Dare

Open Now

Now Closed

就黎開學啦，好掛住呢間嘅牛脷飯😍 lunch menu嘅其他飯麵都有試過下，都幾好味，不過都係最鍾意佢嘅牛脷飯😆牛脷煎得好香，勁重牛味🤤 而且食落軟腍，亦唔乾👍🏽 側邊嘅菇菇同西蘭花都幾多，我幾鍾意佢咁多蔬菜，出街食都健康啲😉 如果係學生，仲包一杯是日特飲或熱茶，我嗰日飲咗蘋果綠茶，唔會好甜，幾好飲😋食lunch嘅話最好早啲去啦，撞正lunch hour中學放lunch就要排隊架啦🙈▫️汁燒牛舌飯 $58

已經唔係第一次寫DARE食評 鬼叫佢真係咁高質抵食好味道咩 每次試完新野都想讚一讚一張圖睇晒叫左：經典漢堡（＄58）：包皮會烘得香香熱熱脆脆 個汁係佢地自己調的 burger juicy又好味 要趁熱食 配埋薯圈其實一個人都好夠飽 咁的價錢已配薯圈你話去邊到搵 炸杏飽菇（＄38）：大大份 將杏飽菇炸得又香又脆 炸粉唔厚 配埋個類似沙律醬超好味（佢地話基本上除左茄汁之外 所有醬佢地都係自己調出來）汁燒牛舌飯（＄58）：d飯係用珍珠米 牛舌都有好多塊 落埋伴隨的燒汁味道剛剛好 配菜都唔係白烚有草青味果種無影相：蘋果綠茶：（學生免費／＋＄5）老細免費送左我地野飲（多謝老細） 飲落好香茶味 應該係自己溝出來 唔係開水／現成 就算連小小的飲品我都必須要一讚！蒜香薯仔忌簾湯（＄15）：好鐘意佢呢種濃稠的口感 而且蒜味同薯仔味都好香 飲完飽左一半唔係嗌左好多野食已經食到我同朋友勁飽 同埋用食物盒裝走 所以真係物超所值總結：超鐘意呢間舖頭 野食好味抵食夠大份 已經成為左男朋友的常餐 收工就落去食埋先番屋企老闆員工都好有人情味 自問不擅同人溝通的我好耐都無試過覺得咁warm 學生來食又送野飲平時約朋友食

西環勁高質既#黃店 💛！汁燒牛舌飯($58)咁既價錢但有成7,8塊厚牛舌去邊到搵？量多之餘食落亦好高質，煎到表面微脆，但入面就非常軟嫩👍🏻仲伴咗好多菇同蔬菜，冬菇、雞髀菇、洋蔥、西蘭花。飯粒口感帶點軟糯煙韌🥰好好味呀！卡邦尼意粉($82)意粉同樣好出色👍🏻分量好多，男仔嚟都應該會嗌好飽🤰🏻食落好creamy同cheesy但唔會話好漏，而且食到底唔會見到成盤油🥰熱辣辣又香噴噴，上到枱即刻引嚟旁人羡慕既眼光，聽到隔離個阿姨話:「個意粉都好似好正喎🤤！」野飲係蜂蜜綠茶🍵淡淡清新既綠茶唔太甜，蜂蜜味唔會搶咗綠茶味。.重點係老闆們服務態度好到不得了😛客人問道又細心介紹野食俾佢地、俾錢走嗰陣又問啲野好唔好食呀啱唔啱食呀咁，淨係呢份熱誠同人情味都夠我返食十次。.黃色事跡💛: 學生有免費飲品、出加油post、101及11.12罷市.假如大家想喺亂世中搵間黃店牛脷食下，唔好唔記得仲有觀塘既峯日本料理呀 (@mine_kwuntong )！

平日六點幾 不用排隊 即刻入座叫咗三個菜墨西哥辣汁燒春雞個雞本身有香料一齊燒 就咁食已經辣辣香香 加上番茄salsa更惹未 伴碟的side dish 有三色椒同薯仔 都做得好出色 飽肚之又健康 十分推介魚柳漢堡個麵包皮看得香香脆脆 加埋魚樓同埋清新的沙律醬 配搭好好煙三文魚多士煙三文魚配搭黑醋洋蔥粒 開胃好味因為去到最尾見到燒春雞做得咁出色忍唔住影相出食評 所以只有燒春雞同食左一大半的漢堡包覺得老闆係對食物好又要求 希望下次可以去試埋佢其他嘅菜式價錢一點也不貴 2人晚餐吃了$184

1️⃣「日式雞肉意粉🍝($48)」係fusion菜 佢未到出奇咁好地好😝 個醬汁好日式feel 甜甜地 超級開胃 仲有蒜香味 個雞肉超級嫩滑多汁 麵條保持煙靭度🐰小編表示唔夠喉😭💕The Japanese-style Spaghetti with Chicken🍝($48) is a fusion dish. Its taste is surprisingly good😝! The sauce is appetising, savoury and sweet with a garlic fragrance! The chicken thighs are tender and juicy! The spaghetti remains elastic! I definitely want more!😭💕-2️⃣「日式豚肉丼🍚($58)」亦都超級好味！🤤烤豚肉🐷好香 洋蔥煮到好淋好入味 篤爆流心蛋 蛋漿流晒出嚟 包裹着每粒珍珠米👅 真係食晒一大碗飯都冇難度！😳The Japanese Grilled Pork Donburi🍚($58) is delicious too!🤤The grilled p

西營盤水街小店 -- DARE🍝今日同朋友返完學校🙈lunch就落咗水街搵野食💞見到Dare呢間小店幾有特色 menu都啱食就入左去食🙈介紹下先😆-------⭐溫泉蛋牛柳粒飯 ($65)呢個飯份量多 仲有隻溫泉蛋用黎撈飯 好正！！🙊小編同朋友都好中意佢嘅牛柳粒 肉質嫩滑仲煎得好香😍😍😍推薦！-------⭐蒜香三文魚意粉 ($58)呢個意粉食落有啲似pizza hut嗰個蒜香肉粒意粉😂三文魚份量都幾多 意粉夠彈牙🙈不過小編同朋友都覺得個意粉炒得好油 所以大家可能試其他款會好啲🙊 -------⭐柳橙綠茶今日嘅特飲係柳橙綠茶 我同朋友有學生證所以係免費！🙊熱辣辣飲啖冰茶真係好爽😂-------價錢：$58-$65-------評分（10分滿分）味道：7賣相：7性價比：7回頭率：7-------餐廳資料名稱：DARE地址：西環西營盤水街5號地下1號鋪前往方法：香港大學站B1出口

因為夠曬方便🤣🤣喺西營盤嘅魚蛋媽媽，自從無左之後，有d失落， 因為本身都係一間好有心嘅小店，之後轉左手但都好似冇乜特別。而家有一間叫Dare嘅小餐廳開咗😎今次呢一間比之前嘅多好多選擇，而且估唔到仲有漢堡包🤤🤤聽講啲包唔錯，身為漢堡扒控嘅我，於是就趁今日下晝突如其來嘅假期試咗一下🥰🥰 佢哋嘅牛肉好厚，但係唔乾，好juicy🤤🤤 食落去仲有少少彈牙， 牛肉味亦都夠， 證明冇偷工減料，唔錯🙆‍♀️🙆‍♀️ 漢堡包都係用甜嘅漢堡麵包，我覺得幾好食🤩🤩 特別要一讚嘅係佢嘅薯條，雖然係配角，但炸得非常香脆，估唔到咁好食😚😚

老闆用心經營，對客人嘅態度親切有禮，上次食過雞扒飯同埋溫泉牛柳粒飯，食物無論份量同味道都令人滿意！試過堂同食叫外賣，上菜時間速度快，外賣仲係熱辣辣，而且價錢合理，一定會再次幫襯！

最近臨近summer，附新近學生都少左，周圍搵餐廳試下，發現左呢間隱世小店位置真係幾偏遠，不過店內環境幾精緻、有格調，classic又vintage既感覺Menu既價位大概係$50幾至70幾，係呢一帶黎講係合理睇埋食物質素，呢個價錢算平啊蒜香煙三文魚意粉$58意粉煮得好爽口三文魚幾靚，而且仲好多日式溫泉蛋咖哩肥牛丼$62朋友話蛋汁同肥牛拌飯好juicy 不過lunch係單點，咩都唔包，飲品、餐湯都可以加配，是日特飲都係加$5整體用餐體驗都唔錯，不過略嫌份量唔算太多

第一次寫食評，一家三口去完動植物公園，行到攰攰地又想去西營盤食晚餐，就上op 搵下有咩好食，見呢間小店好似幾多就去試下，睇啱有咩食，就去櫃台order,因為好口渴，一去到就叫左杯招牌珠奶，好飲呀，好有台feel , 我先生叫左份肉眼7成熟，好有肉味，薯條係現炸，熱辣辣而我就叫左個晚餐C,黑松露什菌意粉，好香既黑松露同少少羅勒味加$15有餐湯（好似係，不過無影相）店員推薦呢個避風塘炸雞翼，少少辣好脆好香店員見我有小朋友，好細心咁問我要唔要餐具同要唔要切埋塊肉眼，真係又靚女又nice! 價錢唔貴，又有人情味，下次路過都會再試其他野！

平時有喺呢頭食開飯，記以前呢個位係一間有座位既小食店，點知有日行過見倒乜有飯食既？於是就同我女朋友走咗入去開餐喇。一入到去，有一位非常有禮貌既女職員帶位，仲問我地係唔係第一次黎食！聽完佢解釋先知道，原來呢間鋪頭係半自助形式既，咩意思呢？你需要自己喺門口落單，然後佢會有送餐服務。除此之外，就係解釋佢每日會有特飲可以跟餐配搭啦、啲餐係可以揀配飯或者薯菜，同埋最後一樣野：佢地除咗有個主餐牌大，亦有一個定期會轉既餐牌大，所以久不久黎都會有啲新鮮感！個人認為呢間鋪頭啲野食質素都幾好，對得住個價錢，睇得出有俾心機落去烹調，加上服務態度實在好喇，為咗支持吓呢啲本土小店特別留個食評啦，希望佢地可以繼續做倒落去！略嫌牛柳粒少咗啲，可能係成本問題啦，但係味道質素喺度既（個人認為啲飯略為濕咗少少，加上仲有溫泉蛋，不過女朋友話覺得無乜野，見仁見智啦）。雞扒Okay，薯條新鮮。呢個飯幾正，聽完佢講先知原來個汁係自己較既，唔怪得咁夾，不過啲雞肉雖然件數多，但係肉就略嫌少咗啲。

呢排聖誕好多人都開party平時叫開pizza 炸雞都食都厭啦今次試下呢間小店法式南瓜蝦肉湯 蒜蓉包薯蓉煙肉釀咖啡菇配蕃茄汁 平時其實我麻麻地食菇 不過加左芝士同茄汁 菇味就無甘重👍🏻蒜辣蜆肉扁意粉香煎芝士雞肉路筍卷手撕雞肉青瓜沙律6人份 $200 1位其實份量都好多 六個人都食淨好多🤤

話說西環間魚蛋媽媽轉咗手，格局冇變只係變成平價西餐，大概主力做HKU啲大學生同街坊客，平均五六七十蚊就有個飯都幾抵食，畢竟年輕人主理夠魄力，店員服務好殷勤，印象唔錯✨成個menu除咗鰻魚飯其他都係鐵板料理，初時以為係鐵板上原來只係用鐵板煮😂 揀咗牛舌同泰式豬頸肉，牛舌夠腍而且煎香咗都幾好食，可惜得四塊份量唔多夠送飯，豬頸肉好食到不得了，香脆有彈性，泰式汁唔會話好辣反而好重蒜味我幾鐘意✨ 加多六蚊仲有埋隻溫泉蛋撈飯夠哂滿足，聽店員話遲啲會轉menu主力做意粉，要試好快😏小食選擇唔算多，得薯條同雞翼，單骨雞翼十支賣三十三絕對抵玩，味粉有七種但實際選擇唔算多，好想試印第安風係咩味😂 揀咗避風塘式即係炸蒜，個蒜味爆得唔算好香，但雞翼本身炸得幾靚，味粉呢家嘢當bonus都ok，期待將來會有更多小食呢😌

同事係度食過午餐 話泰式豬頸肉飯好好食 讚到連配菜個雜菜都好好食咁話 午餐連野飲六十幾蚊。 好 咁我又試下。夜晚去到見到裡面一個客都無 有d擔心會唔會俾人跣係門口企左陣睇menu有d猶豫 有個姐姐好熱情咁出黎介紹，好啦咁就試下兩個人食 一份羊架 一份鰻魚飯，兩杯特飲擺碟睇得出廚師用心羊架黎到有三支骨 同區差不多價錢得兩支香草味同調味剛剛好 羊架有羊肉香但唔騷 配薯條 食得出係即炸唔係翻炸，配菜如同事所講好味食得出好新鮮（雞脾菇咬落爆汁）。原條蒲燒鰻魚飯黎到 真係原條上 蒲燒汁個種焦香味撲鼻而來，條鰻魚我諗十吋都有唔止7寸 個fd話好食 但我無試過。個fd話要食炸雪糕 叫左份朱古力味 點知黎左雲呢那 侍應姐姐話唔好意思呢份請我地食 再出過份朱古力俾我地。整體 呢餐 兩個人加埋280左右 物超所值 會再去

上次來食過炸雞翼炸薯條這些comfort food做下午茶好難忘，今次要試西式晚餐🤤早一星期book位，比個budget就叫廚師發板，話佢知有咩唔食就OK！價錢好公道，適合一些怕麻煩的年輕人😄晩市的服務和上次下午茶一樣，熱情有禮，由點菜、傳菜、加水都主動盡責！因為香港有不少餐廳的侍應都是”時運高，睇唔到” 今次廚師為我們準備的：Soup: cream of fresh mushroom and truffle(評分：4/5)Starter: avacado salad, petite toast(評分：5/5) Main: 1） fresh clams cook with sake (5/5)2） Carbonara (4/5)3） Sun dry pan seal sea bass (4.5/5)總評：(4.5/5)味道和擺盤一樣咁正，食完之後唔會口渴，Starter的調味複雜，有多重口感和味道，對我和朋友來說剛剛好！花甲厚肉冇沙，索哂d酒味勁香。seabass皮脆肉嫰，薯蓉綿滑得來有粒粒囗感，海鮮全是新鮮的冇雪味！作為食客，感覺廚師很用心去準備和烹調食材，而且侍應的服務態度很好，我