大門食堂 (德福廣場) (Closed)

忙碌工作後的lunch time，我隻身到九龍灣德福的大門拉面店。剛剛是1點45分的時間，還是有小量人流在排隊的，畢竟看起來很不錯的一間店，等了5分鐘後，終於到我可以入店了。先看看餐牌，有拉面，/混面（撈面）/飯類可以選擇，當然我想法是來到拉面店當然是點拉面吧。大門拉面，招牌菜，拉面有 叉燒，筍蔥及紫菜陪襯，滿豐富的。拉面最重要的是湯底，我立即先試湯底的味道，甘甘甜甜，是鏗魚濃湯，湯底合格，好喝然後試試面條，拉面粗幼適中，咬下去不粉而有咬勁，吃得出有質感，連湯吃十分易入口開胃。然後看了看可以配合不同的醬汁，於是嘗試了加點辣油和醋，令到鏗魚湯多出分酸辣味道，但一點也不降低鏗魚味，的確是很美好的配搭，酸酸辣辣甘甘甜甜。味道加了一分刺激。再吃一吃甘荀及叉燒，不同口感的交集，滿足非常，由其是甘荀，連湯底喝是一種匹配享受，甘荀的咬口加上鏗魚湯底，又是另一種美食的層次。飲品的話，是免費附送的，因環保而沒有飲管，讚。然後飲品是蜜桃茶，清清甜甜，滿有蜜桃香而不會太膩，完美配合拉面。店內還有其他的推薦，但這不是午餐牌上的東西，就不多介紹了。這是一餐口感味覺享受的一餐，味道不是太濃，清甜為主，價錢68元，

因為要快食個午餐，所以見到依家鋪就入去試下午餐有唔同飯/麵，仲加送利賓納/蜜桃茶滑蛋豬扒飯：正常不過不失，豬扒唔會太厚，食落去唔覺熱氣😛叉燒拉麵：個人較喜歡呢個叉燒拉麵，特別係佢個湯，有一陣木魚味好香好好飲叉燒份量適中，味道還好總括來講，當唔想又食其他快餐/麵店時，都可選擇下依間快食之選！

周未晚上睇戲之前，黎食個快飯，首選大門，餐廳流轉快，唔洗等好耐就可以入座！與友人分別點了大門拉麵、豚肉炒雜菜定食同小食炸雞一齊開心share日式炸雞賣相唔錯，唔會炸到「乾爭爭」，味道ok大門拉麵湯頭帶柴魚香味，但略嫌淡左少少，湯汁唔能夠掛係粗麵上面，有d失色。日式叉燒半肥瘦唔「鞋」，味道ok!，只可惜得一塊豚肉炒野菜定食加左少少辣椒乾去炒，惹味得黎唔會覺得辣，份量適中，配麵豉湯同豆腐一碟，不過豆腐無醬無汁，齋食好似怪怪地咁總括黎講價錢唔算貴，味道還可以，想食個快飯嘅話，可以揀呢間

除左用中伏黎形容味道同所有野之外我實在無補充之前見有人排，打算試一下....試完點知中哂伏唯一可取係抵食不過難食抵食同難食 睇你點選啦！當醫飽個肚咁試一次係可以接受的！不過真係無下次！拜拜

今日係九龍灣接朋友放工，行下街傾下計，見餓了就搵野食🤣我哋都鍾意食日本野，見到有拉麵店就決定食啦！大約等咗5,6分鐘就有位。我同朋友係坐bar枱嗰隻，枱下有鉤放袋。環境都唔錯。🔸黑蒜油沾麵($65)🔸我同朋友都試咗黑蒜油沾麵，麵嘅份量係足夠嘅，而只有熱食無得揀凍麵，麵嘅硬度適中但唔算彈牙。🍜湯汁嚟到都香同熱辣辣，湯汁嘅濃度足夠但感覺偏油。豚肉都有幾嚿，肥瘦都有。但蔥就有啲苦。🔸枝豆($18)🔸正常枝豆😂😂整體嚟講都唔錯，店員都有禮貌嘅。

今天來九龍灣上課，吃午飯時入德福，見到有麵吃就入來試試，看餐牌主打推薦黑蒜油，就點了黑蒜油沾麵，那濃濃黑黑的黑蒜油汁不算很油膩，味道適中不算濃，麵則份量較大，把麵沾一沾黑蒜汁，放入口中，麵身偏硬，非常有嚼勁，有點森林裡藤條的勁道，黑蒜汁味道適中，剛入口吃下去味道不算濃，但后勁黑蒜油很厚實濃郁，就像表面很淺一灘水，踏入去卻是深陷黑蒜油泥沼中，日式叉燒肉味也濃郁，算偏味道較重，肥瘦均勻，沉入黑蒜泥沼中的豬肉，大約就這感覺，吃完麵后，店員會在剩餘的黑蒜汁中加入木魚湯，讓這泥沼，立時升級成黑蒜木魚溫泉的，淡淡木魚香味跟黑蒜香很配合地混合成一碗湯，最后送一杯蜜桃汁，非常清甜涼爽，泡完濃郁的溫泉，喝一杯涼爽的果汁，一餐就這樣滿足了

同朋友喺德福搵餐廳食飯，見到價錢唔算貴又食到拉麵就食你啦。選擇都算幾多，由拉麵，油麵，混麵，沾麵定係飯都有得你選擇。見佢新推出兩款所謂嘅混麵我同朋友都想試吓佢個黑蒜油混麵。由於我同朋友都唔肯定混麵即係湯拉麵定還是係沾麵，而上到枱嘅時候，見到佢個湯底又唔算多感覺上似係撈麵，於是我同朋友都叫侍應提供其他醬汁我哋混埋一齊，真係「混醬」咁食。可能係混醬嘅關係，湯底味道算感，叉燒略嫌比較肥，值得一讚嘅就係個面本身比較硬身好有口感。

難得同屋企人行下九龍灣好小入九龍灣 唔知有咩好野食行行下見肚餓就搵到呢間日本野位置幾闊落 有卡位坐 而且價錢適宜仲有難得嘅鰻魚飯食不過鰻魚飯 鰻魚得好細 略嫌太小 醬汁都唔算多 有啲dry 拉麵麵底咬口岩岩好 材料唔算多但味道麵幾好食燒玉子同圖片好似有幾大出入圖片真係影到好吸引玉子味道較淡 唔係好香口 如果表面煎香啲 會好食啲烤尤魚鬚係最出色嘅小食香口 而炸得唔過火 口咬彈牙爽口不過份量就真係唔多 不過要係德福搵到比較平價嘅午餐都唔易 都算食得過

這商場太多食肆，令我有選擇困難症再度出現。"大門"，名字特別，所以試下價錢大眾化，免加一，水任飲好味，香口，叉燒粒多，雞蛋食落有蛋香。餃子應不是自家制，但不錯玉子燒，過熟，扣分

今日夜晚約咗朋友喺九龍灣食飯之前都食過呢一間大門拉麵覺得OK所以都揀返呢間做晚餐點知今日嘅水準令我大失所望我叫咗呢個黑蒜油沾麵 $68價錢來講真係算係超值$70都唔使可以食到一個沾麵一邊有三至四舊叉燒一片嗚門卷 同埋少許筍而佢碗麵份量唔算太多對於男人胃口黎講可能唔夠飽然後就要講下佢嘅味道啦以往食過佢嘅撈麵同埋飯都覺得OK幾好食點知今次個湯味道係咸到冇其他味所謂嘅黑蒜油又或者豚骨湯底都食唔出佢呢一個麵質已經唔算掛湯但係將面條沾落湯汁之後再食落口就真係咸都接受唔到冇錯你可以叫店員加湯稀釋返但重點係除咗鹹味之外就食唔到其他香味所以下次嚟呢間大門拉麵食嘅時候要慎重考慮唔好再食沾面

第一次來食 是在德福第二期，門外設計都感覺日本風味d野食都好好食啊 😍食物都多款式！有面 有飯任選擇 叫左個圖中拉面 味道都好好，有一點Spicy 既味道唔記得左叫咩名,但十分鐘意❤️❤️❤️👍價錢也合理 每個餐大約50-80 hkd 同埋餐廳設計都好日本感覺 坐位坐得舒舒服服，我同朋友坐在Open kitchen的位置，見住員工一邊做食物的過程👍👍🍜🍜🍜員工都好Nice 好幫助，點野食 加野 賣單都好快手👍👍整體十分喜歡 ， 會再回來！ 一定會返返來試其他野食

店員態度真的不知所謂兩位一入去, 店員說不能坐卡位, 要搭台; 但其實全場有一半位子是空的如果要坐卡位就一定要坐埋一邊 OK 入鄉隨俗無問題 但店員態度已經十分碼碼之後坐了一陣因為今日隨身物品較多, 袋亦重. 所以先擺去對面, 無人再拎返走有個大叔九秒九衝過來 話要留比人坐 唔可以呀我話成半場都無人擺住坐坐先都無問題掛佢又話一陣有人黎人地好難坐呀咁 唔可以人多繁忙時間 要讓比人坐真係明白但半場都沒人的情況下 都要D客屈住坐埋一面最後我估我成程同左兩個隱形人共晉晚餐得佢睇我我睇唔到臨走個陣見到一對情侶兩個人坐卡位, 打對面咁坐, 又無人出聲制止好野.講返野食:叫了個黑蒜油沾麵 (65), 嘩真係得寧寧丁丁幾舊肉碎, 其他全部是筍份量亦都是很少免得一肚氣坐左陣快快手食完就走了態度差成咁 野食份量同料都不足狗也不＿  不會再去了

徘徊於Little old house 及大門食堂最近對餐廳的第六感很差一般覺得日本餐廳會比較有保證在門口看到有沾麵 總算有東西想點說是食堂真是飯堂的感覺環境是乾淨而且獨立有私隱度的餐牌也是清清楚楚的套餐油麵及沾麵也有也附上推薦吃法鰻魚飯是他的首選這兩款混麵看上去也不錯我們點了蒲燒鰻魚飯定食跟大門沾麵豆腐有點小空虛 薄薄一片味蛋是另加的味道正常沾麵跟想像有點不同(賣相方面)沾麵是冷冷的放入溫暖的湯汁看上去很濃郁但湯汁不很掛麵有點想念紅磡的咖啡沾麵了價錢也是很合理 不收加一在附近上班的應真可當食堂還是可以的

呢日想食拉麵或者日本野，見德福2期呢度有間，入去食個晏先。睇午餐set個牌又無乜吸引力。見到推介牌有個黑蒜油拉麵，好似幾吸引就呢個。不過呢個無得配餐，變左小食都飲品要散叫。。。☹️小食叫左餃子同魷魚。餃子皮係薄但個餡無乜味，係肉味菜味都無。。。好怪。魷魚就好啲有味啲，炸完都唔會好韌，仲幾香口。黑蒜油拉麵到，麵質幾彈牙幾好食。不過無黑蒜味，同食緊個普通拉麵無乜分別。塊叉燒都幾乾身，食唔到juicy既感覺。有點失望。

其實係度食過好多次午餐，我哋反而唔係食拉麵同沾麵，因為我哋麻麻地。。。但佢其中有兩個餐我哋超鐘意兼覺得抵食又好味，同埋無加一添👍🏼😋 一個係滑蛋豬扒飯，另一個就係日式叉燒炒飯+餃子😋😋而今天餐牌係後者，通常呢兩個餐都係隔住係餐牌出現😊😊 所以，我哋好大機會係每個禮拜都會來一次😅 有機會我再放埋滑蛋豬扒飯嘅相上來啦。呢度有拉麵胡椒粉，但落在呢個日式叉燒炒飯都好夾，成個飯更加美味😋 跟住五隻餃子到。。加埋醋同豉油好好味㗎😋😋