大滿屋日本料理 (Closed)

天氣太熱 唔駛返工最好就係搵有冷氣既地方消磨時間 我地就諗到係食lunch放由1點食到3點 第二位有半價 兩個人加埋一都係400蚊 好抵食!第一次食大滿屋 環境好新好寛敞 又夠晒冷氣食物都好多種類 刺身非常多款同新鮮! 有好多魚刺身揀 璋紅魚，三文魚，劍魚，希靈魚，仲有限定既鱸魚王! 希靈魚比平日一般食到既爽口好味，璋紅魚刺身就非常之甜! 另外仲有帶子，八爪魚，白螺刺身，甜蝦等。 帶子又係好新鮮 基本上全部剌身都好鮮甜 好好味 係超班之選第一樣黎既壽司係芝心鰻魚卷 初頭食見到d壽司飯好奇怪點解咁深色 問職員先知原來大滿屋所有壽司都係用一種赤醋黎整 所以特別深色 原來好野黎! 芝心鰻魚卷感覺好新鮮 口感豐富 食完一件忍唔住再encore多round 其他壽司既味道都ok 仲有拖羅食!!!無錯 係拖羅~ 拖羅壽司既味道好得意 加左小小辣油 又幾過癮 又係食完要再encore既一款壽司 不過唔鐘意食辣既朋友可能就唔岩食熟食亦有唔少款 有我最鐘意食既羊架 大大件 啖啖肉 食得出係級數ok既貨色炸物叫左炸蠔，芝麻雞翼同炸榴槤，初頭睇以為會好漏，但原來食落一d都唔油膩，炸蠔仲有鮮味，唔會過熟，估

好多女仔可能都同我一樣，成日想食日本野，但次次食同一間又唔夠有新意，所以間唔中都想搵下有咩其他放題／日本店食下新野，而岩岩星期日去左觀唐呢間食放題。中午去，坐低影果陣無咩人：呢間放題同旺角區果幾間放題店都幾唔一樣，首先講裝修間隔，係比一般放題店舒服 D，梳化位比較多，而重點係枱同枱之間唔會擺得密密麻麻，最怕迫到難行，一覺唔覺意打翻野就GG了 -___-第一盤黎嘅係剌身，第一round 通常都係乜都叫D第二round，真係叫D鍾意食嘅—黑鳥貝、劍魚腩、白海螺、帶子等等：雖然細細盤，但味道同新鮮度係比一般放題店好食嘅：叫左D壽司，呢間店整D野都算用心，佢D壽司飯竟然唔係用白飯，係MIX左D醬油味道，所以唔洗'點'匙油都會覺得淡：一口花之戀，三文魚仲多過飯，唔驚易飽肚：一口海膽手卷，飯依然有醬油：黃金蝦，賣相都幾靚：芝麻雞翼(都幾大隻)、吉列蠔、炸榴蓮：泰式八爪魚：overall 個場都幾大同開揚，刺身新鮮，壽司嘅飯有醬油，所以比較放題店黎講，都值得黎呢間食～

大胃聯盟出征觀塘大滿屋, 打電話黎book位時, 店員話窗口位係先到先得, 所以大胃聯盟都預早左到。儘管如此, 到達既時候都已經好多人等緊入座, 本以為與窗口位無緣, 但有幾檯人數都比較多, 所以窗口位塞唔落, 先咁好彩俾到窗口位我地。果然冇錯, 窗口位景觀開揚 (但景色麻麻), 而且係4人卡位, 一D壓逼感都冇。******************人手都算好充足, 收碟非常快, 快到一食完最後一件, 佢地就秒速收碟。通常放題都有漏單情況, 但佢地跟單跟得好好, 食兩個鐘,一張單都冇漏 半場時仲特登問一轉有冇漏野。服務我俾98分! (小編冇影點餐紙, 係因為想拎黎影既時候, 佢地已經話要收)******************放題點可以唔提刺身呢。第一轉, 冰鎮連噴煙魚魚一起上, 賣相唔錯, 就算唔食得都睇得; 食落都算幾新鮮, 唯獨係D蝦好似有D怪味(好似有DD似魚缸水味)。最開心就係有玉子, 因為大胃聯盟超喜歡食玉子, 但又唔係間間放題都有供應。******************之後就係壽司, 特別之處係D飯, 平時食開D壽司飯係白色, 但大滿屋既壽司飯係帶啡, 因為佢地用左「赤

今日放假同朋友去觀塘apm行下，行到肚餓就諗住穩d野食，同朋友商量最後決定去食尼間放題…因為聽講大xx名嘅放題質素都可以…我地十二點幾就到左，人都幾多下，不過不會好吵，環境好好，坐得舒服，而且可以望到景 一坐低，第一件事當然喺刺身 三文魚都喺魚腩，入口好肥膩，好甜美 極鮮鱸魚王必試👍，好甜，好新鮮，而且唔喺間間都有尼款 壽司食得唔多，怕太飽～強烈推薦黑松露三文魚壽司…黑松露好香，同三文魚好岩，食完仲感覺到香味 甜品有好多選擇，而且擺得幾好…馬卡龍都幾甜下，但系其他曲奇布丁同芒果布丁好好食

終於 有機會試到 大滿屋呢 間長期爆滿嘅放題餐廳， 行過尖沙咀分店見到條龍都唔想排 ， 難得星期日觀塘中午時段冇咁多人， 拿拿林上去放題一下😆😝地方光猛企理， 餐廳都好大下有好多張枱， 我諗平時爆起上嚟一定非常熱鬧一開波就點咗一份大嘅刺身盤 一到出嚟好似藝術品擺擺得好靚， 都有好多 刺身款式 每樣點兩三片已經一大盤了。三文魚，希靈魚，油甘魚一系列魚類刺身，肉質結實， 鮮甜， 肥美 ，最愛 滿腔魚油感覺 😜👍牡丹蝦都好大隻q彈😍😍鮮八爪魚同蠑螺都夠哂彈牙😀唔錯唔錯~估唔到日式放題會有泰式生蝦 食 ，細細份咁過下口癮都唔錯， 隻蝦都幾大隻同新鮮。👍 而且泰式醬汁調到味道 酸辣剛好 ，一點都不輸蝕 泰國 菜館出品壽司 雖然食完好快已經會好飽食唔到其他嘢， 但始終都會點泥食😆 好似有啲飯落肚感覺會好啲😂 通常會點火炙系列， 輕炙完特別香口好味， 見佢細細件一啖一口感覺都唔錯。芝士波榴槤波同芝麻炸雞翼 三樣炸完都非常香口其中我最欣賞榴槤波，因為唔係 間間有得你食， 咬落去裏面仲係好似流心咁，充滿榴槤香，香味撲鼻， 十分滋味。 我們還encore完再encore，推介喔~燒三文魚鮫 ，啱曬最愛鄰骨

訂左5.30 食第二位半價, 提早左1-2個字上去, 點人已經塞滿lift 口等入去la....下次一定要早少少上去登記, 唔係就坐唔到近窗風景位la...可以遠望裕民坊, 好開揚, 藍天白雲好靚ar..食物選擇都唔少, 刺身, 壽司,炸物, 料理, 串燒等, 係甜品少左點, 其他都好多款....野飲有2大柜自己攞, 我覺得韓國蘆薈汁最好飲, 清清地食放題啱晒食物質素都ok, 放題來講算合格la..刺身夠新鮮, 青花魚燒得夠干身, 但又唔會太老, 好香口, 但牛油燒翠玉瓜牛油香欠逢, 反而椒鹽落得太重手, 有點辣.....最鍾意係燒菠蘿,又甜又多汁....食炸泡芺時記得一定要一口食晒佢, 我就係個口唔夠大, 打算咬一啖, 就中伏la...點cream 係另一邊噴左出來..好彩噴係枱..冇整污漕衫....另推介榴槤球, 真係好香榴槤味...但甜品真係好普通...食唔食都冇咩所謂...另外值得一讚的係, 點侍應服務都唔錯, 點野上得算快, 同埋最好係冇漏單, 食到咁上下又會走來問下有冇野漏左要幫手跟..

今日黎到一個環境不錯的放題餐廳食午餐 (上到去先知中午放題二人同行, 一人半價) 第一時間點左好多刺身 ~好驚喜刺身用一個船上~擺碟都也真的非常用心呢~ 有乾冰效果更加令到我地好興奮! 而且刺身都幾新鮮!!唔會覺得凍冰冰好重雪味! 平時見希靈魚一般都是黃色的~第一次吃紅色的希靈魚,味道其實差不多, 但我覺得有點多了點醋青魚的味道~酸酸的, 食落都幾開胃~燒菠蘿, 初初第一轉只點了兩片, 第一眼的感覺是..."哇, 很厚切菠蘿呀" 雖然很厚, 但整個都是燒得暖暖的~ 之後再encore左幾次...發覺真係每一件都是這麼厚!!而且每件很甜很juicy!!   炸芝士年糕咬落去, 有少少芝士流出黎, 熱辣辣,煙煙韌韌咁,都幾好味.榴槤炸蛋, 我太鍾意榴槤, 聞已經覺得好香, 食落去好濃榴槤味~不過這個好像是季節限定啦~可能過了夏天就沒有了~海膽手卷, 我鍾意佢D飯細細舊, 唔會食飯都食到飽~海膽味都幾濃, 不過可能放耐左, 紫菜已經唔脆身了! 試左兩款最近都在廣告熱賣的飲品 蜜瓜椰汁露, 不會很甜, 啖啖都會飲到一些果肉..西米..不錯! 楊枝金露我個人就覺得有點失望

日式放題開到成行成市， 我覺得除左食物質素之外， 餐廳嘅環境都同樣重要。 上個星期六就去左觀塘嘅《大滿屋日本料理》。 餐廳位於apm旁邊嘅商業大廈， 地點方便就腳。 而且五點半前或者九點半後入座， 第二位都有半價優惠， 大概都只係二百四十蚊左右， 非常抵食。餐廳位於十樓， 景觀開揚， 有大玻璃可以望到觀塘市全景， 餐廳裝修新簇又光猛。而且設有大量卡位同沙化座， 一路食一路傾計就最舒服啦。飲品方面採取自助形式， 基本上有汽，冇汽， 有糖，冇糖嘅飲品都有。 各式其色，任君選擇。食物方面種類非常之多， 一坐低， 就送上刺身船， 有甜蝦，三文魚，劍魚腩，油甘魚，墨魚， 帶子， 每一種刺身都非常之新鮮。 特別推介嘅就係劍魚腩同油甘魚， 兩者油脂都非常充足， 入口即溶， 味道回甘。 牡丹蝦亦相當不錯， 蝦肉鮮甜，彈牙。 而且刺身船嘅賣相亦都非常之靚， 一上枱煙霧瀰漫， 睇到我哋都嘩嘩聲。意想不到咁好食嘅有泰式鳳爪同泰式生蝦， 兩個味道都調教得非常之好， 酸酸辣辣， 有充滿蒜蓉味， 非常惹味， 食落真係勁開胃。 鳳爪冇骨又爽口, 生蝦新鮮， 肉質彈牙。must食！壽司方面， 花之戀同海膽親子卷都好好

食放題大多數都係為左勁食刺身！見到呢個出晒煙既刺身船真係不得了！件件大大件，好有厚度，唔小器！當然有海膽既花之戀都唔能夠放過啦！要喪食喪食！三文魚同海膽既結合真係不得了！點估到放題食到壽喜燒，牛肉黎到個陣仲唔會老，上菜迅速，口感啱啱好！仲有最愛嘅天婦羅，天婦羅炸蝦外脆內軟，而且仲好爽口好彈牙！其他天婦羅都好出色，有埋個汁點又唔會太熱氣。再嚟就係日式串燒啦，蝦同翠玉瓜燒得啱啱好，唔會太乾！最重點嘅飲品櫃，入面有超多款揀囉，而且有好多樽裝飲品，仲有最新嘅嘢飲揀添！

食物選擇唔算多，味道偏淡刺身：尚算新鮮，最好食係深海鱸魚，但叫兩次只嚟一次(冇嚟嗰次同一order嘅其他刺身係有嚟); 帶子刺身除咗嚟嘅數量同落order嘅數量相距甚遠(落20粒嚟4粒) 外，係淡而無味；其他魚類刺身係切得幾薄下；珍珠黑鳥貝幾爽甜炸物：還可以，炸蠔幾有蠔味；炸榴槤球算驚喜，好有榴槤味幾好食燒物：比如雞軟骨同雞腎都係淡味，而且乾咗啲，其中燒海蝦較可取；女友話燒菠蘿幾正再落單又冇嚟；帆立貝北海燒係一個酥皮盒裏面放一小粒帆立貝上面再一大擘沙律醬焗，個酥皮盒好油，麻麻壽司：飯細細舊好好可以試多幾件 ; 火焰虎蝦算香口；黑松露三文魚壽司好香手卷：都係mini size, good, 惟軟殼蟹手卷落一大擘千島醬食唔出軟殼蟹味小食：泰式生虎蝦頗酸，吸咗啲冰水濕濕咁，麻麻，叫兩次嚟得一次甜品：叫幾樣推埋一推用個碗裝住，味道一般後記：環境開揚，服務ok; 食物乏善可陳，有點失望；總評ok係要環境同第二位半價撘夠

幾個老友每月一聚一聚通常吾係放題，就是韓燒自助餐！甚至大牌檔飲酒吹水！是晚又是放題了﹗官塘亞太中心十樓的大满屋這裡環境尚算光猛整潔座位坐五個吾肥的人都坐得也蠻舒適嘅首先刺身都十多分鐘先到都叫執得好齊都新鮮炸物方面, 芝士年糕軟綿綿炸芝麻雞翼皮脆肉嫩幾好食燒嘅食物方面, 燒菠羅同燒蝦最好食..但係要等好耐..樣樣都要20至30分鐘雞軟骨無乜味，仲係炸連支簽都油淋淋熱食方面, 都有清淡嘅炒菜同烏冬飲品方面, 罐裝同紙包裝，我飲左4罐野甜品方面好多選擇，香芒世界最唔錯.服務也算不俗，哥哥仔夠勤快始終叫做沒有漏單的情況出現一則趣事鄰桌一家無知無理取鬧表示食物未齊，哥哥仔也細心聆聽了解大叔怒追蟹子沙律嘈吵好耐未來喎哥哥仔指著枱面這正是蟹子沙律大叔咆哮，吓！甚麼沙律不是菜來嗎？反問哥哥仔識吾識，吾識搵個識過嚟。朋友聽到哥哥仔回應，如果我吾識仲有邊個識？哥哥仔都無你咁好氣走了去換垃圾桶....哈哈！我們也不禁笑了出來甚至挑剔特殊要求那一些味道雪糕也不厭其煩取，看態度似乎是輕鬆處理追單亦毫無禮貌，彈三嫌四咁仲有很多一而再再而三我們也覺得無理取鬧的事我地都睇吾過眼，很想出一句聲難得的是哥哥仔還笑著肯耐心

壽司都有唔少創新既特別款，例如芒果蝦咁，都幾有創意創作壽司除左有特色，仲好食得黎唔會太大件。放題黎講算唔錯的質素刺身有多款選擇食放題當然要食刺身啦, 刺身份量十足, 淨看也很吸引。三文魚腩肉質肥美，新鮮無雪味。帶子口感好而且剔透，食落略帶少少海水鮮味，好味道。其餘油甘魚，北寄貝，八爪魚同樣食得出材料好新鮮，唔係一般放題量多價平粗製濫造既貨色。雖然唔係每款魚生都點, 但叫左既全部都新鮮, 厚薄適中, 擺盤有心思。三文魚片真係好肥美, 而牡丹蝦好鮮甜炸物香脆可口 特別係芝麻雞翼 吉列蠔 炸海蝦呢d都係必食之選炸蝦天婦羅唔會特別油!加埋天婦羅汁點黎食可以提高一下鮮味!天婦羅炸得唔會好乾身日本芝士年糕都幾有水準!芝士年糕外脆內軟, 年糕又軟又糯, 加上半溶芝士, 味道真係唔錯。饅魚壽司既鰻魚燒汁十足, 鰻魚肉肥美無骨呢到放題既甜品款式唔算好多，但勝在質素唔錯而且賣相仲咁幾靚添!!有迷你泡芙，小杯裝楊枝甘露等等，全部都幾好味，唔會太甜，份量唔會太多芒果糯米池甜味剛好！唔錯！

平常都是去旺角吃放題的我，在朋友的介紹下，今天來到觀塘的大滿屋食放題，環境很好，很大，簡約的設計令客人感到非常舒適。一開始先來個刺身!非常非常新鮮，每一件都切得好厚，很肥美，口感非常好。由其是甜蝦，甜甜的軟軟的，刺身最重要的就是新鮮。款式也不少，吃完真的超級滿足。黑松露三文魚壽司比較少見，沒想到兩個吃起來非常配。黑松露很香，令到三文魚吃起來高級了不少。壽喜燒牛肉很多，不會很肥，吃起來甜甜的，肉不會硬而且很大塊。雞軟骨很香，軟骨脆脆的，微微的咸味，送酒一流燒羊架這個不吃不行，很新鮮，肉非常嫩，很滑，很多肉汁，比較厚，所以咬下去超滿足。青瓜絲很甜很爽口，加上蟹籽，口感很好。比較清爽，讓你沒有了油膩之類的感覺。魚翅撈海蜇很脆很爽口，甜甜的，超喜歡它的口感。海膽手卷海膽的量很多，很甜很新鮮，放進嘴裡不用怎樣咬都溶化了，很香。而且飯量不多，吃幾個都沒問題。芝麻雞翼也是一定要的，肉汁同樣好多，很嫩，一點都不老，灑上芝麻真的超級香。雞肉骨彈，吃起來口感像蝦球比較有彈性，還有碎啲軟骨。那兩顆是炸泡芙，很少見吧?吃起來就是甜的炸物，很脆，一口咬進去就是泡芙的味道。cream會比冷的乾，很特別。還有很多

冇諗過係觀塘都開遇到咁高質嘅放題！其實係有食過既朋友話幾好食所以呢試下。 佢做緊二人同行一人半價既收費，如果閒日食早啲嘅話，就可以200蚊都唔使啦一個人！野食種類都算幾多，不過最impressive嘅係，佢啲食物質素真係好好重要我的一行5人，叫出好多野都冇漏單！冇諗過係放題都可以食到黃金蝦！幾搞笑！ 不過佢都算做都大排檔嘅水準，係唔好夠鑊氣但味道非常之好 鹹蛋黃炸到好脆，好香口！天婦羅蝦嘅份量都好多，唔會話出面嗰啲炸粉好多，入面得好細既一條蝦。呢度嘅燒菠蘿係我食過最好味嘅燒菠蘿！超級juicy食左好多嘢！好好味！可以encore!

今日約咗朋友去觀塘到行街，咁岩之前聽講呢間大滿屋有中午第二位半價優惠，所以我哋今日就去咗試佢嘅日式放題啦！中午一點正嘅時候我哋嚟到觀塘大滿屋，一出到電梯，見到佢哋嘅裝修都相當好，而且靠近住窗口嘅位置風景都非常唔錯，落地大玻璃遠眺觀塘裕民坊嘅景色 我哋一行三人就被安排到卡位坐，一坐低我哋瘋狂咁樣攞住啲餐單係咁畫，呢度嘅食品供應都有好多嘅種類各適其適，各小食日式食品想食咩嘢大部份都有齊，例如手卷刺身小食炸物，呢度仲比其他放題屋唔同嘅就係佢哋仲提供埋少少泰式嘅小食譬如泰式鳳爪咁，泰式鳳爪都酸酸甜甜小辣夠晒醒胃，簡直令我哋胃口大開呀 我哋點左唔同嘅刺身有三文魚包片油金魚飯粒杯三文魚件件都後設新鮮入口鮮甜肥美油脂分布平均，靚靚咁樣鋪係噴煙嘅刺身船上面，簡直係視覺同味覺都有大享受呀 我哋重點咗一啲好特別嘅炸物，除咗平時有嘅就蚱天富羅之外，仲有炸玉子同埋一個好特別嘅炸泡芙天富羅，開頭覺未食得會怪怪地，但係原來炸嘅泡芙天婦羅都幾唔錯喎，好特別係一個新嘅嘗試，同埋佢哋嘅天富羅都係即叫即炸熱辣辣仲唔會好油膩 我哋仲叫咗啲唔同嘅串燒有雞肉串燒，黑椒豬肉腸串燒，仲有賣飛