嚐越 (Closed)

假日的德福廣場晚市很擁擠啊，食肆都要排隊，見這里人少，怕等的我就很不計后果的去到這間解決晚飯。小食拼盤：看menu是覺得這個搭配很不錯，可誰知三款炸物哪個都不好吃，很油卻沒味！咖喱椰汁海鮮飯：賣相還真是吸引呢，可是一吃就傻，又是沒什么味的，海鮮就僅是出面一丁丁，下面就全部是白花花的米飯了，唉！蟹肉炒粉絲：蟹肉嘛，看相就知道了，不過雖然份量孤寒，我都好感激這道菜了。粉絲炒得質感分明，又很有越式的風味，吃掉好多，個人覺得不拌辣醬更佳。這是整餐中唯一可以推薦的菜了。椰汁紅豆冰：椰汁香濃，紅豆比較少，煮得不夠淋。不過也算不錯了，靠它我才飽了肚。總吃是很難吃，雖然價錢不貴可是太不抵了……唉，群眾的的舌頭是醒目的，以后還是先到OR搜一搜吧！

有同事生日,我地一行10人下晝梨食叫左好多野,最好味係越式春卷,其他野食就麻麻,有咖哩牛,咖哩雞,冬陰公湯,海鮮湯,炒麵,雜菜之類,餐有我們加了20元,每人送一碗紫燸米糖水,總之晏晝食飯要每人114我覺得好唔抵

變種越南菜；●沒有香茅味的香茅豬仔腳，（但伴碟的薯蓉很好吃）●好"un"的粉卷，●馬拉盞炒白菜似清炒多D裝俢靚，招呼好，但......！

12.22 (Sat) dinner八、九點，唔想揀之際入左黎。1)蒸粉卷：普通，唔係咁鍾意佢多蝦米2)椰皇焗飯：揀黃咖哩海鮮，成個用麵包籃裝住，幾怪。黃咖哩唔辣。炒飯底，冇咩椰汁味3)炒金邊粉：三個之中最ok，金邊粉幼幼地唔乾，有扎肉、雞絲、蝦（冇味的）、菜…炒埋一碟。朋友話味道唔夠。4)甜品(唔記得係咩糕)：呢個都係味道唔夠，expect佢重椰汁味嘛普普通通，不過有得揀都唔會再黎…謝謝朋友呢餐

不願多講~~~食物不熱,難食.... 服務也很差,沒有人加水,想投訴,但經理在談天,沒人理,唉~媽咪話不會再來.

銀行送左2張戲飛去Megabox睇戲, 所以同媽咪去左九龍灣行街逛德褔, 5點幾行到德福二期, 響呢間<嘗越>食埋野名義上係下午茶, 不過就當dinner咁食叫左2個檬粉同一個庶蝦牛脊肉湯檬:牛脊肉幾鮮味, 湯底同都湯檬ok香茅猪扒撈檬:猪扒味道ok, 不過稍乾; 撈檬加醬汁味道ok庶蝦:用爐仔伴住上, 幾有特色蝦身味道尚可, 略嫌稍乾; 但中間既庶好甜好多汁可能係因為時間早, 無咩人, 唔使等位, 而waiter既服務都ok, 而且又係下午茶價錢所以又覺得不是其他網友講得咁差呀~環境幾舒適, 乾淨

尋日同我女朋友仔去食呢間野,諗住順便慶祝埋3個月既大日子,去到個度已經有D唔耐煩,因為好鬼多人等位,但係又扲左飛,同埋到到都咁鬼多人,先至係呢間到等下。終於入到去,叫左一個咖哩牛腩,一個牛油果炸軟殼蟹沙津,一碟串燒,同埋一客蒜蓉包。咖哩牛腩味道一般,略嫌份量太少;牛油果炸軟殼蟹沙津味道好D,但係可能唔係好鐘意食呢種牛沙津,所以冇乜好感;碟串燒....好凍,好似岩岩係雪櫃扲出黎咁,一個字....差!蒜蓉包竟然係最好個樣,不過太細塊,唔夠過癮食得。總括黎講,呢度D野都係加細碼黎既,,而且每位樓面先生與小姐都係忙到飛起既人,因為好少人理我,至於價錢上就真係有點兒那個,我覺得真係絕對唔抵,貴唔係問題,問題係你俾D乜我食,我絕對相信係物非所值!真係除非你話收我咁既價係因為D野夠細碟,夠迷你,貴就貴左手工呢方面!係既話我就真係抵俾!可以既話,我應該唔會再黎!

今晚(星期二), 有五大發現：1 原來九龍灣德福有越南菜吃；2 原來這間叫嚐越的越南菜館, 原來有五間分店之多;3 原來吃過的人, 大都留下劣評;4 原來留下劣評已經很久, 至今, 改善並不大;5 原來, 不知道九龍灣德福有越南菜吃, 也不足為怪。朋友想吃加入魚露的越式檬粉, 所以才去試嚐越, 平時,只會在翡翠拉麵、中國芳、ruby tuesday中去選, 甚至, 輪到麥記、肯記, 也未必想到其他。越南菜, 像老趙那種級數的好像不多, 所以不作他選。然而, 今晚去試嚐越, 倒是覺得可以為它說點公道話, 無疑牛肉湯河平庸, 但總比多年前那間見鬼的和河粉(不知它摺了未)好, 至少湯還是有點味, 用附上的辣椒送牛肉, 也蠻過癮。春卷不算差, 水準跟小巴黎相若, 蒜茸牛油雞翼則更佳, 如果你不但熱氣的話, 脆得來也不曾炸到乾爭爭。可是, 服務卻是致命的差, 叫了埋單, 那店員竟然忘記得一乾二淨, 而執時店員間互相阻住對方, 好遲鈍。然後, 呯的一聲, 另一邊有店員打爛野。離開時, 見到一個男侍應捧著兩碗粉, 他已經行得不算快, 但碗中的湯卻像「溫黛」襲港時的大浪灣, 晃呀晃的觸目驚心。食物平庸

可能是閒日關係，2個人不用等位，侍應的服務也不錯，即使我們坐在廂房內，也有侍應定期給我們加水至於食物方面牛脊湯河(大)--牛脊肉一般，不是太嫰滑，河粉我也覺得一般濃湯蔬菜鍋--那是一個很濃的味精湯，至於蔬菜是則以翠玉瓜為主，還有幾條小唐菜、粟米芯、磨菇、冬菇、番茄仔等。相信因為以味精來煮，所以好爽口，但是完全嚐不到它們的鮮味牛肉串燒三串---肉的質地不錯，但我覺得可以在燒得香口一點牛肉粒炒飯---牛肉粒好味，不靭、有味道，飯也炒得香，辣味適中。總括而言，食物味道不算特別好，但至少不會鬧着走，不過無論菜式及味道都只是普通，果然是典型連鎖店特色

睇過之前D食家評語,以為厘間食店會好差,但我試過都唔係好差姐,依家D服務都OK呀,個男經理都幾有禮貌,食品方面,份量係少左D,女仔都唔夠食,應該要改善下,不過我都試過其他越南茱餐廳,D份量都係咁上下,價錢一樣都係咁貴,總之,一句講晒"不過不失",尚算OK.

今日行開德福，四周食，見有越南又有位，於是入去試下～我地叫一個F餐同一個G餐,越南牛河牛同湯都幾好，不過河就好唔得，又硬、完全冇河粉細滑口感！至於個咖哩牛腩飯就好有椰香葉味清香喇！配兩杯青檸蘇打，仲有一舊煙煙韌韌好難吉但好有椰香味啦椰糕，都叫做有越南風味。不過未必再想食喇。

第一次來，和老公二人叫了1. 香芧豬扖2. 馬拉盞炒通菜3. 炒金邊粉豬扖d肥肉多到....個通菜d味都ok,但，同個豬扖一樣，食完成口油....金邊粉不至好難食，但又唔好味囉!只此一次.....

星期天下午，德福商場人山人海，隨便就近找間食肆避避，這間等位時間又不需太久。看見餐牌下午茶餐有香芧猪肉撈檬（可改金邊粉，河粉）跟青檸梳打都是$27，撈檬時常都食，所以今次將檬改叫金邊粉試試，再請侍應給一杯暖水。果個四眼女侍應話下午茶餐有飲品送就不會給水然後離開，我就愕然當場。請問一杯水值多少錢？連水一杯都不能給，真連麥當努，大家樂都不如！粉上桌了，竟然變成湯粉，問點解–只說金邊粉不能撈，會散晒！為何下單時不說清楚，不給水的理由又講得咁清楚！！滿肚氣地嚥下去時，鄰座两位靚女叫男经理給两杯水，但經理沒有拒絕。一看，她們都是食下午餐，真不公平！急找回果個四眼女侍應質問，她胡亂說那两靚女要水食药才給她們。啋！奏人家有病咁到得。最後都要經理擺平，水是差不多食完才給。

兩個人叫左:煙肉香蒜焗大頭蝦(2隻)--原價$108, hsbc 有特價,只需$54呢個真係好好味,好香蒜蓉味,焗到黃金色,好吸引椰皇焗飯(青咖哩牛柳粒)--原來係好細個ga jar,不過味道都幾好咖哩雞--好香咖哩,唔太辣,0岩晒我,不過唔係太多雞ga jar水晶蝦卷--呢個就一般咁la 可能香港經濟真係太好啦,我地等左大半個鐘先有得食,不過味道都幾好,都抵番0既...

兩個人叫左:煙肉香蒜焗大頭蝦(2隻)--原價$108, hsbc 有特價,只需$54呢個真係好好味,好香蒜蓉味,焗到黃金色,好吸引椰皇焗飯(青咖哩牛柳粒)--原來係好細個ga jar,不過味道都幾好咖哩雞--好香咖哩,唔太辣,0岩晒我,不過唔係太多雞ga jar水晶蝦卷--呢個就一般咁la可能香港經濟真係太好啦,我地等左大半個鐘先有得食,不過味道都幾好,都抵番0既...