越男仔

Open Now

Now Closed

好耐無食過越南野啦 今日收工就嚟咗沙田圍食呢間越男仔河內三鮮椰汁酸湯煲 (送白飯)湯底係由雞骨熬製出嚟 仲加咗椰汁 酸子同醋 食落酸酸地好開胃 三鮮係生蠔 生蝦同滑雞 仲有蘿蔔 生菜 豆角等配料 好豐富! 蒜蓉牛油雙蝦扎肉撈金邊粉蝦頭炸過仲好多蝦膏 蝦肉表面鋪上蒜蓉入口好香牛油味 連埋扎肉撈埋甜酸汁一齊食 味道好夾秘製沙嗲串燒大拼盤菠蘿 雞 豬同牛各2串 串燒外皮烤到微微焦脆 肉質嫩滑juicy 一定要蘸埋佢地嘅秘製沙嗲醬 勁香濃 食落好惹味!越男仔鮮水果茶 (少甜)有青瓜 菠蘿同檸檬係入面 解渴又夠fresh熱龍眼花蜜茶新鮮自家煲嘅龍眼花蜜茶飲落清甜潤喉 仲有幾粒龍眼肉添

很少來沙田圍路，一場嚟到就試吓越南仔，食個下午茶。走進店裡，裝修風格非常鬼馬抵死，例如請勿拍照😉。讓人感覺玩味甚濃。因為天氣炎熱，我決定點一碗涼的撈檬，下午茶價錢CP值高。這道菜的特點在於它的配料豐富，竟然有四種不同的餸料，讓人感到驚喜，唔使自己煩惱食咩，真的是無得輸。除了撈檬，我還搭配了一杯凍馬拉茶，這也是一個明智的選擇。馬拉茶的香濃香料味道和撈檬的清爽酸甜味道形成了很好的對比，值得推薦給大家。

超級失望，食物普通，吹大左，價錢太過overpriced，夜晚三個人食咗四百幾蚊，只有兩個主菜一個小食， 最後仲發現咗收貴咗我,話明當日有優惠嘅主菜佢收咗我正價， 返到屋企睇單先發現，冇咩事都唔會再去。 中午幾十蚊一個lunch set都可以去下，晚市就咪搞了

越男仔勵城花園食野泊車真係好方便紅番茄火車頭煲，火車頭檬粉就食得多，用個打邊爐鍋上都係第一次，一路煲住一路食，唔怕d野會凍哂，牛肉，牛筋，牛丸，牛柏葉當然有齊哂，個底仲有牙菜豆角係底，唔使怕食得太多肉唔夠菜海南雞飯起哂骨啖啖肉又夠滑，黃薑飯粒粒分明，配埋個汁已經食哂個飯椰汁拉茶紅豆冰，三樣野出奇地夾，好味龍眼梳打，味道清新消暑芝士流心蝦多士大大件，外面香脆，面頭佈滿芝麻，內裡更有濃郁芝士，層次豐富

呢間好近我屋企，聽起朋友講過呢間好食。就約朋友去一試。果然不錯。推薦三色雞翼拼盤，有牛油，金蒜，蒜椒三隻味，而且係即炸香酥惹味，好好食！食物單價不貴，性價比都幾高。回頭率都幾高。

今個星期六同媽咪去呢間沙田河畔附近嘅越南餐廳撐檯腳。因為附近屋苑多，又近麗豪酒店，所以除左本地人外還有唔少遊客過黎食，餐廳未到食晚飯時間已經有唔少食客，可見食物質素有保證。今次試左個 「三色雞翼拼盤」，有齊牛油，金蒜，蒜椒三種味道，即炸香酥惹味，推介必食！主食叫左一客「軟殼蟹沙爹粉絲大脆包」，廚師幫手轉左蒜蓉包底。香脆蒜蓉包同軟殼蟹，配上微微辣味嘅沙爹粉絲，不知不覺就食晒大半碟。因為媽咪想食飯，又再叫左客「海南雞黃飯」，大大份雞肉配薑黃飯，媽咪好鍾意。最後飲埋杯正宗越南咖啡，好滿足！

咪話唔好意思，我呢個越南仔真係好正嘅！😋 「越男仔」呢間餐廳嘅嘢食真係多到唔得了，樣樣都好有越南風味。首先嗰個河內三鮮椰汁酸湯，香濃得嚟又幾開胃。🥥 雞骨熬出嚟嘅湯底加埋椰汁同酸子，酸味啱啱好，唔會太嗆。生蠔、生蝦同滑雞都新鮮爽口，正！串燒大拼盤就更加冇得頂啦！🍍🍗🥩 菠蘿、雞、豬、牛，四種口味輪住食，秘製沙嗲醬香濃惹味，肉質又嫩又多汁。三色雞翼拼盤都幾特別，蒜香牛油、金蒜同蒜椒三種口味，食得我手指都舐埋。🧄👅最後嗰杯凍龍眼花蜜茶，甜而不膩，幾解渴。🍯🧊整體嚟講，「越男仔」嘅嘢食真係唔錯，價錢都幾抵食。下次想食越南嘢，一定會再嚟。👍 不過就係人多嘅時候要等位，最好提早去啲。⏰

海南雞黃油飯 - 這道海南雞黃油飯看似簡單,但卻能展現出精湛的烹飪技藝，一啲都唔簡單。雞肉鮮嫩多汁與黃油飯完美融合。飯粒粒分明,吸附了雞肉和佐料的精華串燒拼盤 - 雞肉、豬肉和牛肉各有兩串，都烤至恰到好處,外皮焦脆多汁,內裡鮮嫩多汁。配上燒過既菠蘿，更加清甜多汁,為整盤增添了豐富的層次感。醬料恰到好處,既未蓋過肉類本身的鮮味,又能完美調和各種口感。大蝦冬蔭功湯 - 這道充滿東南亞風情的大蝦冬蔭功湯既清新爽口,又滋潤溫暖。湯汁濃郁,充分溶合了香辣的醬料,與鮮甜多汁的大蝦形成絕妙的搭配。飲品- 青檸梳打同三檸七，推薦三檸七，好特別有三種檸檬，咸檸, 青檸同檸檬

今日有嘢做嚟到沙田，朋友介紹我食呢間越南菜~ 我哋叫左串燒椰汁酸湯金邊粉，串燒冬陰功湯檬粉，蜜糖燒雞扒飯同埋鴛鴦雞扒飯~椰汁酸湯酸酸地，加埋佢哋嘅秘製蒜蓉汁同埋少少青檸，湯底好好味！呢個湯底出邊好少餐廳可以食到。冬陰功湯底係新出嘅，所以都想試吓，但係有啲失望，佢唔係好難同埋只係有啲酸味覺得唔夠多椰汁！不過佢啲金邊粉同檬粉都幾好食！另外飯方面，佢係用黃薑飯，感覺好健康，而鴛鴦雞扒即係海南雞同埋炸雞扒，呢碟份量都算幾多！推薦食海南雞啲肉質好滑，好好食！而另一碟蜜糖雞扒應該係煮燶咗好黑好硬！

沙田特色越南菜<<越男仔🇻🇳>>今日去河畔搵朋友，天氣熱，大家都想食d開胃野🥵呢間<<越男仔>>都幾多分店，一於再encore🤗我地叫左⬇️⬇️🍅冰鎮蜜糖凍蕃茄夏日炎炎，呢個凍番茄，清爽得來有啲甜味，作為開胃菜唔錯😉🦐生牛肉雙蝦椰汁酸湯金邊粉佢哋嘅金牌椰汁酸湯，食過幾次都唔覺得厭🤣 酸酸地開胃得來，亦都好香，湯粉嘅份量仲要好多，可以兩個女仔一齊share一碗🍜🍢串燒拼盤呢份串燒拼盤，係今晚嘅高分之作👍🏻 串燒有雞、牛、豬各兩串，同埋燒菠蘿，全部都笑得好香，肉質唔會乾，點埋沙嗲醬，完全係Perfect🩷🩷🩷☕️越南椰子咖啡朋友仔都覺得呢個咖啡幾出色，不過就要俾啲耐性，要等佢慢慢的滴漏完，再混合埋椰汁😝仲有好多小食都好想試，佢哋小食嘅份量都唔少，下次可以多啲人一齊嚟食😆😆

兩個人晚飯時間咁啱經過 ，見佢話喺名廚開既，有加入左法式料理，睇完menu就入去試下。入到去得嗰兩三枱客， 心諗會唔會中伏。。結果，真係換嚟失望。 店員冇招呼，淨係企埋一邊掛住成班吹水， 掉低個menu就行咗去，問多幾個問題都好唔耐煩咁。都算，呢個價錢以為味道一定唔會差，點知啲熱食煮出嚟係唔熱嘅🤦🏻‍♂️ 炸嘅嘢食都可以變做唔熱，都係第一次見 究竟要炸咗幾耐 先可以擺到咁嘅溫度味道偏淡同油膩，冇越南風味， 應該有嘅越南清新風味又無，但又食唔出有咩法國特色加左入去。最後兩個人埋單嘅價錢，出面有大把更好既選擇。間餐廳仲送啲咩優惠券去吸引客下次再去。。。返到去我地兩個人食完都肚屙🤦🏻‍♂️真係不了無下次😅

餐廳環境充滿越南風+港式元素，食物方面除了慣常的越南菜，亦有新式的Fusion菜式！【紅蕃茄火車頭煲】裡面有牛肉、牛筋、牛丸、雜菜等，蕃茄味非常濃郁！我們揀了配蒜蓉包，新穎的配搭！【至尊拼盤】有蝦餅、蒜蓉雞翼、芝士蝦多士、煙三文魚越南卷，非常豐富！芝士蝦多士香脆又彈牙！煙三文魚越南卷意外地非常夾！【海南雞飯】除了雞要好食之外，油飯都好緊要，呢個油飯好香椰汁，唔會好油，粒粒分明～【香茅青檸梳打】淡淡嘅香茅味配青檸好fresh～⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾Like+分享給愛吃嘅朋友仔啦( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

我鍾意食東南亞菜，貪佢夠香口又惹味。今次就去咗沙田食呢間「越男仔」，地方都好闊落，多數都係卡位。環境都幾舒適嘅👍🌟串燒大拼盤（$139）食東南亞菜點會少得串燒。個大拼盤就有牛肉、豬肉、雞肉同埋燒菠蘿各兩串😍串燒燒得好嫩口，都唔會太乾，再加埋醬汁一齊食都幾惹味㗎🌟黃咖喱滑雞配蒜蓉包（$136）咖喱都一定係必食！而且個雞件全部都好大嚿，啖啖肉！而且佢個蒜蓉包，我覺得真係值得一試😍佢覺得好脆身之餘仲好香牛油味☺️雖然係幾邪惡㗎，但係真係幾好味🌟海南雞黃飯（$79）佢嘅海南雞做得好滑身☺️而且油飯都做得好好😍夠味之餘又唔會太濕👍🌟鴛鴦拉茶（$32）平時飲開滴漏咖啡飲得多，今次就試吓佢嘅奶茶。佢係會比一杯滴漏咖啡，你再沖落去拉茶度👍估唔到越南咖啡同拉茶個味道都幾夾😍下次去開沙田，你哋都快啲去呢間試吓👍性價比都幾高㗎😍😍🍴越男仔 (沙田)📍沙田沙田圍路1-7號勵城花園地下1號舖

今日放工後同好友去位於沙田沙田圍路1-7號勵城花園地下1號舖的越男仔食越南菜，環境舒適，坐得舒服。而且裝修好靚我地叫左3樣野食, 加兩杯野飲1) 河內三鮮（生蠔＋生蝦＋滑雞）椰汁酸湯煲$168，配大脆包$38 椰汁酸湯是招牌湯底，它用雞骨熬製成湯底，加椰汁、酸子和醋等配料，不會太酸，還會越食越開胃。配著河內的三鮮，好味又好食2)凍蕃茄係餐前小食，酸酸甜甜，好好食。3)串燒大拼盤 $139牛+雞+豬 各2串 + 菠蘿 2件最正係牛肉串 烤得好香肉很嫩加埋沙嗲醬一流菠蘿係用新鮮菠蘿烤完好甜之後兩杯野飲 *香茅青檸梳打 - $35, *椰汁拉茶紅豆冰- $36香茅青檸梳打好, 解渴拉茶紅豆冰, 好多紅豆,好好食PS 收銀姐姐好有禮貌, 又注意清潔

我今日放工後，約同好友去位於沙田沙田圍路1-7號勵城花園地下1號舖的越男仔食越南菜，環境舒適，坐得舒服。我點左個 河內三鮮（生蠔＋生蝦＋滑雞）椰汁酸湯煲$168，配大脆包$38；好友點左個 火車頭河粉$108，凍蕃茄$39，另外點左個 石窩窩蛋烤牛生菜包$89，餐飲係熱香茅薑蜜$30。椰汁酸湯是招牌湯底，它用雞骨熬製成湯底，加椰汁、酸子和醋等配料，不會太酸，還會越食越開胃。配著河內的三鮮，好味又好食；火車頭的材料豐富，有牛丸、生牛肉、牛筋、牛栢葉及烤牛肉，好味道；石窩窩蛋烤牛生菜包，熱辣辣的烤牛肉撈窩蛋做餡，用生菜包來食，好有風味；凍蕃茄係餐後甜品，酸酸甜甜，好好食。