稻成京川滬 (新都會廣場)

Open Now

Now Closed

之前就想試依間上海菜館 但幾次嚟都大排長龍 今次特別排隊試一試 酸菜（前菜）鮮雞湯雲吞😻😻😻依個雞湯好清甜 好似魚湯咁奶白色 啲雲吞既size都幾大一粒 我好鍾意食依個雞湯雲吞 我連啲湯都飲哂😂😂😂 小籠包（四隻）😺😺夾起粒小籠包已經feel到有好多湯汁 食小籠包 最緊要就係啲湯汁 依款小籠包既湯汁有好重既冬菇味 👍🏻👍🏻夾埋啲肉汁 四粒食食下真係唔夠喉😂😂😂 可以再encore🤤🤤四川宮保雞丁😸😸辣得黎但係味道仲有酸酸甜甜 而啲甜味好似係因為落咗蜜糖 但依個宮保雞丁唔算太辣 食得到小辣既朋友應該會覺得唔錯☺️排骨擔擔面😽擔擔面既湯底有好香既花生味 排骨炸得好香脆 就算擺耐左少少都仲好脆口😋😻桂花糕😼😼

那天工作關係，出去做完野就大夥兒去食野，時間關係，我地揀左呢間黎食青城山素腐坊正正常常雞絲拌粉皮又係正正常常螞蟻上樹加左雪菜，有點怪怪的，不過都好食既奶油津白好creamy,cream到一個古怪既地部水煮桂花魚我好辣，但不好麻辣，因為香港既麻煩都只有麻，但辣同香好少平衡到... 但呢個都有既，但以水煮黎講，我只會話佢平衡，但唔算好辣，如果再重口味尐就會更好食. 不過平時唔會叫既我，因為我只好下面既大豆芽同薯粉，幸好那天同事好的是魚... 對於喜歡食cheap野既我黎講，實在太好了~ 稻城小籠包/ 稻城蟹粉小籠包蟹粉個個都唔蟹粉，正常個個又無咩特別... 湯亦唔算好多，無特別亞丁津白春卷可能佢菜多，春卷比較濕，所以相對口感唔夠脆香四川擔擔麵一上黎... 個色淡到呢... 再食... er... 唔得囉....嫩雞煨麵你估佢唔到，佢呢個個味係濃過個擔擔麵! 而且仲要係好食既! 佢個“雞湯”雖然有點“史雲生/享氏”個類，但兩個麵比較，係佢好食好多!Overall, 我自己唔會再黎，因為真係唔覺佢有咩好突出既野，水煮魚都應該係佢地既signature之一，但真係未到個個用黎做signature

是晚晚餐選址新都會，食京川滬菜，在平台花園對出就係，易搵又有靚景，裝潢多選擇，有大枱有包廳又有卡位而且金碧輝煌，安排的座位也好大好舒適。左思右想，揀咗巴蜀口水雞丶鳳梨咕嚕肉丶小籠包同排骨擔擔麵。先到小籠包，熱騰騰，皮薄餡靚，湯汁飽滿，好味非常~不久就來了鳳梨咕嚕肉，不得不讚賞，用鮮菠蘿同蕃茄作醬汁，炸得酥脆香口，甜酸度拿捏準成，就算汁炒了也不減香脆度，一定要叫白飯送~排骨擔擔面也是水準之作，排骨係另上～湯有麻香和微辣，有酸菜碎同肉碎灑於湯面，麵條係幼身麵，夠腍夠滑身。排骨係炸豬排，好大件，而好厚身，夠鬆軟且不油膩。　最尾先嚟口水雞，份量👌，凍食口感Q彈爽滑，辣度適中且不會過鹹，空口食也👌，最後甜品係杞子桂花糕，晶瑩剔透，好多桂花，除花香仲有淡淡的杞子酸甜，可作解膩～今次叫的成品也很好食，份量👌，服務周到，而且仲有2～8人的套餐優惠組合，如果啱食，都幾實惠

朋友好喜歡吃小籠包，我們到葵芳附近搵餐廳吃飯，第一次吃稻成，因為訂左位同埋早吃飯，未有太多人，我們兩坐了很舒適的卡位吃晚飯。 前菜：爽口疏菜 老成都夫妻肺片必吃之選，調味出色。😋稻成小籠包小籠包皮簿餡靚又多汁，很好吃。🤤四川擔擔麵份量真係好多。😂擔擔麵調味清淡，吃太多重口味野，配番個清新口味的四川擔擔麵，都是不錯的選擇。 瓦屋山龍抄手 紅油抄手皮滑餡多，調味不錯。 高力豆沙內餡紅豆又香又綿，很好吃。熱豆漿 第一次飲豆味香濃，甜度適中的熱豆漿，大推薦。👍🏻👍🏻

黎葵芳想食北京填鴨可以一試依間，一坐底就好快上左茶同小食，小食另設收費如果唔想要可以同職員講聲。雞絲粉皮先叫冷盤，麻醬味道濃郁突出，雞絲加青瓜同粉皮，口感味道岩岩好👍🏻北京填鴨配有大概十塊饃皮，同一般食片皮鴨一樣，都有齊青瓜、京蔥，同埋醬料，值得一讚上店饃皮夠薄身同熱，食完完全唔會覺得濟，兩人份量岩岩好，如果多人可以擇套餐組合另外同出面一樣佢係可以選擇二食，叫左鴨肉炒韮菜，味道香濃，配埋個湯麵就岩曬甜品豆沙窩餅，一上台係熱既，香口唔算甜，不錯

葵芳新都會有間上海菜，平日都要等位，應該相當唔錯。入邊地方都幾大，坐得幾舒服，服務又周到。當然要叫小籠包，小籠包一客四件，皮薄餡靚，而且夠多湯汁。小籠包整得幾出色，熱辣辣好味。糖醋魚塊酸酸地，而且魚肉夠林，外皮炸得幾香，仲有洋蔥、青椒、蕃茄等配菜，都幾豐富。魚塊每件都幾大件，都幾抵食。酸辣湯麵份量非常之多，味道唔算太辣，容易入口。煎鍋貼煎得幾香，入面亦都有湯汁，味道唔錯；不過我就覺得個皮厚左少少，但係都幾好味。叫咗咁多嘢食都係$300左右，抵！

今日去葵芳唔掃街，想食啲暖既野，一入門口見到呢間上海餐廳，又可以望到外面，仲有大大個酸菜魚餐牌，即刻吸引左入去～中式既設計，餐牌擺放有心思，而且每枱都有保暖既水壺，非常貼心！一座低就有碟少少地既泡菜，食飯前開下胃，估唔到味道不錯！乾煸四季豆$78每次食上海野都中意叫四季豆，差唔多係每次必叫之選，呢度既四季豆走油用猛火爆過，外層香口又軟身，四季豆無草青味又無渣，肉粒調味剛好，唔會太咸，配上四季豆食更惹味！稻成酸菜鮮鱸魚 $198大大碟既酸菜魚，上枱時出曬煙，鱸魚炸得非常金黃，大量酸菜鋪面酸味十足，食落仲有辣椒同胡椒既味，酸中帶辣，個人食完暖笠笠，無簡錯！魚肉非常嫩滑，而且無骨，男女老少都岩食！魚頭魚尾都炸得非常脆身，無腥味，吸左酸菜湯既味更正！稻成小籠包 $42招牌推介既小籠包，粒粒分量十足，配埋薑絲黑醋上枱，小籠包皮薄肉厚，係外邊已經見到入面既湯汁，湯汁豐富鮮甜，多汗到一匙羹滿都未流完，肉非常香口，配埋黑醋更添風味！正！稻成一口臭豆腐 $58做唔到會有臭豆腐食，一口一粒，份量十足，上枱已經聞到臭味，配埋甜醬上枱，非常有街邊小食既感覺！臭豆腐炸得非常香脆，再沾埋甜醬，臭得黎甜甜地，十分好

年近歲晚，四出購買物資添置新衣，在新都會商場shopping完後，就搵間上海野食，呢間鋪頭出面大大個招牌宣傳酸菜魚，於是就入去試試。✨稻成一口臭豆腐 $58✨名乎其實臭豆腐，上檯時已經聞到臭豆腐味，炸得乾爽脆口，而豆腐夠熱夠滑，沾上甜醬絕對是一碟美食。🌌川揚鮮肉煎鍋貼 $48🌌煎鍋貼外皮不算厚，肉質嫩口甜香，但略嫌肉汁不夠。🌠上海小籠包 $42🌠小籠包的湯及肉汁非常多，新鮮出爐熱辣辣，同樣地豬肉餡料嫩滑香甜，皮薄但沒有漏湯，很好。🎇乾煸四季豆 $78🎇上海鋪之特色，惹味得黎又帶有甜香味，肉碎加上四季豆簡直就是絕配，色澤亦很吸引。🌌稻成酸菜鮮鱸魚 $198🌌主角酸菜豬上檯，攻鼻的酸茶魚令人流哂口水，鱸魚頭及尾煎香，而魚身的肉經已拆成一片片非常方便，魚肉質感嫩滑，幾乎沒有骨，上湯酸中帶少許麻辣，非常惹味，最後配菜酸蘿蔔及酸菜亦很出色，整體感覺都不錯。✨高力豆沙 $42✨最後當然少不了甜品，高力豆沙質感似梳乎厘，食落口很有空氣感，軟綿綿的高力豆沙甜絲絲，紅豆作餡料，較有特色的一款上海甜品。總括而言，呢間上海鋪的食物都相當有水準，味道不會令人失望，而環境及服務都非常舒服，總體很滿意。

今日lunch去咗食呢間稻成京川滬之前見經過見到都幾Full所以今日特登早啲嚟十二點已經到咗所以冇乜人入面環境幾乾淨闊落 坐得幾舒服好光猛呢個lunch set除咗有小炒套餐仲有麵 二人餐同埋四人餐如果嗌Lunch set仲免埋茶芥糖醋魚塊 $88如果嗌小炒套餐仲會包埋一碗白飯咁我就加咗12蚊加咗罐汽水魚塊好大舊食落夠晒嫩滑糖醋嘅酸甜味整得啱啱好唔會太濃好彩仲有蕃茄 青椒 菠蘿同埋洋蔥都幾大份lunch絕對夠食韭黃鱔糊湯麵 + 油燜小竹筍 $88個湯麵真係好大碗份量好足湯底淡淡地冇乜味精味個鱔煮得幾好 同埋好多韭菜食落味道偏濃 可以配返個淡淡嘅湯底竹筍比我想像中大份幾有咬口

行開新都會廣場，見到門口show既北京填鴨好吸引呢，7點去到都唔駛等太耐位😍一坐底就好快上左茶同小食啦，咁我地可以食住d野慢慢簡野食👍🏼。 環境好唔錯，坐得好舒服。首先叫左半隻北京填鴨，佢會配埋十塊饃饃皮～ 同一般食片皮鴨一樣，都係將所有既配料包住😂。值得一讚佢既饃皮夠薄身，食多幾舊都唔會濟👍🏼 佢啲份量都唔少呢，兩個人食完都好夠👍🏼稻成小籠包。皮薄包到肉汁，唔錯！弄堂蔥油餅。呢個超飽🙈最近埋單兩人食左350$，一人唔駛200有咁舒服既環境同好既服務質素，值得一黎

新都會廣場裝修完之後多左好多新食店，不過我最喜歡的還是上海菜！稻成京川滬都對正我胃口，餐廳裝修頗精緻，座位很寬躺。我地今次座卡位，卡位旁邊有個鐘！襟一下個鐘就會有侍應過黎，非常貼心由方便的設計。食京滬不得不點的就是小籠包！！除了小小籠包我地仲叫左砂鍋華亭雲吞雞同高力豆沙！兩人食分量也差不多了。稻成小籠包：熱辣辣的小籠包湯汁豐富，肉餡滑嫩適口而帶鮮！點上醋食一點都不膩口！真係食幾多個都唔會厭！華亭雲吞雞：上菜的時候鷄和雲吞是分開的！我們先吃了湯與雲吞，最後再將鷄放進入湯裏面。雲吞肉汁豐富，而且外皮很薄！令人驚艷是那鍋雞湯！湯頭味道濃郁且鮮味無比，鷄肉嫩滑!!很值得一試。高力豆沙：面頭撒滿糖粉的高力豆沙很像雪人一樣，蛋白入口棉彈，而豆沙甜度剛剛好！令人滿足。

今日係新都會見到餐廳們外面的北京填鴨相已經好想食！！幸好朋友都鍾意食京菜。餐廳裏面的職員都好有禮貌，令人印象不錯。我地叫左半隻北京填鴨，窩荀同酸菜魚。北京填鴨：填鴨外皮的色澤光亮吸引，包上京葱，青瓜同醬汁一齊食味道極好！！！首先外皮外脆肉嫩，味道甘香而且能做到肥而不腻！我想我地叫一隻都食地曬啊。酸菜魚：酸菜魚的魚肉一般使用鱸魚，如果食落更嫩口無骨的話可以價錢轉最桂花魚。桂花魚的魚肉白滑鮮嫩，蘿蔔酸酸甜甜很開胃，酸菜也很爽脆。魚湯奶白甘醇味道鮮甜不油膩。正！！！窩荀：窩荀口感脆嫩，清炒後味道清甜可口最後還叫左我最鍾意的豆沙鍋餅！！！實在滿足。

今日嚟咗葵芳，選擇左呢間食中菜嘅地方，環境都幾大幾闊落。我哋仲有得坐包廂添！叫咗酸辣湯，材料都好充足，不過略嫌唔係好夠熱，可能天氣太凍啦！北京填鴨半隻，兩個人份量其實都幾多，仲包埋10篇饃饃皮，配埋青瓜同蔥一齊食，好正！填鴨皮亦夠脆！如果有埋蠟燭喺下面暖住更佳！中菜點可以少得叫小籠包！上菜時熱辣辣，皮薄餡靚，入面夠晒湯汁，值得推介！酸菜鮮鱸魚，湯頭唔會好油膩，鱸魚份量都幾多，食落唔似”拿”左好耐嘅魚，仲有淡淡麻香味，酸菜唔會好重口味，就咁食都好正！

鍾意食上海菜，四川菜之類嘅呢間質素都算高嘅，不過價錢都幾貴，真係過時過節，親朋聚舊先敢去，唔係就太肉赤。因屋企人鍾意食呢間，所以不時都會去，平時都坐出面啲位，點菜上菜收碟嘅速度同服務態度都算到位同流暢，唔會話食到背隻骨落咁。不過最近去嗰次就有啲唔愉快經驗，當晚全家總動員出去幫阿媽慶生，咁有機會第一次坐入包廂，原本仲幾高興覺得個裝修幾靚，但係襟極鐘都冇人應(包廂位特別有個鐘仔畀客人襟嚟呼喚侍應)，揮手啲侍應一係扮睇我唔到，一係就叫我襟鐘話有人會應，結果搞咗差唔多成30分鐘至落到單，心情已經唔係咁好, 之後唔知點解食緊嗰陣啲侍應突然好勤力咁過嚟收碟，你碟餸上左唔夠20分鐘，我仲有成一半多啲未食完，點解啲侍應會「誤會」我已經食完可以收碟呢? 啲侍應幾乎每5分鐘就過嚟想收碟，佢地唔係單純用眼望吓睇吓有冇碟收嗰隻，而係真係出手想攞走我碟仲有一半有多餸嘅碟。。。我記得當晚同一碟排骨我至少講左3次「唔好意思，碟嘢未食完」，然後個侍應至冇收我碟餸(我冇留意係咪同一個侍應)。。。啫我明白晚市客多急要枱，但我都係客嚟，可唔可以專重返啲，等我好好食完先呢? 認真講，好地地食餐生日飯食到咁唔開心，以後會少幫襯

稻成開張時試過一次, 當時只覺不過不失,所以之后都無再幫襯. 昨天朋友有點想食上海野,米說去稻成. 菜色改善很多,點了個2人餐, 黃金蝦肉質很彈牙及很大隻. 豆苗很嫩,朋友很喜歡. 食物質數明顯比開張時好,否則當時為什麼没再回頭而服務十分好,Sylvia服務很貼心,會自動安排你食完前菜,叫起菜才上主菜,不會好像迫你快些食完交枱. 成餐飯令你很舒服. 講真約朋友出街,你估真係食餐飯咩,主要是出來吹下水relax下. 所以地方和服務佔分也很重要的. 今次比個like佢