翡翠拉麵小籠包 (Closed)

(4/9/08)老公鍾意食小籠包,帶左佢來食晚飯。七點半,等左十五分鐘有位,可惜要齊人先比枱。需再等十分鐘。好耐無黎食,原來一個菜價錢都要up to $45。我地叫左小籠包、四川担担麵、山東手抓餅、津白獅子頭。久等,終於先來担担麵,湯無以前濃味,而且辣左,好多辣椒!小籠包ok,不過好多肥肉。手抓餅,有點似印度薄餅,做得淡味,蔥少,份量少,不值。津白獅子頭都幾大碟, 獅子頭壓扁了,賣相差了,我無乜食中式o野「經驗」,所以引老公的評定, 獅子頭味道沒過咸 (我覺得好似有午餐肉味,且肉太散),整體佢好滿意翡翠既素質。

去了很多次, 覺得小籠包同麻辣担担麵最好食, 雞湯都用足料好好喝.另外紅油炒手同鱔糊炒麵都係一流的推介, 排骨拉麵同姜蒽拌拉麵就一般.涼伴青瓜同糖醋肉份量就少了一點, 黃花魚就有時候好食有時候普通, 鎮江爻肉幾好.炸醬麵都係另外一個可以多叫的食物, 因為個醬真係好正, 京蔥爆牛肉多油左D都好食.四季豆都係有時候好有時候普通, 白切肉粉皮就唔係太好有待改進. 咸肉津白好食不過太貴.

ICF 內的 . 味道不錯, 選擇又多. 睇吓担担麵幾大碗.椒鹽黃魚, 又香又脆. 津白很甜.但晚上客人食多, 約要等 20-30分鐘才入座.

任何東西都要進步﹐筍尖非常差﹐有一陣味道﹐應該是罐頭的。小籠包的肉就是三尖包的肉﹐三尖包非常難吃不是正統的因為是雪藏的然後煎﹐有無味道~小籠包是有湯﹐但是有時候不是那么簡單﹐肉要香同柔軟不同三尖包里面的那種﹐這里就兩個菜用統一的餡﹐不好吃。再來是菜螃蟹﹐一點香味都沒有﹐上盤時候水汪汪的﹐蛋白非常碎﹐不敢吃。最後試了八飽飯﹐里面通通葡萄干﹐糯米一點都不Q﹐底下湯水就是糖水﹐桂花不夠一點起不了作用﹐難吃。服務態度是不要講了﹐訓練不夠有一個站著呆掉﹐一直只是經理收碗子﹐因為趕著讓台子.....浪費了45分鐘等位﹐因為不能訂位。

星期日, 原本想訂位, 不過原來星期六日不設訂檯... 算了吧, 早點去等位7點半黎到, 人山人海, 拿了3位的飛仔, 就在ifc行了一陣, 隔了十幾分鐘返黎仲係有排...只見2人位既號碼一直入座, 而3人或以上就很慢好啦, 等到8點過少少, 終於都到我地了門口果位知客轉左, 之前果位黑口黑面既員工唔見左, 換上左一位啡色短髮戴眼鏡既女仔, 好似叫RAIN, 禮貌比之前好左好多入到去,等到卡位, 真好~ 好肚餓, 很快就叫野食啦紅油抄手: 紅油雖然稀魎地, 但很辣, 愛好辣味的應該會喜歡. 餡料也味鮮, 保持水準上海粗炒: 麵質彈牙, 炒得有鑊氣, 不過怕油膩的就可能唔啱食了~ 配料有菜及菇... 最離奇是有幾條白菜仔... 小籠包: 一貫的皮薄餡靚, 但其中一隻穿了底, 可惜可惜酸辣湯拉麵: 叫呢個都係貪佢酸辣湯好味, 料足之餘味道酸辣得宜, 相當有水準除了食物水準保持到之外, 服務亦都改善左好多, 換上了幾名新面孔, 有一位叫JOHNNY的男仔同另一位金色短髮既男侍應, 2位既SERVICE都很好, 很有禮貌向我地介紹食物, 而且遠遠一見到我地舉手就立即快步走過黎SERVE我地,

As IFC does not provide much choices for restaurants, unless you are prepared to go to those really expensive ones, I think Crystal Jade is one which is reasonably priced with reasonably good quality of food.I would go with my bf and friends to dine there occasionally. Although the environment is quite crowded and noisy, but I pretty expect that with a Chinese restaurant.Their signature dishes: chicken in wine sauce, xiao long bao, jelly fish, sesame buns with minced pork and various types of l

呢間翡翠係最近屋企既分店, 所以又黎左幫襯門口個知客仍然是如以前般無禮貌... 由於係早黎, 所以等了十分鐘左右已經有位 點了食開的紅油抄手, 另外試一試五香牛肉拉麵, 海鮮粗炒同生煎包五香牛肉拉麵: 拉麵依然彈牙, 牛肉其實是牛展, 幾好味海鮮粗炒: 都有幾多蝦, 粗炒炒得入味紅油抄手: 保持水準, 香辣既紅油仲用埋黎撈粗炒食 生煎包: 豬肉餡好鮮甜, 包底煎得好香脆, 襯熱食很不錯!店內既服務尚可, 總比門口個知客好...

幫襯過翡翠好多次，都去過唔同的分店，係呢一間令我特別要寫食評，因為當日既服務真係麻麻! 第一次黎IFC呢間，見佢位於IFC，所以以為D人會禮貌D。閒日夜晚，8pm之前個位食評人話"門神小姐"一D都講錯，我地四位，只有兩個早到，"門神小姐"黑口黑面咁話:"你夠三個再同我講!" ................ ok!終於夠三位，有得入去坐。因為仲有朋友未到，先叫三個冷盤。到正式點菜，我叫一個服務員話點菜，通常都會點菜一道一道,停一停怕佢寫唔切好正常o者，我拎住本MENU講完一道, 停一停, 點知佢原來係唔駛寫，仲問返我:"無囉呵?!" 我話 "唔係啊, 仲有"，不過心諗你唔好"溜"單就得啦。同埋我發現佢地係唔會停低聽你講&同你講野，佢地係行住咁聽你講&同你講野。例如，我地要公筷、追小籠包、有冇醬啊....etc.個小籠包追左三次、一個小時後先到囉!!!!最後終於有一個服務員係有笑容、有禮貌啦，就係黎收錢o個個。至於食物，水準其實間間都差唔多，係OK的! 每次我都必點小籠包及雞煨麵。呢間的雞煨麵都係差D，好淡、無雞味。

一行4人去食lunch, 約2:00不用等位呢.分別叫了小籠包, 紅油抄手, 手抓餅, 担担面, 炒年糕, 素菜包, 南瓜餅及桂花糕.最好食是小籠包, 皮薄多汁又鮮味, 只是比較大隻了些, 如細些少就更好了. 其他的都ok有水準, 那碟桂花糕都好好食, 不甜好有桂花味.

又再一次同karen黎翡翠食野~我中意黎lee求食野因為佢d野好適合我地d女仔食~比一般上海野清d, 冇咁油!!今次叫左豆板莧茶, 小籠包(must食), 紅油抄手, 水煮牛肉拉麵(其實本身係想食羊肉ga, 不過冇, 唯有食牛肉la, 個經理話羊肉係winter先有)其實我都ok多野問~問到個侍應都有d唔識答, 哈哈~所以佢叫左個黑衣人黎幫手~黑衣人一路答,個侍應一路好似聽書咁~勁funny,個黑衣人都幾有耐性~but太多人, 佢好快就要走~overall都滿意, but好似好趕, 因為一食完d野就有人問收碟, 想坐耐d都唔好意思...

週年紀念日, 老公竟然要我提先記起, 激死! 臨急臨忙佢淨係提議到去食小籠包, 勁冇誠意! 但係黑面都要食飯架? 非常唔情願地去左翡翠拉麵小籠包....苦口苦面之下, 我冇理過老公想食d乜, 就叫晒自己鐘意既野:- 小籠包: 黎得翡翠就必定要食! 豬肉餡夠晒滑, 湯汁唔油膩, 不過其實我嫌佢太大隻 - 小籠包係應該一口一啖, 咁先可以避免d湯漏出黎. - 紅油抄手: 我嫌唔夠辣, 不過呢個係好主觀既, 因為我比較食得辣 (我平時食麻辣火鍋係面不改容的). - 醉雞: 冇乜肉食 (唔好彩地今晚碟全部都係骨加一隻雞翼), 但係都算入味, 下次會考慮加十幾蚊轉雞比 (menu 好似話加$14, 唔係太記得);- 油豆腐粉絲湯: 非常熱, 老公辣親個嘴 !! 千祈唔好一放上檯就食呀! 同埋好大碗, 食晒d油豆腐同粉絲已經飽左三成;- 黃金蝦: 將d蝦點鹹蛋黃然之後炸, 非常香口, 強力推薦! - 酒釀丸子: 酒釀係用米發酵而成, 丸子就係細細粒糯米. 好香桂花味, 酒釀就有少少苦, 唔係太多人會食得慣, 我就好鐘意.老公襯個嘴辣親之下, 係咁扮到好可憐要我呵返, 大團圓結局!

There are enough places like "Jade", but I still insisted to meet my friends here at IFC just because I have heard that you get better service here, at least they don't throw food at you like when you're in WanChai. Turned out, I was wrong.There is a picture for every dish in the menu, and additional info can be provided by none but the manager. Forget the staff, they don't know their own menu enough to worth a big fat tip. While the waitering staff is so bad, do ask them to 'cut' the noodles fo

因為家姐想食翡翠,所以就去左la~去到果時7點幾8點...好多人等緊!等左都有25mins(門口個姐姐有d悔氣)but overall service都幾好, 特別黑衫果d (maybe係manager!?)幾有禮貌, 問佢有咩recommendation都答到~叫左小籠包(一定食), 同2個拉麵,分別係上海排骨同雲吞(麵底ok) but d料一般~可以再好d下次都會再try try

今晚好友約出來食飯.估唔到成九點多都有咁人係到等位.但唔算好多人..我地等左20MINS就有位.點左四川担担麵和小籠包..兩樣都係好得..而且我同朋友都覺得今次GE担担麵辣左D..但我覺得好好食咯!

平均一個月食一次翡翠,試過好多間,一向覺得中環呢間係比較遜色D.但今次個小籠包水平可以保持一貫水準,好味!唯獨D面0既份量好似比TST果間少DD囉...