Davinci Cook (Closed)

村口有多塊食肆廣告牌，Davinci放在最右邊，如果未曾來過都幾難找，因店舖位置不是在大街，而是在燈光較暗的後街。6.20 pm入到Davinci，已有3位人客在點菜，餐廳氣氛幽靜，燈光柔和，聲音來源就只有牆上的TV和電話聲，大家談話亦自然細聲。我們選了4樣食品。香草松子仁雞肉寬條麵 – 意粉質感是我喜歡的韌度，不是港式的太軟稔，醬汁掛滿意粉上，入口都是香草和橄欖油味，雞肉和松子只是配角，有無都無所謂，康康一路吃一路說好味。達文西沙律 – 一般的沙律菜，3件小麵包乾和牛油果，一隻蛋開4件，上放有燒烤味的雞肉條很乾身，沒有半點肥油，芥末蜜糖dressing大都流到碟底，要撈起拌勻後吃，蜜糖味很重，怕甜的可不要拌勻，是減肥人士的首選，吃完連手指都沾了黐立立的蜜糖。特級西冷牛扒 – 切開3件分吃，每人都有手掌心大的一件，medium 熟，但切開是近9成熟，好彩不嚡，上放香草牛油醬，令牛扒好香滑，如果怕肥膩，可改用另上的磨菇汁亦不錯，磨菇味濃，汁內有多件切成細件的磨菇，不太鹹。跟扒的薯蓉亦有牛油味，很滑。珍寶恐龍燒排骨配美國瘋薯條 – 問印籍侍應whole size和half size分別，他

中學女友人2月份生左個小龍女~約埋幾位好友到佢位於調景嶺家睇BB睇完玩完一齊食晚飯~主人家話一早於餐廳訂左位啦~我無異議~超級唔熟路~食完帶返我去坐MTR就得啦~~~一行8人分兩架的士去晚膳~點解唔就係樓下食呢?仲要坐的士去食咁大陣象~主人家話因為好食又抵食~心想貨不對板佢就死!!!好"生卡拉"地方~如果佢唔帶我黎我絕對唔識去呀!!!入到去環境唔錯~個洗手間都好乾淨企理~hee~大肚婆成日要去廁所呢~~~照舊一人叫一道菜~第一味到既係Caesar Salad~OK喎~~~但個Dressing好似同出面有d唔同味~但都ok~~~跟住就到我點既"蘚蕃茄水牛芝士法飽"~一睇就知正呀~舊芝士大到呢~但一碟得三舊~點分?即刻要叫多碟~好味~~~焗薯皮都幾正~但我鍾意個炸墨魚圈多d~~~個pizza超得!!!!!係老板娘推介既"秘製辣味烤雞薄批"~真係好薄好脆~個味好好食~我係從未食過架~好開心呀!!!個ribs叫恐龍骨~嘩~~~真係大份到有d得人驚呀~睇埋個價錢仲得人驚~只係$165~個薯角好正~~~唔知邊個叫肉醬意粉~心想老遠走黎又係食肉醬意粉?但一食就知正野~好香好濃~超多肉醬真係好好味~我

個囡囡出生100天，聽朋友介紹好耐...終於可以一試!位置上唔係咁易找, 但比少少心機就應該好快找到...講番正題，入到去環境OK。因為無乜人，幾清靜...同舒服...可能拍拖去會叫浪漫...因為英文唔係咁好...全部由朋友介紹菜式:-招牌貨,達文西至尊Pizza超正, 好好好食....記住一定要薄底...好好食 (必食之選)-正菜唔係好知點乜, 就經個東南亞藉店員介紹下點了半份豬手 及 恐龍骨。 豬手是經過燒過後表面香脆, 內裏則肉汁豐富...好食到爆! (必食) 恐龍骨都好好味, 但係第二到都可能食到這水準...而最大特點是, 配菜佢都做得好好...一d 都馬虎，陪碟的著條佢都整得好食! 依個係難得!要讚!其實仍有其他..但因為得4個人...無機會試...下次一定約大班人去試多幾款!

今日行過坑口村,見到有間門面幾靚既餐廳,就同兩個FD一齊走過去睇下佢地係有D咩食啦~原來係一間食意大利菜既餐廳~再望一望入面,可能平日啦,冇咩人唔駛等位~就3個人入左去食啦~一坐低就有個印度仔侍應走埋黎啦~嘩~講英文個喎~小弟自問英文唔係太好,唔係好識溝通,好彩跟手有個中國侍應係後面,就問佢有D咩好食啦~佢就推薦我地試下個恐龍骨,好,咁就要左半份試下有幾恐龍,跟手叫左個細PIZZA再加一碟咖哩雞飯(因為小弟特別鍾情於咖哩同埋個姐姐話個大廚係印度人,整D野幾好食)就係咁,總共三份野食,跟住我地3個吹多左陣水,都唔駛等好耐,個PIZZA就有啦~個PIZZA叫左佢地個招牌貨,達文西至尊,食落都OK好食,同以往個D有D唔同,D芝士比較香D之後重點黎啦,就係個恐龍骨,佢係成塊燒排骨,我地要左半份都幾大塊食落就真係唔停得手(仲差D因為某人食多左舊大打出手)最後係個咖哩飯啦~可能佢個大廚真係印度人,D咖哩真係印度D,成個咖哩味係正,唔會耶汁太重,D汁仲有D配料既味,總言之係好食~賣單個FD請碌左咭所以就唔係好知幾錢啦~走個時見到佢地架外賣車幾型下~係連個司機都幾型下~不過就冇同佢地個司機影相只係影左

話說有位老友話要入黎將軍澳搵我食扒（坑口村村口果間呢～）咁岩細佬今日放工返屋企時係村口收到一張傳單, 咦？果間野好似有扒食咖喎,於是乎就同朋友提議, 不如試下間新野丫？ 呢間, 就係o係坑口村第三排, 偏偏辟辟既DAVINCI COOK。第一時間由屋企行出去問下收左爐未先,因為都已經9點45分啦, 好驚叫左個朋友黎但佢收左, 丫點知仲接受Order, 出返村口接埋朋友仔,開左張Table for two就準備開餐啦 首先上左個餐包, 咦喂, 有支野係隔離, 唔知點用喎, 同個fd你眼望我眼左一陣,唯有叫waiter 教我地點食啦, 順帶一提, 呢到係得一個女Staff識講中文, 其他都係外國人黎,佢用最簡單既英文教我地點食...原來係將提子醋同橄欖油倒落碟再點黎食既,呢個係一個意大利人既食法, 真係估唔到又學到野啦 唔講個汁, 佢個包本身趣趣地幾好味咖第二樣上既就係一份焗薯皮, 講真我開頭以為係好細既, 點知佢一份有5件(2個半薯仔),仲要每一件既料都有d 唔同, 我就食左三舊, 分別係Pizza料, wasabi料(唔辣既), 同埋橄欖料,而朋友食果兩件我就無問清楚啦, 因為太好味,

近年西貢、將軍澳開左好多意式食店，而且打破左一向給人貴價細件的印象。可惜，經過不同媒體多次採訪後，唔係加幾十個%價，就係要早成個星期訂位先有得食。今個月4號(08/2011)先係坑口開O既DAVANCI COOK，會唔會又係下一間要早成個星期訂位O既PIZZA店？ DAVANCI COOK 成間得一個人識講中文，其他包括廚師都係外國人。位置雖然隱蔽左少少(O係坑口村中間排近富寧花園)，不過個FEEL勁似去左外國小鎮食O野咁，連門口都放左幾張木台，可以享受樹蔭下的露天下午茶。講返食物，佢主打都係PIZZA，有分大中細SIZE，8月做緊買一送一。如果一個人食唔晒個批，都可以中午時試O下個SET LUNCH，有湯或沙拉，加個PIZZA同飲品, 都係$68。所有食物都係現做，唔會一早做定應付客人，所以老闆娘有時都會提醒某D食物都要成15-20分鐘製作。第一次去食見到有外國人開支酒係度送PIZZA 添！真寫意！