大少燒味茶餐廳

Open Now

Now Closed

諗住叫下燒鵝食，點知又中伏，燒鵝得骨同皮😓已經唔係第一，最少都三四次 今次唔忍！。又唔俾醬 兩次啦！ ！！真係忍無可忍囉 寫下佢睇下佢會唔會再係咁 用呢d對待我們食客 好心用下心制作

最近成日都去東涌做嘢，lunch時間唔想喺東匯城挨貴飯，就黎到逸東邨搵嘢食，但呢度嘅選擇唔算多，漸漸地，我啲朋友每日一到lunchtime就話要黎呢間大少燒味飯呢度嘅燒味飯普遍都好大份，我每次都食唔曬一睇openrice嘅食評，竟然好多都話唔好食？但我哋每次黎到都大排長龍，超多街坊同熟客。首先介紹，叉燒燒肉飯 (HK$58) 睇吓！啲燒味仲多過飯呀！而且好明顯見到燒肉分成三層：脆皮、肥肉、瘦肉，每塊都好大好豐滿嘅感覺！我覺得就咁食會鹹咗少少，點埋芥末就perfect啦！至於叉燒，如果冇特別要求就要睇師父手神啦，肥叉、半肥瘦 定 瘦叉 呢？每次都係一場賭博叉燒嘅味道都係偏鹹少少，用黎送飯食就啱曬啦～至於叉燒燒鵝米線 (HK$68) 燒味同湯粉會分開上。叉燒依舊好食，但貴$10嘅燒鵝就令我失望了！加咗十蚊食燒鵝，但佢實在太多脂肪太肥，搞到我都唔係好敢食但之後見過朋友食又冇咁肥，睇黎食燒味真係好講運氣呀哈哈，下次再戰！

以前曾經食過大少燒味覺得幾好食，今日懶得煮飯所以買外賣返屋企食。買咗燒味雙拼叉燒及乳豬，但味道大不如前極之難食。叉燒又乾又硬， 極之難以咬開又哽喉，亦好薄。乳豬亦係又瘦又咸，分量極少。雙拼價錢約$60，但質素極差，去街市買好過，冇必要大家都係唔好試呢間燒味。

雖然大少嘅賣點係食燒味，不過亦都有小菜，逸東邨嚟嚟去嗰幾間茶餐廳，間間都不斷退步，雖然叫小菜跟例湯白飯，價錢唔平，但至少你要煮得好食先值回票價既款式係幾多嘅。。。今次叫咗豆豉鯪魚油麥菜:呢條算係唔差，油麥菜依然青脆爽口，豆鼓鯪魚份量十足，不太鹹，但偏油，味道剛好。跟住就係鼓椒炒蜆，圖片賣相幾好嫁，不過好多都唔開口，而且有啲得個殼，扣扣減減可能只係得十幾粒蜆肉仔。。。不過味道係唔錯，成碟入邊得兩三隻死蜆，夠鑊氣！蜆肉滲透着青紅椒嘅味道，洋蔥甜而不辣，不過衰在配菜比主菜還多。跟住就叫咗個魚香茄子煲，呢個咁嘅煲睇相都知咩料啦！魚香茄子最緊要走油，如果唔係出到嚟會變咗一pat野,唔入味之餘，賣相都唔會吸引佢仲夠膽死將啲豬肉碎馺熟咗再撈埋一齊，傻嘅都食得出啲豬肉係馺嫁啦，鞋颯颯白雪雪無味道，要魚香冇魚香！啲茄子仲要係臭嘅！有宿味，同佢講之後佢拎黎聞左下已經知咩料話叫我地換其他餸。比個近鏡睇下，成六十蚊個餸你好意思hea 煮最後換咗中式牛柳，味道係唔差嘅，始終係條配好嘅醬汁，酸酸甜甜幾開胃，牛柳薄切容易咬，不過就炸得太耐，外面皮夠濃，同埋好油

今朝係大少茶餐廳食咗個breakfast，其實主要都係為咗去嘆一嘆我最喜愛嘅絲襪奶茶。可惜今日ge絲襪奶茶有少許失色。今日嘅奶茶飲起上嚟唔夠滑，仲要有少許茶渣。而且茶味有少少偏重左，一向好鍾意飲大少茶餐廳嘅奶茶，所以今日一飲好明顯就分辨到。希望下次再去可以飲得番真正嘅絲襪奶茶，唔駛轉飲茶走。其次嘢食有仿鮑絲火腿通粉，通粉整得都幾爽口，最怕啲通粉整到好淰身。煎蛋同腸仔就冇特別啦，甜餐包算有誠意，應該係有焗返熱嚟，但可惜欠缺左一樣野，牛油啊。

大少茶餐廳算係東涌逸東商場一帶比較多選擇又好食抵食嘅餐廳，基本上係好多無飯夫婦ge canteen.我同老婆三餐都經常落去光襯。午市有幾款限定set lunch,我哋最多叫左係蒸魚，好正，50蚊唔駛可以食到約晚市咁上下的質素、又要有埋飲品，大少最值得試既飲品首推——熱奶茶！好有水準，而涷啡就麻麻。放假最仲意落去食早餐set，叫左雙蛋餐包，火腿通粉配搭我嘅自至愛，奶茶最正既係茶香同奶味好夠，沖得好balance...成個逸東茶記無疑最得係佢

今日同媽子去東涌探朋友，話事話東涌發展得幾好，周圍都好多餐廳，咁今日探完朋友都差唔多晚飯時間，咁難得黎到東涌，緊係睇下嗰區有咩好野食，行去揾下，見到有間叫"大少茶餐廳",見有小炒，當然要試下，入到去坐低，有個紅髮哥哥仔招呼，佢介紹$98/條蒸東星班，咁屋企人又想試，米叫左，另外再叫左個小炒王，話梅骨。。個話梅骨先到，有讚有彈，讚既係冇落鬆肉粉，彈既係話梅味唔夠，之後再黎就係小炒王，好野味，魚最後到，好滑好大條，不過令我想番兜其中一個原因係個紅頭髮哥哥仔，服務+01...

今日去咗老婆外家屋企，少有地外母冇煮飯，一齊落咗由佢推介嘅大少燒味茶餐廳食晚飯。外母話平時呢度會有好多人排隊。今晚唔算多人，不過我哋由於有六個人嘅關係，都要排咗大概15分鐘先有位。六個人叫咗五個餐。紅燒豆腐火腩煲，個煲上枱時都幾熱。不過全個煲都冇乜豆腐，同埋啲燒肉好似唔係一齊煮，冇乜味。銀杏腐竹菠菜，一般般啦。沙拉骨就最抵食，都有成7至8舊，好食。荔芋臘鴨煲，我外父同老婆至愛，不過我就麻麻地。外母唔食飯，叫咗個頭椒鮮魷炒河，啲魷魚都好冧，都有少少鑊氣。食物雖然ok，不過店內嘅衛生差一點。我哋坐死角位，地下好油，同埋都有幾多垃圾，希望未來會有改善。

東涌食肆一般都比市區貴，食一份早餐都起碼$38，但逸東商場依間潮東廊早餐，不算貴，一份正常早餐（麵配頭盤）都係$32，味道亦算不錯正常早餐，但腸仔唔好食西式早餐，味道ok

行山前約了在呢間餐廳早餐，位置在街市旁，裝修以懷舊風，唔使等位，早餐都係港式嘅招手阿叔店員落單，佢每張枱都落下，上菜發現錯咗，要叫其他店員執手尾雪菜肉絲米（$32）有手柄膠碗，雪菜爽口鹹香，唔會太鹹，米粉幾滑，湯底略味精，鹹香好味！香腸煎蛋方包：香腸頗鹹，煎蛋正常，方包鬆軟，幾好熱檸茶：茶底夠熱夠濃，檸檬唔澀，好味朋友食：榨菜肉絲米（$32）香腸煎蛋餐包：熱奶茶：食物正常，店員叔叔服務頗粗糙，幾張枱一齊落單，又落錯了，其他姨姨知道拎走問一輪就換翻啱！唔修飾！行山前打足糧草

想去吃早餐，要等位，到一坐低時就聽到廣播早餐停止。唯有吃燒味飯。燒鵝肉厚，乾身，是鵝胸，鵝皮還算脆口油潤。燒腩仔脆口，豬肉部份很重香料味。湯瀨粉不俗，還有蔥花。裝修有老香港味道，幾特別。

大少，即二世祖，當然不會殷勤服務，唔嗲唔吊，十問九唔應，就是正常的態度。內裏的阿姐，幾個都慢條斯理，答完再等一會，又行一輪再閒聊完，才會有人下單。肥叉燒肉飯，母親教落，外出吃肥叉穩妥，因只叫叉燒，店方可能給你瘦如柴的叉燒，而叫肥叉自行不吃最肥的更好。此店肥叉，質感不錯。實際上亦都不覺得太肥膩，有輕微邊皮位置有肥膏，其他地方都不錯，半肥瘦，就欠缺少許焦香。而燒肉的味道亦都不錯，頂上面的燒肉皮夠脆夠香，下面的燒肉亦都半肥瘦狀態，五場層肉的狀態，肥膏不會太過厚。下面的飯，份量也不少，肯定吃得飽。燒味質素的確不錯，但是服務態度確實很差，午餐時間還要排隊，午餐再來的機會不大。立即變深亦得⬇️雖然天氣挺炎熱，但是為了喝一杯比較濃味的奶茶，我還是點了個凍奶茶少冰，結果來到，發現奶茶面頭的確比較少冰，甚至乎臨尾的時候，所有冰粒都易用掉，更加顯得奶茶的確不錯，味道濃郁，實屬難得。

係東涌食好西既地方唔多 尤其是係食燒味既餐廳.呢間自設工廠 自給自足 隔住個玻璃見到燒臘 好似好肥美 於是來試試叫左個肥叉同埋油雞幸運地唔係冇肉既其他部位 叉燒食落好鮮甜 肥美適中 好有咬感其次係油雞 幾好食 好正 好少食到咁好食佢同其他唔同既地方係自家設既工廠係有保障既日日新鮮送過來 呢種味道令我唸起太X 服務人員方面 都積極參與 可能係午市既關係見我地食完就收我地既碟🧐🧐唔平呢間 但勝左都幾好食 尤其係東涌呢個地方下次會再來試

由於方便就腳，所以去依間大少買早餐，認真講雖然俾錢唔係大晒，我食咁多間外賣店都未試過那麼的環保同節儉膠袋既！叫左四個早餐，如果出面正常餐廳會分兩袋容易俾食客取回家，依度太窩心一袋過！同職員講唔該可唔可以分兩袋啊？職員態度對答超級不友善話，下次分袋叫時講啦⋯⋯大佬，未有一間餐廳既外賣好似咁奇怪一大袋個四個餐..我都唔明點解咁怪唔好睇小依個袋，可能用特別物料做可放晒四個餐同餐飲架！野食就普普通通比起某餐廳職員態度差如果質素整到澳x 牛奶公司嗰款level都接受到！可惜...........

係東涌開工 食尼食去都係個幾間。大少都吾係第一次食，一直都係自己入去搵位，都無乜期望過會有人帶位之類。之前試過有姐姐問我地幾位咁，人多會幫手留下枱咁既，話說今日，我連埋同事4個人行入去，就咁望就無4個位，於是我就同收銀個姐姐講4位，跟住個收銀姐姐態度好差咁講：「自己入去搵位啦，搵到位你就坐！」我當堂o嘴，咩態度先？平時佢地啲員工都已經無乜禮貌，吾過份都算數，今日衣位收銀姐姐既語氣態度真伙好差，我覺得佢好似話梗我阻住佢做野，一句食就食，吾食就走。