大越 (Closed)

—屋邨餐廳質素唔高好正常，期望一直不大。食過十次八次得過且過就算。但今次去真心感覺差勁。—首先門口等位，一位男經理派等位飛。拎飛後男經理行開了，而另一位帶鄉音收銀叫2位，然後竟先讓沒拎飛既入去！—幸好很快有位，坐底後叫待應，一堆待應：「得。一陣。」然後睇住佢不停向比我地新黎既客下單，忘記了我地。—再三舉手請人過來後，終於下單，叫了雞絲撈檬及黃薑雞扒飯。撈檬十分鐘已到，然後等了近二十五分鐘雞扒飯仍未有踨影。同樣情況叫了待應，有三位待應明明有回應知道，然後又行開無視我地，直到我大喝「唔該」半間餐廳都聽到先有人理會我地。然後用什麼雞扒要焗作藉口，但明明上枱時雞扒是又乾又凍的。—總結係決心列入Bad List

第二次去呢間野, 真係黑仔, 兩次都漏單, 服務太差.都好耐無去過呢間野, 今次再去, 而家去餐廳食野真係要睇一睇個時間, 兩點四十分落單, 等左一段時間都未有野到, 諗住睇佢地個場都唔係好夠人, 咁就再等啦, 去到接近三點鐘催單, 過多幾分鐘都係未有野到, 眼見人地遲我地好多既客都食緊野, 再催, 之後先來左兩杯飲品同埋一個餐, 果時已係三點十分！實在忍唔住再催, 幫我地落單果個服務員幫我地跟, 佢話搵唔到我地張單, 再之後就放底張單話佢地落漏, 我都唔明點解落單係兩點八, 張單個時間係三點, 而家放底張單已係三點十分！之後終於都到齊三個餐, 果時已係三點二十分！我地等餐果時都見到有其他檯催單, 但佢地係遲過我地入坐同埋只係催一個單, 真係把鬼火, 個服務員重話遲出單唔關佢事家嘛, 唔關你事咁你都要去跟一跟做乜咁遲出單家嘛！呢D唔係你地既工作咩, 漏單就幫手插返張單入去囉, 頂！真係把鬼, 呢D服務響大陸見唔少, 而家香港都越來越多！呢間野, 永久黑名單！

年初四諗住簡簡單單食碗豬扒金邊粉。。。湯是無味的。。。豬扒有一半都係肥膏。。仲要食到啖啖都係油。。除左碗粉。。加左個炸春卷。。都係多油到墊底果塊菜全部都係油。。但係入面既椰菜係未熟。。。。仲有杯熱檸茶。。。無嘜茶味。。好難飲。。。之前都有好食過既。。但係今日係好差好難食。。

不嬲都知呢間野麻麻地, 見佢夜晚平平地, $148 二人套餐有拼盤油菜兩個主菜又有飯有甜品, 咪試下.....點知未食完見到都反胃, 好嘔心...........兩個主菜都有十幾款選擇, 話越式其實唔係好越, 不過一早都知呢間野係咁,叫左個越式手撕雞同粟米班塊粟米班塊黎到既時候..........咦........粟米湯班塊............好有創意.......從來未食過粟米班塊會分開班塊同米湯....係湯呀, 唔係汁!! 水到咩咁, 一D 粟米味都無既然後手撕雞, 普普通通既手撕雞, 有D 蘿蔔絲青瓜絲咁, 無咩味其實真係算, 我可以自己加魚露有D 味咁......點知..................食都一半...........驚嚇既事黎喇!!!!!!!!!!咦喂, 大佬!!!!!!! 有骨既????? 仲好大舊!!!!!!!!!! 成個雞殼放響底置住...........痴痴地架, 仲要有血, 成件事變得幾血腥!!!!!!! 好恐怖!!!!!!!!!!!!!!!!!!!!!!!!!!!!!!

今日中午同阿媽帶住1個小朋友同一個bb，入到去冇人理，要自己揾位，當坐好左有一位 侍應叫我將bb車推埋一邊 ，咁我咪照做囉點知當我行緊嘅時候另又有另一位侍應再想同我講，叫我將架bb車推過去，咁我說了一句，個位侍應不停係到鬧我，仲係咁叫我打拒，咁我米同拒講叫拒經理出來，拒仲叫我打拒經理，最嬲係拒仲講粗口鬧我阿媽，做飲食行業拒自己唔啱，仲要鬧客，跟住有其他待應只叫我唔好 嘈，所以我以後唔會再幫襯佢哋😡😡😡😡😡

記得初初開張嘅時候去試食，錯漏百出，當時都體諒佢新開可能好多野都未完善。後嚟錯漏少左，都鍾意去食下午茶餐，特別係越式河粉。試過配鹽焗雞，嚟到嘅係一堆斬到爛晒嘅雞碎，好多雞皮。算，我都唔係特別鍾意食鹽焗雞，中過伏就唔再叫。多數都係叫牛腩河，但慢慢我就唔知自己係唔係叫左牛油河，啲肥油愈嚟愈多，多到可以砌幅地圖出嚟。連我唯一鍾意食嘅野都差到咁，真係搞到唔想再嚟。大大啖，夠晒肥美油，全部都係油至於杯咖啡呢，味道正常，只係嚟到好似已經比人飲左幾啖咁

叫咗個香茅雞翼河粉， 來咗兩隻唔熱又油淋淋嘅雞翼拼扎肉...（點解雞翼粉會有扎肉呢？） anyway 粉雖然夠大碗但湯冇味，食咗一半都冇就要停🤚。 sorry 以後唔會再來。

星期日我們一行三個大人再加一個bb去這間餐廳到食越南嘢，第一次食，我們叫咗個生牛肉湯河粉， 鹽焗雞飯， 咖哩牛腩煲飯， 凍檸茶，兩杯熱檸蜜 。個生牛肉檬粉冇特別，普通野，味道一般 ，個鹽焗雞飯，好鹹，好重味精， 個咖哩牛腩飯好味，但是好快已經乾晒汁，一早叫服務員幫我整熄火，但無人理會，當時時晚上六點鐘，不是繁忙時間，不是好多人，等左一陣服務員先幫我潑熄啲火。服務好差，唔理會我，最後個咖哩汁冇曬，無晒汁唔可以送到飯，啲執乾曬同埋啲牛腩得兩嚿，好少餸，一夠係牛腩，一個係肥豬肉，，杯熱檸蜜超苦，完全飲唔落，檸檬唔靚，服務真的很差，食物好差，我們座左15分鐘就走。我們食左150元，價錢完全不值。

以前去食過下午茶，沒什麼太大感覺，跟一般茶餐廳一樣。今天同屋企人去食晚餐，嘢食麻麻的，沒有太多選擇。尤其是某哋店員態度極差，今時今日這樣的服務態度餐廳只會越做越差，下次不會再去幫襯了。如果不是至少要一粒星先可以發表，我一粒星都不會比。

前幾日經過彩園廣場，上到上層搵嘢食，食厭左間韓燒，見到隔離有間越南野心思思就入咗去食，係出面見到嘅時候見到有啲人食緊邊爐，望落好似好吸引咁，但我最後只係叫咗湯河粉同埋蝦餅。原本都幾期待，嚟到嘅時候都幾大份，但係就冇想像中咁好食。啲肉質比較老，但係都仲接受到。不過如果講抵食都真係幾大份，自問都幾大胃口都食唔晒兜粉。

每次來到都感覺到愈來愈差，應該唔會再來這間舖，今日侍應招呼差兩碗白飯竟然可以凍到生冷降地面有油漬，差點跣到跌低食飯期間見到侍應倒瀉湯汁都唔會即時抺，執完枱後，座位濕咗又唔抺乾，真的見不到還是粗心大意，希望佢哋會改善不過我都應該唔會再來幫襯，寫食評最少要200個字才能評分，真不知道是偏幫這些店舖還是阻礙其他人寫劣評，真的不好食、招待差真的不好食、招待差真的不好食、招待差真的不好食、招待差真的不好食、招待差

第一次食，兩個人叫咗半隻鹽焗雞套餐，串燒波蘿+豬肉各一串。 半隻鹽焗雞份量十足， 串燒菠蘿好味， 仲有杞子桂花糕甜品， 熱咖啡好有質素， 唔使一百蚊找數~抵食又好食！ 會再幫襯！

某日有事要嚟上水，但最緊要醫好咗個肚先。見到呢間越式餐廳價錢幾抵食，就入咗去食了。呢度除咗有越南菜，仲有普通港式炒粉麵，滿足到各人喜好。我就揀返越南菜啦，嗌咗個火車頭湯河，入面有肥牛、牛𦟌、牛丸等等，牛有牛味，牛丸彈牙；而湯底香濃，配上金不換香味清爽；而且份量頗大，一碗已經好夠飽。另外我仲加配咗個安南春卷，春卷皮酥脆，餡料係肉絲、菜絲、木耳絲等等，加上酸酸甜甜辣辣的醬汁，味道更夾更好食。整體味道不錯，服務都OK，晚上有火鍋，附近應該都多家庭客會鍾意食。

今日要到上水工作，經過看見午市套餐款式很多，便走進試試看～或許剛剛正午，不算太多食客，可自由選位。每逢第一次到訪越南餐廳，我習慣會點「火車頭河粉」（可跟其他餐廳比拼下嘛🙃🙃）食物不消十分鐘就上菜了，有效率👍先說賣相：大碗，但餸菜偏少，每款肉丸只有一粒，生熟牛肉各一塊；相反，河粉份量多，必定夠吃！味道方面：湯底不算太重味，但偏油，建議餐廳可增添香茅油、魚露等吊味，肉丸爽口彈牙，牛腩最為好味、很入味，可惜只有一塊。另外，喜歡吃芽菜和芹菜的朋友，可到自助吧增添（因為湯粉本身沒有的啊⋯）整體來說，午餐尚算抵食，餐點平均$45-50，便能吃到大大碗的河粉加飲品。

早幾日天氣潮濕悶熱，個人冇乜胃口，想搵啲開胃少少嘅嘢食吓。醒起樓下商場有間越南菜，好似越南菜比較開胃，就過咗去食了。雖然已經下午茶時間，但好似都幾多客。冇乜胃口嘅時候最好就係食撈檬～我叫咗個春卷撈檬，仲加咗兩串串燒。撈檬用加埋個甜酸汁先好食。配料有好多菜絲、花生粒等等，食落爽口。春卷都好食，但餡料味道偏鹹，要食返幾啖麵中和返。另外估唔到串燒都幾好食。我叫咗一串牛肉一串豬頸肉，牛肉肉稔，咬落去都多肉汁；豬頸肉多爽口多汁。飲品揀咗薄荷青檸梳打，食完飲完舒暢返了～不錯的越式餐廳，下次會再嚟。