大滿屋日本料理 (Closed)

得知大滿屋消夜時段兩位同行，第二位＄88 ，當然要拉埋朋友一齊嚟試下。起初以為平日消夜時段應該唔會太多人，唔駛等位掛，結果去到餐廳門口見到已經大排長龍，人人都等緊入座。到咗9：30，餐廳經理就好快安排座位俾我哋呢班心急等開餐嘅人，非常有效率。 坐低後，感覺自己唔似身處放題餐廳，因為呢間餐廳嘅樓底好高，而且大部份座位都係卡位，空間感十足，不論多人、小人一齊坐低傾計食嘢都比較方便同舒適。餐廳嘅食物種類非常多元化，一般日式放題餐廳有嘅食物選擇佢都有，但食物質素就較其他餐廳高。鍾意食刺身嘅我，當然要把握時間即刻拎張order紙mark低想食啲咩，點知，侍應就同我講，話唔需要劃，佢轉頭會安排一盤刺身攞過嚟。結果，一盤重量級嘅刺身就出現係我面前😍刺身款式多元化，有海膽、希靈魚、油甘魚、劍魚腩、八爪魚、三文魚、帶子、仲有我最愛嘅甜蝦添！甜蝦超大隻，而且好新鮮！刺身果然足料，絕無欺場！至於炸物，個人最鍾意食芝麻雞翼，雞翼炸得夠香脆，外面灑上芝麻，鹹中帶少少甜味同芝麻香味，真係無得輸！至於榴槤炸彈，一聽個名就已經覺得吸引，外皮炸得香脆煙韌，一咬開外皮，流心榴槤香味即刻湧晒出嚟，味道唔會太甜，食多幾舊都O

9月有屋企人生日，於是找地方食生日飯，有人介紹去官塘這間大滿屋！Book左7點半入坐，去到現場再等左10分鐘到就可以入場就坐，現場坐無虛席十分旺場！心想應該有信心的保證，食物款式有很多選擇，刺身丶壽司丶燒物丶卷物等等⋯以畫單型式落單，食物送到速度正常，先到刺身盤,刺身排列得買相吸引，刺身十分新鮮，三文魚肥美可口，甜蝦入口鮮甜，劍魚腩入口後，魚油味薀養口腔，一試難忘！燒物都係另一推介，燒羊架大塊得來味道不錯，除了燒物，其餘壽司、拉麵等等都有一定水準！飲品選擇十分多，鍾意健康的你可以選擇茶類飲品，汽水飲料繁多，新款鴻福堂飮品都有，楊枝金露及密瓜西米露都十分受歡迎，整體來說，這間大滿屋放題可以推介！食品及員工服務都不錯！大家不妨試試丫！

平時都食開唔少放題，今次同朋友決定去大滿屋試試。坐低之後感覺環境都唔錯，但係我地眼前既首要任務係先點左菜先將所有餐紙攤哂出黎，為數都唔少，真係花多眼亂，不過可以多個選擇叫左D雞肉串、海賊王、仲有個香草脆皮腸，每一樣都仲好juicy，唔會乾爭爭，而且都好香，幾好味~當然唔少得我至愛既雞軟骨，粒粒咬口好爽，仲有少少鹽係上面，鹹鹹地幾正至於炸物，我地呢D熱氣鬼都一樣嗌哂全部先算！榴槤炸彈、香芋波波係友人至愛，入面餡料好香好甜，鍾意甜食既人會相當喜歡。芝麻雞翼香口係人都知，入面雞肉唔會炸到好乾身，幾好~炸蠔都幾好味不過真心覺得有D熱氣過頭，所以一隻起兩隻止好了。芝士年糕我就麻麻了，口感煙煙韌韌但我唔好蒜片牛柳粒好多汁，不過蒜味與牛味不算太重，但係作為牛迷的我過下口癮確實不錯最後少不了放題必點刺身，我地每樣叫少少，廚房的確按照我地想要既份量比我地，呢個非常之好，我本身係超怕廚房係隨意咁分，太多會浪費，唔鍾意食又要夾硬食得唔開心，好彩呢到都冇呢個問題刺身總括黎講都好新鮮，不過相對黎講我覺得大滿屋係其他方面做得比較出色，整體表現不錯~

今天莊少請食飯，我帶他去觀塘大滿屋吃日式放題，没想到竟然午市放題，秖要二人同行可以有第二位的優惠，秖需加88元，真的起抵吃!不得不介紹是這個令人百吃不厭的刺身拼盤，有厚切三文魚刺身，鮮味無窮，我和莊少叫了油甘魚，希靈魚，劍魚腩，鱆紅魚，八爪魚，白海螺，我最喜歡是大甜蝦刺身，又大隻又新鮮，而且口感一流，而且還有大大粒的北海道海鮮帶子，祗吃刺身已經可以值回票價!其餘壽司品種也超多，最特別的也莫如有黑松露三文魚腩和魚籽醬赤蝦壽司，真的很有心思也極有創意!我也喜歡吃海膽手卷，mini 版的但亦有心思!下次朋友生日就可以又來帶他們來過日式放題大滿足了!

最近多了去做義工服務，做得多義工人會更加開心，正所謂施比受更有福！不過經常這樣都會有一點累的，都是晚上食放題鼓勵一下自己吧。好多刺身，什麼都有，最令人覺得特別的是醬汁鮑魚！冷冷的，但係又不會什麼味都無，咸咸甜甜，幾得意，非常彈牙。另外我最愛吃的甜蝦都好清新，夠哂甜，而且無怪味，好爽口。不得不提的是三文魚，厚切！大大塊！所取的位置也比較好，顏色好深，吃得到好香的其餘都好鮮味，特別是帶子，非常鮮味又夠清新。花之戀都分左兩款，配搭不同，魚無咩太特別，幸好個飯不大，無質飽人。前菜沙律+辣味螺肉+泰式生蝦都是開胃菜的配搭，沙律好多清新的青瓜，d沙律醬可惜不夠冷，再冷一點會更加好吃！泰式生蝦好爽口又沒有怪味，好特別。螺肉無咩好講，間間都差不多。牛柳粒原來每一粒都幾大，好入味。應該有落鬆肉粉，口感好鬆化，幾入味，咸味十足。雞肉串燒+翠玉瓜雞肉串燒d燒汁好濃味，如果少d就好d。不過d雞肉好滑，吃下不錯。翠玉瓜燒完都保持爽口，有少少肉汁，無咩特別味道。燒蝦唔算太肥，叫左好多，咸味入到去入面，肉質都幾鮮的！焗帆立貝上面有d忌廉/芝士之類我罰，好香！！入味就不算，不過一齊依係幾好的，帆立貝都幾彈牙。魷魚好有

平時都係係旺角食放題架啦，不過今次因為就朋友腳，佢又遲放工過我，所以放工就急急腳閃過去觀塘我地8點半後入座，每位要$268，點知原來第二位有88折！其實下次想食抵D，係9點半後入座都唔錯架，不過第二日番工，所以都唔食咁夜LU~坐低之後，我地都商量應該食咩好，因為見到呢D Menu都有D唔同，但我地都決定每樣試一試。首先我地點左D小食，有泰式生蝦、味付鱆魚仔、魚翅海蜇撈，用七彩繽紛既小杯裝住幾得意，每款下底都有用生菜墊底。泰式生蝦唔腥唔臭，有好多冰鎮住所以食個時仲係好冰凍，有些少蒜辣調味但不太辣，蝦身幾彈牙，爽甜平時都係食開八爪魚同螺肉，今次見到有味付鱆魚仔，緊係試下啦！佢D汁同螺肉汁一樣，好冰好爽，其實同八爪魚差不多咬感，不過比較軟林魚翅海蜇撈這個很推介，本來都幾鍾意食海蜇，呢到加入左芝麻好香，味道算屬微酸甜，海蜇同魚翅都屬於有咬口，爽口質感食落好滿意刺身方面我地每樣都叫左D，刺身盤好有趣，有一個乾冰係用迷你瓦缸裝住。三文魚雖然色水一般但食落頗有油香。最令人滿意為八爪魚、帶子、海螺刺身，鮮甜得來彈牙有口感，唔會太韌，整體感覺好新鮮。海蝦同雞軟骨串，兩者表面都有落微鹽，鹹鹹地調味但不會太

之前成日都會食放題,今日經朋友介紹黎到呢個大滿屋日本料理,佢位於觀塘亞太中心10樓,地鐵站行過去其實唔洗5分鐘,非常方便。一去到見到佢既環境我好驚訝,好有宮廷既感覺,唔知仲以為係高級餐廳~放題食刺身係好基本,佢地既刺身都好新鮮不過我今次就唔介紹,因為佢地仲有好多其他唔同種類既食物都好正!!!!首先係燒物-帆立貝北海燒,用原隻帆立貝加一啲沙律醬撈埋d蟹子,沙律醬好開胃配合埋蟹子好有口感!! 帆立貝都幾大隻,有淡淡既海鮮味。另一樣係明太子雞翼, 雞翼裏面都有一粒粒既蟹子混合雞肉同埋其他配料,味道好唔錯而且有口感。炸物方面,海蝦天婦羅外層炸到金黃色,咬落去好鬆脆,而海蝦都好大隻,一D雪藏味都無。想食減肥既女士都有好多選擇,蟹子沙律將青瓜切絲,口感脆爽清新,仲有D蟹柳絲甜甜地,加埋沙律醬就更加開胃!!!另外,呢個鐵板什菌炒野菜雖然全部都係蔬菜,但係味道好唔錯,好入味同幾香~最後,仲有呢個竹笙蟹皇翅,味道比較清淡,落足料保證啖啖都有料。食飽飽仲有第2個胃可以裝甜品,嘩!佢地既甜品都有好多選擇!!!叫左幾款唔同既甜品,細細件既好處係可以試多幾款唔同既口味!!!而我最中意既係曲奇木糠布甸, 曲奇同木

今日因要到觀塘拎婚紗相，所以就同男友拎完去附近食野，左簡加簡之下，朋友介紹哩間放題，話哩間放題好好味，好多野食，所以就決定食哩間，好彩上到去等左一陣就有位啦～坐底後先去拎野飲，好多選擇丫，，正！叫左個牛肉鍋，個湯底好清甜，牛肉都好嫩滑丫．．．正！粟米好香甜爽脆，，個牛油都好香濃好香～雞翼炸得黎唔太多油，夠大隻，醃得好夠味道，雞翼好新鮮！炸天婦羅．．．隻蝦好大隻，好鮮甜丫．．我一次過食左３隻一口牛肉粒，牛肉肉質好爽,醬汁調配得好好!我最愛既三文魚同甜蝦,三文魚好肥美,,甜蝦好鮮甜...好味道!店內環境好大...好靚..座位仲好舒服點菜單好整齊...真係好多野選擇生蝦好爽脆....超正...

這店子食物質數一般，不值價錢，而且上菜好慢，已order的食物又沒有上齊，要我們提好多次都沒有上菜，夠鐘前45分鐘已通知last order,所以我們不會再去😣😣😣

今日放半日假，緊係要同男友出街同睇戲啦，咁岩又book左睇戲係觀塘，同埋突然間又好想食日本野，時間又未到睇戲時間，所以決定係ＡＰＭ附近搵間食放題，之後就問左住觀塘既同事附近有邊間介紹好食，同事就介紹左哩間位於觀塘觀塘道414號1亞太中心10樓叫大滿屋日本料理！我地由１２點食到３點....食足3個鐘真係好爽丫!嘩,,,,真係好多選擇,又整齊...唔似平時一本BOOK咁..好清晰好方便!店內環境好大又好舒適,地方仲好乾淨!食放題緊係要先點三文魚刺身,甜蝦等等.... 全部好都新鮮,三文魚又夠肥美,甜蝦又好鮮甜,好味!壽司都好好,每一件D飯都包得好實,仲好足料.鰻魚壽司魚肉散發着清淡魚香，質感嫩滑,口感一流!天婦羅炸蝦係我最愛的食物,蝦好新鮮又炸得好香脆,我一個人食左10隻...超正!一口牛柳粒...肉質好嫩口,醬汁調配得好好味!炸雞翼一定要點...因為外層好香脆,肉與好嫩滑,完全沒有冰鮮味,好新鮮!牛油栗米好香..好足料牛油...栗米又爽甜多汁..正豬肉火鍋,豬肉不會太肥,而且肉質好爽,個湯底都好濃郁有好多飲品供選擇雪糕同雪條都多樣選擇!

放題！放題！正！平日下午去，無甘多人，坐得舒服，又唔洗甘夜，又可以平啲！刺身船加上燈光變色既煙霧，好靚！刺身擺放整齊，下面有好多冰墊底，保持新鮮。刺身都好新鮮，八爪魚好爽口，魚刺身肥美，蝦好大只！榴蓮炸彈炸得好脆，入面係榴蓮蓉，唔係溝左粉果啲，係真正既肉！好正，又香又甜！人間極品！甜品有呢只韓國雪條，有蜜瓜同芒果味，可惜無最愛既香蕉味，有埋更完滿！仲有馬卡龍，奶凍同蛋糕等馬卡龍好厚身，有唔同既味道，有杏仁味。奶凍唔太甜，幾滑。不過個竹炭海鹽蛋糕有啲奇怪，可能我食唔慣咸既甜品。哈哈呢度既飲品有好多款，有啲未見過。幾鍾意枝楊枝甘露，西米有咬口，唔會太甜，細細枝，可飲下其他野蒜香牛柳牛柳好淋，唔多肥肉，入味，用乾蒜炒，好香口。本身諗：食放題無理由食烏冬甘飽肥掛？朋友叫左一個，試左一條，覺得好爽口彈牙！即刻叫一碗。個湯好香甜，咸咸地，有紫菜味，一碗小小地，份量唔太多，好味！

第一次寫食評😂滿心歡喜去吃放題，但食物質素麻麻地🙈魚生不夠新鮮（雖然有好多款刺身，但沒一樣OK的👎油甘魚，劍魚腩👎👎三文魚又不肥美👎👎👎）羊胺又燒得太老🙈肥膏太多😣串燒種類太少😔呢個價格吃過好幾間放題都好過佢！最大問題吃完拉肚子😰😷😖不會再光顧😐

平時呢間餐廳夜晚要等好耐位，所以今次突特中午少d 人 兩個人黎食放題一入到去都坐得幾鬆動，宜且個view 都唔錯，夠開揚任飲區都係我坐既位置旁邊，唔算好多選擇。不過野飲都好夠涷，你知啦大熱天時要消下暑坐落就即刻睇下有咩食，野食單有分長短所以都幾易睇一黎點個刺身是常識吧～～刺身十分新鮮，唔會雪到死死實實，有果種鮮味係度帆立貝、希靈魚、象拔蚌同劍魚腩一定要試！！！普遍刺物都好肥美加上有海鮮味另外各種其他唔同既野食都唔錯，手捲唔會太大舊而且有好幾種選擇壽司都幾好，重點推介係果款叫赤身既吞拿魚壽司，上面有中式既辣椒醬十分野味，叫到停唔到手～～～呢度既泰國出乎意料之外咁出色，個生蝦同鳳爪仲好食過出面部份既泰國餐廳有興趣絕對可以一試！

之前多數食放題都係旺角，就個朋友方便，第一次黎呢間！下晝一點到黎到，唔係滿座，之後不斷有人黎，有啲係食放題，有啲食午市定食。坐低覺得感覺幾好，因為大多放題餐廳燈光都暗啲，可能加上係晏晝關係，呢度好光孟，睇野都清啲！😂不得不介紹下呢個雪櫃！去過甘多放題，呢度既野飲係最多最齊！有汽水、檸檬茶、楊枝甘露、忌廉鮮奶、啤酒等等仲貼心到有啲飲品無放雪櫃，室溫，配合唔同人既需要，抵讚！雪糕雪條有四五款，都是自取，有韓國味只好味雪條！三文魚壽司飯夠細，三文魚夠大片！加埋松露更香，未試過甘食，別有一番風味，正！食時發現壽司飯係啡啡地色，應該係用左糙米？同平時白米果味無咩大分別，但感覺上好似健康左，哈哈！芝麻雞翼一句講晒，香口，脆，入味，肉質嫩滑！榴蓮炸彈！入面係榴蓮肉，又脆又熱，流心既榴蓮肉，食到lam lam 脷鍾意食榴蓮既就會明白！蟹子沙律細細碟，蟹柳同蟹子都夠多，青瓜絲夠幼，去左皮，唔硬，爽口！略嫌太多沙律醬，少反啲會更好！香芒軟殼蟹芒果甜，唔酸料多過飯，細細舊一份，唔會話食到好飽。放題重點！刺身！有好多款，用只木船盛載，中間有個裝左乾冰既杯，加上變色既燈光，好型，高檔左！刺身放面，好新鮮，三文魚

基本上宜家食個晚市放題加一後都要300幾400蚊一個人 所以又想食放題又想慳 我覺得午市放題都係一個唔錯既選擇朋友仔睇到大滿屋既午市放題做緊第2位半價 $123  於是乎我地就第一次去幫襯地點幾方便 係正APM隔黎 環境亦好新淨舒適 有落地大玻璃食物方面有好多種類 酷愛食刺身既朋友 差不多一次過點晒全部刺身  刺身船砌得好靚  賞心悅目愛魚既朋友仔非常興奮 因為有好多款魚刺身畀佢食  而我就主攻白螺肉, 貝類,, 甜蝦, 八爪魚等全部都好爽甜好新鮮  讚除左刺身 壽司同小食都好吸引 午市放題竟然有海膽食　小妹好欣賞呢個甜蝦海膽凍豆腐 海膽帶甜味唔會腥 胡麻醬配甜蝦原來咁夾 結果一個人食左兩客 大滿屋既壽司都有唔少款 Tuna, 蟹棒, 北寄貝,鰻魚,天使蝦, 虎蝦....... 飯仔細細件 唔怕會被塞飽 亦可以單件點 適合細食既朋友當中天使蝦同香芒軟殼蟹卷都唔錯 天使蝦有泰式生蝦既Sauce係面 呢個配搭估唔到又ok熟食方面  炸物同天婦羅都幾好 炸得乾身 無過火而串燒就屬正常質素  牛仔粒就略嫌重味左小小 反而蟹粥既粥底幾綿幾甜 食得出落左乾瑤柱調味甜品亦有超多款選擇 味道都唔錯 仲