Dare

Open Now

Now Closed

ღ西環高質小店💛ღ Classic Burger $52漢堡扒好厚鬆軟多肉汁，番茄生菜爽口好新鮮😚仲有成大包粗薯條🤩呢個價錢真係冇得彈，性價比好高🥲ღ Chicken wings w/ Honey Mustard Sauce $38係4隻炸雞翼🤓加honey mustard個醬係另外比的🤣都算幾好食==============================🍴 Dare📍 西環西營盤水街5號地下1號舖==============================

今次又係還要中西區去覓食, 嚟到西營盤要試下依間, 成日lunch都要排隊嘅餐廳 Dare 🥰佢個細心為係 啲配菜都非常之好食 一般有雜菌 豆角同車厘茄 唔係平時食大x樂 唔知咩canteen 既配菜都係生生哋 冇乜味💬 汁燒牛舌飯 -$58牛舌分量非常足夠 淋身入味唔會好韌 亦都冇我遇到好驚嘅情況(好似食緊條脷咁嘅感覺) 燒汁甜甜的鹹鹹的好好味💓好正!!💬 燒豬頸肉飯 -$60相對牛舌飯, 豬頸肉飯就冇咁特別, 可能其他地方都有機會食到, 我覺得 豬頸肉爽口, 本身味道都足夠, 配埋魚露食豬頸肉更加好味💬 和風紫菜單骨雞翼 -$38佢本身紫菜粉上唔係好多味精, 配落脆卜卜雞翼度好香👍👍佢仲有芝士口味, 係落好多好多芝士粉,不過我最鍾意都係食避風塘口味多啲呢間另外仲有漢堡 同 和風牛柳粒丼配溫泉蛋飯我都好鍾意🥰

👉珍珠帶子明太子忌廉意粉，$82，有啲咸得滯，搶晒明太子味，有啲可惜，同店家反映左☺️👍卡邦尼意粉就好好食！$82，好掛汁，煙肉多又香，100分💯💯💯👍Buffalo wings，$38有4隻，大大隻咁，酸酸少，又唔會話太太太辣(有時有啲會辣到飛起)幾好食！👍特濃朱古力，半價後$16，偏甜左，但都好好飲，下次會叫少甜🤏👉荔枝綠茶加蘆薈，半價後$11，正正常常清新。好鍾意可以自己揀加珍珠、蘆薈、仙草等。

最記得有一開頭新開鋪，到到而家食親都要排隊， Dare嘅食物都唔會令我失望。佢除咗有基本餐牌之外，都仲會有一個幾個禮拜玩一次嘅Special Menu，每次Special Menu都有好多新嘅菜式，完全係必食！極度推介湯烏冬，每隔幾個星期就會轉一次湯底，冇一次會係伏！

this is the dare food. the cow meat is very nice. many 杏鮑“mushrooms and I like it a lot. the rice is good because it is 日本米

-<<👅🔥>>牛舌關注組成員之一 水街嘅小店💛出名性價比高有良心座位不多 但每次路經都見人龍～可見受歡迎程度👏🏼.1️⃣汁燒牛舌飯 | $58 | 8.8/10慕名而來嘅牛舌飯👻四五塊非常厚身 油脂分布平均煎得啱啱好🥰夠香又重牛味 欣賞佢飯汁夠 連配菜都有蒜炒香絕對唔係一般canteen貨色❤️.2️⃣Dare特色辣炸雞丼 | $68 | 8.2/10炸雞好香脆🍗冇比啲汁浸淋有少少似千島醬x蛋黃醬稍嫌heavy但好正!! 🤩.📍Dare 西環西營盤水街5號地下1號舖.#jacstomach_西環#jacstomach_西式

//Dare (西環)西環西營盤水街5號地下1號舖必試西環高質西式小店💛叫左六樣嘢 $300有找！HKU附近搵緊餐廳之際 轉角就見到條人龍🤟🏼🤟🏼▪️薯條(黑松露/蜜糖芥末醬)$35 本身想食炸薯圈☹️☹️無貨改為嗌粗薯條🍟新鮮炸起！唔會係翻炸/淋曬金黃色薯條搭配黑松露醬👍🏼👍🏼▪️水牛城雞中翼 $38見到碟雞翼覺得好驚喜隻隻都超大隻 價錢好平醬汁既味道辣辣地 好夠惹味 ▪️汁燒牛舌飯 $58晚市食個飯餐閒閒地過百蚊呢到一個牛舌飯先$60有找！仲要牛舌都好多塊 唔乾唔老🐮▪️BBQ醬燒豬仔肋排 $98價錢又係好平 大概5-6條旁邊有焗薯仔粒超好食值得一提係配菜有杏鮑菇、冬菇、豆角🍄份量都好多 唔係淨係幾件🥦🥕最欣賞係佢除左咖啡有 珍 珠 奶 茶！🧋正😝😝▪️珍珠奶綠$11正正常常 唔係我飲過最好飲既但$11 好抵 亦算好飲👍🏼👍🏼▪️宇治金時(抹茶紅豆) $16呢杯好好飲👍🏼抹茶味好濃！

睇到好多人都喺度話佢哋唔錯，於是想話自己試吓😂 反正水街離我住嗰度只係5分鐘路程今日中午行過去叫咗一個經典漢堡外帶，落完單12:34，結果1點至有得攞⋯⋯足足26分鐘😂好在個漢堡都冇令我失望！不過食餐lunch仲係takeaway 唔占位子都要等咁耐，我就認為唔係幾ok😂講返個漢堡，高水準的自打漢堡，同C+漢咁上下價錢，至於個漢堡嘅水準，我個人主觀感覺係C+好啲啲，醬汁同配菜材料，尤其係啲薯條，都差咗一線！

去到西環。本身想食巴依餐廳, 點知3點就休息, (睇泥唔休做。香港人就係咁, 咩野都過份吹捧, 一係踩到地底泥)睇到有間cafe裝修幾靚, 點知丼飯都過百一個。後尾揀左附近一間小店"Dare"牛脷飯分數:10/10擺碟專業有心機, 牛脷外脆內軟, 肉飯黃金比例。分分鐘串燒店牛脷都無呢個質素。體現英雄在人間道理。黑松露意粉分數: 7/10普通中上好食, 無擺碟可言。翻食指數: 10/10。 因為本人鐘意佢嘅牛脷飯。隔離有間抄高當日系cafe賣100蚊個, 心諗牛脷幾時有咁貴, 60幾蚊食到個高質燒牛脷飯真心有驚喜

近大學站,好多中學生同大學生會過黎開飯!價錢唔貴,份量又大盒呢~最平48蚊起有交易手打漢堡配脆薯圈  自家手打漢堡扒,鬆軟多肉汁 加芝士生菜番茄又清爽又大個 拍得住巨無霸咁大隻 口感豐富味道一流 半溶芝士味道更正燒雞扒配野菌飯 一件無骨雞扒 用自家香料醃香再煎脆 連雞皮都係脆架! 厚切雞扒肉質都幾嫩滑有肉汁 配埋炒豆角同野菌白飯夠大份抵食~厚燒牛舌飯  厚燒牛舌唔洗錢咁放滿6片幾乎蓋滿白飯用鹽燒 口感爽彈無渣 肉味濃香 而且煎得好香口一口牛肉溫泉蛋飯 牛扒切成一口SIZE 再煎香 用燒汁炒過甜甜地加埋溫泉蛋食味道更加香又豐富 白飯係日本米夠香甜 份量也很大盒消費$200西環西營盤水街5號地下1號舖

呢個「和風牛柳粒飯配溫泉蛋丼」（$65），今次已經係第五次食，但係仍然食唔厭，因為真係好高質。 牛柳粒份量好多，炒落好香，而且會有鐵板燒嘅味道。牛肉唔會有雪藏味，而且亦都冇筋位，味道一流。 溫泉蛋睇落可能有少少太熟，但其實啱啱好。篤穿蛋黃，啲蛋汁流晒出嚟，梗係要落嚟撈飯啦。啲蛋汁好香，而且入口好滑。 佢亦都送咗啲汁，應該係燒肉汁嚟。但係牛肉本身好想，而且有溫泉蛋啲蛋汁，所以根本用唔落啦～ 嗰飯底係珍珠米，符合番日式風格。珍珠米彈牙，而且應該係即刻煲起嘅，唔似係用微波爐加熱嗰種。 配菜有車里茄、豆同蘑菇。蘑菇份量同款式都好多，有冬菇、雪白菇同杏鮑菇；而且唔會係白烚畀你嗰隻，有經過調味，好香蘑菇味。炒豆嘅份量都唔少，車里茄亦都唔會有草青味；整體嚟講好健康啊！

話說今次應該已經係第四次食呢個「和風牛柳粒飯配溫泉蛋丼」（$65），食物嘅質素，可以話係越嚟越高質。 牛柳方面，可以話係越嚟越多。今次起碼有20粒牛柳，份量充足。牛柳粒好淋，唔會好難咬，而且冇雪藏味，抵讚！ 溫泉蛋篤爛咗之後，啲蛋汁流晒出嚟，可以撈飯，好過癮咁話。但係佢應該係用泰國蛋，所以蛋黃冇日本蛋咁紅。 白飯份量適中，係珍珠米嚟嘅。撈咗蛋汁之後，更加容易入口。 配菜有車里茄、豆同蘑菇。蘑菇份量同款式都好多，而且有經過調味，算係香口。車里茄經過處理，唔會好重草青味，唔錯。豆就冇乜特別，不過不失。

之前叫過呢個「和風牛柳粒飯配溫泉蛋丼」，今次經網上外賣平台叫，要$79。 首先，唔好睇少佢嘅份量。表面上得「幾粒」牛柳，實質食落係唔會覺得少。牛柳粒好香，算係幾淋，而且冇咩筋位，的確唔錯。 溫泉蛋嘅蛋黃係淺黃色嘅，所以應該唔係日本蛋，而係泰國蛋，但都算有蛋香；蛋汁撈飯，可以話係一流。 啲飯嘅份量適中。佢唔係用珍珠米，但係飯粒意外彈牙，好有咬口，而且有飯香。 配菜有豆同菇，整體嚟講偏鹹。菇有兩款，分別係雞髀菇同冬菇，不過不失，而且都算畀得多。唯獨係嗰燒汁冇乜特別，而且有蛋汁，所以我就冇乜落。

－ 和風牛柳粒丼配溫泉蛋飯🐮 $65牛柳粒飯呢個價錢黎講都算係抵食🥺仲要質素唔差👍🏻牛柳粒唔韌夠入味而且唔鞋口🤤個流心溫泉蛋用黎撈飯好正😋篤爆佢嗰下好治癒☺️仲要老細驚我哋冇菜食 加咗好多配菜🥬四季豆、竹筍、菇等等等等等 呢個價錢食到個咁豐富既丼飯 冇乜嘢可以挑剔👍🏻－ 滑蛋鰻魚丼🥚 $68又係一個挑戰大胃王既選擇😨飯既份量十足 好彩滑蛋份量都唔少 夠送飯☺️仲要係滑嘟嘟既蛋 不過鰻魚就碎上🥲所以唔算好多 應該得半條左右🤔不過呢個價錢食到鰻魚丼飯 都算係咁 鰻魚會唔會好腥👍🏻推薦 － 煙三文魚一口多士🍞 $48呢個小食細細件 有四件😋同朋友share做小食非常適合 佢有啲洋蔥粒係上面🧅三文魚下邊又有一塊羅勒葉 配埋一齊食好清新開胃🤤做餐前小食又得姐！ 仲要塊多士非常脆 幾樣野加埋一齊好夾👍🏻－ 單骨雞翼-10支骨🐔 $38餐廳提供左四種口味既選擇有和風紫菜、避風塘、麻辣、芝士🧀每碟可以揀兩隻口味✌🏻我哋揀咗芝士同埋孜然味 味道就正正常常🤔不過好多粉所以好夠味🤤鍾意食雞翼同埋有啱嘅口味都可以試吓😝 不過呢個價錢有十隻黎講又係有啲震撼！留意返 學生仲會送嘢飲添！呢間良心小店價錢好親民 而且老闆

講真，香港啲burger好多都真係好流，外國既burger個包係會烘過，又香又脆，唔會係淋patpat。所以係香港都唔多鐘意食burger。今日係西環附近揾唔到有乜好食，見到呢間有意粉就入左去喇。見到餐牌有burger，隔離枱都有叫，個款似唔係流個啲，就比多次機會，叫左個魚burger。嗱，個包都係唔脆既，但佢勝在個魚柳即炸勁香脆可口，又勁大件。仲有我既最愛脆薯圈。淨係呢2樣都可以抵銷唔脆既包既~ 如果唔咁高要個包，呢餐真係好好食! 我都會再返黎食!