達人包車 (Closed)

為左真理、為左正義，我決定路見不平登記一個account，避免其他無辜食客中伏！雖然依家韓風依然盛行，但係食客唔係傻仔，我地都有味覺，有common sense! 淨係叫左炸雞同涼拌蔬菜豬手，炸雞正常！豬手《--- 睇唔出係豬手，似風乾火腿片，最中伏位係D 類似honey mustard 汁多到淹沒所有蔬菜絲！完全食唔落！問waiter，佢地仲話係咁，明明menu上面D相同其他openrice食家D相都無咁多汁，最多中間一小部份，完全同我地面前唔同！絕對唔會有下次！中伏！汁多到淹沒配菜⋯⋯豬手肉好似風乾火腿肉，完全唔係韓國豬手！

之前食開尖沙咀達人包車，串燒都食過幾次，見到原來cwb都有分店，所以同埋朋友一齊過黎食，點知黎到先發現呢間係無串燒，唯有食其他野，好彩串燒以外都有好味野，總算無令朋友失望。先點一個醬燒牛肉，上枱時先知原來係要自己炒xd牛肉本身有醃過，入口甜甜地，口感偏碎偏軟身，就算熱住一段時間都唔覺得難咬，對於牙鈍的我黎講實在大讚。牛肉邊煮邊出肉汁，底層韓國粉絲會吸收哂精華，一定要食埋。因為怕唔夠飽，所以點多個部隊鍋，賣相都幾靚，一眼睇哂有咩食。拉麵、豆腐、午餐肉、年糕、腸仔、餃子、泡菜、芝士……材料非常豐富，煮煮下吸左好多湯汁，特別係魚糕吸汁之後無得輸。值得一提係我地覺得個鍋唔夠辣，同店員反映後佢竟然俾左一大碗辣椒粉我地自己加，非常非常熱心幫助客人，下次一定會再黎食過！

今晚跟個FD去食韓國菜，本身無乜期待，因為近年來韓國菜開得成行成市，真係食到有Ｄ厭。入到門口，出黎接待既係韓國人黎，要同佢講英文先溝通到，不過四萬咁口既笑容，算幾好啦。一坐低，就有人送上小菜同菜單。同出面食既小菜同出面食既有Ｄ唔同，由左至右係芽菜＋豆卜、腌蘿白＋青瓜、粟米沙律。不過，食落又幾開胃，唔似泡菜咁太搶味覺。我地點左醬烤牛肉同部隊鍋。首先上枱既係部隊鍋，材料比我想像中多，亦有我喜歡既魚糕同年糕條，係我意想唔到既配料之一。另外個湯係唔夠辣，偏甜，最後我地叫侍應去廚房拎左一大碟辣粉俾我地加落去先夠味ＸＤ　但係本身個湯頭係好香好甜，只係可能太偏香港人口味，令我地覺得唔夠辣，不過Ｄ料係正。之後要講既係呢個醬烤牛肉。呢個醬烤牛肉係全生肉咁上枱，之後慢慢烤煮。本身佢個牛肉用左好多醬汁腌，慢慢煮個陣Ｄ汁會流落個煲邊，而佢個煲邊有好多粉絲同菇，變相吸哂Ｄ牛汁，好好味！Ｄ牛肉都唔輸蝕，熟左之後都唔會太硬身，咬落軟軟的，而且好有牛味，唔係普通貨色既牛肉。之後叫左兩杯野飲，不過不過不失啦，都係野食比較好食。

芝士卷蛋   $130👦🏻當oppa一拎過嚟既時候，我地真係目瞪口呆.. ! 天真既我地本來以為份量會好似日式蛋卷甘「的骰」😝但原來。。（請各位同學依照圖上顯示，做同一動作以作蛋卷份量的估計 🙄）～。Total有8舊，我地每人食兩舊都已經有飽既感覺。。蛋卷卷住淡淡既芝士及洋荵，芝士味道唔濃所以比想像中無甘溜，所以蛋卷上有醬料（沙律醬&茄汁），以免客人偏愛重口味。蛋味香，襯熱食時最軟最香～

港島人的我曾經很羨慕尖沙咀有個「韓國街」，附近全是韓式小店、炸雞店和燒烤店等，多到都數不清的韓式食店。幸好，近年它們都陸續進駐銅鑼灣開設分店，以巨型燒烤串馳名的「達人包車」是今年之一。食物依然好吃，就是份量大，我和好友兩個不能點太多。芝士排骨 $280 (5pcs)排骨數量可以自選，由五件起至八件，價錢各有不同。食物會先以鐵板上枱，再用Gas爐加以溫熱。鐵板共分開了五格，其他兩格都是我們最愛的芝士，另有蕃茄粒及飯團。芝士溶掉後，韓籍店員(Oppa?!) 主動幫忙將芝士捲在排骨，排骨帶點微辣，肉質柔嫩有彈性，與軟綿煙韌的芝士同吃，香濃惹味。芝士雞蛋卷 $160份量十足，第一眼看到有點嚇呆。厚厚的蛋卷該有十層蛋圈，蛋片依然保持嫩滑，包著半溶芝士，每口都覺實在。Blue Lemonade $50芝士吃多了感覺有點膩，因此點了韓式大熱的Lemonade來幫助消化一下。單看海藍色的賣相已覺清新涼快，味道酸甜適中，很好喝。

今日同朋友嚟到達人包車嘅銅鑼灣分店食晚餐，7點半到達時個場都幾full下，但好彩唔洗等都可以入座，餐廳幾寬敞，裝修有點懷舊feel，頭頂掛住一串串嘅燈泡幾特別。入坐後侍應就為我地送上前菜，分別有醃蘿蔔，粟米沙律同泡菜，前菜味道都唔錯，可惜沙律唔夠凍。食物方面都幾多款式，最後我地嗌咗芝士排骨，芝士雞蛋卷同2杯飲品。芒果汁飲料味道偏甜，芒果味都算濃郁。相比之下朋友果杯青色檸檬果汁飲料比較好飲，酸酸甜甜幾解渴，而且清澈嘅藍色望落好靚芝士排骨有5,6,7,8件可以選擇，我地2個就嗌咗5件，其實5件都好夠了，因為除咗排骨仲有年糕，腸仔，紫菜飯團，車厘茄。爐邊有2格芝士，當芝士開始溶化時，就會有位高大嘅oppa過嚟幫你整芝士排骨，oppa用筷子撩起半溶嘅芝士，再卷上排骨上面。排骨醃得入味，辣辣地，肉質好腍身，不足之處係芝士味唔夠濃郁，但中意食芝士既都ok嘅。之後我同朋友都試下自己整芝士排骨，睇oppa整好似好簡單咁，原來都唔易，另外年糕幾好味，好煙un，吸收咗韓式辣醬嘅年糕，食落好惹味之後上枱嘅芝士雞蛋卷嚇咗我同朋友一跳，因為好大份，total有8件，每件仲要成件cake咁大，雞蛋卷上面唧上沙律醬

尖沙咀達人包車係銅鑼灣開左間分店喇!! 所以今晚又去潮聖, 侍應們大多都係真正既韓國人Oppa, 唔太識聽廣東話, 就好似置身於韓國咁~平日夜晚時段都好多人黎幫襯, 人氣果然極旺! 前菜既有青瓜粒,栗米蛋沙律同埋泡菜, 食完既唔夠, 仲可以免費潻加...今次order左其中一款人氣NO.1 + 唔係周圍都可以食到既1米特大串燒, 同埋極度邪惡既芝士排骨------------------------------【1M 特大串燒】HK$328 首先食呢款菜式之前, Oppa係我地將檯度搭棚, 擺好個爐同鐵盤, 再係檯側邊搭個高架....之後1米高既串燒終於出場!!! 咁高既串燒吊住係我地張檯度, 非常奪目~ 周圍既食客都望望下, 覺得好新奇...相機食完之後,有個Oppa走黎幫我地係串燒上用夾拉左幾件落個鐵盤度剪開同煎煮...串燒上有豬肉, 豬肋骨, 洋蔥, 黃椒, 大蔥, 雞肉, 菠蘿, 南瓜, 香腸, 大蝦, 青椒等等...另外再有少許生菜同韓國汁醬比我地包住食.因為肉類本身都係半熟狀態, 所以拉落黎系煎一陣已經可以食得...煎完既一d都唔油膩, 而且肉汁被鎖住, 點少少韓式辣醬,

親切嘅oppa加美味嘅芝士排骨鍋上次睇電視介紹左呢種韓國最流行嘅芝士鍋，見到兩邊滿滿嘅芝士，好似又新奇又好玩甘樣，但係又唔知道邊到有得食。今日行過銅鑼灣見到呢間餐廳竟然有得食喎，拿拿聲上去食，好鬼開心。上到去見到裝修簡單整潔，我無記錯原身應該係日式餐廳，之前種感覺係好迫，又暗，食起嘢上嚟都有d唔舒服，但點知小小嘅裝修可以令成個感覺變化甘大，成個感覺舒服唒，食嘢都食得開心d。坐低先嚟兩杯飲品，一杯藍色特飲，味道就似雪碧，有塊檸檬吊下味，幾醒神。另一杯叫左柚子特飲，柚子味夠濃。入面仲有柚子肉，有嚼口。食物當然係我想試左好耐嘅芝士排骨，排骨數量係可以自選的，由5條開始，價錢各有不同，我就選左5條，因為見其他嘅份量超大嘅。終於嚟喇！果然好靚好大盤，圍邊有4格，有兩格裝住滿滿嘅芝士碎，一格是紫菜飯團，另一格係蕃茄仔。中間就係讓角排骨，再加年糕同腸仔。放低左盤嘢後，大概五分鐘就有好靚仔嘅oppa行過嚟，拒示範一下點樣食，原來係先夾起舊排骨，之後將旁邊已經溶左嘅芝士，卷丫卷丫！卷到成舊排骨外面都係芝士，甘樣食，又正又好味。排骨炆到好淋，再加上韓式甜辣醬，外圍再包住軟熟嘅芝士，正丫！我又自己試下先！大

朋友生日話想食韓國野，佢自己睇完網上食評話要黎呢間 ，我負責埋單坐低就送上小菜一碟，食完可以添，泡菜調味得剛好 岩香港人〇味，唔會過辣都幾多選擇，講得出既韓料理差不多都有。首先叫左個韓料理中名氣之一既部隊鍋拉麵 豆腐 厚切韓式餐肉 年糕 腸仔 餃子 大蒜 芽菜 泡菜 芝士一片。材料豐富，擺放分明。大火滾到每樣材料都入哂味。比起辛辣麵，味道更濃烈 辣得黎唔會掩蓋食物既味道。韓式午餐肉大大塊 比起港式質感比較軟。人參雞湯隻雞頗大隻 ，內藏糯米栗子。湯頭清甜，淡淡人參味。雞應該熬製了一段時間。肉已經離骨 而且非常滑溜。最後黎一個芝士雞蛋卷。一上台 嚇左一跳成個手前臂咁長。好大份上面吱左番茄同蛋黃醬。好開胃既醬。所以傾傾下計 不知不覺都清左。每一舊中間都有d芝士流出黎。芝士迷表示食得好滿足。仲好飽另外，值得一提係oppa們服務又好，會主動幫我地睇火，添小菜。用簡單英文加手勢就溝通到 哈哈哈

今天同朋友過咗銅鑼灣SHOPPING，見到呢間達人包車好多人幫襯，我哋當然唔會放過有美食嘅機會喇，好在等咗唔係好耐，就可以埋位佢哋嘅前菜同食韓國泡菜差唔多，有青瓜蘿卜酸、沙拉醬拌玉米、辣泡菜，口感比較酸爽人參雞湯比較清淡，但人參味好濃郁，雞味十足，味道一定極正芝士排骨份量一d都唔輸蝕，大大一個鐵板盤，中間係大大舊嘅醬汁焗排骨，有金針菇年糕芝麻調味，芝士係鐵板外圍嘅凹槽，食排骨果陣再沾上芝士口感更加好，如果撈埋一齊除咗分佈唔均勻，仲會影響芝士嘅味道部隊鍋其實有d類似麻辣燙火鍋，將食材搭配好就可以等佢慢慢涮下涮下，蔬菜都好新鮮，味道鮮爽，最主要仲係果種同朋友坐埋一齊邊傾計邊涮涮下嘅感覺喈係呢度當然唔少得佢哋嘅超大串燒啦，蔬果牛肉五花肉大蝦等等，葷蔬搭配，唔會食到飽飽濟濟芒果汁飲料和西柚果汁飲料冰涼清甜，沁人心脾，解渴必備

ＯＰＰＡ服務超親切有禮＠達人包車租金高昂的關係，銅鑼灣近年食店很多都在商業大廈開業，其中不少別具特式，而且便宜又好食，其中達人包車是我很喜歡的一間尖沙咀的達人包車門口永遠排住長長人龍，而銅鑼灣分店可能開在樓上，人流相對較少，但空間寬敞，服務也更好達人包車位於駱克道京都廣場3樓，就在地鐵站對面，非常易搵。價錢方面和尖沙咀店差不多，食物款式大同小異最近優惠是Follow IG，送飲品一罐，別錯過啦～！免費的前菜，都是任加的，很喜歡這裡的泡菜！不太咸也不辣，帶點酸辣令人好開胃很喜歡這裡的卡位，帶小朋友來也坐得很舒服，訂位時可以特別要求召喚服務員的按鐘點了粉紅色的西柚果汁特飲＄５０和黃色的芒果果汁特飲＄５０既美觀又好飲，味道酸酸甜甜，飲起來很清爽很開胃我們點了一份芝士排骨（５件）＄２８０這裡的芝士排骨可因自己需要而下單份量，你可以點上６／７／８件但其實點上五件份量已經很多芝士未溶的情況～等食中～待芝士開始溶，ＯＰＰＡ店員就過來為我們服務，細心地用芝士把排骨捲好這位ＯＰＰＡ不但英文好，而且非常親切有禮，還很有型呢！傳來陣陣香氣一下子就成為美味的芝士排骨～不用多講都知道好食，除非你不喜歡食芝士的～

之前過來試過呢度嘅一米長嘅烤串，覺得呢度野食幾唔錯，就帶佢過來再試試新野食，果然無令我地失望！呢日嘅人唔算太多，都唔算太少，反正我地來到剛好有位置坐。餐牌做得幾精緻，上邊嘅炸雞我都想食啊，芝士、醬汁、蜜糖好多品種，我地點咗一碟脆皮炸雞，外皮真系好脆嘎，而且雞身仲系幾熱下，好好味！前菜有三個品種，韓國泡菜，玉米粒同埋青瓜丁，可以當下飯菜！醬烤牛肉好大盤，只要$ 280，食到我地超級飽！味道好好！來多幾盤都得添！海鮮味蔥煎餅，$ 140，老人成日話多食蔥聰明，點解我仲系咁傻嘎，哈哈，不過好好味！芒果汁飲料同埋西柚果汁飲料，都系各$ 50，味道非常好，在咁鬼熱嘅天氣，剛好可以解暑！

雖然崇光感謝祭已經完結，但自從早前忘我的盡情購物，這天又與好友到銅鑼灣shopping，不過，新貨的價錢偏貴，所以戰利品不多，最後，我們決定去附近吃飯便算。 走到京都廣場，朋友突然想吃部隊窩，那我們就到了達人包車，約730左右到達，但人客挺多，等了約10分鐘時間，終於安排入座。 本來我是想吃燒肉的，但二人枱不夠大，而且用膳時間只得90分鐘，若同時吃部隊窩及燒肉，相信是不可能，所以，最後還是點了一個部隊窩及一個冷盤就算。可能是人客太多，待應也忘記了為我們送上前菜，這個我其後才知道，不過，我亦沒有主動要求拿取。天氣悶熱，沒有胃口，所以想吃點酸的來醒胃，就點了西柚果汁來喝，可惜這杯果汁完全沒有西柚的味道，相反，它的味道與fruit punch沒兩樣，味道超甜，我唯有待冰塊融化後，甜度減淡再喝，而朋友就的芒果汁，同樣是味道偏甜。涼伴海蜇皮辣豬蹄肉的賣相不錯，中間位置放了大量的豬蹄肉，雖然是辣豬蹄肉，但只是微辣，而除了豬蹄肉，還有紅黃辣椒、青瓜、生菜絲、蝦仁、蟹柳條及洋蒽等，但我不太覺得海蜇皮有出現過，就算現在看著照片，也好像找不能 (請原諒，我大概有點眼花~)，把所有材料撈起後，便可以吃了。

今晚約了朋友出來陪她散散心, 就請她去這間韓國餐廳等她開心點吧~ 店內富空間感, 裝修MODERN. 我們被安排坐卡位, 坐得舒服, 但店內溫度稍高....不知是否我們的位置沒有冷氣到前菜分別有酸菜, 沙律及泡菜, 這裏的泡菜夠香及爽脆, 不算太辣, 如果醃料再入味少許就更好!我倆各自都叫咗一杯西柚果汁飲料, 都是糖水, 不過勝在夠解渴因為我倆都不想吃熱氣煎炸食物, 所以先點了一個人蔘雞, 那怕這裡的溫度再高, 這裏的人蔘雞很足料, 雞頗大隻, 肉質算新鮮, 而且湯的味道清甜, 似是餚制了很久, 連雞骨都可食.點了個海鮮味蔥煎餅, 這個size都大, 至少10吋, 主有餡料有蝦及大蒜, 咬落沒有什麼味道, 粉很厚, 而且蝦肉呢亦不夠新鮮, 肉質較實, 要靠醬油的才有味道於是再點了一個醬油蒸雞, 這個很好味! 還有韓國粉絲和其他蔬菜托底, 整個鍋的材料都很入味, 雞肉肉質夠滑, 得!

韓風未停過，週圍D食肆都變左韓野咁濟想突圍而出，就要諗諗計~今日同朋友去左老銅，呢度都係食韓燒估唔到雖然位於老銅，不過地方竟然咁寬敞~ 係吋金呎土的銅鑼灣，都算係咁啦~~成個裝修有少少工業風~ 幾摩登，但有少少暗，坐得耐有D想瞓 ~XD 預設的前菜同醬料前菜方面, 係可以REFILL的，,不過總括黎講, 唔太提得起勁食~醬汁水準不錯，尤其中間的油加鹽，係我既至愛~ 呢度既食物都好多元化，由炸雞，到韓式傳統窩，再到新式步隊窩都有~雖然價錢好似唔平咁，但其實每個份量都勁大架~ 先黎飲品芒果同柚子特飲，............但點解同相片不符既？細杯左咁多~ 而且味道都係偏淡，唔似圖中咁濃囉~至於呢間鋪的主打，就係呢串 1米超大串燒 BBQ~每張枱都預設可以SET 呢個架黎吊住燒架~ 肉由下面開始係五花脯，豬扒，金沙骨，中間夾住D青椒，紅椒，大蒽，菠蘿等等的蔬菜~至於燒呢D粗重功夫，當然有人代勞啦~ 睇下我朋友繑哂手等食，幾大爺~XD呢度既爐都係韓野架，幾正宗~XD 個燒盤仲有個位係出油的專人幫你燒，仲會幫你剪成一舊舊，方便食添~食既時候沾D醬，攞番生菜包住食 (生菜係免費REFILL的)見