老爹 (Closed)

去完利東街睇完聖誕燈飾，揾下附近有乜好食，於是發現灣仔合和中心對面既 QRE plaza有間老爹daddy's kitchen,食西餐為主，坐得幾舒服，環境都幾好。要左大蝦沙律大蝦煎香後都仍然彈牙，蝦味好香！沙律菜清新，酸醋更開胃，幾正。餐湯幾濃香，夠味唔會過咸，幾正。要左份廚師推介既c9餐， 美國頂級安格斯肉眼扒配薯菜，肉眼扒大得挎張，真係有塊面咁大塊！賣相幾好，微微既焦香十分吸引，輕輕一切已經客易切開，肉眼扒好柔軟，肉質幾彈口又豐富既牛味！嫩滑得很，再配上旁邊既醬汁更帶層次感，好惹味！旁邊既薯角好脆口，食完超飽。飲品好立克珍珠奶茶，唔會過甜死甜！珍珠彈牙幾 好飲。

知道依間餐廳係新開，於是今個週末帶埋朋友過嚟試吓，你都完全有意想不到嘅驚喜，呢度嘅環境坐得好舒服，好闊落，而且服務員嘅態度非常之好，值得一讚嘅係依度嘅餐全部都係逐碟逐碟上，好平嘅價錢，可以享受到酒店級嘅服務質素，一流🤟🏻🤩全日精選: 套餐1羊架拼大蝦配薯菜 依度嘅羊肉超級鮮嫩，好香嘅羊味👅 而且肉質超級新鮮，仲有好新鮮嘅大蝦🍤仲可以配著薯菜食，同酒店食到嘅一模一樣！套餐2.廚師推介 :香煎三文魚拼大蝦配薯菜兩個套餐都有紅白餐湯、餐包，紅湯係我最鍾意嘅雜菜羅宋湯，白湯係忌廉蘑菇湯，兩個湯都好有酒店水準，湯裏便落足料，一啲都唔吝嗇㗎！❤️ 餐飲有多款任選擇，我地點咗珍珠奶茶，同柑桔檸蜜。特別推介嘅係珍珠奶茶，好香奶茶味，珍珠仲要超彈牙😊鴨肝無花果十級推介，高質！鴨肝鮮嫩甘香，無花果缺貨換上新鮮紅莓 ，配住食味道恰到好處👅

Duck liver with figs $68Unlike the foie gras u can have elsewhereWhich is heavy and bulkThis is rather slim and light in flavourPlus the fruit and salad at the sideThis makes a very good appetiser Baked escargots $785 big escargots were soaked in sweet butter potato mashI love how the mash is not too buttery and heavy that we can still be ready for the mainNew Zealand lamp chops $238Huge portionGravy is super nicely made for the lamp chopsEven better than pairing with mustardPotato wedges are st

難得收5點，行左陣利東街影燈飾就過左附近嘅老爹食晚餐。喺QRE Plaza 9樓，睇佢雅致嘅裝修，悠靜格調，真係估唔到佢嘅價錢都咁貼地，一啲都唔貴，職員服務仲好好！鮮茄海鮮意大利飯（$148配餐包餐湯餐茶），有大大粒帶子，爽口大蝦同炸魚柳，配上茄汁，醒胃好味👍餐湯無論係紅湯白湯都好足料，餐包係香脆蒜蓉包美國一級牛柳（$138），肉汁豐富，牛味香濃，肉質不un...唔洗點汁都已經係味覺享受😋😋😋香草比目魚刁忌廉汁意粉（$118），比目魚煎得金黃賣相吸油，食落有魚油香，唔錯由於份量都認真唔少，最後叫左蜂蜜綠茶同茉莉綠茶消下濟，滿足😁

今日天氣好，帶媽媽去行吓山🤣由香港仔行咗落嚟灣仔峽道呀媽話想去適合西餐 就帶咗老媽嚟食老爹環境都幾唔錯 可能夜晚會有表演🤣阿媽呢就揀咗鋸扒 好juicy!!! 連呀媽都話個扒煎得幾有口感又唔會太「un」我就揀咗食午餐嘅和牛烏冬個牛好好食！完全唔係嗰啲平時餐廳好硬嘅牛肉，出乎我哋意料都幾有牛味仲要真係要讚埋個蘑菇湯，唔係金寶湯嚟㗎！！最後講吓價錢，星期六灣仔來講都算幾抵食又有午餐🥣湯正餐再加餐茶都係$60-$100 任君選擇，Cp高！

個日行過灣仔 突然想食d西式餐廳 諗住上網搵下有咩岩 結果見到推薦咗呢間～ 本身份人都幾高要求 諗住如果唔好食就冇下次 但係呢間比我感覺幾好 所以想留個食評讚一讚～餐牌都幾多野揀 咁我自己就比較好牛 所以就叫咗份牛肩扒既set 再散叫咗份鴨肝咁佢個套餐就跟咗個餐湯 我就揀咗羅宋湯 仲送多塊蒜蓉包我食～ 羅宋湯好快到 好香 本身係重口味嘅人 但飲落都好夠味 蒜蓉包好香 細細片 做前菜岩岩好 食落都好香酸味鴨肝煎得好脆 草莓好清甜 好味到叫多次 第一件煎得真係好香脆 入口即溶得黎唔會好油 第二舊雖然冇咁脆 但更加腍同入口即溶 油香更重 68蚊黎講好扺食！塊牛肩扒叫咗5成 切落幾實淨 但食落肉質都幾軟腍 肉味好重 配黃芥末仲正 會冇咁膩 隻黃芥末比平時食嘅嘅冇乜辣味 淡啲 佢亦有燒肉汁比我揀 兩隻醬都同舊牛好夾 唔會特別搶味｜薄荷朱古力 可可嘅香味都幾重 幾香 唔鍾意太甜嘅人應該會幾鐘意 薄荷味都幾出 食完重味野再飲一啖感覺好清新之前去過d餐廳成日食完就好似想趕人走咁 呢間又唔會 成餐飯食得幾舒服 餐廳仲會播下音樂 食完都仲可以坐多陣～

老公行完太原街話同我食西餐，我心諗係咪即係茶餐廳/冰室嗰啲🙄原來唔係，真係帶我去正宗西餐廳，名字叫老爹，但一啲都唔老土我們六點就食，好似包場咁餐牌都好多選擇，我們諗左一陣先order，waiter都有催促，真好！我叫左C5 set 鴨胸肉牛肝菌天使麵老公叫精選I set 美國頂級牛肩扒配意粉我仲忍唔住叫咗黑松露薯條，之前老公再忍唔住叫咗鵝肝！跟餐個羅宋湯超級好飲！清甜得來好夠味蒜蓉包都好新鮮，熱辣辣。黑松露薯條即叫即製，新鮮熱辣，我同老公三分鐘KO晒鵝肝好厚，肥美甘香，煎得啱啱好牛肩扒老公都好滿意，有牛味又juicy牛肝菌炒天使麵原來咁好味，加埋啲鴨油好正！

🍚老爹🥢灣仔皇后大道東202號QRE Plaza9樓每年灣仔利東街既聖誕裝飾都整得好靚，今年都唔例外，知道聖誕樹整好左已經著晒燈，所以收工同埋朋友過黎感受下聖誕氣氛，影完相之後就唸住係附近搵食啦，行到街尾見到呢座QRE Plaza入面有好多唔同既餐廳，我地誤打誤撞就入左黎呢間<老爹>啦餐廳係9樓，一出電梯全層都係屬於佢地既，入到黎感覺好優雅舒服，好鐘意呢到既裝修開頭仲驚黎錯餐廳，因為呢到係灣仔區而且入到黎見到呢到咁華麗既裝修佈置，仲驚食物會好貴，點知原來價錢都好親民，精選套餐都只係百零蚊仲已經配埋餐湯，餐包同餐茶如果想豐富d仲可以揀2人套餐都好抵食架食西餐當然係先飲個餐湯啦，我揀左羅宋湯，非常足料有好多疏菜感覺好健康，另外值得一讚既就係個蒜蓉多士，餐廳係即刻整既，所以送到過黎仲熱辣辣，好香蒜蓉味好脆除左主菜以外，我地仲叫左3款小食，自己最鐘意就係煎鵝肝，好大塊之餘，餐廳煎得好香，底面都係微脆岩岩好，而入口又有即溶既感覺，好吸引另一款就係咸牛脷，記憶上我係第1次食呢樣嘢，但朋友極力推介就即管試下啦，原來都真係幾正架wo, 夠晒厚切食落有口感之餘仲有d咸香，正呀最後就係法

.🔅 老爹 Daddy’s Kitchen🔅Black Friday🈹個個fd都話買野買到大出血💸💸肥啤🧸對物質冇咩要求寧願用起食上面～😋🍽同事話食過呢間性價比幾高既餐廳即管一試啦～👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻長法包🥖未上枱已經聞到撲鼻牛油香😮烘得脆口👍🏻材料豐富嘅羅宋湯（我的最愛）令我打卡之前已經忍唔住飲左幾啖😅.. 凱撒沙律🥗$68羅馬生菜爽口新鮮麵包粒大大粒+脆口..焗田螺 $78上菜時欖欖油仲滾緊🔥🔥熱度十足❤️賣相唔特別出眾勝在起晒肉一啖一粒田螺肉+薯蓉...香煎比目魚刁草忌廉汁配意粉 $118比目魚煎得脆身 一咬落去魚油湧晒出黎😳意粉相對比較清淡簡單用刁草調味反而沒有一般忌廉汁的膩黑松露薯條$48🍟唔信邪係都要叫份黎食～(想知咩事睇番上篇)同樣幼身薯條每條都很飽滿脆口老爹的黑松露均勻地散佈在每條薯條上有淡淡黑松露香之餘不會太咸最後一杯暖暖的珍珠奶茶作結熱飲茶香更濃郁♨️☝🏻☝🏻☝🏻☝🏻☝🏻☝🏻☝🏻☝🏻☝🏻☝🏻☝🏻☝🏻☝🏻整體用餐感覺不錯值得一讚既係職員會不時為我們添加溫熱的水💓(而不是一般餐廳那些沒有溫度的白開水)

今日悶悶地諗住出去睇下聖誕燈飾，路經利東街（以前嘅囍帖街），記得每年呢個位置都系打卡熱位，去到先知原來啱啱先開始佈置，黎早左tim。既然無咩燈飾睇就唯有去搵食啦，行過Qre Plaza見有好幾間食肆，有間熟口熟面平時系公司附近都有食開lunch，價錢吾貴又好食，一於試下佢呢間個dinner先有個小舞台，吾知系咪過左疫情會有live band呢！Order左2個set dinner & 2個snacks菠菜忌廉湯，羅宋湯，蒜蓉多士忌廉湯好有驚喜，真材實料👍蒜香雞中翼 ～ ＄48焗田螺 ～ ＄78，薯蓉好好味，田螺大大粒羊架拼大蝦配薯菜 ～ ＄158鮮茄海鮮意大利飯 ～ ＄148，有帶子，蝦，魚柳，帶子大大粒又鮮甜餐飲竟然有珍珠奶茶可以選擇，重點系吾使加錢呢個價錢，呢個食物質素，吾系吾黎試呀！

收工去QRE搵食，居然比我見到呢間港式西餐進駐，為呢棟樓增添唔同特色，當然要黎看個究竟。餐牌有全日套餐，包餐湯、餐包、主菜、飲品，好似好抵食咁所以我哋就揀咗兩份。餐湯有兩款，分別係羅宋湯同埋香草忌廉湯。凱撒沙律（$68）爽脆羅馬菜，加適量嘅凱撒沙律將，上面有好多脆脆麵包粒。蒜香雞中翼（$48）新鮮滾熱辣炸出黎，所以上菜後最好等一等先如果唔係會灼個口。味道方面正正常常。香煎鹹牛脷（$48）呢個朋友就好鍾意，話好軟又惹味。羊架拼大蝦伴薯菜（$158）羊架有兩件，揀左七成熟，不過黎到就較為接近五成熟，點芥茉醬一流呀。份量都好大件，仲有大蝦添，感覺幾抵食。香煎比目魚刁菜忌廉汁配意粉（$118）條魚比我哋想像中大條，己有驚喜，個忌廉汁亦都非常唔錯，呢道菜跟意粉就最啱啦。跟餐包左飲品，我就點左珍珠奶茶🧋，朋友就點左水蜜桃乳酸椰果綠茶。我覺得我杯奶茶幾有水準，啲珍珠唔係圓形嘅而係扁形嘅，幾有口感，整體我都幾鍾意。

果日去灣仔做野，順手去搵埋個中同一齊去試呢間老爹。佢搞掂左一個大project，一路都話佢想食西餐，享受下。 因為我地之後都要翻工，就無得飲酒啦！佢地嘅午餐menu都好多選擇架，大多數都係60-80數有找，包埋餐湯、餐包、餐飲咁，但係lunchtime就要加一。整體黎講，係灣仔食飯，呢個價都叫抵食架啦！我個朋友好似做完個project就發左達咁狂叫野食，我地叫左一個 香煎咸牛脷、煎法國鵝肝配無花果、焗田螺一齊share，而佢自己就叫左一個羊架煎大蝦。而佢地嘅羊架，肉質厚實，肥瘦比例岩岩好，咬一啖瘦肉都會有肥油慢慢滲出，又唔會好肥膩或者騷，所有野都岩岩好！我就點左一個香煎比目魚刁草忌廉汁配薯菜，琴晚訓得唔好就想食少少魚補啲魚油，對自己好少少。佢塊比目魚都有翻咁上下重量，加上佢煎得好香脆，一面係焦香嘅，另一面柔軟，唔會食到周圍都係之餘，仲滲出陣陣香草味！不得不提嘅係佢地嘅位置真係好好，有大落地玻璃，地方闊落光猛，又可以睇到樓下繁華嘅皇后大道東，食lunch嘅時侯又有私隱，又有景睇，真係仲有咩可以出錯喎！而佢地嘅野食都係高水平發揮！我地叫嘅三個小菜，上碟嘅時侯都係熱辣辣，新鮮出爐嘅樣，待應生

餐廳以前只有上環鋪，果時食過印象非常深刻，今次再次幫襯，一於就帶埋朋友嚟試吓呢間位於灣仔嘅新分店。餐廳嘅裝修高雅，用嚟約朋友聚會或者同另一半黎食就啱晒，我哋嗌咗兩個廚師推介套餐。餐包係香草脆法包，香氣十足，而且很脆口。羅宋湯同忌廉湯嘅材料都非常足料，忌廉湯仲食到一粒粒嘅蘑菇粒添。兩款湯味道都非常濃郁，絕對不是稀稀的例湯。除咗主食，我哋仲嗌左焗田螺，餐廳都非常慷慨，啖啖薯蓉都可以食到田螺，性價比高。薯蓉口感軟滑，配上蒜油同埋醬汁，味道一流。比起一般用芝士焗嘅做法，呢款更加出色！主食方面，我哋嗌左一個煎鴨肝黑松露忌廉意大利飯。鴨肝非常大件而且肥美，可以大啖大啖食，甘香可口。鴨肝煎得非常好，外皮帶點點香脆又一點也沒有焦掉，裡面的熟度就啱啱好，中心帶微微粉嫩，但又沒有半點血水。意大利飯嘅黑松露香氣撲鼻，忌廉味同埋雞湯嘅味道非常均衡，令口感creamy得來，又唔會太過膩。至於米飯的軟硬度則適中，不會太硬身。紐西蘭一級法式羊架配著菜，羊架一共有3件，肉質肥美，啖啖肉，一啲都唔羶。我地嗌咗七成熟，但羊架依然肉嫩多汁，非常juicy，外表煎得很香，整體非常滿意！脆薯角嘅調味都好惹味，而且分量充足。我哋

上次食地中海菜，見到果到有好多餐廳，今次食其他餐廳。聽佢嘅名唔會估到佢係一間咩餐廳，佢嘅名都好好笑，所以就簡左依間。一上到去，佢嘅裝飾好靚，感覺上好高級。平時好少食煎嘅牛脷，所以試下煎嘅牛脷係咩味，就叫左香煎咸牛脷。佢一上菜覺得佢幾似牛餐肉，但佢冇午餐肉咁硬身，食落都幾好味。佢有D醬可以一齊點黎食，同牛脷都幾夾。香煎鮮三文魚忌廉汁燴意大利飯係套餐黎，佢包左餐湯。蒜蓉包同飲品。餐湯可以簡南瓜忌廉湯或者羅宋湯，南瓜忌廉湯幾好飲，食落有少少南瓜蓉，羅宋湯酸味好夠，令人有開胃嘅感覺。而三文魚用煎真係幾好食，因為三文魚嘅魚油流曬出黎，令到成個飯更加香。我幾鍾意忌廉汁味，意大利飯同忌廉汁或者野菌汁都好夾，但食落嘅時候唔會覺得好膩，同時又食得飽。平時好多餐廳都有乳酸味嘅飲品，酸奶味嘅飲品真係幾好飲。依杯荔枝乳酸椰果綠茶茶味比較濃，同時椰果好彈牙，非常好食。佢只係加$15就食到。

Daddy’s kitchen - such a good name! 今日同兩個朋友一齊食晚飯，就快唔可以三個人一齊食。呢到個環境好高級，覺得自己着得有啲cheap，但係價錢又唔會太貴。美國頂級安格斯肉眼扒配薯菜 ($328)每次都係叫五成熟，好似穩陣啲。呢塊牛扒好大塊，一切開仲有好多肉汁，果然係高級嘢！中間呈現半生熟狀態，拿捏得幾好。食落去好juicy，仲好有牛肉味添，你埋落去個醬汁更想一層樓！作為配菜嘅薯菜都好味道，滋味無窮！黑松露帶子意大利飯 ($138)呢個一上到嚟嗰時好香！仲有三大隻帶子，所以我哋可以一人一隻！食落都幾新鮮，Risotto好creamy，仲有淡淡的黑松露同菌味，咬落啲飯都好有層次。跟餐仲有餐湯、包、飲品。餐湯（南瓜忌廉湯同羅宋湯）($0)原來羅宋湯來自烏克蘭，唔係俄羅斯。當年共產黨打贏咗，啲俄人走難去中國東北，之後再走難嚟香港。呢兩個湯嘅味道都唔錯，我個人就鍾意忌廉湯多啲。蒜蓉包 ($0)香口鬆軟，點埋落個湯度食就一流！芒果乳酸椰果綠茶 (+$15)味道都幾特別，因為加咗綠茶唔會太甜，啱我。底下仲有好多椰果，好好𡁻，大家都可以試吓！