大少燒味茶餐廳

Open Now

Now Closed

星期日唔想去m記大家樂排隊，去左新開的茶餐廳買早餐。奶茶係茶餐廳奶茶，呢種係大家樂麥記無唧，飲得出係有撞過茶。烘多士返到屋企已經涷晒，下次可以唔烘了。沙爹牛面不過不失，牛肉都係普通茶餐廳嗰種，湯汁算係唔錯。值得一讚係終於見到人排隊，上次買外賣，收銀姐姐係先出聲先服務，打尖都唔理，今次好好多。

鋪位就在街市旁邊，不難找。店內裝橫幾有特色，好有懷舊feel.叫左切雞同油雞飯，飲例湯。先講湯，雖然都飲到係味精，但唔算多，而且佢碗湯唔細，大大碗架。飲哂碗湯就到碟飯上，因為我叫左多薑蓉，所以一黎我就試左味先，好夠味！真係堅鹹，甘雞都算係滑既，配落薑蓉超正！不過要注意既係，佢個飯都不能少看，唔錯架，唔係平時食個D一嚿嚿好難食，起碼粒粒分明食到先。但輪分量就同出面差D，我一個女仔都可以食哂D飯，另外個男仔係食到個碟一粒飯都無，可能我地大家都肚餓啦，味道又唔差，一行四人，二百有找，又食得飽，算係甘啦！

自從數年前的麗瑤結業後在逸東想吃燒味不得不幫襯大X樂，但質素超差勁囉！逸東街市豬扒大翻身後開多一間食得吓的粉麵店，到昨天還開了一家大少茶餐廳呢！街坊的果今天便去幫襯吓啦。12點到已坐無虛席，還幸孤獨一人不須等待便可入座，餐廳裝修亦跟上香港街市的懷舊味道，坐位不算闊落，坐得較迫夾！看看有甚麼好吃先，散點餐牌有得睇，自套餐的未趕及印製好，只能看攝在玻璃檯面的餐牌，但人家在吃東西難度叫人拿起食物給我看嗎？待同檯食客走了才看得到套餐餐牌，我主要想吃燒味那便點客油雞瀨粉套餐$45凍飲+$3=$48，價位真的喇利油雞瀨粉到了，色澤油潤的雞瀨外貌不俗，皮豐香甜的豉油味，須然得到雞胸但吃下並不鞋口，質素不錯，而湯底亦有香味不似味精水，而且配有兩棵靚菜芯，及爽滑瀨粉成件確係事美好的，如價位底DD就冇得輸了。而凍檸茶就沒甚茶香，返而聞到隔籬的熱奶茶挺香呢，下次同車爸爸去嘆吓先！