Dazzling Cafe (皇室堡) (Closed)

前一排萬聖節，咁啱同朋友行開皇室堡見到dazzling cafe出咗萬聖節餐，鬼馬得意，我哋就入咗去試首先頭盤就係有雞扒沙律，雖然沙律係冷盤，但係雞扒係熱嘅，因為個人比較鍾意食熱嘅肉類，所以覺得感覺不錯之後嚟咗其中一杯野飲oreo chocolate milkshake 其實我本身已經好鍾意飲,再加上佢因為萬聖節多咗啲裝飾令到人飲落都覺得開心🥳佢嘅味道唔算係太甜，中規中矩，而且冰粒磨得好細，所以唔會話有好大粒冰搞到冇晒味嘅感覺第二杯叫momo monster,唔係幾飲得出佢其實係乜嘢飲品，不過酸酸甜甜幾好飲，醒神又開胃，而且佢個外貌整到好似毛毛咁，用嚟打卡真係一流呢個餐仲包一碟意粉，我哋就叫咗黑松露雜菌意粉，醬汁好濃郁，份量都足夠最後重頭戲當然唔少得呢個甜品啦，佢個樣真係超吸引，而且味道一啲都唔會令人失望。再加上佢本身嘅麵包都係飽肚野，所以令到成個餐都唔使擔心會唔夠飽

假日放鬆一下心情，去一些環境好的地方果一個慢活的下午，也是不少港人首選的選擇了，食店離地鐵大約2分鐘，十分方便食完下午茶，也可以逛逛街再回到家中準備新一天的工作了.有不少特色啲甜品也希望嘗試，於是叫了一個招牌的窩夫，窩夫份量十足加上使用有品牌的雪糕因此令全件事十分之美滿，窩夫也十分之香脆，加上美好的環境十分適合朋友的聚會.飲品也是十分之有特色厚厚的cream，令全杯飲品也十分之香滑.食店的環境佈置也十分之有心思，座位十分之舒適.

呢間Cafe不嬲都好受歡迎，好多女仔鍾意黎影相同埋同朋友gathering 。因為佢唔單止環境靚，食物嘅賣相都好靚，啱晒女仔黎傾計或者影相。今日咁岩經過，見到佢有萬聖節主題既menu，咁就梗係一定要試吓啦。好彩佢嘅時間比較早，雖然都係好多客人，但係等左一陣位就入得啦。呢杯毛毛怪獸賣相真係超可愛啊，忍唔住係咁幫佢影相。仲有驚喜嘅係，估唔到佢飲落都幾好味，唔會太甜，反而仲幾解渴。朋友就飲呢個極品oreo奶昔，佢嘅賣相都好靚。我試咗一啖，估唔到佢嘅味道仲好味呀。佢有好多Oreo碎，雖然係奶昔，但係又唔會太膩。最後嘅甜品係呢個惡魔Oreo蜜糖吐司，又係一上枱就忍唔住係咁影相。呢間Cafe嘅蜜糖吐司不嬲都好好味，估唔到Oreo味仲正。一啖吐司一啖雪糕，但係食落又唔會好重罪惡感，因為佢唔算太甜，非常啱女仔食呀。呢間Cafe環境又靚，又成日有特別嘅Menu，唔怪得咁多客人啦。我同朋友食飯，好多時候都會揀呢間餐廳架。

今晚黎到幾年冇食過既Dazzling Cafe食晚飯。最記得佢既甜品：蜜糖吐司同窩夫都好好食。今晚搞搞新意思，叫左其它野食：松露薯條，黄金烏魚子蒜香義大利麵，青醬奶油雞腿義大利麵。甜品叫左新產品繽紛莓果布里歐。每人最低消費要叫一杯野飲，於是叫左Dazzling紅茶同黑炫風摩卡。薯條卜卜脆；烏魚子蒜香義大利麵重海鮮味；青醬我唔好，但義大利麵本身唔錯；布里歐外面係好脆既糖醬，入面類似丹麥麵包，鋪上莓果醬，吉士醬同奶油，甜品果然出色；兩杯野飲都好飲，甜度岩岩好。

又到萬聖節啦， 係同朋友聚一聚嘅時間今日就去咗皇室堡食依間台灣馳名嘅餐廳其實係我第一次食！個感覺都幾新鮮，佢而家出咗個萬聖節套餐有沙律菜，一個意粉，兩杯嘢飲再連埋一個吐司都只不過係350蚊左右！我點咗佢嘅意粉就係佛羅倫斯花枝干貝麵，意粉炒到條條分明！香草同胡椒特別惹味！干貝非常之大粒，咬落去口感彈牙！另外就食過香料雞腿凱撒沙律雞腿炸過之後外脆內軟，肉質非常的鮮嫩沙律菜非常之新鮮！飲品係 oero milk shake, 用料豐富！惡魔oreo蜜糖吐司賣相好靚！！唔會死甜，nice

Dazzling Cafe (CWB)台灣過江龍的咖啡室 用餐1.5小時 味道依舊好吃😋開業多時 平日晚市都要排隊眼見不少人試台菜。1⃣柚子蜜雞翼單骨雞翼 方便食用 炸得香脆 外層沾滿柚子蜜 食落有啖啖的柚子味 肉質嫩滑2⃣佛羅倫斯花枝干貝麵🍝干貝2大粒 略微過熟 所以沒有了通透的質感 但調味剛好 帶出干貝的鮮甜 花枝切圈 質地彈牙 意粉炒得乾身 掛上微辣的醬汁👍🏼3⃣京都宇治抹茶紅豆鬆餅🥞後上的甜品 即叫即製 熱辣辣 waffle 厚身 抹茶雪糕用上Haagen Dazs 抹茶味重 不會過甜 配上大粒甜紅豆 中和抹茶的苦澀味 加上香脆waffle 味道口感都一流🤘🏻4⃣Dazzling 紅茶 (熱)想飲唔甜的飲品所以叫左熱飲 因為凍飲的甜度無得調整 紅茶用上twinings 茶包 再額外有生果粒比我地自制果茶 切得細少的生果 方便食用 茶包香濃🍵5⃣百香果鮮柚茶柚子加上百香果形造清新的感覺 柚子味重 但茶底略微偏甜 如果可以少甜 味道更佳 更能帶出百香果的味道🍊

Dazzling cafe個名聽過好多次，知道係台灣過江龍，但就第一次嚟食🙈餐廳環境都闊落，坐位都好舒服，某啲座位有對兔仔耳，好qq😍 而水吧位係開放式，感覺上更衛生更乾淨。今次點左兩款小食，叫左個柚子蜜單骨雞翼同埋黑松露薯條。柚子蜜醬酸酸甜甜，好開胃！而雞翼熱辣辣仲有肉汁流緊出嚟！黑松露薯條都係啱啱炸起，每一條都好脆，黑松露碎灑係薯條上面，好香口！而主食叫左黃金烏魚子蒜香意大利麵，烏魚子同埋幾蒜嘅份量都好多，每一啖意粉都食到啖啖嘅烏魚子，好香口，食晒啲意粉都仲有烏魚子碎淨！飲品方面叫咗杯薄荷朱古力同埋百香果鮮柚茶！薄荷朱古力唔會太甜，薄荷味剛剛好，朱古力奶味香濃。至於百香果鮮柚茶好香橙味，有啲鮮果係上面，好fresh! 下次會再嚟試試佢嘅甜品！

之前經過尖沙咀Dazzling Cafe 分店已經好想試下，咁啱萬聖節當日要去銅鑼灣，就同朋友去左皇室堡分店食晚飯。銅鑼灣分店既設計同尖沙咀有D唔同，唔係用粉紅色作為主題，改用左白色木材加植物配搭，有種小清新既感覺，所以就算一家人/同朋友去都好啱Feel。有D凳係用左兔仔耳做設計，好可愛，而琴日我地就坐左係梳位枱位置，張梳位好舒服，仲有cushion提供，唔錯。因為係萬聖節，所以餐廳推出左期間限定既萬聖節限定菜式同Menu。萬聖節限定Menu係二人份既，入面包晒3樣萬聖節限定菜式﹑所以我地叫左個Set。除左3樣特色食物之外，仲有一個預設左既沙律同一個意粉(可以係Menu上面任揀)，開始仲擔心唔夠食，諗緊好唔好加多個意粉，點知原本份量都幾多，我地食完之後好飽，哈哈。香料雞腿凱撒沙律份量都算多，如果一個人食，應該整係食呢個就已經飽晒。凱撒沙律上面既兩大塊雞腿肉燒得好香，雞皮燒到好脆身，咬落去一D油膩既感覺都無，所以我連皮一齊食晒。無骨雞腿肉肉嫩多汁，配上清新既凱撒沙律食一流!!! 凱撒沙律既麵包粒同煙肉粒都唔算太乾身太硬，所以整體黎講幾好食。青醬奶油雞腿麵我一向都好鍾意食青醬意粉，因為覺得

我媽咪之前反親黎香港都一定會去食 但近排比較少去尖沙咀同銅鑼灣都有好幾個月無食過難得落銅鑼灣經過皇室堡一於上去食個late lunch係門口見到有個Halloween 套餐個甜點品同飲品都好靚就吸引左我地點呢個餐有包一個沙律 一個意粉 兩個嘢飲 同一個吐司甜品 兩個人都好夠食 食到好飽意粉仲可以有幾款任你揀 我地梗係點明太子意粉呢個係每次黎必點的今次都係保持一貫水準有包兩杯嘢飲 有一杯好靚係藍色怪獸樣就甘睇以為好難飲 得個靚字點知幾好飲 原來係波子汽水味既飲品最後覺得個甜品好有心思伴碟都佈置得好靚

今日weekend 跟朋友去左銅鑼灣行街，買完野之後就去左附近餐廳食晚餐！店員安排左卡位比我地，有一些chair仲有兔仔耳朵，好cute! 見到佢出左Halloween set幾得意咁！就order左呢個set!萬聖節🎃2人套餐 $328香料雞腿Caesar salad: 沙律🥗菜好新鮮爽甜，舖滿左芝士粉係面，配埋煎雞腿一齊食更有口感！青醬奶油雞腿意大利麵: 個青醬味道第一次食幾特別，九層塔既香氣，令奶油cream味道更濃郁滑順，大大舊雞腿肉都好鮮嫩，個皮都煎得好香脆，所以跟埋意大利麵一齊食更對味！惡魔oreo 蜜糖吐司: 超級邪惡既吐司🍞甜品，充滿住萬聖節🎃既擺盤，棉花糖上畫了朱古力邪惡公仔，而吐司🍞上灑滿oreo 粉，吐司食落好軟熟再配埋vanilla 雪糕，cookie一齊食，這個配搭唔好太甜超級滋味！極品歐瑞奶昔: oreo粉必點既飲料，把oreo餅打碎再混上沙冰，所以唔會太甜，oreo味好濃郁，cream又軟滑，飲完都幾飽肚！毛毛怪獸: 少女最愛既淺藍色+梳打汽水沙冰，打卡一流，杯側面畫左雲朵，仲插左2隻粟米筒耳朵，飲完個心涼晒好解喝！+++++++++++++++如果大家喜

最近見到好多網紅都在曬呢間咖啡店,影到好吸引下,今天經過,就心思思入去嘆個下午茶.好得意吖,有好多兔仔凳，可惜今次冇安排到兔仔凳坐,好傷心吖,下次要記得提早同侍應講了.餐牌同餐廳的主色調系粉紅色,很女仔的感覺,天真浪漫感填滿左整個餐廳,野飲好靚仔,吸引到我地都order返杯嘆下.覆盆子萍果茶,酸酸甜甜，賣相好佳，極岩女仔。Dazzling 紅茶，斯文有氣質,配上新鮮生果,一秒變果茶.呢間餐廳的特色系離不開台式系列的美食,台式滷肉飯套餐配有蛋花湯同涼扮木耳，質素極高,蛋花湯一d都晤hea，有超級多的雞蛋成份.飯香吸引,滷肉大大塊。來一份黑松露薯條，好香口好邪惡。一定不要錯過宇治抹茶紅豆窩夫，有時候，對於女仔而言，甜品先系正餐。抹茶味十足，溶合紅豆的甜蜜，窩夫新鮮出爐,整個畫面都很美好.

今日難得放假就同左朋友黎食tea，呢到真係好岩女仔黎影下談心，氣氛好好！我地見到有個萬聖節限定套餐就即刻叫左，萬聖節限定套餐包左沙律、主菜、吐司同兩杯野飲，都幾抵食。呢個香料雞腿凱撒沙拉好正，凱撒沙拉好大份，唔單止醬汁調得好好，而且好多，配埋新鮮既蔬菜同一粒粒麫包碎，好開胃。本身以為所謂既雞腿沙拉只係有少少雞腿肉，點知係有兩塊煎雞扒，又大份又煎得好香口。 而黃金烏魚子蒜香義大利麵煮得都唔錯，食落油而不膩，既有口感又唔會過份硬身。不過義大利麫並唔係亮點，反而上面既配料先係。呢碟義大利麫冇用醬汁，反而用左一粒粒既黃金烏魚子、蒜粒同蝦米去調味，令成碟義大利麫又健康又充滿鹹香，而且幾樣食材有中式亦有西式，加埋一齊味道又夾得好好，睇得又打得。一直知道吐司係餐廳既招牌菜，亦係聞名已久，但都估唔到真係咁高質素。今次呢個惡魔OREO蜜糖吐司既份量極多就不在話下，就連外觀同味道等唔同方面既非常有水準。吐司本身口感好軟熟，加埋表面既OREO粉已經好好食，但仲有香甜既Cream同埋雪糕，配埋一齊食真係好正，完全可以幾分鐘食哂成個吐司。而其他配料既味道亦都夾得好好，成個甜品可以話係零暇疵，難怪咁多人讚。而呢個

今日同家姐去銅鑼灣逛街街， 攰了想吃下午茶， 於是我地就去左皇室堡呢間台式咖啡店， 這咖啡店初來香港時我已經第一時間去幫襯， 那時店內的佈置走可愛風， 而侍應們都是台灣女孩， 所以坐著特別親切有味道， 真的好似去了台灣一樣。現在都有分店了。現在店員都不再是台灣女孩， 所以少了點甜膩感。幸而食物還是好吃， 所以我仍然久不久會來。唔知點解我兩個家姐都唔多鍾意甜食， 所以雖然我好想試佢嘅萬聖節限定， 因為有我喜歡嘅oreo， 今日只好作罷。我飲品點了個百香果鮮柚茶， 家姐就要了大吉嶺， 佢茶味濃不特止， 家姐話最鍾意嗰粒棉花糖， 溶落茶裡更香甜。我地點了一份單骨雞翼、雞腿沙律， 最後再點一份草莓waffle一齊share。佢地嘅雞翼單骨易食， 雖然炸得香脆但裡面啲肉仍然保持鮮嫩， 極好味。雞腿都係一樣肉嫩皮脆， 配上凱撒沙律味道平衡。而我都最鍾意佢地嘅waffle, 唔知點解，我硬係覺得台灣咖啡店嘅waffle特別好吃，內脆外軟蛋香味濃。呢個可能係我嘅偏見。草莓waffle配上吉士、草莓及蜜糖三款醬汁，再配一球草莓雪糕。waffle上面另有cream同半開草莓作點綴，又豐富又美味。食完真係好

同朋友慶祝萬聖節又唔一定要去飲野既，一齊食個萬聖節期間限定套餐都幾唔錯呀。套餐有主打既惡魔oreo蜜糖吐司，兩杯造形飲品極品歐瑞奶昔，毛毛怪獸加個自選既意粉，仲有埋雞腿凱撒沙津。雞腿煎得好香脆，咬落有肉汁。黑松露意粉，黑松露既味道好香濃，每一條意粉都沾滿醬汁，好入味，意粉軟硬程度適中，香蘑夠軟腍。先講下飲品方面，oreo 奶昔，面層仲有好香滑又濃厚既cream，放上迷你oreo 餅同南瓜圖案既朱古力，飲落口感好順滑，將面層既cream撈勻更香甜。毛毛怪獸，味道非常熟悉，我地邊飲邊捻係咩味，用益力多既味道黎形象係最貼切，入落酸酸甜甜。惡魔oreo蜜糖吐司，賣相十分吸引，見到都覺得好邪惡，吐司真係裝飾得好有萬聖節氣氛。吐司已切好9舊，自己再輕力切就得，吐司好軟熟，外面仲有好多oreo 碎，仲可以點煉奶或者雪糕黎食，真係令人好滿足呀。

今晚約左朋友去銅鑼灣做運動, 所以就係呢頭搵野食。皇室堡入面有間裝修得唔錯既café - dazzling café, 入面有一D兔仔做主題既椅, 感覺幾可愛。(鍾意兔仔既人留意)等到朋友黎, 就叫野食: 鋪頭既飲品好多都好有特色, 所以揀左好耐。 最後叫左百香果鮮柚茶(cold)同 Dazzling 紅茶(hot) 。野飲唔止香, 仲裝飾得幾靚, 未飲已經有視覺既享受。食物方面就叫左 烏魚子蒜香意大利麵 同埋 青醬奶油雞腿意大利麵 再加左個小食-地中海炒菌菇。烏魚子蒜香意大利麵: 烏魚子份量好夠, 味道好濃, 蒜味唔會太搶, 唔錯青醬奶油雞腿意大利麵: 雞煎得好好, 皮脆+肉軟, 青醬味道剛好, *意粉好彈牙地中海炒菌菇 真心正, 個醬好野味, 仲有D蒜味, 菌菇好爽口。呢度環境同食物quality都唔錯。