嚐越 (Closed)

叫左四樣野，香茅豬扒：味道唔錯，夠"林"，大碟火車頭：湯好飲，河粉夠滑，只係粒牛丸內有舊"牛骨"。三越(併盤)：庶蝦 ~ 唔掂當，個蝦膠好"銀"似食香口膠咁，無乜味 越南春卷 ~ 炸得好硬身，味道都係靠個酸甜醬 蒸粉卷 ~ 無乜味，味道都係靠個醋清酒煮蜆：D 蜆完全無味，但又唔見話落左個湯度，好奇怪，下面有一大堆似薯粉既野，但好似未煮透，重係好硬身。由於叫夠 $180 ，會送一個小食，所以叫左青木瓜雞絲沙律：完全唔掂，青木瓜太少，椰菜絲反而多，重要係好硬身果 D 部份，咬落好 "鞋"口，呢碟野，食左頭果啖就唔要啦總括離講覺得麻麻

德福D食肆普遍都算收得早~嚐越算係一間收得幾夜O既食肆~收11點~平時DINNER時間門口一定堆滿人~今晚9點50分去到~門口無人~連入面都得返3,4檯~我問個STAFF係咪收11點~佢話係~不過10點15 LAST ORDER~見重有差唔多半個鐘~決定入去食~~~!最鍾意呢度每次比O既水都係熱水/暖水~~飲完個人暖晒~好舒服~好快揀左幾樣野~ 嫰湯野菜窩~唔記得個名係咪咁~但係真係必食之選!!!個湯好好飲~又唔油~而且有唔同O既菜~非常健康~~~次次我都飲晒D湯~!!!酥炸魚頭金邊煲又係必食之選!!!魚頭好多~亦都好脆~金邊粉撈辣醬食~好野味~!!!菠蘿炒飯次次黎親都會見到好多人叫~但自己一直都未試過~見今次多人食~ORDER左一個~份量好足~都唔錯~~~不過無想像中咁好食~HA~南越扎肉炒粉絲呢個係新菜式~粉C都彈牙~肉碎好多~~~都唔錯~炸春卷好夠脆~但略嫌油左少少~~~柚子白雲鳳爪食夠150蚊可以加一蚊換O既白雲鳳爪~~~1蚊食到呢個QUALITY~抵~!!!!

今日約咗個friend 响九龍灣，襯呢個機會就去搵食搵食！ 發覺原來德褔商場五樓有間“嚐越”既越南菜，就入去試試我叫了個鮮黃牛脊湯檬餐 + 青檸梳打，牛脊肉味道真係非常唔錯，同肥牛唔同，瘦得嚟無肥肉，食落又唔鞋，而ｄ湯檬就好有越南風味．．． 個friend仲話，呢到除咗食物味道ｏｋ外，餐廳環境仲好舒服，可以再來嫁！

又到午餐時間，今日同同事行咗去"嚐越"食嘢．．．我哋四個人，各自叫了個Set Lunch．．．我叫咗個豬扒水晶湯粉餐，包括有豬扒水晶湯粉 + 小食 + 飲品豬扒水晶湯粉足料，豬扒都幾淋同香，口感唔錯，而水晶粉就幾爽滑．．．小食既越南春卷就炸得幾脆同香口，饀料都幾好味．．．總括，味道唔錯．．．

一諗起食越南菜，我必然的選擇就係撈檬～今次同友人的下午茶，我叫了香茅豬扒撈檬同青檸梳打，豬扒既味道好味，檬粉就非常有越南既風味．．．友人就叫了牛脊湯金邊粉，佢話d牛脊肉好正，湯好鮮甜．．．還有，我覺得呢處是一個聊天的好地方，我會再來．．．

响睇戲前，我同朋友試了九龍灣德福商場嚐越．．．我哋食咗幾樣嘢食～分別係軟殼蟹沙律、咖哩海鮮椰皇焗飯、火車頭同越式小食拼盤～軟殼蟹沙律，味道唔錯，軟殼蟹炸得非脆口，又有蟹味，蝦片加上沙律好食．．．咖哩海鮮椰皇焗飯，幾有特色，焗飯濃味，不過份量較少～火車頭，份量就夠，河粉同牛丸ｄ配料都幾襯，好食．．．越式小食拼盤有炸春卷、蔗蝦、蒸粉皮，炸春卷皮薄同炸得幾香口，蔗蝦就幾鮮，炸得唔錯，味道可口；蒸粉皮就幾香滑．．．整體而言，是一餐好食的晚餐．．．．

第一次寫評，唔知寫成點呢～～～中午同兩個同事唔知去邊食LUNCH時，就行咗間越南餐廳嚐越試下～　好彩早到，入到去都幾爆下．．．我選擇咗個豬扒凍朦粉～呢度豬扒食落夠淋，再加上魚露，味道非突顯，好味～我ｄ同事就試咗扎肉湯金邊同豬扒飯，佢哋話嘢食都唔錯～仲有環境都ｏｋ，坐得都幾舒服，正常情況下我哋會再去～

越點o左越式拼盤, 咖哩牛腩, 炒通菜, 雞絲湯水晶粉, 春卷撈檬, 白飲兩碗, 仲有叫夠$180加$1可以點o既小菜, 木瓜雞絲沙律.個拼盤o既粉皮包個皮同涵幾新鮮, 個春卷幾脆, 但蔗蝦條蔗好大條, 切細o的會易入口o的, 個生菜包o的菜好新鮮.咖哩牛腩唔辣, 好重椰汁味, 相對o的咖哩味少o左, 可能係越南咖哩o既特色, 但我就唔鍾意咁勁椰汁味o既咖哩.個通菜非常咸, 所以要跟個飯, 不過都有o的類似咸魚蝦醬o既香味, 但真係非常之咸.雞絲水晶粉個湯好濃雞味, o的水晶粉唔會太o霖, 同索o左o的雞湯,o的雞好新鮮, 無雪味, 但有少少腥味, 不過都幾好.春卷撈檬個春卷有o的, 但好脆,o的檬粉幾彈牙,o的撈汁 撈檬o既靈魂青瓜絲同蘿蔔絲得好少, 失望.青木瓜雞絲沙律o既青木瓜好新鮮, 好爽脆.服務方面都ok,環境ok,有輕音樂,因為係平日,又無波睇,唔使等位.

大蝦柚子沙律: d蝦好爽, 不過冇挑蝦腸. 柚子好清甜, d菜都好新鮮.脆脆飯: 好脆! 但上面的醬食唔出係咩野. 野菌黑椒牛柳粒: 肉質好淋, 好有肉味. 但個汁比較鹹而且多油南越扎肉炒粉絲: 炒得好乾身, 唔油膩.

當晚揀咗哩一個 “滙豐” 套餐真係唔記得D餸名, 只肯定食過D嘜!!串燒 = 選咗牛同雞各兩串, 都幾香口 OK素湯 = 幾多豆類瓜類食物, 湯一般海鮮 = 有豆有瓜有魚有蝦有鮮魷有帶子, 好似有D馬拉盞, 都幾野味湯粉 = 可能我哋等咗一陣至食, 粉有少許發漲 大頭蝦 = 蒜茸大頭蝦, 大隻且有蝦膏, 蝦肉都有質感; 但燒焦了一點!! 甜品 = 蕉葉椰香甜米卷, 對我囄講好甜; 個friend 就食哂!!我哋用一蚊加咗一個餸 = 香脆爆飯, D肉 OK其實一直食哩餐飯食得幾開心, 有說有笑, 有講有傾!!直至……個侍應突然拿張單過囄, 又唔出聲一直响度企!! 我見到個friend臉色大變, 我都心知不妙; 只好說我無滙豐咭……佢先至緩緩地攞張咭出囄埋單!!講真….一般的食物一般的價錢, 但咁嘅 service; 真係可以 bye bye!!!

lunch 又係食sandwich，所以四點幾放工就去tea一tea。想食一碗熱騰騰嘅粉，所以都係去嚐越。今次要了扎肉湯金邊粉 + 青檸soda ($25)。落單不到五分鐘就有得食，真係好快。隨湯粉附上青檸、辣椒同香葉。一併加晒落去香好多。有四片扎肉，厚度適中，不會太薄。金邊粉有少許韌度，不碎不削。份量也足，食完都幾飽。服務不錯，有幾個後生嘅男侍應好有禮貌。

是夜晚餐！好久無食越南嘢，所以試下！發覺原來這度食滿$180加$1可以指定食物一份，$350就兩份！兩個人叫在d相咁多！豬手檬粉，太少豬手又無咩肉，肥在d香茅豬扒，煎得ok，值得再食拼盤少d油好d！加$1元的東西，我都唔記得叫咩名！但幾好食總括都有啲ok！

I went to Deli Viet with my husband and friends from Hong Kong in my recent trip to Hong Kong. Deli Viet offers sizzling, fresh traditional Vietnamese food to a mixed crowd of Chinese style Vietnamese food. The decoration of the restaurant is simple and bright and lets the food speak for itself. The atmosphere is bustling and breezyRecommended: Spring roll, Curry Crabs, Vietnamese stewed Ox Tail 牛尾煲, pineapple sweet and sour chicken feet 波蘿白雲鳳爪 (in white color)I will definitely be there again in

10年1月3日（星期日）下午，是日女友的大學同學出嫁，中午要去觀禮而晚上要出席婚宴，就趁下午這個空檔和女友相聚，順道去買新玩具。買完玩具，女友覺得肚餓而我還未吃過午飯，於是去找地方吃點東西。上到德福廣場第二期5樓，走廊右邊是「翡翠拉麵」而左邊是「嚐越」，兩者之間我們選擇了後者。正值下午茶時間，我們各自點了一個茶餐。女友點的是酸湯雞絲水晶粉，酸湯的主要材料相信是蕃茄，但蕃茄的鮮甜味多過酸味，所以湯底清甜卻不太酸，反而味道有點像冬蔭功；雞絲尚可且份量不少，水晶粉亦即是紅薯粉，晶瑩滑溜；餐飲好像是芒果凍飲，我試了一口，應該是用濃縮果汁開的，味道不會很差。我點的是黃牛脊湯金邊粉，牛肉祇得三、四片，肉質不韌卻略嫌份量較少，金邊粉夠爽口，湯底尚算清甜，不過味道較淡不夠濃；因為想不到喝甚麼餐飲，就依舊叫了熱咖啡，但意想不到的好喝，沒有苦澀味而且口感香濃幼滑，意外收鑊。另外我們還點了蒜香牛油雞翼（兩隻），因為牛油雞翼是女友去越南餐廳必點的食物，驚喜的是這裡是用雞全翼，炸得香脆不過火，雖然吃不到有牛油味，但仍有很濃的蒜香，雞肉嫩滑且沒有雪味，真的不錯。回家上ＯＲ才得知這個集團的幾間分店皆是喊面多於笑面，

好耐冇番過黎HK. 星期五晚有個朋友帶左我同我老公(洋人)去食嚐越. 好多人話墨爾本d越南野好正宗. 所以我地冇咩特別期望. o個晚我朋友ORDER左個二人套餐加牛尾煲. 個牛尾煲都幾正. 我地食左蒜蓉包同D咖哩蟹, 真係幾好味. 我老公仲要ORDER多一客蒜蓉包撈埋D汁. 我地兩個都推薦呢間野. 上菜又快. 價錢又合理.. 如果去記得ORDER個春卷. 真係好好食下次我地返黎HK一定會再黎