老爹 (Closed)

呢間餐廳已經幫襯多年，一直都keep住食物水準，好多時都約親朋好友响呢度相聚，一來地方寬敞，二來食物水準好好👍🏻特別鍾意煎鴨肝伴士多啤梨，配搭非常合適；今晚食西冷牛扒配沙律菜薯角，五成熟，烹調得啱啱好，牛扒五成熟冇血腥味，新鮮沙律菜配黑醋醬，好味抵食。另外食埋豬頸肉&田螺焗薯蓉，超滿足😆餐湯都要一讚，廚師定時會令你有驚喜，南瓜湯嘅香味滑溜令你一滴都唔想嘥；羅宋湯味道很濃，一放在面前已經香味撲鼻😍；忌廉蘑菇湯都令人回味無窮😋差啲漏咗熱熱哋嘅一片蒜茸法包添另外再要讚一讚係佢哋嘅飲品，無論熱啡或凍啡都非常滿意，珍珠奶茶都好濃郁，特別嘅係餐飲有金桔檸檬，可揀熱或凍，都係一個好選擇。只可惜聽聞就快唔做了，因為市度太差，唯有食多幾次留低紀念❣️🥰

這間餐廳我由一開業到現在都是支持者，原因是餐廳食物質素不錯，價格合理，而且坐得舒服。剛剛開業的時候，服務友善，但我親眼目睹這幾年間服務每況愈下，同樣的人，但態度變得惡劣很多。今天午餐時段我再次光顧，幾年前非常友善的水吧叔叔，今日變得非常惡劣，心情欠佳，由於我坐在水吧旁邊，他看見我想點餐的時候，而又沒有其他服務員協助的時候，他就走過來大喝我一聲「要咩呀？！」，當時在附近的女侍應看見叔叔如此態度惡劣，便主動走過來對他說說「等我嚟啦」。由於我的枱是在水吧旁邊，一路聽到水吧叔叔扔東西的聲音。真的不知道當天是誰得罪了他，非常凶狠。另外，收銀的叔叔，由開業第一日已經喺度，以前非常友善，有講有笑，但而家亦變得非常冷漠和不願做的感覺，真的不知道這間餐廳背後發生了什麼事。唯獨是part-time的侍應態度比較友善。但他們好像每次都不同人。講返食物，一路保持水準，我點了我最喜愛的黑醋雞意粉，意粉軟硬度適中，黑醋酸甜度適中，午餐時他們會用雞胸，質地比較「鞋」一啲，下午茶時段他們會使用雞粒，比較滑一啲。朋友叫了他喜歡的咖喱雞扒飯，雞扒煎得皮香肉滑，咖喱汁夠香又唔會太辣。總體來講感覺到廚房是用心做食物的。希望樓

灣仔QRE樓上嘅一間懷舊西餐廳,閒日夜晚只有兩三台客人,本身餐廳裝修較暗,寧靜,都係一間坐得舒服,可以同人傾偈嘅餐廳.暫時喺one man band, 帶位侍應執枱都係同一個人,還好，當晚人唔太多，如果唔係應該要等好耐.食物嚟講, 自己比較欣賞個紅酒牛尾.可以一試.

好少係QRE lunch, 因為感覺這裡的lunch都比較貴. 今日黎左呢間居然係$100樓下.香煎雞扒拼牛仔腸飯(秘製醬汁) $72個秘製醬汁係甜豉油. 不過本身的雞扒同埋牛仔腸已經好夠味. 所以都唔駛特別加醬汁. 就連配菜都已經調教好味道. 咸淡適中, 同埋煮到好夠林但又唔會林到爛. 重有少少咬口. 個配菜好味.  秘製西班牙黑毛豬腩肉叉燒飯拼溏心蛋 $90個醬都同上面個秘製醬汁一樣. 係甜甜地的豉油. 本身個黑毛豬肉叉燒雖然有少少厚切. 但一d都唔韌, 好夠lam. 味道同樣都好入味. 加埋成隻溏心蛋. 好夠飽.泰式豬頸肉拼泡菜拉麵 $72個泡菜居然係另上. 唔食得辣的朋友變相都可以叫. 只要唔落泡菜就可以. 同事話個豬頸肉都唔韌, 好味. 呢度叫完餐都需要少少時間等候. 但黎到的食品都唔差.  飲品方便, 冷熱都唔駛加錢. 個蜂蜜綠茶落足料. 甜得黎都重飲到個綠茶味金拮檸檬就不過不失. 夠味. 有點似汽水的感覺個珍珠奶茶就淡味左少少. 整體都係合格.雖然有人話佢似茶餐廳. 不過呢度環境唔差. 枱同枱之間都有少少距離. 無咩壓迫感. 比茶餐廳黎講舒服好多. 再加上價錢係可接受程度

今日lunch朋友帶我嚟依到 我先知道原來QRE都有啲咁平價嘅餐廳全日套餐: 餐湯 + 麵包 + 主菜 + 飲品 都只係百幾蚊有啲lunch set 更加係$100都唔使 好抵食餐湯 + 麵包羅宋湯好有港式西餐廳嘅味道酸酸哋 幾開胃麵包烘得好香好脆 配埋湯都唔錯幾有surprise羊架拼大蝦配薯菜 $168 大大隻碟 但有啲空虛羊架煎得好香 肉味又濃郁隻大蝦都幾彈牙 overall 味道其實唔錯 只係唔飽🫣坐得舒服 唔會太逼 而且食物質素都唔錯會有下次

灣仔平價西餐配珍珠奶茶在灣仔工作完，想在附近食個快飯。天氣炎熱，太陽熱辣辣，作為一個珍珠奶茶愛好者，見到呢間餐廳餐飲有珍珠奶茶，覺得十分吸引，就決定去試下。香煎雞扒飯拼牛仔腸 $72雞扒大大塊，上菜嘅時候熱辣辣。伴菜是味道正正常常的牛仔腸同煎炒過的青瓜同紅蘿蔔，不是水煮蔬菜。雞扒切開可以見到有肉汁，肉質嫩滑，雞皮煎到十分香脆。雖然雞扒本身已經有輕微調味，加上青咖喱汁更加惹味開胃，青咖喱汁不會太稀身，有泰式香料風味，帶點辣，令到整體味道更美味。珍珠奶茶餐飲嘅選擇比一般茶餐廳特別，可以選擇珍珠奶茶。雖然只係跟餐飲品，但珍珠煙韌有咬口，奶茶有茶香，比想像中出色。餐廳環境舒服，以深色木系裝潢為主，食物味道亦不錯，價格親民。不過服務方面有待改善，男待應叫理不理，態度差，令到用餐體驗有點扣分。反而另一位女待應就態度好好，舉手即刻有反應。

首先上的是餐湯餐包羅宋湯是雜菜湯, 沒有牛肉牛味南瓜湯口感綿密，有南瓜的清甜。餐包比較韌，建議點餐湯一併吃，但包面的醬料味道有點怪。半小時後才上主菜，澳洲救飼西冷配雜菜沙律及薯角$158+10%最欣賞牛扒旁的新鮮沙律，配上開胃的沙律菜，牛扒看上去焦香，雖然下單時店員有問要幾成熟，而我也要求了五成熟，但仍是偏熟，所以牛肉大部分都偏韌，不過牛味還是有的，且份量的確不少。在加上焦香的外層有補回一點分數。C4 香煎鮮三文魚拼大蝦配薯菜$148+10%大蝦 的肉質地有點爛，像不太新鮮。三文魚比較嚡，但有魚味。薯菜應該是入貨的雖是新鮮炸 起，但薯味則一般反而配的珍珠奶茶不錯，茶味夠出，奶應該用上新鮮牛奶， 有奶香，不太甜不是難吃， 但性價比低，不值再試。

与同事们試新地方～樓上茶餐廳，裝修高檔，價錢合理～香煎雞扒牛仔腸，雞扒煎得非常好，表面香脆，雞肉嫩滑，配菜有青瓜，味道唔錯，牛仔腸細細條，感覺是一般雞肉腸，選了秘制醬汁，其實就是醬油，可以送飯～泰式青咖喱豬頸肉，圖片好大份，實質肉好少，不過豬頸肉的口感幾好～白汁長通粉，白汁的味道和通粉的口感都很好，不過煙肉好鹹好大一片，如果切碎點會更加理想～海鮮拉麵，有蝦有魚有帶子，煎得好熱辣辣，推薦～總體滿意，服務員一聽我們打算share食，自動波就拿幾個碗過黎，之後每份主菜都會配有公用餐具，這個必須點贊👍

因為百物騰貴，QRE已經冇咩邊間底食。好幾間都將貨就價。老爹以往食開西冷牛扒，最近都加左價幾多下。轉食雞扒，加配餐湯都只係$82再加一。份量和味道都很ok. 中午和同事簡單食個lunch和吹下水，十分之合適。

呢個地段呢個價錢其實對得住，只係都要寫一下杯珍珠奶茶，一杯超級健康嘅廢水，啲珍珠唔知係煮過龍，定係未煮透，硬到。咬唔開，好似膠珠甘，而且珍珠係完全冇味。不過係餐飲送嘅就唔好同佢計較。其實整體食物質素ok. 尤其是卡邦尼意粉幾好食。對於要控制食量既我啱啱好。如果係男生食量比較大嘅就可能要考慮吓 ，睇吓個飯要唔要加底。隔籬枱個男生嗌咗黑毛豬腩肉叉燒煎蛋飯(黯然銷魂飯)。賣相望落去係幾靚，好Juicy甘。唔好意思問佢借黎影。所以無相。等下次有同事提議再去食嘅時候就試吓。另外，我唔係覺得大叔冇禮貌，只係講嘢大聲咗少少俾佢嚇親。少少驚佢，但係佢人幾好。俾我會再嚟食，只係可能隔多排先嚟食，可能個半月至兩個月一次。

服務態度唔好，嘢食都麻麻地⋯食lunch有加錢叫餐湯，蘑菇湯好難飲⋯無要餐包，所以不予評論⋯拉麵，可能餐廳冷氣開得太低，d麵好快凍曬，食完超級唔舒服下次唔食啦唉😮‍💨

雞扒大塊 塊皮好脆 應該係落單後即煎既 而且個餐仲有得揀珍珠奶茶飲 平時餐廳好少見 包餐飲有珍珠奶茶可以揀呢餐廳環境唔錯 午市坐滿曬人價位亦算係西餐廳中既中等同同事或者朋友食 岩曬

📍老爹 - 灣仔今日同女朋友去結婚展，順便去佢介紹嘅老爹餐廳lunch，Set Lunch又幾經濟實惠👍🏻精選午餐 - 泰式紅咖哩燴牛肉飯 $78泰式青咖哩豬頸肉飯 $78餐包餐湯+$10/set紅咖哩燴牛肉飯份量適中，咖哩偏辣🌶但係越食越惹味！而且咖哩汁偏多👍🏻岩岩好淋滿成個飯😋牛肉片都幾高質👍🏻類似平時打邊爐嘅特級肉🥩肉質嫰滑有厚度！青咖哩帶香茅味，咖哩都係偏辣🌶但咖喱汁冇紅咖哩咁多！我覺得唔太夠淋滿個飯🤔豬頸肉偏細塊，冇乜炭烤香味～冇乜驚喜水準普通！羅宋湯/忌廉湯 + 餐包(蒜蓉包)羅宋湯好足料👍🏻勁多蔬菜同埋蕃茄味十足！用蒜蓉包點嚟食味道幾夾😉如果齋食蒜蓉包都唔錯👍🏻幾香蒜蓉味！忌廉湯係南瓜忌廉湯🎃南瓜蓉溶晒落個湯到都幾足料！加左忌廉令個湯滑咗😋T-able指數：3.8/5

難得呢度星期六日都有下午茶，仲中午兩點就開始，價錢抵食好多，不過都需要加一服務費煙三文魚有四大片，白汁夠creamy，下午茶分量都冇欺場，珍珠奶茶嘅珍珠夠煙韌，但係有啲偏甜黑果醋雞肉炒意粉幾特別，好濃黑果醋香味，仲有雞肉同雜菇配菜，帶醋酸味同水果甜味，食落好開胃泰式田螺意粉好有創意，醬汁係冬陰功底配椰漿，剛入口有少少辣但食落就唔覺，半熟洋蔥脆口，田螺份量幾多，食落質感唔錯，但醬汁較重味所以蓋過田螺味。呢個配搭好新鮮，味道有驚喜。咖啡係三合一即沖，不過呢個價錢，喺咁嘅裝修環境，食物份量足同水平又不錯，飲品就無謂多想了

灣仔老爹分店在QRE Plaza 9/F，合和中心對面，近附近寫字樓，十分方便。餐廳裝修優雅，環境舒適，適合和朋友相聚，坐耐一點也可以。食物方面，味道很好，而且上菜時溫度夠熱。午餐和下午茶的價錢合理，在灣仔用這個價錢食到西餐算是十分抵食，午餐包餐湯及飲品，下午餐也包飲品的，而且飲品可選珍珠奶茶及其他特飲，相當超值。我和朋友點了下午茶的白汁煙雞胸燴長通粉及茄汁脆魚柳燴意粉，配珍珠奶茶。白汁煙雞胸燴長通粉的白汁味道剛剛好，雞肉入味，有洋蔥粒和蘑菇作配料。茄汁脆魚柳燴意粉茄汁味夠，魚脆的表面夠脆。珍珠奶茶是台式口味，不會太甜，珍珠Q彈，跟餐不用加錢，抵飲。總括而言，環境、食物、價錢都合理，值4.5分以上，值得再次光顧！