麵屋 元祖達摩 (Closed)

又係大埔覓食記 發現呢度真係幾多隱世小店要乜菜有乜菜 呢間日式拉麵店係車站旁 行過黎幾分鐘幾方便湯底有成十款選擇 最平$58有交易北海道3.6牛乳豚肩叉燒拉麵($83) 加半熟溏心蛋($10)鹽燒牛舌($42) 達摩檸檬梳打($20)奶白色的湯頭牛乳味香濃 但感覺唔拿太味精麵揀左粗曲麵 另外加左蒜蓉 更香更重口味🤡豚肩叉燒有三塊薄切 肥瘦適中 肉質滑嫩牛舌有六大塊 調味可以更濃朋友同樣點左北海道3.6牛乳拉麵不過就要左豚角煮 即係厚切肥腩肉 炙過更香口另外加左豚腩叉燒 紫菜同溏心蛋！溏心蛋好入味好正 熟度剛剛好！飲品一支達摩檸檬梳打($20) 一支白桃梳打都係日本直接進入 包裝好靚 特別係左邊的達摩！加左咁多野兩個人埋單人均153 平過出面一碗已經百幾二百！

嘩，估唔到大埔有d咁好食嘅櫻花蝦拉面， 好有春天氣色，第一次試就愛上左， 若果住付近的話應該會變左我嘅飯堂haha, 佢味噌湯拉面落左櫻花蝦變得好獨特， 濃得黎唔算鹹，又有d有櫻花蝦嘅香味，仲有得選兩款面質， 叉燒又有得選厚定薄切，好食過d連鎖拉面好多lor. 另外店長好nice, 比左個位我地泊bb車， 又推介左白桃味梳打，夾埋個拉面一流， 女仔一定鍾意, 見佢另外仲有個主打北海道牛乳拉面好多人叫，好似好正，同埋有好多款小食， 下次一定要再去試下

說這間是人氣拉麵一點都不過份，早在前陣子的週未也曾到訪，可惜估算大概要等兩個鐘！等位呢家野我真係好少做，放棄了。呢日係大埔，平日晚上終於試到了！美少女同小妹同樣點了櫻花蝦味噌拉麵，加個燒雞皮同炒野菜。先試個湯頭，香氣撲鼻，味道濃郁，正宗！拉麵質地相當好，义燒肥瘦適中，加上隻好正的糖心太陽蛋，整體而言非常好！另外酚提提碟炒野菜，野菜好甜，屋企食開有機菜。所以我通常出街食菜我都不抱期望，呢間店的野菜絕對食得出有分別。下次再黎必叫item!

經朋友介紹呢間，以為好好味，點知中伏了我地見相片啲餃子好似幾好味，所以點左個餃子來食，點知餃子皮不脆，叫左個炒雜菜啲菜又濕又咸，拉麵湯底又沒有味道，塊叉燒又鞋，不會再去

住開九龍比較少黎太和呢邊，原來都有唔少餐廳，今次男朋友帶左我黎呢間拉麵感覺幾正宗，仲有得自選麵質同叉燒，鍾意食肥d瘦d定厚切既，全部由自己話事！櫻花蝦味噌拉麵($78)，我就揀左幼麵同豚肩叉燒，個湯底十分香濃，充滿濃濃既櫻花蝦香味，幼麵既麵質爽滑，仲有我最愛嘅半熟溏心蛋都好好食。辛辣拉麵($78)，男朋友就揀左粗麵同豚角煮，即係厚切腩肉，辛辣拉麵仲有3款辣度揀，佢好鍾意食辣所以揀左激辛，佢話辣得黎都幾香，粗麵又掛湯。沖繩大豚肉餃子($32)，餃子大大隻，個皮夠薄，煎完之後外脆內軟，仲有唔少肉汁。芝士香草汁燒蠔($38)，燒蠔有驚喜，芝士味夠濃唔會過鹹，燒到熱辣辣同蠔肉味道好夾啊。

今日同朋友黎到太和，見到呢間餐廳內擺設充滿日式風情，而拉麵湯底種類特別，就吸引左我地入去一試。北海道3.6牛乳拉麵($83)北海道3.6牛乳湯有香滑嘅奶味，比櫻花蝦味噌湯底清淡，啱哂吾鍾意咁重口味嘅人。蟹籽豐富口感同味道。豚腩叉燒肥瘦適中！櫻花蝦味噌拉麵($78)櫻花蝦味噌湯濃郁亦不會過鹹。拉麵掛湯能力不錯。豚角煮(厚切腩肉)食落一D都吾肥，脂肪入口即溶。腩肉好淋，吾黐牙。達摩梳打($20) 同招財貓梳打($20)由賣相開始已經好kawaii, 充滿日本嘅味道。達摩梳打(檸檬味)比較酸同清新，一洗拉麵嘅膩濟感。但如果你鍾意甜D, 招財貓梳打(蜜糖味)會更適合你，同波子汽水有幾分相似。

今天與朋友特登黎到太和中心一帶，見到呢間拉麵鋪，覺得個名「達摩」幾有意思，便作嘗試。🤨🤨北海道牛乳3.6牛乳拉麵 $83先嘗一口湯，我馬上被驚艷。牛奶湯底的香味濃郁，鹹甜適中，出奇地搭！😍😍😋 令人食慾大增。而拉麵的掛汁能力中上，推薦同埋芽菜一齊食，十分爽脆且有嚼勁😍👍墨魚汁拉麵 $78🐙叫左一個白色湯底，當然要試埋黑色 😋第一啖湯味道十分香醇。豚肩叉燒搭配著墨魚汁，增添不少肉味與鹹度。另外，糖心蛋十分滑。蒜香和牛粒 $48 🐮牛味十足，不肥膩，最正係蒜香粒，搭配燒汁，又香又脆。芒果蘇打本來仲擔心芒果蘇打會偏酸，沒有想到是我的菜！甜甜地，幾好飲。BTW, 係玻璃樽黎，好靚。白桃味水果酒 🍸🍑酒精度數不高，白桃味濃郁！我有時飲太多蘇打會胃痛，但呢杯水果酒飲落更加似果汁，當然，酒精的作用是循序漸進的。總結味道不錯 👍 在寬敞舒服的環境下，十分寫意。

原來牛乳拉麵都可以咁好食！北海道3.6牛乳拉麵 ($83) 白色既牛奶湯底，係有好濃郁既牛奶味，但湯是咸不是甜的，所以就咁飲都好正，同埋最緊要係佢唔會食食下好漏隱約飲到少少松露油味同蟹子味，好香好夾到個湯。而最令人滿足既就係有得揀自己鐘意既拉麵同叉燒類別！ 我就鐘意食粗身，黃色果種麵，因為特別有口感整體黎講呢間係一間誠意拉面店，又有得選擇自己喜好既食物又好食。辛辣拉麵 ($78)揀咗小辛，呢個小辛係有極少既辣味，唔食得辣既人就啱哂辛辣拉麵仲會有少少肉碎係面，食落完全唔會單調。呢隻辣仲幾惹味添蒜香和牛粒($48) 每粒和牛都煎到好香好冧，仲有少少肉汁。仲有好濃既蒜味，食到個口臭哂冇難度飲品分別叫咗達摩梳打($20)同招財貓梳打($20)本身以為係水吧整果啲梳打，原來係一支樽裝飲品， 個樽好靚但有少少偏甜~ 波子汽水味

讀左中大幾年，一直都唔知一站之隔既太和有間咁抵食、質素又唔錯既拉麵店。有大約十款拉麵揀，麵質、配料、追加食材統統任君選擇。另外仲有一大堆小食可以選擇，唔係淨係得拉麵啊👌🏻我地叫左北海道3.6牛乳拉麵同櫻花蝦味噌拉麵 share黎食。先講我比較中意既櫻花蝦湯底啦：湯底調味較濃，但又唔會過鹹。成碗湯麵佈滿一粒粒蝦米，聞同食落去都好重蝦味，啱哂中意海鮮湯底既我😋 另外，叉燒亦肥瘦分明，肉質好嫩，好味！另一碗既北海道牛乳湯底其實都唔錯，奶味都夠香，比較適合中意清淡湯底既朋友。小食方面，我地share左個炸雞翼。雞翼夠哂薄粉又炸得脆，好食過一般放題貨色好多!!最後，我地仲叫左兩枝飲品。外形幾可愛，好在係玻璃樽，所以飲唔哂有得攞走繼續飲啊😂總括黎講，呢間拉麵店喺同區黎講算好出色，價錢又唔貴，係抵佢排長龍既！👍🏻

營業時間係12點，當時已經開始有人喺門口等，但佢差唔多12點4先開，所以都等咗幾耐。我地點咗以下三碗麵：豚骨醬油拉麵同櫻花蝦拉麵等咗大約15分鐘，尚可接受，但牛乳拉麵就等咗差唔多半個鐘先有。面頭有好多櫻花蝦，加咗蔥同蒜，但個湯依然覺得唔夠味（我重口味）。唔難食，但冇加麵的意欲。主要問題都係覺得偏淡，個人認為櫻花蝦嗰個算最好食。叉燒我就鍾意豚腩薄切，係最普遍嗰種。豚角煮都好食，但有啲肥。豚肩個口感我唔太鍾意。總結食得飽但唔算好食（大埔一X嘅湯底正啲）

看到這裹這麼多人排隊以為很不錯 等了一個多小時進去 一看餐牌有些特別湯底如牛奶底或laksa底己心知不妙 這些在日本沒看過算我沒知識 而任食一項通常都是以大食夾抵食作招倈帶點伏味 所以只點了一個豬骨拉麵和枝豆 說實話 味道一般 麵和豬肉份量較大埔一嗚小 湯有微量味精 它主要以加錢任加豬肉麵蛋及飲料 現場所見所添加的麵不連湯以碟送出 其他東西添加份量極少 所以很多人點一元雞翼 如果你吃過真正日本拉麵 不用來這裹 如果為了任食而來 附近還有很多選擇

食左大部分大埔拉麵基本上只有呢間會返頭食今次叫左面屎湯底湯底比豬骨喊不過豬骨都唔係特別咸肉 同面都無失望只係人比較多，waiter 比較忙Order 落完搞錯左n次。

上網見佢話任食拉麵，諗住週末突登入黎太和試下，結果話星期六日唔做任食。網上面又唔事先寫明只限星期一至五，好有厄人嘅嫌疑，門口咁多人排隊都唔知有幾係比佢個「任食」厄過黎。排左半個鐘先入得，地方淺窄就預左，但係每行經一個waiter就比人踢一腳，火都黎。叫左個雞骨醬油拉麵，個湯淡到。明明食拉麵就係為左個湯底，結果食晒成碗野（整體都差）最差就係個湯，都未試過食完拉湯會唔飲晒個湯，又淡又油跟本飲唔落口，飲完仲要勁口乾，姐係多味精。都唔明點解晒左大半日入黎太和比人厄，比人踢，飲味精湯。

普通拉麵一碗！湯底唔錯！被任加配料優惠吸引過黎！雖然服務員態度服務好好！但野食效率極低！落左3、4次單只係有木耳、蔥、菇、蛋送上但主角叉燒從未上過！最後老板娘親自問我地有咩未上！之後先有一碟叉燒！其實有D失望…

食物質素十分普通，你在家中也能煮到。======麵身沒有特別，只是比袋裝即食麵好一點的質素。=======叉燒沒有香味，即使放進口，味道還是一般，份量還要比其他店細。=======湯底一點也不濃，我不會說稀得像水，但完全不入味。========店員服務還好，只是運作有點亂。另一張枱的單，等了很久才到，明明已放在出餐處一段時間。========價錢方面，只能說物不所值。========我甚少打食評，但這種質素、這種份量的食物，竟然可以賣給客人。你可知這地區還有更多比這店好的選擇。=========希望貴店主有機會看到這食評。當然你可堅持現有做法，但我希望能加以改進。