以使用。我同老公分單，即係加多$4就有第二杯咖啡，都非常之抵。講番杯咖啡，兩杯都係 skimmed milk latte，但係飲落就唔同味，用餐廳個杯裝嘅嗰杯，咖啡味濃啲，唔知係咪因為店員姐姐見我個杯大啲幫我裝多咗奶。咖啡偏苦，唔算太濃郁，亦都唔太香，我坐喺咖啡機隔離，店員姐姐係隔離沖咖啡，但我都聞唔到香味。當然我唔係期望佢有Starbucks嗰一種咁浮誇嘅香味，但咖啡豆沖出嚟嗰下嘅香味我都聞唔到，就有啲奇怪，唔通呢到抽風做得太好？另外叫咗個 muffin, 朱古力味，甜咗啲，但佢加咗啲杏仁片落去，有啲誠意。但總括來講，我鍾意Starbucks 個 muffin 多啲。咖啡方面，我唔特別推薦，但如果佢繼續做呢個優惠，而咁啱又好想飲咖啡，都一飲無妨既。呢間餐廳有四個位，方便叫咗麵包或者咖啡可以坐低食下休息一下，但各位食客佔用嘅時間都唔一樣，唔好期待每一次都咁容易攞到位。

食生日蛋糕終於唔洗再係美心同聖安娜喇，可以揀將軍澳pop corn 既 Crostini 。呢度既蛋糕有好多款架，有芝士蛋糕，水果蛋糕，慕絲蛋糕，款款都色彩繽紛,美味可口。小編呢次揀左蜜桃慕絲蛋糕，呢個蛋糕外表充滿仙氣，主要黃色，蛋糕上鋪上少量朱古力裝飾，典雅得黎又靚，用黎影相一流。除左靚之外，仲好好味，外面有一層慕絲包住，入面有一塊蜜桃果肉啫喱，甜甜酸酸，好開胃，而且飯後食一d都唔覺得膩，整個蛋糕評價好滿意。如果大家鐘意一d款靚又好食既蛋糕，呢間確實首選，價錢中等，絕對大家食得起。

放假日子。一於買件cake獎勵下自己。見到有新產品。檸夏回憶(試食價$37)。檸檬味岩哂喺天氣咁熱嘅時候食。lemon cream下面配左cookie底。lemon cream算滑。微酸唔太甜。配埋cookie底一軟一脆口感幾好。cake面有兩粒棉花糖同兩片抹茶朱古力裝飾。估唔到做到畫龍點睛嘅效果。兩者都唔太甜。岩岩好中和左個cream嘅酸味。chewy嘅棉花糖同脆嘅朱古力片同時令口感更加豐富。咁岩新推出有試食價。絕對值得一試。

一向都覺得呢一間蛋糕店啲蛋糕好靚好精美，不過一件仔蛋糕都大約$40左右，少少貴。但食過質素都算唔錯，價錢都算合理嘅。不過今次係第一次喺度訂蛋糕，見佢選擇都幾多，又有比較少有嘅拿破崙款式，所以就訂左一個芒果拿破崙。反而我覺得訂一個蛋糕價錢唔算太貴，只係大約$300左右，其實相比起其他連鎖式蛋糕店價錢也差不多，所以值得一試。拿破崙蛋糕最驚就係個酥皮唔夠脆。所以呢一個蛋糕值得一讚除咗酥皮夠脆之外，牛油味十分香濃，有兩層酥皮中間夾有吉士醬，開心果蛋糕以及有一層芒果啫喱，食落去唔會好濟，唔會好甜。而且最特別係蛋糕上面插有幾支載有芒果汁嘅試管，可以自己根據個人口味，擠係蛋糕面上面，好睇又好玩！值得一讚推薦！仲有寫啲字都好靚添（8.5/10分）

經過Crostini，心思思買左件黑加倫子海鹽芝士蛋糕🍰來試試從未想過海鹽同黑加倫子味可以咁夾，甜甜酸酸當中，海鹽平衡番個甜度，食落感覺非常清新～軟綿綿嘅海綿蛋糕，配上朱古力脆米，口感幾豐富！

呢間分店舖頭細細，入黎買左2 件 cake 企係度食，真係好細，得2 個位已經有人坐左。買左一件香橙 chocolate cake， 另一件香芒熱情果慕絲，巧克力個件甜左啲，但是 texture 好 rich, 慕絲好清新，好食的😋

每年台慶都會買蛋糕慶祝 ...因為撞正家人生日😻試過不同店鋪的甜點，Crostini 的蛋糕 價錢算抵，但質量絕對不差過其他酒店餅店今次試左Blueberry Cheese Cake!佢的藍莓新鮮、因為外皮有藍莓酸甜果凍，配合裡面充滿一粒粒藍莓的芝士，甜度剛剛好！而且圍著蛋糕白邊的初初以為是紙條，原來是一層薄薄白朱古力；另外蛋糕面試的綠色的以為都是糖般裝飾品，但竟然係細細粒綠茶味的海綿蛋糕。蛋糕做得仔細，價錢亦合理，若果有朋友想試平價但又有質素的蛋糕，不妨試一試！值得一提，本身在將軍澳分店取，但事情有變要轉地方拎，店員好好人在前一天幫我打去轉唔轉到，最後都能方便我取！兩店鋪的店員的十分有禮 親切！

Crostini 的＂單車標誌＂在這間分店得到了充分的演繹。店面的招牌有，店內的墻上裝飾有，連坐櫈都是單車造型，表現得淋漓盡致。在這樣富有藝術性的環境中，簡單食個 tea 也不失為一種休閒的享受。［黑椒洋蔥吞拿魚酥］HK$ 16 堂食免加一。店員即時幫我焗番熱，勁酥脆，少鹹多香😍。新出的飲品［柚子蘇打］HK$ 26 堂食免加一。夠凍，口感清爽，啱夏天飲。這裡的食物價錢不貴，簡簡單單，但味道不錯，保質保量，從中見到店家認真製作的一片真心，正如店內＂墻報＂所寫的那樣……

黑糯米雖然是紫米的別稱，但實際黑米和紫米是不同的米種，相同的是兩種都是米中精品，營養比其它米種高。紫米是糯米的一種，呈紫色，營養比黑米更高。當我經過見到有紫米麵包既時候，就比佢淡淡的紫色吸引住一睇見到保質期只有2日，但最少係8片裝但由於睇佢d成分都好天然所以最後都係買左紫米麵包(半) $20打開就即刻聞到好香既紫米味麵包密度較低 非常鬆軟 No heavy feel!!!一次過食四五塊都吾係問題~淡淡紫米香 試得過呀美味指數: 🌟🌟🌟🌟抵食指數: 🌟🌟🌟推薦指數: 🌟🌟🌟🌟另一款藍苺金寶麵包賣相也是相當吸引藍苺金寶麵包 $18還以爲是有藍苺餡料的麵包原來只有上面的藍苺醬金寶應該是指上面像菠蘿麵包皮的曲奇碎 挺香的~~麵包放到另一天早上吃都依然鬆軟但就是沒有什麼特別 整體不過不失美味指數: 🌟🌟🌟抵食指數: 🌟🌟推薦指數: 🌟🌟🌟

蛋糕競爭多得益每每是顧客,臨近農歴尾家人生日特別多,今回選擇近年彈起之「Crostini 」,除了設計擺款比連鎖店有心思、味道上亦不輪蝕,外觀上幾颗新鮮草苺、紅桑子及藍苺撞上青BB綠色十分奪目,入口微微酸甜配合內餡黒加倫子很夾、而且沒有了傳統白忌廉,肥膩感大大減少,以很久沒有幫襯大大型連鎖店蛋糕下,所以不大清楚「巿價」,就以這個黑加倫子開心果慕絲蛋糕為例,約價HK$248.,個人覺得值、一磅裝平均地亦可切為八件,價錢上跟件頭差不多可能還要平少少、最重要味道還不錯,值得一推。

聖誕節來到將軍澳出席朋友的聖誕party, 來都將軍奧因為時間尚早還未到晚飯開party的時間, 途經這間蛋糕店看見各式各樣的蛋糕賣相相當吸引忍不住買了兩件試一試😁每件蛋糕價錢有＄38起, 價錢不算便宜, 兩件蛋糕已經花了70多元, 真的有點貴香芒熱情果慕絲 $38兩件蛋糕的賣相其實都相當吸引, 因為朱古力味道較濃郁所以先試一下香芒熱情果慕外層以熱情果醬包圍住蛋糕的面層, 除了這2個口感外內裡原來有芒果熱情果啫喱& 芒果果餡的夾心層, 中間的慕絲口感大大提升了蛋糕口感, 熱情果香香的但不會很甜, 好味道❤-紅橙特濃朱古力脆脆 $36整個外型都是以朱古力打造, 內裏的朱古力慕絲採用Belgium 朱古力製造而成, 味道香濃無比, 濃濃朱古力佈滿整個口腔, 除此之外內裏有夾心血橙啫喱& 朱古力脆珠, 其實不太吃到有紅橙的味道, 但整個蛋糕被朱古力味道重重包圍住, 愛朱古力的我表示很喜愛這件蛋糕, 好味極了😍😍😍👍🏻-雖然價錢比較高昻, 但一件細細的蛋糕能夠做出多層口感確實令我有點驚喜! 偶爾吃一兩件也不算太過分😋

那天到將軍澳站既酒店做野！順便走入 PopCorn 行街街，見到間很GRAND店鋪，藍藍的單車logo吸引得很，便走入去看看。一間很有品味的面包店，牆上的掛飾以及橙，都是用車輪為題。實左吸引。不過最重要都係食品。好簡簡單單叫個包（紫薯提子小紅莓包）及我最愛的檸檬飲料（Limonata）。紫薯提子小紅莓包：紫紫紅紅渾渾圓圓很可愛的，面層灑上紫薯粉，淡淡的紫薯味，有著小小的紫薯粒增加咬口，小小的紅莓粒粒也散出淡淡的紅莓甜味。面包鬆鬆軟軟的很有包味。實左不錯！Limonata：有氣檸檬飲料，細細的方便得很。不太甜，很有檸檬味，有氣更覺醒神。俾個人like佢如果行行下街有些肚餓，這間實左不錯的選擇。