麵屋 元祖達摩 (Closed)

天氣乍暖還寒，趁着今天天氣轉涼，突然想吃一碗熱辣辣的拉麵，於是來到我家樓下的拉麵店。店內環境很有日本的特色，設有吧枱位置，裝修也很有日本風味， 看來老闆花了不少心機。我和老公分別點了梳打水及啤酒 原來這間店舖可以點啤酒 黑蒜油拉麵店員一拿出來，香味四散，充滿濃郁的黑蒜油香味。湯底很濃郁，極適合重口味的人士。 吃完也不會口渴。 豬軟骨溏心蛋飯 餸菜鋪滿了整個飯，豬軟骨很濃味，很是開胃，溏心蛋拿捏得剛好，賣相已經很吸引。 最後還點了煎餃和章魚小丸子煎餃👍🏻 外表很脆 口感不錯，章魚小丸子也不會太厚粉 非常好👍🏻 最後兩個人食了200多元 好抵食！ 老闆很健談呢！

大埔拉麵店唔算好多，今次終於試左達摩叫左個二人餐，有兩碗拉麵，兩個小食同兩個野飲，好似都幾抵食拉麵湯底都幾多選擇，我地叫左黑蒜油直麵同北海道牛乳曲麵黑蒜油個湯底好濃! 啱晒重口味人士😋😋😋好耐冇食過咁濃嘅湯底，豚角煮都唔錯好香肉味，肥瘦適中；雖然麵冇得揀硬度，但煮得剛剛好，幾爽幾彈唔會太淋👍🏻至於個牛乳湯底，比起黑蒜油自然冇咁濃味，但都食到淡淡牛奶味，面頭仲有黑松露同蒜，撈埋食就好香😋😋 而個豚肩叉燒都係好香😋 個人比較鍾意食直麵多過曲麵~小食方面要左炸蠔同北海道蟹肉薯餅，兩個麵炸得好香口，同埋唔太油膩👍🏻 個蠔好juicy，個薯餅就好creamy，好好味😋不過食完好飽同好邪惡🤣🤣另外店員都好nice~~~ 下次再黎試其他😋

住在大埔區 早已聽過呢到拉麵幾好食 所以襯放假便黎呢到一試 果然無令我失望環境尚算好坐 好多可愛既小擺設同朋友共嗌左2碗拉麵及飲品拉麵可選粗幼, 軟硬, 要唔要蔥/荀/蒜蓉配料可選豚腩叉燒, 豚肩叉燒, 豚角煮, 豬軟骨 同時亦可加錢追加更多配料北海道3.6牛乳拉麵 $88揀左豚腩叉燒 D肉偏爽有咬口 糖心蛋超好味乳白色既湯底, 飲落去真係有D牛奶味辛辣拉麵 $82揀左豬軟骨 另外本身亦會跟埋辣肉碎及糖心蛋辣度我揀左中辛 本身自己食得辣都覺得幾辣 不過呢種辣後勁唔算強 所以都辣得幾過癮麵底揀左硬粗曲麵 好有咬口唔會淋pea pea至於飲品就叫左 達摩梳打 (檸檬味) $25 & 招財貓梳打 (蜜糖味) $25一般汽水既味道 但個樽真係好令 所以拎左返屋企做裝飾 haha~Overall來算 算係幾有水準既拉麵 好值得一試!

用餐環境不錯，食物款式都算多！我們二話不說就選定了北海道3.6牛乳拉麵$88，另外選了黑蒜油拉麵$82。拉麵可選配一種豚肉，雖然有四款，包括䐁腩叉燒/䐁肩叉燒/豚角煮/豬軟骨，但我和朋友都太喜歡吃豬軟骨，所以兩碗都是配了一樣。服務員很貼心，她建議北海道3.6牛乳拉麵轉為烏冬，口感會更夾，而且是免費轉換🥰北海道3.6牛乳拉麵的牛乳湯底本已有奶香味，再加上黑松露及蟹籽，令味道層次更豐富，非常不錯！不過豬軟骨未煮得完全淋透，軟骨稍為脆，相反，溏心蛋做得不錯，生熟程度恰好，做到流心效果。而黑蒜油拉麵的粗曲麵軟硬度適中，爽口彈牙，唯湯底相對有少許鹹～我和朋友都點了達摩梳打 (檸檬味) $25 和招財貓梳打 (蜂蜜味) $25，不只外觀可愛，還可為黑蒜湯底作中和，值得一試！

今日同家姐去咗太和食拉麵，因為之前同朋友食過覺得幾好食，今次帶家姐黎試下。啱啱過咗lunch time，店舖唔太多人，我地坐咗喺靠牆嘅二人枱，櫈下面有個籃可以放野。我照舊點咗北海道3.6牛乳拉麵🍜個牛乳湯底本身已經好香牛奶味，再將黑松露同蟹籽拌入湯底，令味道層次提升。溏心蛋做得好好，生熟程度剛好，流心得黎唔會太生，而且蛋有用醬油滷過，好美味！豚角煮好大塊，肥瘦均勻，好入味。因為我食拉麵會飲好多湯，怕太飽太膩，所以飲品要咗道地消茶。呢度飲品選擇好多，下次想試下招財貓梳打。家姐鍾意食辣，點咗辛辣拉麵，佢話小辣黎講都算幾辣，個湯好香濃，豚腩叉燒好腍好入味。飲品佢就點咗Apple Cider。

今晚和友人由大埔墟逛街經過太和中心，見到這間麵屋，店內裝修是典型日式餐廳的格局，感覺彷如親歷日本。看到擺滿大量各式各樣的飲品，已經讓人迫不及待去試檯上羅列的飲品。於是，我和友人都點了梳打，包括達摩梳打 和招財貓梳打，都非常特別又可愛。拉麵方面，我最鍾意的是北海道3.6牛乳拉麵，湯底濃郁，牛乳的味道令我不禁將成個湯底都飲曬。用料都非常足，半個溏心蛋，配料的肉類更有不同的部位選擇，傻傻的我們不知道原本麵湯已經配有溏心蛋，便額外加配了嘅一隻，溏心蛋的流心令人垂涎三尺。下次再光顧 我一定會試下餐廳的小食，無論賣相，餐牌都非常吸引，款式都非常獨特！ 店員服務亦非常周到，服務質素都非常好，值得體驗。

兩個人係太和想食拉麵，達摩係好選擇！達摩的優勝之處係可以自己揀麵的軟硬粗幼，配料和餸菜！可以揀到最合心意的拉麵！今次我揀左黑蒜油拉麵：烏黑色的黑蒜油浮在拉麵表面，單看賣相，已知味道濃郁，並帶有濃濃的蒜香，口感和味道都非常正！我朋友揀左櫻花蝦拉麵：櫻花蝦拉麵同樣出眾，在湯內加入日本蝦油和勁多隻櫻花蝦，味道鮮甜突出。另外，店內亦有很多飲品和啤酒揀呢！

喺大埔太和嗰頭做完嘢，差唔多晚飯時間，於是去搵嘢食。個邊咁多選擇又唔知點㨂好。行過見到有間麵屋元祖達摩，拉麵喺favourite之一，於是唔諗咁多就入去食。坐低咗，點咗一個激辛嘅辛辣拉麵，同黑蒜油拉麵，飲品招財貓梳打同達摩梳打。拉麵好快就到咗，先喺黑蒜油拉麵，上枱已經聞到蒜油嘅香味，入口香濃蒜味但唔會太濃，湯底味道亦唔算太濃，但兩樣配合驚喜地味道好好，拉麵都夠彈牙值得一贊。辛辣拉麵，入口先充滿日式辣油嘅味道，之後再有香味滲出，辣得嚟有層次，激辛辣度對食得辣嘅朋友絕對無問題。之後再點左幾款小食，質素都好好。估唔到又搵到間食拉麵嘅好地方，下次會再嚟食過！

太和消防局對面嘅拉麵店！小店有吧枱加幾張細枱。拉麵有幾款湯底，豚骨、雞骨、味噌、辛辣每樣各點左一碗，逐碗試左一啖湯，係味噌湯底配櫻花蝦比較出息嘅！我地每人另加左$7半隻蛋，上菜先發現原來碗麵本身已經有半隻蛋，各位朋友仔留意喇！美中不足麵身質地比較淋，如果爽口啲就更好喇，比較似係港式一啲嘅拉麵風味另外仲叫左雞翼同玉子燒，玉子燒上面嘅芝士拉絲效果非常明顯，熱辣辣，值得加分！總括黎講，小店嘅拉麵不過不失啦，勝在小食款式多，有驚喜！

今日中秋同朋友出去食飯，咁啱想食既餐廳冇開，佢就話呢間拉麵店好好食可以考慮，喺門口睇左陣menu見佢二人餐幾抵，而且好多野食；食物選擇都幾多，於是就入左去食。我哋大概係6點半左右去到，未開始多人。店員都幾有禮貌，舖頭入面大部分都係bar枱，枱同師傅之間就隔住左好多唔同既飲品罐/樽，同埋有d報紙介紹。下面呢張係揀拉麵既紙，有好多唔同既選擇，配菜、麵、湯底等等都可以自己揀。呢個係二人餐menu，會有兩個拉麵+兩個小食，仲會有野飲，份量好足夠，我同朋友食完係好飽好滿足。我叫左招財貓梳打(蜜糖味)，個樽好得意。飲落有少少波子汽水既味，大概可以話佢係蜜糖味既波子汽水，好有趣，都幾好飲。咁啱我哋兩個都叫左3.6牛乳拉麵，所以就唔專登影兩張拉麵相，小食就叫左北海道南瓜味男爵薯餅同吉列炸蠔。3.6牛乳拉麵超正！湯底好濃，麵好彈牙，豚腩叉燒都好腍好好食。我就走哂其他配料既，但係佢都會有魚子同黑松露喺上面，如果唔鍾意食既話可以落單果陣同店員講聲。薯餅好好食好香好脆，一咬落去係好濃既南瓜味，而且我哋係食完麵先食薯餅，咬落去都仲係好暖。吉列炸蠔都好好食，佢d汁唔會好稀，夾左上黎都唔會滴落黎，炸粉都唔會好厚，好

大埔區拉麵店唔多，有時想食d有質素嘅拉麵，可能要特登岀去沙田或尖沙咀先有多d選擇。但自從大埔開咗呢間元祖達摩之後，我就唔洗走咁遠喇，因為佢嘅拉麵湯底真係非常高質！今晚又同朋友一齊黎食，我地一人點咗一碗拉麵🍜再加一個小食share。二人餐都幾抵食，不過指定時段先有。北海道3.6牛乳拉麵奶白色嘅湯底好香，比較濃厚，容易掛湯，每一口都連湯帶麵，唔覺唔覺幾乎成碗湯飲哂。黑蒜油拉麵黑蒜味濃，適合重口味嘅我地。由於有黑蒜油，個湯相對會比較膩。豚腩叉燒肥瘦肉比例適中，燒得好香，味道唔錯。北海道蟹肉薯餅一向喜歡食薯餅嘅我幾乎每次去拉麵店都必點。呢度小食嘅款式超多，連薯餅都有幾款口味。今次試呢個蟹肉薯餅都幾有驚喜，有好香嘅蟹味，口感creamy，又唔會太油。梳打一進店就已經被呢兩款樽身好可愛嘅梳打吸引，有檸檬同蜜糖味選擇。兩款味道都ok，我鍾意蜜糖味甜甜地，但朋友話檸檬味fresh d好飲d。店員態度好nice，全部都係年輕人，成間店俾人一種醒神有活力嘅感覺。

黎過呢間拉麵店幾次，每次都係叫$218二人套餐，自選兩碗拉麵兩碟小食同飲品，好豐富，次次食完都勁飽！黑蒜油拉麵👍🏻食過幾款拉麵始終都係中意食黑蒜油拉麵，湯底好香好惹味，豚腩叉燒肥瘦適中，溏心蛋好味仲有少少蛋黃汁流出黎！雞軟骨餃子👍🏻平時食開豚肉餃子多，雞軟骨餃子比較少見，結果一食愛上！餃子煎得幾好，皮又薄又脆，咬落去雞軟骨同肉又幾有口感好爽口，配埋啲汁一流！北海道男爵薯餅(牛肉味)熱辣辣既薯餅外層好鬆脆，值得一讚！薯蓉幾好食，係牛肉味唔算太出，比較推介南瓜味！最後我地分別加左$16試檸檬味達摩梳打同蜂蜜味招財貓梳打，都幾特別！

元祖達摩都算係我 ge 飯堂 , 黎左咁多次 , 今次寫番個食評先餐牌 :食店除左拉麵 , 仲有 2 人套餐 , 小食 , 炸物 , 串燒等等味噌拉麵 ($68)拉麵有半隻半熟蛋 , 2 - 3 片叉燒 , 4 片筍 , 2片紫菜同蔥湯底味噌味好濃 , 帶少少辣味 , 偏重口味 , 幾好味但咸左 d麵質適中 , 粗曲麵掛湯很給力 😂叉燒揀左豚腩叉燒 , 食落唔肥膩 , 幾軟身 , 唔錯半熟蛋依舊美味 , 半隻唔係好夠喉 ~筍冇渣 , 紫菜好香 , 食得出係新鮮 麵底份量合理 , 正常食量男士都夠飽食店乾淨同坐得舒服 , 服務都唔錯 , 有加一 (以整數計)呢餐叫左一個拉麵埋單 $75 , 以主打拉麵食店黎講 , 價格正常 , 經常回頭 😁😁

最近地球真係好危險，放工之後冇特別即刻返大埔食麵，然後返屋企繼續溫習，去準備考試。溫書溫到好悶當然要食返啲令自己開心嘅嘢啦！達摩元組拉麵 係太和區我最喜歡嘅日本口味，裝修充日本旅遊風味，價錢唔貴，湯底及拉麵質素高。吉列蝦 $40店員推介新款小食，吉列炸蝦外層炸得香脆，一啖咬落去肉嫩，蝦肉鮮味彈牙！黑蒜油拉麵 $82第一次食黑蒜油風味，熱辣辣傳來香蒜味道，黑蒜油湯底特別惹味。豬軟骨有咬口，琉心蛋入口充滿煙燻香味，曲麵掛汁力強，喜歡煙煙韌韌的口感。櫻花蝦味增拉麵 $78密密麻麻的櫻花蝦，香脆可口的口感，味增湯汁濃郁，鹹香味適中，湯底誘惑入味！叉燒脂肪分布平均肥瘦適中，賣相漂亮口感亦豐富。我們還追加了粟米、火藥肉辣肉碎、日式叉燒，滋味無窮！達摩梳打 $22包裝可愛，檸檬口味，甜度適中。招財貓梳打 $22清新的蜜糖口味，冰凍解渴夠爽！總結價錢踏實，環境裝潢充滿日本風情，食物質素好，我愛大埔小店，下次再來嘗試其他款式的湯底。

夜晚去食鹽燒鯖魚配飯燒到塊皮有啲脆身香口 咸味又啱啱好配碗飯仔有啲日本小店的感覺 如果跟埋麵豉湯會仲有feel不過有得食就已經好好了😊因為自己好鐘意食燒鯖魚 所以有間係附近有得食 實在太好了 讚