稻成 (新城市廣場一期)

Open Now

Now Closed

友人推薦這間酸菜魚，說很好味，所以就來試試，這店推出好多套餐選擇，我們就選二人套餐。在中午吃的時候人流不算多，不用排隊就可以直接入去坐。環保舒適，服務員態度不錯，會推薦它們的特色賣菜給我們。首先是點心，這是稻成小籠包，皮薄，一咬就內有汁液流出，好好味。到涼菜就點巴蜀口水雞(微辣)，肉嫩口，味道不錯，雖然菜單上寫有微辣，但完全辣味也沒有。蔬菜是點了火腿奶油津白，奶油津白偏多偏杰身，沒有什麼味道，我不太喜歡吃。主菜就點稻成酸菜鱸魚(少辣) ，魚肉嫩好味，辣味適中，好配搭白飯一起吃，不過魚身不算太多肉，份量比較少，個人覺得一般，不太吸引再回吃。最後甜品是高力豆沙，內餡豆沙份量多，雖然高力外皮鬆軟，但甜味不足。

酸菜魚走辣仍然辣，魚和湯鮮味和酸菜味欠奉。黃金蝦份量偏少，肉爽但只得濃濃的咸蛋黃味。片皮鴨不但冇香味，還有濃烈的羶味。服務混亂，介紹菜式時不主動說明要多加的價錢。等位時不說明過了號碼籌，要多等候15分鐘。酸菜魚先上錯有辣椒，所謂幫我換過只係拿掉辣椒(所以仍然是辣的)，之後再上錯有薯粉，白飯需催促多次才有，只得小籠包有汁好味 ... 總的來說，價錢貴夾唔好食，一定不會再幫襯！（請留意一期泊車沒多一個鐘優惠）😑😑😑

〰️稻成酸菜鱸魚 $238辣度預設左中辣～我就覺得唔太夠辣魚肉鮮嫩，食落仲有淡淡嘅香料味！絕對唔會腥✌🏻另外加左$28加酸菜薯粉酸菜好送飯薯粉我就覺得一般般，太淋🙁酸蘿蔔麻麻地，同我之前係四川食到嘅味道好唔同〰️鮑魚茶樹菇炆雞 $238就咁睇感覺好似好少咁，但其實佢個碗有啲深度茶樹菇份量好多！可能因為佢係用石鍋，（即使送到上枱都係喺度慢煮緊）所以某啲雞件有啲老芡汁較濃，但同時可以緊緊黏住食物😋所以無論蒜頭、雞、鮑魚或者茶樹菇都好，都好有味！〰️前菜 $28所謂嘅前茶就係炸黃豆同埋花生🥵掂都無掂過，最後先知收咗$28🥶〰️茗茶 $20 （每位）不過暫時都唔會回頭，因為呢個價錢仲有好多性價比高嘅可以選擇～〰️〰️📍 稻成 (沙田)沙田沙田正街18-19號新城市廣場第1期第1層112號舖

首次幫襯這間開業三個多月的稻成先不講食物水準單單是服務就令我覺得錢是花得非常開心年青服務員Yoyo及Eric殷勤有禮的程度令我覺得他們非常熱愛這間餐廳及這份工作感覺就像餐廳是他們自己生意一樣食物方面也是很好我們選擇了一個二人套餐另外散叫了兩隻冰鎮鮑魚及一支300ml的39獺祭冰鎮鮑魚肉質不柴而且非常稔滑奶油津白不但份量夠多而且非常香甜高力豆沙不油膩之餘也不會過甜雖然中辣的酸菜魚無論辣度、麻度及酸度都不夠而且所用的只是鱸魚不是桂花魚但是也能滿足口癮吧很欣賞餐廳會以小蠟燭保持酸菜魚的溫度而且還會主動加湯買單人均$600總括來說這是非常滿意的中價餐廳之選下次也會再來

今晚同朋友兩人一放工就去食，所以時間都係好早，我地6點已經開始食，人未算太多，但入座的時候，已經講左用餐時間只有90分鐘。我地兩個人因為唔太肚餓，最主要係想食酸菜魚，所以淨係叫左兩碟野食。*雞絲粉皮*芝麻醬好香，粉皮夠軟酸菜魚🐠味道係好，同埋魚的份量都夠，但唯獨覺得唔夠辣，我地的湯底係中辣，但感覺連小辣都無！係唯一失望的地方

新城市開咗一間酸菜魚同同事經過就決定試一試可能啱啱開張，無乜人排隊入到去環境寬敞，我同同事兩個人，安排咗我哋兩個坐一張大枱睇完Menu之後決定嗌個二人盛宴💰458/2位點心-小籠包小籠包皮薄多汁涼菜-蒜泥白肉蒜泥白肉同我哋喺出邊食米線既好唔同個汁呢酸酸甜甜，唔係好食得出蒜味但抖不錯有驚喜主菜-酸菜魚酸菜魚偏酸比較唔辣，湯頭鮮甜，超級送飯蔬菜-蟲草花炒翡翠苗呢個我超唔建議嗌啊，因為真係好清淡甜品-豆沙鍋餅豆沙鍋餅有小小厚身似食豆沙pancake多d

<前菜 $28>唔要就早啲叫人收返<稻成酸菜爐魚 $238>選了少辣🌶第一口魚湯有淡淡的酸菜味當花椒粒和乾辣椒浸到湯之後麻辣味越來越出味越食越香魚質幼嫩一片片魚肉，無骨當中亦有頭、尾、魚胶好多舊酸菜，充滿口感和味道可以再光顧再食一次<蒜泥白肉卷 $78>冷凍的青瓜腩肉卷當蒜蓉辣汁另上時他就沒了靈魂，只是一舊凍豬肉無豬味，無特色<陳醋伴老海哲頭 $98>陳醋香海哲頭爽口彈牙酸酸開胃作為解辣的冷盤一流<亞丁鹹肉炒飯 $98>鹹肉小丁粒不多正常發揮的炒飯<高力豆沙 $58>軟棉棉的鮮炸高力一茶匙的紅豆沙餡味道合格如果想拎distinction，裏面加兩片香蕉會更香<五彩芋圓冰粉 $58>山楂粒、花生碎、提子乾、芝麻清清的冰糖水清洗口腔的濃味水潤的冰粉解解口渴大大碗，CP值提升🪑放工時間，商場內大部分餐廳都要排隊等位落車時先用新鴻基app取票7點，等3張枱，用左45分鐘左右Ps 原來亦可以用the GULU app取票

這裡吸引我的是有魚吃，它的松子魚及酸菜魚是廣告賣點第一次來，先試酸菜魚，下次再吃松子魚，想吃片皮鴨，燒爐竟然壞了～～經理介紹黑蒜牛肋骨，一整條骨上枱，哈哈😄，不會重用吧‼️我們一向都不會叫套餐，但侍應姐姐不停勸誘說午市套餐好抵，signature 菜式都吃到，散叫唔抵～～～（她老闆聽到會怎樣？）當然我們很隨和的，點了套餐加條牛肋骨～～先來的前菜花生🥜和什麼豆豆，吃不出來啊～很大碗，後來連餸一齊包走 .... 不浪費啊‼️否則他們都是丟棄的～～重點酸菜魚也是很大個碗～～～味道很好但個底似乎沒什麼東西，別家的有很多椰菜、粿條在底墊住魚塊，吃完都很飽，這間想我們再點其他東西吧⋯⋯我們坐下來，經理就介紹黑蒜牛肋骨，因為沒有片皮鴨吃啊‼️朋友沒有肉吃會暈的～～整條骨上枱，這個道具常被誤會會重用又重用～～～我覺得牛肋骨味道不錯，但肉就太肥啦‼️朋友就覺得太甜，肥牛就啱心水，各有所好，真難配合每人口味‼️炒花椰菜和擔擔麵都有少少辣，少點油會更好吃～～小籠包有一般水準，高力豆沙的餡太少了，不過炸得好靚仔～～

疫情下，小出街食飯，喺新城市見到廣告牌見到開左新分店, 去得一定食酸菜魚（雖然廣告牌上寫好吃不止酸菜魚），大約2點鐘左右過了繁忙時間。 餐廳接待員姐姐有禮（帶左口罩是感到笑容的）, 待應生姨姨推介二人午餐。 點心小籠包的肉質較乾, 一口咬也沒有多餘的肉汁流出...香辣花菜又炒得幾好食，送飯一流，微辣蒜泥白肉卷蒜香濃郁, 肥而不膩既五花肉主菜酸菜魚選擇了中辣（其實我下次一定叫大辣😂🤣）但其實食酸菜魚係食酸...但個人口味因人而異用蠟燭暖住酸菜魚，不錯的念頭😂🤣飯都食唔哂高力豆沙外賣咗返屋企味道不錯不會太甜環境不錯地方都好乾淨同埋職員都好有禮貌愉快用餐🥰

21/4/2021 星期三，我哋三人行，好耐冇嚟沙田了，大家都想食酸菜魚，嚟到新城市廣場，見到這間「稻成」以酸菜魚做推介，咁就一於試吓喇。侍應們好nice，介紹我哋叫二人套餐，而酸菜魚仲可以走辣，啱我😊套餐揀咗：小籠包，夠肉汁。蒜泥白肉卷，用白肉包住青瓜，夠晒爽口！酸菜魚（走辣），大大鍋，好多魚肉，酸菜魚湯撈飯，好正。火腿奶油津白，好味。豆沙鍋餅，不太甜，好食。另外，見到餐牌有 北京片皮鴨，由於好耐冇食，今日就叫一隻北京片皮鴨，滿足一下啦！皮脆肉嫩，好食呀！仲有，孜然手抓排骨，又好吸引喎，一碟有3條，剛好一人一條，忍唔住，加埋這一款啦😋最後，食過豆沙鍋餅之後，又心思思想食埋 高力豆沙，因為這兩款甜品，係甜品孖寶，不可缺少。餐廳環境舒適，侍應們好友善，招呼周到，今日好好享受了一頓美味午餐，大滿足！

復活節假期來到等位已經七點幾！真係似與其等咗差唔多一個鐘！入座後每個待應都sell個餐牌套餐!一家四口普通家常便飯，望個餐牌加埋一都要$2000！而且啲內容都唔係話真係咁啱食！立刻Say No!今次叫咗馳名酸菜魚$238，仲加埋薯粉$28非常超值！另外叫咗雞絲粉皮，皮蛋，咕嚕肉，蟲草花炒翡翠苗、小籠包、銀絲卷同澳洲和牛炒飯！當中個炒飯我覺得係必點！份量適中！而且質素唔錯！雖然唔知係咪真係咩澳洲和牛，但起碼食落有口感！個人覺得酸菜魚同呢個炒飯最出色！其他都普普通通！唯一個皮蛋嗌咗有啲後悔，非常之少！唔知點解有舊木要你鐘碎！咁咪一劈野冇得食囉😌

點了套餐人再加餸四人餐，四個人食都好豐富，好豐富！2點心2前菜2主菜1雲吞雞1炒飯1菜1甜點酸菜魚遇上油炸鬼酸菜魚普通辣平時不食得辣既，都食到魚肉滑，份量多油炸鬼脆而不油👍🏻👍🏻配上酸菜魚汁是相配的黃金蝦球金沙滿滿脆口而不油好好味！花膠雲吞雞食到👅👅一般雲吞雞已有膠膠地口感加埋花膠真係不得了飲過最好飲的雲吞雞湯雲吞肉滿，不錯👍🏻黑蒜牛肋骨（另點）好大條骨，亦很多肉牛肉與骨膠原接近七三比例和牛炒飯不像和牛，普通的豆沙窩餅餅薄香脆整體用餐體驗很好！會再次來的。⭕️全店職員戴上口罩 ⭕️進店前量度體溫 ⭕️提供酒精搓手液 ⭕️座位間有膠板相隔

星期五太多人排隊 等左個半鐘都食唔到特登星期日早小小黎攞飛 終於等左30分鐘就食到每枱都會有一盤既收費前菜香炸蝦膠藕片: 非常油 唔太推介呢個 酸菜爐魚 外加左28蚊薯粉: 味道夠酸辣 薯粉是較幼身那種 都算值得一試辣子雞: 雞粒細小 份量都少 而且不夠辣 以138蚊黎講 cp 值都幾低最後以561蚊埋單 老實講呢間餐廳菜式只屬一般🙈🙈 如果係要排隊等1個鐘以上 應該就唔會再黎啦唔知道係餐廳太忙 定係員工新手 全餐飯 員工都出現過幾次大頭蝦事件🙈🙈落單 加水 上菜都試過去左隔離枱 行過又試過唔小心撞到張枱 臨走時仲聽到職員唔小心碌左隔離枱張信用卡兩次🙈

一入去話有bb就問使唔使要乜要乜仲安排咗個包廂位坐服務不錯。仲送咗個小玩具比bb玩幾好。叫咗個二人餐加隻片皮鴨。紅油抄手。唔辣。都幾香。塊皮唔多唔厚。不錯。蒜泥白玉。少少辣幾惹味包舊青瓜幾refreshing前菜醒胃。小籠包。皮薄但唔會一夾就穿。有湯汁。熱辣辣。不錯。一隻片皮鴨。皮脆唔會太肥膩。十分香口。底層鴨肉唔會好鞋。一塊包皮一張紙唔會痴到爛晒。都係薄薄一片。幾好食。蟹粉豆腐芋頭煲。唔算多蟹肉。無乜蟹粉香味。芋頭都粉嘅。可以。魚肚羹。有金菇絲。腥腥哋。因為無咗餐嘅羊肚菌螺頭燉雞湯轉。所以not good奶油津白。有奶油味。滑滑地配埋娃娃菜。正。可惜份量唔多。最後甜品高力豆沙。唔夠糖粉。唔夠豆沙。食到面粉原味。總結片皮鴨係不錯的。二人餐就可以再諗諗先叫。咁樣都夠四個人食。只能說這是片皮鴨的威力。

年初四嚟食個午餐，出門口就經商場app排隊，時間岩岩好，直接入座，安排左梳化位置俾我地，環境舒服，可以坐得慢慢食，另有種BB 椅，方便小朋友。先嚟餐前小食我地兩個大人叫左以下食物，樣樣都係水準之作，特別係抄手，真係好好味。辣度適中小籠包皮薄多汁孜然手抓排骨，有俾埋手套，食既時候就唔會整污糟手啦澳洲和牛炒飯，醬油係屬於甜甜地，炒得乾身，口感不錯。整體用餐感覺良好，可能樓底唔算太高，隔離台傾計傾到興高采烈，好嘈吵。