大門橫丁串燒手打烏龍麵店 (山東街)

Open Now

Now Closed

今日係旺角行街，肚餓想食烏冬，就諗起‘大門橫丁’，好彩時間早，未到晚飯時間,唔洗等位。平時多數會叫極上牛蕃茄濃湯烏冬，但今日想試冷食,就叫咗冷烏冬試下😋烏冬軟硬適中，但極上牛就略肥，而且冇嘜牛味😐撈埋配料（紅蘿蔔絲、青瓜絲、粟米、蜜糖豆）一齊食，頭幾啖感覺好清新，但下邊d汁就越食越酸🙄,都係配蕃茄濃湯比較好食。蟹子沙律係每次必叫，睇相都見，份量大之餘，蟹子亦好多，每啖放入口，蟹子都會係口腔爆到卜卜聲🤣好鬼正。

一囗豆腐個豆腐炸完又唔會太油膩，而且入邊好滑，點埋個千島醬食好正。燒雞泡魚個人覺得唔夠香口，口感太淋，食一次就夠。燒鳥烏冬烏冬好煙un，不過浸耐左會好淋，所以要趁快食咗佢，個燒雞燒得好脆，仲會有個醬汁甜甜地幾好食。

我同男友都係烏冬愛好者大門橫丁 佢竟然話未食過 好荒謬呀唔駛等位 好快入座 冷氣麻麻地 好熱啲座位都有啲逼由於太熱 平時唔嗌特飲既我地都頂唔順嗌左巨峰提子soda & 蜜桃soda好紓緩 好飲 唔太甜 陣味唔假野食就等左真係好耐好耐男友既吉列蝦忌廉湯烏冬首先黎左個烏冬 個蝦都隔左10分鐘先黎佢食哂 但我既肥牛溫泉蛋撈烏冬都仲未黎。。嗌左軟殼蟹沙律 明明前菜黎 但都係食到一半先黎到。。不過都仲係好好食架 新鮮炸起既 軟殼蟹都好大隻 香口撈烏冬到了 烏冬依然彈牙 咁熱天氣真係頂呱呱 大量洋蔥 大愛！溫泉蛋係精髓！我諗無人會頂受得住佢既魅力 差唔多食哂既時候 黎左兩串串燒 先醒起嗌左串燒 基本水準 唔會燒到乾哂 又唔會有某幾粒特別咸 炸食都係無法抗拒但真係好飽 等待時間如果短啲會仲好 會100分冷氣如果大啲會完美 會101分

曾經在大門橫丁食過串燒晚餐，感覺是中規中矩。在下午茶時間，人在旺角，行來行去，要搵好嘢食。睇見門口嘅menu，款式同客人都挺多，價錢相宜，就進去試試看。一人進食，點了一個秘制雞肉番茄濃湯烏冬。賣相是不錯的，有肉、有豆、有日本魚旦、有烏冬。番茄味很濃，仲咀嚼到番茄碎。雞肉是有滷過的，好似係滷水嘅味道，挺入味，且肉嘅數量都有成四、五舊。烏冬亦夠彈牙，份量適中，女仔一定夠飽，男仔可以多點一個小食，照計都飽。果然係廚師推介，不錯。

上次經過已經想食 今次就排一下隊吧 店外有零星的客人在等 我與友人等了大概10分鐘就行了 大家也是吃飽便走 不適合聊天《和風炒牛肉溫泉蛋撈手打烏冬》未吃先看已夠吸引 圓潤的溫泉蛋 滿滿的牛肉 先說牛肉吧 濃濃的醬油味 肉質有咬口 烏冬爽口彈牙 撈蛋汁一齊吃 加分 看起來不多 但吃光光已經足夠飽了《吉列蠔芝士湯手打烏冬》蠔偏小隻 吃下去 炸皮酥脆 很香口 建議分兩口吃 才吃到蠔 烏冬方面可能保持放於熱鍋中 所以一直都出煙 比干烏冬更軟 湯的味道是忌廉湯 並不是芝士湯底 但整體都不錯 還有溏心蛋《燒棉花糖香蕉》再來這當甜品 可惜棉花糖燃燒過剩 更空氣感 只剩下少少奶泡的感覺😅這店鋪性價比高 每人一百有找 便滿載而歸了

成日喺旺角經過麥花臣球場都會見到依間掛哂紅色大燈籠嘅舖🏮但次次都真係淨經過😂今次終於的起心肝入去食呢間烏冬專門店💁🏻‍♀️👓和風炒牛肉溫泉蛋撈手打烏冬 $74小編純粹見到餐牌張相好吸引又寫住熱門所以就叫🙆🏻‍♀️採用咗讚歧手打烏冬，烏冬果然好煙靭彈牙，。牛肉淋上和風汁燒汁，呢個配搭好平常係絕配，但估唔到撈烏冬又幾好食喎。面頭再淋上大量蔥花和一隻流心溫泉蛋非常吸睛，色香味俱全👍🏻由於撈烏冬已經有燒汁伴底所以唔會太乾身，小編覺得唔使督穿隻蛋可以直接原隻放入口😚評分：8/10👓特選大門蕃茄濃湯手打烏冬 $78見好多人都大讚番茄湯，湯底都算濃，不過烏冬唔夠入味。有兩塊叉燒丶豬軟骨、半隻糖心蛋，乜餸都有夠豐富。評分：7/10👓極上牛肉手打烏冬 配鮮蕃茄湯 $78牛肉普普通通正常冇太大特別。如果以同樣湯底同烏冬同價錢來講，特選大門餸比較多款會好啲。評分：6.5/10 👓日本迷你甜薯串燒 $25好普通，無外脆內軟。評分：5/10總括：位置又方便，會再返兜幫襯😳

星期五的中午在旺角想找個地方午餐，經過球場見到這家大門橫丁，價錢約$50-$60，有我大愛的蕃茄湯底，價錢不算太貴，便兩個人入去試試。自家製鮮蕃茄濃湯雞柳烏冬 - 烏冬彈牙有口感、雞柳味道帶鹹，不過最期待的蕃茄湯底淡而無味，而且味道偏酸，令整體味道扣分。咖哩厚切牛舌飯 - 咖哩味道不過不失，味道像甜咖哩磚煮出，厚切牛舌脆彈好吃，不過份量偏小，吃幾口便只剩下咖哩薯仔配飯。餐飲附送的桂花蜜，桂花味頗濃，不過不失。在旺角的午餐價錢來算整體質素中規中矩，份量也非常飽肚。

我覺得旺角來說，這間餐廳算是比較有特色，而且手打拉麵也不錯，不能講是十分好吃但也不難吃，有時候不知道食什麼，也會來這間鋪頭，不過本人不建議我涼拌烏冬，我覺得同湯烏冬比較好吃。至於串燒，份量比較少，味道一般。

番茄湯底相較過往遜色不少，淡而無味🙃等食物時間要半個鐘以上😇都算，去果日唔知咁岩壞冷氣定平時都係咁室內同室外幾乎零溫差再食埋佢個熱騰騰烏冬幾乎全間野既客都流住汗咁食真心無下次😵

同男朋友輸賭要請食飯，睇完戲同佢入黎食個飯，知道呢間味道唔差又唔貴，有烏冬串燒食午飯時間會平少少,50-60左右一份烏冬。串燒種類都幾多日試叉燒烏東(黑蒜油豬骨湯底)其實呢真心講句佢係同出前一x個黑蒜油類近，可以話無咩分別但會係好食、想像到既味道。叉燒正常味道。鳥東偏諗唔夠彈性🍅田野番茄什菜鳥冬(番茄湯)男朋友係番茄抵，我就推咗呢個俾佢食。番茄湯底濃郁應該落咗好多番茄，呢碗係行清新路線。燒牛肉香蔥卷(前)牛肉燒得乾咗少少，肉汁唔夠多，香蔥既汁都係唔夠燒蒜芯(後)呢個唔錯食落唔會有渣燒牛舌，次次黎都幾乎會見，厚度岩岩好食落有肉汁唔會硬，好味芥末醬燒元貝，元貝食落無雪藏味，芥末醬多添一份芥末香滑既感覺，幾特別跟餐加錢既榴連炸丸，味道對辦係炸糯米團入面包住榴連蓉做流心，但內餡略厭唔夠多唔知係咪錯覺，覺得間野比以前食既時候細份咗。希望佢之後可以保持水準啦

難得出到旺角搵食，朋友提議食大門橫丁，我舉腳贊成！因為曾經真係成日黎食，大愛佢既烏冬由於我地一行3人，7點半前到，仲有卡位俾我地，坐得舒服啲。不過鋪內既枱一向比較用盡啲空間，會比較逼，同隔離枱既距離好近，私隱度係偏低咁耐冇黎，我都係叫返最愛既雞柳烏冬，配埋佢既地獄湯湯底飲第一啖就覺得：哇，好辣！夠晒濃郁同惹味，雞柳滑，烏冬彈牙，依然咁好食友人一號叫左呢個豬軟骨烏冬，雖然佢係2條辣椒，但失望地一啲都唔辣不過湯底都仲有好香既魚味，搭救返！豬軟骨夠晒林，啖啖肉，飽肚。友人二號叫左牛肉既，同上，辣味欠奉（因我地都係愛辣之人，難免失望）不過牛肉唔會un，牛味好出，配埋魚湯，依然好食再試左個牛舌串燒，好好食不愧係推介。鹽燒唔會過分咸，調味岩岩好，帶出到牛舌既香味，好正。雖然$38得一串幾貴。另外仲試左個豬頸肉，七味粉唔夠辣，但串燒有七味粉始終加分另外豬頸肉好肥，勁香！！好好食總結而言，咁耐冇黎食，水準食然keep到，不愧為我最愛既手打烏冬。價錢合理，上菜速度快，絕對值得一試多人可以叫多啲串燒試，佢既串燒都好高質！

去到旺角食乜好食乜好，呢個真係多年黎嘅終查問題，係就係多嘢食，但係中得多伏都唔敢再亂試 🤡 除非真係有新嘢又好想試之外，否則穩陣起見都係食返呢間 top 1 心水之諗唔到食乜系列，#蕃茄湯極上牛肉手打烏冬 $78，天氣又準備開始轉涼，次次食完都最笠笠好正，佢地嘅蕃茄湯我都覺得唔錯，好過果間咩師兄先，牛肉嘅質素都係有質素嘅，唔會韌果隻，烏冬黎講就當然係正啦，都冇咩補充，諗唔到食咩都係食呢間，話唔定仲會撞到我順便打我一鑊 🤤 (已經得罪唔少人)-大門橫丁旺角山東街 76 號地下

很久沒有去大門橫丁吃烏冬，今天決定再去光顧。店內的冷氣太凍，我們決定先點菜，我們點了黑蒜油湯底牛肉烏冬，芝士豬頸肉撈烏冬。我們也點了串燒例如燒牛舌，韓風汁燒豬肉，汁燒年糕，芥末醬鐵板魷魚鬚。我們也點了一些雜物例如炸豬扒，炸墨魚咀。黑蒜油湯底牛肉烏冬的烏冬果然不錯，但是牛肉比較太熟，有點鞋口。那個芝士豬頸肉撈烏冬都不錯，但是份量真的非常少，另外我們也在烏冬裏面加了粟米。至於串燒方面，他們燒得比較熟，不會怕有肚痛嘅問題，但特別推介是燒牛舌和韓風汁燒豬肉。芥末醬鐵板燒魷魚鬚，不太像芥末醬汁，但都不錯。關於炸物方面，真的不推介炸墨魚咀，完全不像墨魚咀的口感，沒有那個爽勁，炸粉也比較厚身，不合口味。而炸豬扒OK可以接受。下次也會試試其他撈烏冬系列！值得一提的是，雖然外面有人排隊，但服務員也沒有催促我們趕快離開。

因為我實在太肚餓喇!!!!!一放工就立即趕住去食完嘢做運動， 但我朋友就話做運動前唔可以食太多嘢所以佢淨係嗌咗個蟹子沙律。佢哋嘅蟹子沙律嘅青瓜 ，係用細青瓜所以可以切到圓形一片片， 裏面係配合咗好多蟹柳肉啦同埋蟹子+ 沙律醬…… 其實同我叫一碗烏冬一樣咁肥我自己就好鍾意食蕃茄嘅所以我一定會揀蕃茄湯烏冬, 有一番茄湯呢都算好囉蕃茄味同埋舊結身，正!!啲湯入面配合埋幾條荷蘭豆，一堆粟米， 兩片日本魚蛋， 仲有蕃茄。 每次我叫蕃茄湯都差唔多會畀我飲曬~~~~而吉列豬扒都好大塊同好惹味， 呢個烏冬大約都係80蚊超抵食!!!!!!

夜遊旺角，宵夜時段附近都無咩嘢食，周圍行吓就選擇左呢間專食烏冬嘅餐廳。餐廳主打手打烏冬，所以一人叫咗一個試吓。辛辣蕃茄湯叉燒手打烏冬嘅湯底都幾濃，而且烏冬淋得來亦保持彈牙，主角叉燒有驚喜，好嫩，肥瘦啱啱好，值得一試。另一個烏冬係極上牛肉冷手打烏冬，首先個汁太酸，蓋過咗食材嘅味道。牛肉同其他配菜都一般般，同叉燒烏冬相比，遜色不少。見到餐牌話宵夜時段嘅燒物有特價，一於試吓佢。呢個特式燒茄子好惹味，醃料好足，十分美味，茄子肉亦燒得啱啱好。呢個汁燒魷魚筒係今晚焦點！魷魚好大條，足夠兩個人食。佢地搽上特別既醬汁來燒，亦燒得啱啱好，爽口多汁，下次會再叫！呢個鹽燒萵筍就不過不失，冇咩特別。