大丈夫食堂 (Moved) New Location

原本想去食壽司郎，但因為實在太多人，又截左人龍，所以就係附近睇下有咩食。見到呢間小店，以前唔多覺眼，可能係新開既，餐牌價錢都好合理，食物唔算多種類，但勝在每款都幾吸引。仲要餐牌價錢唔加一！值得一讚！呑拿魚腩蓉丼，份量剛好，但男仔食可能唔夠，每樣食物都睇得出好用心，連麵豉湯既油揚都好足料，蛋都出奇地好食。魚腩蓉👍🏻👍🏻炸雞即炸，新鮮又多汁，大大舊，抵食！壽司都好新鮮，唔馬虎👍🏻👍🏻👍🏻好食兩人埋單二百幾，抵呀！

前幾日特登出長沙灣試下呢間大丈夫食堂，主打日本定食、壽司嗰啲，佢白飯同沙律菜係任添，一直都好想試下，趁疫情緩和試左先我6點已去到，第一枱客，店面唔大，得7張枱，每張4人，正宗小店都算坐得舒服架叫左吉豬定食，menu我都冇睇，等左十分鐘左右，一上枱見到就好靚仔個蒸蛋可以，有蛋香，又滑豬扒應該冇醃過，有返豬肉嘅質感，炸得好靚，肉唔會乾，脆得黎冇油膩感點埋個醬酸酸地好開胃我添左半碗飯啫，唔食咁多了其實可以食多一碗咁埋單$108，我覺得呢個價對比返個食物質素係值嘅，大家可以試下

次次去到都要等3-4張枱..為咗食好嘢係要付出下架啦🙈燒汁鰻魚丼飯定食$98配有沙律, 燉蛋,麵豉湯..齊全燉蛋：配有蟹柳，冬菇片做配搭，再用清雞湯燉香滑又嫰口..熱辣辣入口即溶👍🏻調味清淡可口沙律：沙律菜新鮮潔淨，再配合黑醋..令人開胃鰻魚丼：鰻魚肥美厚度適中..肉質滑嫰又冇乜骨大大啖安心享用🤩再配日本米白飯一流..白飯唔夠仲可以添加..抵到爛🤫餐廳：大丈夫食堂 (長沙灣)地址：長沙灣福榮街541號地下

因疫情關係 而半年都無咩出去食飯但今日一收工落大雨唯有搵餐廳食下飯 避下下啦睇到而間日本野都幾抵食 又好多好評就試一試啦 好耐無食刺身啦一入到去環境都可以 比想像中無甘迫本身以為小店會好迫 但都幾好 算多位同唔迫選擇唔多 但都可以既 有6 7款定食。我地選擇佐豬扒定食同鯖魚定食 兩個都好食 特別係個豬扒定食 好脆又唔油加上食落去肉都唔「鞋」刺身叫佐帶子同三文魚腩帶子都新鮮 但三文魚腩就真係好食 必點

以前成日路過, 晚市都會排長龍, 所以無幫襯過, 而家廢炎時期唔使等, 即刻去食一次.招牌吉豬, 好似唔試唔得咁, 口感真係1流, 酥脆外層, 豬扒夠稔, 不過味道唔濃, 同埋聞落無咩味, 無令人有流口水既感覺. 沙律有2款, 椰菜絲雖然有胡麻醬, 但有d 寡, 我放左落湯度浸, 都ok, 另外可以揀沙律菜, 唔錯, 仲2款都可以任添, 飯都可以, 不過其實都夠飯. 午餐過百其實有d 貴.鰻魚肥美, 唔錯, 唔會太甜另外口痕叫左個炸3文魚鰭, 3件, 外脆內軟無叫刺身, 朋友一早飽左投降

擔扛起宇宙離別了呵護，艱苦都也不可以馬虎餐廳名改得幾特別，即時諗起首歌😂今晚主要一人說話一人食飯，我當然負責食和聽啦！.三文魚腩$55🤤🤤🤤🤤好肥美呀！幾新鮮，油脂分布不錯，入口軟綿綿，魚腩有一定厚度。三點刺身盛$58🤤🤤🤤相對三文魚腩遜色一點，不過都好味新鮮。吉列豬扒定食$108🤤🤤🤤🤤😋好彩有叫，好好食，即時諗起二月福岡食的咖喱豬扒飯，好鬆化！推介推介！連沙律菜都食完，事關有芝麻醬，勁正。豬扒的醬汁酸酸甜甜，和豬扒好夾。定食還配有麵豉湯、日式蒸蛋，漬物，食完才看到原來定食的飯和沙律菜是免費添加........👉🏻👈🏻太遲了！

原本係打算挑戰壽司郎，但實在唔想等到天荒地老，所以就諗起附近呢間日本野都唔錯！重點：晚餐時段竟然唔洗加一！內部裝飾都好有日本風味呢！晚餐時段嘅人潮不比午餐少。🌙三文魚腩丼 $88三文魚嘅份量都算好多！而且個玉子配菜勁好食！🌙吉列海鮮定食 $88天婦羅係新鮮炸嘅，食落都好新鮮唔會有種好粉嘅感覺，另外雖然佢個蒸水蛋唔係好甜好重味，但清清地其實都幾健康🌙天婦羅南瓜$24🌙火炙玉子及蟹柳 $14-16/2件日本野來講二百幾蚊可以食飽兩個人都唔錯，大家唔好好似我哋咁眼闊肚窄叫咁多嘢食，係值得再嚟嘅日本餐廳！

終於輪到我有機會試啦！！！遲咗食飯，加上是星期六，冇咩人排隊，再等一下，就到我。問問老細邊款最好食，老闆就推介吉列豬扒。豬扒一啲都唔油膩，都唔@鞋」口。麵豉湯一般。飯當然是正中日本米。十分滿足的。雖然有點貴，10分值得推介。同事叫一份鰻魚飯，連佢只是食鰻魚飯的都好食。值得推介。

晚上跟朋友係長沙灣食日本野，搜尋左一陣就發現到呢間大丈夫食堂，行過元州村過一條街到就到，好易搵。去到時大約七點，有一半客到，我兩位，店員都安排到張四人枱比我地坐，坐得舒服d。餐廳食物唔算多選擇，但全部睇落都好吸引，於是就點左個吉列豬扒定食，蒜香草煮蜆 同幾件壽司黎試下，我覺得真係好滿足，雖然豬扒定食賣到108蚊一客，但係我覺得都值既。佢吉列豬扒真係好大塊，睇落去都已經好吸引，吉列豬扒外脆內軟，認真不錯而個蒜香草煮蜆，我覺得就淡左小小，不過就整體黎講，都不過不失。38蚊一碟都值得一試。下次有機會會再黎試埋佢其他定食先

第一次食完感覺好好 今日咁啱經過荔枝角 再過嚟試下其他嘢食 今日星期六嘅關係 同埋已經係下晝兩點半可以完全唔使等位 啱啱可以趕到喺last order 前落單燒鯖魚定食 $73鯖魚燒得啱啱好 仲有好多肉汁 條魚都好大條 一碗飯真係唔夠 其實沙律同飯都可以任食 不過仲有其他配菜同麵豉湯 我就決定唔添飯啦三文魚丼 $73厚厚嘅8大塊三文魚刺身 夠曬口感亦都好新鮮（朋友話）吉列豬扒定食$108朋友點咗吉列豬扒我試咗一嚿 表皮炸得非常鬆脆 炸豬排都唔會好乾身 視覺效果一流 大大件 但冇咩豬扒味 d肉好散 同埋貴左d總括嚟講 大丈夫食堂都算好高人氣 今日咁啱星期日先至唔使排隊 相信係因為性價比高 價錢合理 夠份量 冇加一服務費 每個午餐都有沙律 麵豉湯 茶碗蒸蛋 但如果要排隊真係好卻步

星期三吉之島減價所以去左荔枝角，夜晚就試左呢間出名炸豬扒飯-大丈夫食堂-首先餐廳裝修簡潔，牆上日本風格掛畫再配用有質感嘅用具給我感覺好舒服整潔，但店舖較細所以座位與座位之間比較狹窄。打開餐牌有很清楚食物相片，都有不少選擇，然而我們二人揀了燒鯖魚定食同吉列豬扒定食。大概等不到10分鐘第一個定食燒鯖魚便到了，定食是配有珍珠飯，沙律，仲有味噌湯同茶碗蒸。最驚喜係飯同沙律都係可以無限添加。(其間服務員也不時幫客人倒茶-窩心阿-）鯖魚燒很剛剛唔太乾好有汁，沙律加左醋好開胃，茶碗蒸好滑足料。不久主打吉列豬扒到，真係好食，外脆內軟，店內几乎9 成人都叫這個。最後，我們二人都添多二個沙律同飯，很滿足的一餐阿

同事喺長沙灣搵到間日本餐廳 其實好近公司就喺大中華隔離 但食飯時間得一個鐘 次次都大排長龍 今次佢偷偷地落去排隊先 可以節省一啲排隊嘅時間餐廳好窩心安排咗個餐牌喺門口 等候時間可以諗定食咩 入到去即刻叫 我就揀咗 蔥粒吞拿魚腩飯$100同事成日問我點解咁鍾意 剁碎啲吞拿魚腩嚟食 好似好嘥咁 其實別有一番風味 同埋喺日本呢個食法都好常見 剁碎啲吞拿魚腩撈埋啲大蔥撈飯食 每一啖飯 都充滿吞拿魚腩蓉 吞拿魚腩蓉 幼細香滑 軟綿綿嘅口感 真係好正除咗主菜個餐仲會包埋沙律 麵豉湯 蒸蛋沙律醬個汁 酸酸甜甜咁好開胃 沙律菜都夠新鮮夠爽脆 當然個蔥粒吞拿魚腩飯真係冇得頂 食材新鮮 排咗半個鐘頭隊都值得 餐廳環境舒適仲會播啲日文歌 就算要排隊都係好值得嘅

鰻魚飯中規中矩。汁不會太咸。魚既都不會燒得太乾。仲有沙律，蒸蛋。白飯唔夠可以再加嫁。侍應態度都幾好呀。如果可以包埋野飲就好呀。睇相都覺吸引呀。呢個價錢好抵食呀。值得再來。

大夫經常好多人排隊食晏嘅餐廳，但我地仍然願意等，點解？因為好食囉。有時又想食飯又想食麵，好多時我都會黎呢度食壽司烏冬定食（$60），一次過滿足晒兩個願望。個餐有沙律，烏冬同幾件壽司，雖然壽司就唔係最靚嗰啲魚生，但以呢個價錢，已經夠晒滿足啦。烏冬份量適中，個湯好好味，仲有好大片腐皮。壽司啲飯唔硬，當然如果啲魚係有多啲款就更正啦。唔好以為噉就完喇，個定食最重要係有我最鍾意嘅茶碗蒸呀😋。食埋真係perfect。呢度啲員工好有禮貌，而家坐得都舒服。抵我排咁耐隊食嘅。

荔枝角食嚟食去都個幾間，咁啱行過呢度見到間日本餐廳好吸引，決定試下。未到下午1點已經要等位，建議早啲嚟食。等待期間望吓個Menu，每樣嘢都好似好好味，有啲難揀添。大概等左20分鐘終於有位。餐廳裝修比較簡潔，用具都係好有質感嘅日系風格，但由於店舖較細，座位同座位之間比較狹窄。最後三個女仔都揀咗角切牛油果三文魚丼😂 (感覺有牛油果健康啲)可能人多，我哋都等咗一段時間先有食物，食物一到，份量比我哋想像中多，除沙律，仲有味噌湯同茶碗蒸。即刻急不及待食咗個魚生飯先🤤 三文魚切成方型，每塊都幾大舊。睇到三文魚嘅紅白交替紋路已經覺得好味，食落有好濃嘅三文魚油脂香味，感覺啲魚生都新鮮沙律加左醋做調味，酸酸的好開胃。味噌湯正常水準。而茶碗蒸入面材料都豐富，蛋蒸得剛好，夠嫩滑。總結：個人覺得係荔枝角高質的午餐，見到隔離枱吉列海鮮都好吸引，下次可以再試！