日新鮮豆漿

Open Now

Now Closed

粢飯係用到糯米包油炸鬼同其他餡嘅飯糰，多數都係包鹹餡，譬如榨菜、肉鬆、肉燥、菜脯。Chinese Sticky Rice Rolls is a type of Chinese breakfast. It made by wrapping glutinous rice with fillings such as fried dough sticks and other ingredients. Most commonly, it is filled with savory fillings, such as pickled vegetables, pork floss, minced meat, and dried radish.豆漿小帖士 ⭐️ 可以選擇無糖或有糖Soy Milk Tips:You can choose between unsweetened or sweetened options for soy milk紫米豆漿$12 （紫米唔係軟嘅，覺得豆漿好飲啲但係紫米係有啲特色）粢飯$23 （好多料🤤推薦）Purple rice soy milk $12. （The purpl

中環吃到豆腐花的店不多，日新鮮豆漿是最便宜的一間，原味只需$10一碗，薑汁加$2，有凍有熱。豆腐花份量不少，口感嫩滑細密，豆味香濃，黃糖可以自己另外加，甜度自己控制。

最近想食粢飯，之前聽過話呢間野嘅粢飯唔錯，所以去買來試下。8:55左右去到，排左10個人左右吧，不過其實都幾快，叫左一個粢飯同紫米豆漿，普通豆漿係已經整好即叫即有，特別味道嘅豆漿就叫左以後即刻整俾你，豆漿幾濃豆味，入邊加左d紫米，粢飯幾厚實，入邊包左榨菜、油炸鬼同埋肉鬆，味道都唔錯，食完之後非常飽，滿足嘅早餐。

路過聞到陣陣豆香，見門面有點舊，心想會否又是一間隱世美食店，結果真的如此買了$10一碗的豆腐花，好滑，口感似茶碗蒸般滑溜，有荳香，沒有渣，加少少糖仲好味，真的意想不到，有機會想再幫襯

近年經濟不景，人人都想盡辦法節流，因此價廉物美的食肆更受人歡迎，而這間店也是我推介之選。這間店專賣豆漿、小食及快餐飯，飯類選擇約有10款，外賣店來說算多。今天買了蕃茄雞扒飯，盛惠$34，對我來說是糧尾恩物，哈哈! 先說食物，蕃茄汁充滿蕃茄及洋蔥，稱得上真材實料; 雞扒來貨新鮮，廚師上菜時將雞扒切得小塊，方便進食。這個飯亦有一些配菜，絕對是健康之選。服務方面算不錯，老闆及員工都是上年紀的伯伯及嬸嬸，他們都十分有禮。收錢嬸嬸記性不太好，客人們要給多點愛心及耐性，不要發脾氣，畢竟大家都想事情好。至於要改善的地方就是衛生問題，因店舗面積太小，午膳時間又繁忙，看到有些食材放在地下，實在不太好，希望能盡快改善。

呢間～日新鮮豆漿～位於上環一條巷仔裏面，佢並唔係只係賣豆品，其實係一間小食外賣店！有時lunch未必想食碟頭飯，簡簡單單食D小食，呢間就啱哂！呢度係冇得堂食嘅，只有外賣自取，所以最近抗疫期間，見到佢啲生意都唔錯，成日都要排隊！今次我就買咗🌟魚肉燒賣和少見嘅🌟粢飯～魚肉燒賣～我就覺得麻麻地，啲粉比較多，食唔出魚肉味！～粢飯～就比較讚，油炸鬼厚身，肉鬆同埋榨菜嘅份量亦多，榨菜唔會太鹹，糯米飯煙韌，所以整體嘅口感唔錯！

上中環當中不乏街頭小食店，説到邊間豆漿粢飯最好食，會覺得係呢間「日新鮮豆漿」地址上環永樂街1-3號世瑛大廈地下C號舖（地鐵站E2步行2-3分鐘）店舖細細，而且仲好殘舊，店內外都推滿雜物物，但還算乾淨。我估計應該係家庭式經營店舖，每日有早餐和午餐供應，早餐方面走較傳統港式早餐有粢飯、豆漿、腸粉、燒賣、炒麵等等。至於午餐走茶餐廳方向套餐飯，我曾經買過一次咖喱牛腩飯，味道還可以，價錢又好經濟。早餐我幫襯無數次，大多數買薏米無糖豆漿和粢飯。早餐來柸溫熱的無糖豆漿非常營養又健康，豆漿口感細膩聞到香香的豆味。粢飯我曾在不同的店吃過，味道都好像都沒有差很遠，通常材料都係炸菜、肉鬆及油條，比例不同或糯米飯的軟硬度會影響味道，他們的粢飯是 即叫即做，冷冷的冬天拿著熱騰騰的放上手好溫暖，此間的粢飯餡料淡淡的不太咸味，糯米粒粒分明，熱食口感粘和彈牙，試吓冷凍食糯米口感更煙韌。

岩岩想煮下口味見到有間豆漿店有賣飯，又想降下火。叫左個涼瓜蛋飯。佢平時餐牌上寫涼瓜煎蛋，我又唔想食煎蛋，店主好好心，主動幫我轉炒蛋。加多5蚊都有冰凍豆漿。真係超抵食！

呢度係上環少數有得賣粢飯既地方，想食就一定會黎呢度。店舖喺一條小小既內街，並唔起眼，但行到附近就一定會見到，因為每次去人龍都好長。今日食粢飯同飲紫米豆漿，有D運，買到最後一個粢飯。行返Office既路程約10分鐘，粢飯仍然夠熱，用膠紙包住，再加個袋仔，方便易食唔會整到隻手油笠笠。飯同餡料比例岩岩好，有唔少肉鬆、酸菜同油炸鬼，油炸鬼都夠脆，好易咬得開。太心急食唔記得左影相。紫米豆漿係紫色既，杯底約1/5係紫米，可以揀有糖或無糖。我揀左有糖，不過唔太甜，感覺健康，紫米都有一點點既甜味，好飲又好食。$29食到餐晏，又夠飽，性價比甚高。服務有人情味，店員記得熟客鐘意食咩，做野亦都好快手。

上環嘅一條小巷裡，發現一間隱世豆漿店，怎樣看都不起眼，見到招牌才知道這裡售買豆漿。現在是晚上七時，招牌下的店舖已經拉閘，當你再走近幾步，便發現店舖還未關門，細看之下會發現那道閘不屬於豆漿店。店舖還未關門，有一位大叔坐在店內，向前走近，他展露笑臉，我便大聲跟他說：要一杯薏米豆漿。豆漿要甜唔要甜由你話事，而且有凍有熱供給選擇，大熱天時喝凍飲也是理所當然吧。凍薏米豆漿$10-這個價錢很實惠，粗飲管啜到粒粒薏米，好有咬口，一喝冰涼透心，豆漿有黃豆味，質量似是自家制，我的選擇是無甜，豆漿不會因為無甜而無味。杯頂用上密封包裝，唔怕倒瀉，再配上粗闊飲管，真係飲得又食得。要給它 好評！

雖然今日得幾度又落住細雨，但都無阻我想食豆漿粢飯嘅決心一放lunch就衝去”日新”買啦！（因為上次早上去想買粢飯做早餐，點知買唔到好失望！）粢飯$20最鐘意粢飯入面嘅肉鬆，好味而且唔會過咸，油炸鬼會有少少脆身，同外圍軟綿綿嘅飯好夾鮮豆漿$10 支豆漿係大支裝，有凍熱，有糖無糖任選。味道係ok嘅～～（又幾乎飲哂先影相～～）不過好似無以前咁重豆味，同埋我成日以為佢有黑豆豆漿原來係無嘅～下次試下紫米或者薏米豆漿先，其他地方少d機會飲到！！

很久沒吃過這麼新鮮的粢飯，不止是即叫即包熱辣辣，糯米飯粒粒分明，中間的油條還是脆脆的，肉鬆亦不吝嗇，炸菜的咸度也不會太咸；雖然十八元一個不算便宜，但早餐吃一個已十分滿足，連午餐飯錢也可慳回啊！

曾經成日去依間外賣店,但因為等外賣既時間越來越長,所以近排都轉咗去其他地方食.其實其他人點既餐好快就有得攞,偏偏我點既一係就啱啱賣晒要即刻整,一係就好搶手要等其他幾個客人攞完先到我.外賣既選擇唔多,基本上長期都係果幾款.依度好在有個簷篷,等外賣果陣如果好猛太陽或者落雨都有個地方避下.今次叫咗個涼瓜煎蛋飯,我習慣將餸撥去飯盒另一面,起碼隻蛋唔會阻止扒飯吖嘛.今日照常咁做,竟然發現飯盒左上角應該有飯既地方吉咗一個窿仔.又無理由為咗慳返果2啖飯架,真係唔知搞邊科.蛋睇落乾咗啲,即係少油啦.咁都好既,就係為咗健康先食涼瓜煎蛋啫.但就因為乾身,本身略咸既蛋就顯得更咸喇.涼瓜切得好薄,無乜質感,加上連埋幾咸既蛋一齊食,就更加食唔出味道.

這間小店只做外賣，都有頗多選擇的，既有飯盒又有粢飯、燒賣等較輕盈的食品。愛吃薯仔的我揀了薯仔雞翼飯。共有四隻雞翼，煮得入味，味道調校得不錯。薯仔亦有很多件；薯仔煮得透，夠腍，很鬆化，也夠味另外，這店的飯比較細粒。這個價錢有這樣的水準，抵吃

：菜圃煎蛋飯 $27 是日頹飯，但絕對唔頹而且係爆滿足超開心😍好耐冇食過菜圃～ 真係好好食 蛋煎得完全唔油，同事都話夠乾身。一打開熱辣辣香噴噴，菜圃好夠味 少少甜😆初頭以為會好dry得個蛋撈飯，點知掀開仲有菜同埋少許豉油 全部加埋一齊撈飯一流！上環返工朋友必食喔，我個蛋係即叫即煎👅簡簡單單又一餐👐🏽 呢d先係名副其實hk style地道飯盒。🇭🇰