稻埕飯店 (V Point) (Closed)

銅鑼灣好多好野食好大競爭，要係度經營食肆唔容易！呢間主打地道台灣菜既飯店，好多係我地中華傳統菜式，趁今日出開黎又咁凍既天氣，黎試下佢既滋補養顏湯先！😍😘黎到V POINT，要落一層地庫，入去Ｄ座位好闊落好乾淨，侍應亦好好招呼！👍🏻我地二話不說先叫一個滿滿骨膠原豬手，有好多隻全部都膠質好重，唔怪得叫做「滿滿」！🤤食完個嘴唇有黏黏既感覺，女士們至愛！🤭黎食台灣野點可以無滷肉飯呢？佢上面有半隻半熟蛋，滷肉加上蛋汁撈埋一齊嚟食，好有台灣既感覺，而且飯既份量剛剛好，有胃口食其他野！🤠😛然後叫左個桂圓紅棗杞子芋圓湯圓，佢既湯底比較好濃味，有Ｄ桂圓肉同紅棗點綴係上面，仲有幾粒芋圓同芝麻湯圓，感覺好滋潤養顏！😆😙最後唔可以唔介紹薑母黑麻油雞湯，湯味非常濃，一盅望落去好似唔多，但其實可分四、五碗出黎！😆當中有淡淡既麻油味，雞肉好鮮嫩，而且好多湯渣，食完都已經大半飽左！🤩😂最後要推薦特色飲品，就係鮮米水同紅棗杞子桂圓米水啦！😙🤤有健脾養胃既效果，飲落好有米味，而後者就甜甜地，易入口！🤗

冬天真系儲肥膘嘅好時機，日日食食食，為寒冬儲脂肪😂😂。冇得飛又懷念臺灣古早味，於是試咗銅鑼灣嘅哩間稻埕飯店，位置便利，岩晒行完街嚟補充能量。餐廳位於V Point地庫，內裡別有洞天，位置寬敞坐得又舒服，好岩三五知己談天。一入嚟首先點咗個滿滿骨膠原豬手(HKD98)，真系女士恩物，豬手皮厚肉滑，浸滿醬汁，撈埋個飯一齊食，正！薑母黑麻油雞湯(HKD95)冬天必點，因為超重薑味，飲完勁暖身，岩晒今日氣溫急降，飲完全身暖粒粒，好舒服😆。胡椒三星蔥肉包(HKD55)裡面肉嫩多汁，包底香脆，反而個肉燥飯(HKD35)本以為系招牌菜，但系個飯稍嫌太濕，不過溏心蛋好入味，味道不錯。全店以電子落單，環保又方便。雖然今日系食晚餐，但系午市套餐同下午茶套餐其實都抵食又吸引，行開銅鑼灣嘅話不妨一試！

胡椒三星蔥肉包（共三個）有啲類似生煎包，需要趁熱食用的口感，內裏好濃郁嘅黑胡椒味道，但係唔會好辣。姜母黑麻油雞湯一煲大概有四碗雞湯左右，雞肉占了1/3、仲有一啲藥材味道、果然真的好真材實料。女生養生良物，保身及暖宮。雖然入口有啲辣，但係非常適合冬天飲用。滿滿骨膠原豬手豬手肉厚味道濃，但係唔會太鹹。口感軟濡，滿口骨膠原蛋白，一定要趁熱食用滷肉飯據說米都是源自台灣的，口感好，唔會太硬，滷肉肥瘦均勻。時令水果茶&黑糖珍珠奶蓋水果茶都係選用新鮮水果，茶底清純有啲茉香味黑糖珍珠奶蓋偏向奶味較濃。

行入呢間餐廳，第一個感覺是侍應們都好有禮貌，而且都會熱情介紹有什麼好吃的。餐廳入邊環境都好好，燈光同裝修嘅配合令人感覺很放鬆，光猛得來又坐得舒服，餐桌座位都很闊落，適合約朋友同事坐低傾吓計。胡椒三星蔥肉包好好食，唔會太油膩，蔥肉包個包都好綿好有口感，唔會好粗，包嘅餡少少辣好香。薑母黑麻油雞湯個湯好甜，啲雞肉都好好食好滑下，雞骨煲到好林，所以要咬碎雞骨無難度。滿滿骨膠原豬手豬手唔會好鹹，味道都好夠，識落好軟滑，豬骨都咁炆到好軟林，好易食。桂圓紅棗杞子芋圓湯圓個湯比較甜，飲落去好濃桂花味桂圓味，配搭芝麻餡湯圓，正。甜品還配有芋圓、紅棗、杞子，吃著感覺好養生。成餐飯以呢個甜品作結尾，好滿足。原味純米水（熱）+ 草莓優格米水（凍）草莓優格米水一端上來餐枱上就已經好香草莓味，食落去唔會好甜，有啲酸酸地，几好。原味純米水飲落清清地淡淡地。

今日係銅鑼灣食咗個高級台灣菜，餐廳位置方便，新裝修，空間大，坐得舒服。薑母麻油燉雞湯（$95），上枱只得半盅有點嬲嬲，不過兩個人又夠飲喎。清甜夠薑。滿滿骨膠原豬手（$98），真是骨膠原爆棚，夠腍又不會漿口。滷肉白梗米飯（$32），白梗米即是蓬萊米，外觀圓圓短短。正所謂一樣米養百養人，我覺得Q彈有嚼勁，好喜歡；同行的朋友卻覺得太硬，要撈多些豬手汁才吃到。蜂蜜白苦瓜汁（$42），知道白苦瓜清熱降血糖，今次是第一次試。第一啖甘甘地，之後只覺清涼清甜。紅棗杞子桂圓米水（$35），米水本身已有健脾養胃功效，加埋紅棗桂圓更有營養，甜甜地，幾好味，食完記得食埋幾粒龍眼肉，好甜好有龍眼味。桂圓紅棗杞子芋圓湯丸（$45），又係桂圓，不過今次是龍眼乾，一樣好食，比那普通芝麻湯丸更好吃。

今日同朋友食晚飯，朋友話想食台灣菜，我地揀左去稻埕飯店，飯店位於銅鑼灣食街之稱嘅燈籠街，飯店位於地庫，門口位好闊落，set左個位比人客打卡。我地order左胡椒三星葱肉包，薑母黑麻油雞湯，滿滿骨膠原豬手，滷肉飯，而飲品方面我地叫左台式特飲蜂蜜金鑽鳳梨汁黑糖珍珠奶蓋。首先介紹下胡椒三星葱肉包，包皮好煙韌，餡料有充滿胡椒嘅豬肉，味道有d似傳統台灣食品嘅胡椒餅，有少少辣，但好惹味。而薑母黑麻油雞湯，湯味很濃，有淡淡清香的麻油味，雞肉雖然煲完湯但係飲落都好鮮嫩， 份量足夠兩個人飲用。而骨膠原豬手，整得好淋好好食，豬手嘅肉好juicy，入口即溶。滷肉飯上面有半隻半熟蛋， 滷肉加上半熟蛋嘅蛋汁，撈埋一齊嚟食，味道好配合，而且飯的份量不會太多，唔會食完個飯之後就飽曬食唔到其他嘢。飲品方面蜂蜜金鑽鳳梨汁，充滿菠蘿香味，好天然，唔會太甜，黑糖珍珠奶蓋上面有濃濃嘅牛奶香味，底下好多珍珠。飯店是一間傳統的台灣菜，大家去開銅鑼灣可以去試下，就算依家疫情去唔到旅行，都可以試下正宗嘅台灣菜。

位於銅鑼灣登龍街v point地庫，是一間專吃台菜的餐廳，有別於夜市風格台式小店，這裏吃的是較精緻的古早味台灣美食薑母黑麻油雞湯($95)一盅望落唔多，但其實可分差不多五碗， 薑味濃濃的，冬天吃啱曬滿滿骨膠原豬手($98)，食過就知點解叫滿滿骨膠原，因為膠質真係好重，食完feel到嘴唇有黏黏的感覺， 食完皮膚靚靚的，女士們最愛胡椒三星葱肉包($55)口感軟熟，屬於正常水平桂圓紅棗杞子芋圓湯圓($45)用米水做糖水湯底，所以比較稠，有很自然的桂圓和紅棗甜，還有芋圓和芝麻湯圓，成個感覺十分滋潤養顏要推薦一下這裏的特色飲品 - 米水，有健脾養胃，強健體質之效，飲落似薏米水，但更濃柚薑米水($35)味道清新紅棗杞子桂圓米水($35) 甜甜的很滋潤

11月第1次來了，然後吃過翻尋味，很快再來了一次。前兩天又來了第3次。頭兩次是晚餐。先說價錢，性價比是打個和。頭兩次晚餐的人均消費是差不多$280，因為兩次都點了個重重份量的「黑糖珍珠舒芙蕾班戟」吃。這班戟賣相非常得，是打卡的最佳食物。哈哈，要多角度拍攝才影得出班戟的吸引力！至於味道，喜歡吃cream的朋友會更加喜歡，我因為不吃cream所以都把它們飛走了，然後配上了碟上的綠茶雪糕及黑糖漿，慢慢地享受香噴噴的班戟。這個是過百銀的甜點，但份量亦很海量，如果是兩人share, 正餐必需要留肚。除了所講可口班戟，我覺得其餘的食物亦很不錯，否則也不會來完一次那麼快又再來。第一次因為只有２個人，正餐只吃了牛肉麵及「鵝不是鴨肉」。第二次的光顧是三人行，可以點得比較多，這次愛上了他們的「黑松露蚵仔煎蛋」，蛋夠香滑，蚵仔是煎得非常香透但又不老；適合想吃蚵仔但又怕滑潺潺口感的朋友。第三次來時是前幾天的事了，這一回吃lunch set，一人一碗麵再配一杯普通飲品，亦可加錢要特飲。然後以廿多元添加了一個正價$48甜品；這次人均消費是約$150。這次才發現原來店舖有熱咖啡！真可惜前兩次沒有點咖啡配班戟一起吃，

之前經過k11見到依間餐廳 有高級既感覺🤩估唔到係台灣菜😋1）滷肉台稉米飯🍚滷肉有一層肥 一層瘦～好淋😍而且好入味，古早既味道加入溏心蛋增添色彩2）黑松露蚵仔煎蛋🍳一上枱就聞到好香黑松露味入口唔算好濃 但好香蛋都幾滑👍🏻3）白滷水6福拼盤平時唔食腸都試左一條好爽口！有驚喜其他野就正正常常4）古早味三杯雞成鍋個味都好夠 重古早味但唔太夠鑊氣勝在多雞肉🙌🏻5）蜂蜜金鑽鳳梨汁🍯🍍滿滿既水果味道Mix埋蜂蜜 好健康🥰

#銅鑼灣 ‼️ 台灣食物 ‼️≡冬天咁凍梗係要食啲暖吓個身嘅食物啦！稻埕古早鮑魚羊肉爐 好足料～ 性價比高嘅選擇✨有鮑魚有羊肉又夠入味，有個爐一路暖住啲食物，慢慢食都唔怕～骨膠原豬手 都係值得一試，食落口係滿滿嘅骨膠原，口感彈牙☺️ 配埋個滷肉飯一齊好正！蜂蜜金鑽鳳梨汁好清新嘅味道，帶上鳳梨本身嘅香甜～——————————————————#稻埕飯店 〰️ 稻埕飯店 〰️銅鑼灣登龍街18號V Point地庫——————————————————

近排天氣開始轉冷，凍冰冰當然要去食翻啲暖野保暖！朋友就帶左我去銅鑼灣試下地道既台式羊肉鍋。🥘✨稻埕古早鮑魚羊肉爐羊肉用鐵鍋裝住，下面有個小爐頭一路暖住食物，唔怕食食下會凍哂。羊肉份量都幾多，炆到好腍又無咩膻味。🍖羊肉鍋既配料相當豐富，入面仲有啖啖肉既鮑魚，口感彈牙而且仲炆到好入味。除左鮑魚之外，鍋入面仲有台式地道小吃米血糕，入口煙韌軟糯，吸收哂羊肉鍋醬汁既精華，很好吃啊！隨羊肉鍋附送一盤翠綠的油麥菜，新鮮又爽脆，無咩苦澀味，點腐乳醬食好惹味！✨藥膳燉排骨燉湯好足料，用上了排骨同埋不同既藥材去熬製，顏色清澈，飲落清甜帶有陣陣藥材既味道，都算容易入口。✨草莓優格米水草莓同乳酪酸酸甜甜的好開胃，沙冰口感綿密令人透心涼。🍓✨峰蜜白苦瓜汁之前無飲過苦瓜汁，本身以為味道苦澀難入口，不過因為加左蜂蜜的關係所以飲落甜甜地，帶有苦瓜既回甘味，味道特別又健康。

✨ 稻珵飯店 ✨上環搭叮叮到銅鑼灣搵晚餐😳好好彩撞正嗰日可以免費坐叮叮，不過好多人落車都係會問點俾錢😂。喺消防局嗰頭落車，經過鵝頸橋去登龍街 #squidgame 牆打卡再去搵嘢食。🦢鵝不是鴨肉 獅頭鵝 $118 👉🏻8/10鵝不是鴨肉即係鵝片啦用台式白滷水浸製，比較清新鵝片肉質細嫩，好入味配菜係豆腐同白滷水呢個搭配一流🐓花雕藥膳雞捲 $72 👉🏻9/10店員一放上枱已經聞到陣花雕酒味一邊影相一邊讚酒味好重對於酒鬼嘅我😈100%LIKE冇俾滿分嘅原因係 食落口酒味唔夠🥴🧆不夠。臭豆腐 $75 👉🏻10/10臭豆腐又係好出色、好地道、夠晒臭🤤十分正宗完全掌握到精粹 由外臭到裏面☠️炸豆腐配上醬料 又甜又臭真係喺天堂地獄兩邊來回😂😂好彩係最後一碟上 食完即刻食番粒糖🍚石鍋三蝦泡台硬飯 $88 👉🏻7/10呢個飯有特別好服務😂係由機械人送餐過嚟跟住店員放張枱幫我哋分 分好後放炸脆米我哋有人唔食蝦 店員都會盡量幫忙挑走PS 如果想自己分都可以😳🐖金銀蒜泥五花肉 $62 👉🏻5/10師傅刀工超勁 五花肉同啲青瓜都切得好薄不過醬汁太多 反而蒜唔夠呢個位有啲不足🥬香甜爽口菜 $38 （3/10）只係烚

呢排真係keep住食，食開台灣嘢唔好比佢停😂今次就同朋友試吓呢間「稻埕飯店」，大家都未食過呢間古早鮑魚羊肉爐湯汁勁濃郁，鮑魚好嫩口，羊肉好腍身仲一啲都唔嚡口，配料好多，有豬血糕、馬蹄、冬菇、枝竹，吸晒湯汁濃郁嘅精華，另外每爐仲會配埋油麥菜滿滿骨膠原豬手 豬手炆得好腍好入味，肉厚味濃，每一口都係滿滿嘅膠原蛋白，口感爽嫩Q彈，真係好食到爆🤩每人叫多碗滷肉飯食呢間餐廳嘅滷肉飯係用台灣梗米，口感香甜帶點Q彈，面頭個糖心蛋蛋香味十足，再配埋肥瘦適中嘅滷肉，真係冇得輸D̥ͦr̥ͦi̥ͦn̥ͦk̥ͦs̥ͦ🍓草莓優格米水 見佢用米水咁特別，就叫咗呢杯試吓，🍓味好出，好好飲🥰🍍峰蜜金鑽鳳梨汁淡淡鳳梨香味，味道甜甜地

一行人滿心歡喜想食個lunch，但我地張枱等左43分鐘先有野食，其他遲黎過我地嘅客食完一枱又一枱，等左30分鐘後問左經理幾次，第1次，唔應人走左去，第2次，好唔耐煩咁話整緊，第3次，因為唔耐煩咁覆我地隻鵝切緊我黑人問號？？？人地枱隻鵝唔洗切嘅？一句唔好意思都無講過，所以錯嘅係我地？最後終於有一碟可以上菜，然後我哋當然順便追問仲有其他要幾耐？(我地全程態度都好有禮貌)，佢竟然拎住碟餸問我：「咁你要唔要食住先？」到餸菜上晒枱後，Are you serious??? 成碟好似廚餘咁，我畀百幾蚊就係畀垃圾我食？

銅鑼灣真係美食天堂，由其登龍街開左好多食店。 今日黎左vpoint 地庫稻埕飯店食午餐。第一次黎稻埕飯店食， 裝修好靚， 地方夠大， 店員好有禮貌， 同我地有講有笑，服務非常好。是日午餐稻埕古早鮑魚羊肉爐， 呢個餸同一般羊腩煲好唔同， 味道香濃， 羊肉唔"蘇", 有d羊件似東坡肉， 有d就連住d骨，最最最特別就係有鮑魚， 鮑魚軟硬度適中， 好味。 骨膠原豬手， 肉厚味浪， 超多骨膠原， 豬手皮厚肉滑， 豬手皮彈牙， 重有好多膠質喺豬手同層皮的中間。 滷肉飯(細)， 細細碗滷肉飯剛剛好， 味道唔會太咸太甜， 比其他地方食的滷肉飯，呢個啱我好味， 滷肉好多， 加上係用台灣米， 口感一流。