麵屋 元祖達摩 (Closed)

今晚等朋友放工，去左大埔食晚餐諗唔到食咩經過見到就話不如簡簡單單食個拉麵算啦🍜小小的店都充滿著日式的裝潢坐座麵唔會好迫，而且內裡很光亮corona beer一去到好口渴，咁就點左枝啤酒🍻清爽青蘋果梳打好清新好香的青蘋果味，十分清新解渴白河3.6牛乳淡淡牛乳的味道，我選了幼麵，食落去細滑彈牙的麵個送就選了豬軟骨。黑蒜油拉麵新出口味黑蒜油湯底，濃濃的黑蒜味而朋友就選了粗麵都同樣地又滑又彈牙，美味可口

今日老公即興話想食拉麵，落街逛過圈，食佢最愛嘅 達摩 肥叉拉麵。佢話好掛住美味的溏心蛋喎。店內有好多達摩擺設，老公話好有親切咁，好似返咗去大阪食拉麵，我應該係時候睇定啲機票㗎啦！成日提住要返鄉下天氣熱辣辣坐低叫咗野飲先，我第一次看到達摩公仔這梳打飲品，點了一瓶來喝，香甜的檸檬味。老公就飲完熟芒果梳打，芒果果味一樣也不錯。因為老公喜愛吃拉麵，他點了一份比較特別的喇沙拉麵，散發出濃濃的椰汁香味，一望到已經知道係真材實料，湯汁又不會太鹹，更襯托出喇沙的濃郁味道。佢出名大胃王，所以追加了豬軟骨同埋火藥玉既辣肉碎。而我自己很喜歡櫻花蝦，所以點了達摩。櫻花蝦味噌拉麵。用櫻花蝦作主打，滿滿櫻花蝦香氣，味噌湯底感覺很新鮮，品嚐到濃香的櫻花蝦拉麵，櫻花蝦的香味滲透到曲曲的麵條中，麵條我選了較硬身的，掛汁能力十分強。我最喜歡吃叉燒，肉質鮮嫩，入口即溶，肉味也濃郁，軟腍很好吃。 食到一半老公覺得唔夠喉，加了一個小食，蒜香和牛粒，和牛的油脂甘香，肉質柔軟，肉汁飽滿，回味無窮。整體環境坐得舒服，拉麵質素高，湯底可以飲到最後一滴，代表着我哋對師傅嘅支持，絕對係食過返尋味系列之一。

大埔要食拉麵，我首選「達摩」。雖然餐廳始於平成29年（即2017），但卻很有老餐廳的質素，又有新餐廳應有的新意。 達摩位於太和邨斜對面，地段很方便。一如其他拉麵店，order紙可自選麵，蔥量，什至不要叉燒，更可選豬軟骨！任君選擇我的櫻花蝦味噌拉麵以味噌豬骨湯作湯底，加上日本櫻蝦加強口感，同時鮮味up⬆️每一口都喝到很多櫻花蝦，配搭確係新鮮！男友則點了蒜油豬骨拉麵，蒜油濃之餘又不會搶去豬骨的風頭，精妙之處就在這裡！拉麵彈牙，個人拉麵都喜愛幼身的小食軟殼蟹天婦羅都很不錯，外皮炸粉一點都不厚，而且好！鬆！脆！餐廳仲提供人氣好高的somersby apple cider，食拉麵配一枝簡單最高享受

今日公眾假期放假,黎到大埔區搵食。睇Openrice見到呢間拉麵店有唔少好評,一於試一下。7點幾黎到,唔使等位就有位。呢間餐廳最大特色,就係可以加20蚊,無限追加叉燒,拉麵同配料,好似放題食到飽。但因為公眾假期/週末,未有提供優惠。最後叫左2碗拉麵,1碗係墨魚汁拉麵,配豚腩叉燒,另1碗係豚骨拉麵,配豚肩叉燒。先試一啖豚骨湯,豬骨味濃,粗曲麵麵質煙韌,叉燒都唔錯。再試下墨魚汁湯底,味道偏鹹。加湯溝淡後,但味道都係差唔多。雖然店員建議我改叫另一款湯底拉麵,但最後食埋幾啖就冇再叫。不過都好欣賞店員既細心服務。下次都會再黎,試下新推出既黑蒜油湯底同埋最重要既------>>>>>無限追加,食到飽!!!!

同男朋友第一次去分別叫左北海道3.6牛乳拉麵同埋辛辣拉麵，湯底濃郁勁好味，之後第二次去都係叫番同樣既野，依然維持高水準。第三次去諗住試其他拉麵，點知我地都相當失望。我地叫左墨魚汁拉麵同埋咖哩拉麵，兩個湯底都好似係染左黑色同泥黃色既水咁，唔濃郁、勁稀都算，仲要味道真係好一般...都唔知好無encore再去好啦...

同家姐黎到以＂不倒翁＂達摩為主題既拉麵店好開心😗，招牌也看到大大隻的達摩公仔店內仲有好多達摩既擺設，好有身處日本拉麵店🍜既感覺🇯🇵店內有兩款座位可以選擇，Ｂar 枱都可以睇到師傳即煮拉麵！我就選擇左坐二人枱，怕講野太大聲嘈到人ｈａｈａ～Ｂar 枱show出了飲品的模樣出來，玻璃樽的包裝好特色所以就叫左2枝梳打飲品先，白桃味梳打和達摩梳打是檸檬味～果包裝真係好得意！好得意！細細個👶🏻既時候覺得 ‘不倒翁’ 好得意 圓碌碌，又好奇有d係沒有眼睛👀的。大個左先知道 ‘不倒翁’ 又名達摩，是許願求福既用途㊗️將願望寫係達摩的身上兩邊，之後許下願望，並在達摩的左眼畫上黑眼珠，然後等待願望實現後，再向右眼畫上眼珠💕湯底有唔同既味道可以簡，口味仲好特別！而且，每碗麵的湯底都有自己的名字，名字都好日本ғᴇᴇʟ，好有心思。這裡的自由度很大喔，麵質、叉燒的款式和要唔要蔥、荀、蒜蓉都是自己決定的我地選擇了白河和多摩。有好多款小食的可以選擇！北海道3.6牛乳拉麵 (白河)$83第一啖先飲一飲湯底，3.6牛奶就飲多～無諗過可以拎黎做麵既湯底白𠽌𠽌既湯底好香濃既牛奶味🥛甜甜地3.6牛乳配上拉麵沒有很奇怪的感覺，好正

今日放工黎左位於太和中心既麵屋 元祖達魔食拉麵。我成日都覺得lee種日式拉麵小店制作都好用心，而且湯底會較濃味，真係似日本食既拉麵。-今次見佢有幾款新出既拉麵，首先緊係揀左佢個炙燒龍蝦拉麵（$138）啦，另外揀左個黑蒜油拉麵（$78）我地本身叫左一個係豚肉一個豬軟骨，但佢比錯左做2個豬軟骨，但我地2樣都食，所以就冇叫佢換。-個炙燒芝士龍蝦一上好驚喜，有我隻手咁大隻，而且肉質好彈牙又多膏，$138真係好低食。黑蒜油拉麵望落同出面既拉麵就差唔多，但佢地2個湯底一如我所料係好濃味，雖然冇日本食既咁濃，但我覺得反而岩返香港人既口味，佢每款拉麵都會有半隻糖心蛋同唔同肉比你揀，而且佢個麵量比出面既多，完全冇唔夠飽既問題，其實overall黎講好低食-我地仲叫左個芝麻雞翼（$38）我覺得勁好食，佢個雞翼好厚身，食落好有肉汁同好滑，而且仲熱辣辣，估唔到咁高質素，我見枱枱都叫咁濟，一定要食😋😋😋-飲品我地叫左Apple cider同啤酒，價錢同你去7仔買差唔多，都唔係自家制既飲品，就唔多係到介紹😂😂😂😂-

the days of sitting at home cooking instant noodles are gone... after going to this ramen place you won't go back! the bowl of ramen is rich yet refreshing, the eggs and veggies are the greatest compliment, period. overall I think the best part of the dish is the soup that you can't get anywhere else.

大埔呢邊成日都有啲隱世嘅小店今次就嚟呢間食拉麵裝修都幾有日本小店嘅特色見到枱面一要瓶瓶好得意嘅梳打，好吸引呀不過重點都係食拉麵，簡簡單單一張紙點你想食乜嘢可以選擇麵質，叉燒同要唔要蔥，荀，蒜蓉。我叫嘅係豚骨拉麵$70，豬骨湯底味道適中，唔會太濃豚肩叉燒夠入味，糖心蛋都好滑麵質夠彈牙，份量都好多朋友叫既就係北海道3.6牛乳拉麵$83，味道幾特別，小小甜既淡淡牛奶味，上面仲有黑松露同三文魚子豚腩叉燒脂肪分布得平均，可以根據自己鍾意揀返淋身d或硬身d既叉燒呢個小食都好推介，芝士南瓜薯餅$38裹面有好多芝士出邊炸得金黃，完全係外脆內超級軟最後我仲叫咗呢個白桃梳打$22，十分解暑，未到一啲都唔假，好濃郁嘅白桃味

5月24日一田第一日大減價，專程約好友到大埔吃飯再激戰，為免人多擠迫，選擇距離大埔超級城食一個快飯。第一次食呢間拉麵店，7 點半去到都仲有位唔洗等，職員仲好好咁俾個籃我放袋。我地一人叫左一個拉麵同一個小食。入到拉麵店發現裝修格局都幾日式，有好多特式飲品，都幾特別。我地每人叫左一個拉麵，兩個都係平時好少有得食。北海道3.6牛乳拉麵見到白色湯底就好開心，牛奶味十足，平時食拉麵最怕係太濃，湯太“結”，食完會好口渴，但呢個湯底適中，好有日本拉麵店既感覺。配上軟硬度適中既粗曲麵，肥瘦剛好既豚肩叉燒，仲有半隻流心蛋，非常好。我仲加多左一個小食，鹽燒鯖魚，燒得剛剛好，配上醬汁味道更好。朋友話佢既櫻花蝦味噌拉麵都不錯，但我對蝦敏感就沒有試。賣單2百幾都唔算貴, 比石門某拉麵店平同好食, 選擇更多

收工之後，就入左大埔搵食。係店外等候嘅人都唔少，原來呢度...每人加$20就可無限追加拉麵配料大概等左10mins 左右就有位喇！店面呈長型，中間一排bar桌、側邊兩人座位。以街坊小店拉麵種類黎講, 呢度可以話數一數二。 比較少見有墨魚汁、咖哩、喇沙。重頭戲黎喇！每人加$20就可無限追加拉麵任何配料，超開心！叉燒 同拉麵都可無限追加，最正係溏心蛋都可以無限追加。蜜瓜梳打/蜜桃梳打 $22呢度單點價超值，超市價都接近$20！味道清新唔太甜。黑蒜油拉麵 $78新口味，黑蒜油比較濃味！重口味人之選。辛辣拉麵 $78（中辛）要注意下真係幾辣，好彩溏心蛋好溏心可以綜和下。愈食愈多料，超邪惡呀！以下就係兩人追加嘅配料豬軟骨煮到幾稔、辣肉碎好惹味、豚肩叉燒幾正、最吸引都係好溏心嘅蛋！選擇困難症嘅客人最適合加$20咩都可以選，又一定食得飽飽的。芝麻雞翼$38 惹味小食，脆口唔油膩！

佛誕呢日，係附近游完水之後係呢邊搵食，一連好多間食肆，最後選定左唔洗排隊既達摩。好少去呢邊食野，我諗餐廳都算新，但坐位有少少窄，好彩店員有提供置物籃，唔洗抱住個手袋食Menu有4張，小食飲品種類幾多，仲有啤酒拉麵既湯底都幾多選擇，除左常見既味噌、豚骨、醬油，仲有喇沙、咖哩、墨魚汁湯底，幾特別我就叫左黑蒜油拉麵，麵係幼麵，叉燒都幾大塊，但個湯底有D怪味，最終食唔晒既媽咪揀左豬骨湯底，其他野都係一樣，佢話唔好食另外叫左個小食，吉列豬排，一夾起炸皮同舊肉係分開既，都唔知幾多年冇食過D咁既炸物我唔知呢間拉麵店係target 咩客，如果係學生，價錢未免set 得太貴，以呢個價錢呢個質素，我都係食返一X堂啦

呢日去完香港鐵路博物館，經過拉麵店見人流都幾多，決定入去一試🤗👁‍🗨 鹽燒雞腎（7/10）💲32三串細細粒既雞腎，口感唔太韌，味道比較鹹，同埋應該加左七味粉，覺得辣辣地，不過都惹味既😉👁‍🗨 櫻花蝦味噌拉麵（7/10）💲78呢碗拉麵既櫻花蝦味湯底都頗突出，濃味得黎又唔會鹹🦐薄切軟腍既豚肩叉燒，肉味頗為濃郁，仲有半隻滑身既醃製溏心蛋，蛋白夠入味，而蛋黃流心就唔算好澎拜，不過都可以接受🥚麵底揀左幼麵，略嫌麵質唔夠硬身，同埋自認大食既我覺得麵量稍為少左啲🤔👁‍🗨 北海道3.6牛乳拉麵（7/10）💲83同行朋友食左個北海道3.6牛乳拉麵，入面同樣有豚肩叉燒同埋溏心蛋🥚平時食豚骨湯底食得多，但係牛乳做湯底既拉麵真係好少食😳為食既我，朋友未食就已經比我偷食左一啖👻，感覺食落有頗香既松露味之外，仲有微微豚骨湯底既味道，至於牛乳方面就好似吾多覺咁，不過成個湯底香滑creamy吾會膩，吾錯既😇👁‍🗨 Takara 水果酒 提子（7/10）💲22呢杯水果酒其實都有4%酒精，但係都幾易入口，因為味道一開始比較似果汁，係飲到尾先有少少酒既感覺，整體提子味都幾香濃🍇👁‍🗨 Takara 水果酒 白桃（7/10）

星期四非常口痕想食碗拉麵，放工就去同佢搵拉麵店發現呢間食店～係門面夠晒光猛有大量射燈所以遠處就已經見到呢間拉麵店。一坐低店員就好細心俾個籃子我放喺個椅子下面裝自己嘅隨身行李。店員仲會好細心時不時會添加水。而枱面同埋啲餐具都係非常之乾淨衛生，但如果可以添加紙巾就更好了。而內在裝修亦充滿着日本風，可以比大家影吓相。叫左正宗嘅豬骨湯拉麵🍜不過今次就冇食到叉燒🤣反而係食豬軟骨，豬軟骨夠晒冧唔怕會咬唔到，啲豬骨湯都煲得非常之香滑，鹹甜適中。食熱辣辣嘅面拉麵配埋佢嘅梳打飲品就非常完美啦。

見到佢facebook有優惠post加上之前見佢賣廣告有啲吸引所以特登走左入黎食👀點左個墨魚汁拉麵試試因為好少有墨魚汁做湯底🤔但我覺得個湯底淡左少少淆得唔夠耐？🤔麵質係ok既硬身overall黎講無想像中咁好食