美味廚 (Closed)

今日同同事食lunch跟佢地去搵食，佢地話呢間最好食就係排骨菜飯所以我就叫左la~(個個都係叫菜飯😂)不過比我想像中有少許落差排骨炸得幾好，肉厚實，外皮酥脆，係幾對版但菜飯既菜都幾大舊一塊塊，之後仲要幾淋，菜似係煮耐左，冇左鮮綠的色澤，而飯都係太濕，我鐘意粒粒分明總括睇埋價錢，係銅鑼灣區都okay 所以諗唔到食咩可以試一試既

“招牌“排骨菜飯,又油菜粒不是綠色是黃色,買相已經差,味道一般；蒜泥白肉只有數片白肉再用粉皮墊底,令賣相好像大碟點，但沒有蒜泥只是用炸蒜蓉在面，亦只有一碟有咸味的像蔥味豉油另上稱為“汁“,但味道極差；沙鍋雲吞雞和薰魚面，是今晚最正常的味道,但湯面的質數都是差,湯無味,面亦不是正宗上海面,其他的回鍋肉菜飯,豆沙鍋餅,整整一晚的菜色只能用“食得落口“來形容，店內環境整齐坐位窄,像一間快餐店格局,但收費就像高級餐廳收茶芥和加一,但服務員態度又冇禮貌,食物水評一般,價格高等,不成正比,我一定不會再回頭

最好訂桌，因為都吾少人去食，去到見到餐牌一個客飯加一個飲品／小食這個價錢以同區黎講$58一個客飯冇加一係 #銅鑼灣 黎講十分抵食。今次同同事一齊食，我地叫左豆腐，回鍋肉，排骨X2 ，4個人食，仲有一人一碗大菜飯，好快野食就黎到啦，菜飯白菜好大片吾係碎有點失望，但幸好係味道煮得剛好有味，豆漿味道吾太甜有豆香。豆腐得3片偏少但其他配料都多。排骨係最好食，肉味香炸出黎又保持到豬肉口感吾太硬。回鍋肉豬肉份量偏少同得2片豆腐乾就差點。

已經由以前七捨幾蚊加到9捨幾以前仲有碟酸菜作前菜唉。依家就......先上兩碗湯與一般快餐店質素無礙排骨菜飯兩碗一碗又乾又硬又薄又紅似食豬肉乾😖一碗得骨同肥膏 肉都無有無攪錯啊 點解可以咁樣都拎出黎排骨咁差菜飯又無菜 仲差過大家樂費時出聲話換啦 陣間實比廚房加料唯有死死地氣食 貼錢買難受 又實又硬食到牙都疼！服務差不用說吧 自以為知名食店又要比臉色客睇 又要常常趕客走 可能做遊客已足夠 所以態度如此相信本地客食完一次都唔再食啦 劣食 愈做愈差 毫無誠意的食店

第一次去是朋友仔帶我去，我就愛上了這裡的排骨菜飯，本身是排骨飯的愛好者，但一直未曾找出最好味的排骨菜飯，直至試過美味廚。佢地的排骨特別好味，有點酸酸味，好似加點醋味。但有時候會覺得味道不一致，要看運氣。

次次來「美味廚」都離不開排骨排骨菜飯份量不小，若擔心吃不完，可選排骨湯麵，都很美味。肉排份量大，外脆內嫩，油香滲入菜飯中，拌勻，粒粒米飯油亮濕潤。「排骨湯麵」的肉排和麵湯是分開裝碟的。一來不會讓炸好的肉排過早失去脆度，湯麵也不會在肉排的浸泡下變得油膩麵條幼圓，熟程度剛好且入味，咬斷沒有粉感。「排骨菜飯」和「排骨湯麵」單點都是$52。想喝湯配飯，可考慮menu右下方的「超值套餐」。菜飯四選一，配上不同價格的湯，絕對夠飽。「紅燒雞絲翅」適量倒入紅醋，味道更豐富。雞絲不少，不過翅...在哪呢「蟹肉瑤柱羹」有一點腥味。相比之下，個人更愛「紅燒雞絲翅」。----------------------餐廳不算大，座位不算寬敞，但每次來都絕對滿座，可見受歡迎之程度。習慣在銅鑼灣街區尋覓各國佳肴，嘗遍美食，不妨也試試這裡的中菜，簡單快捷又美味。粉糊類湯，為防結塊，請趁熱喝。茶位費一人2元，另要加一。

We waited 10 minutes for a table so not too bad. Lots of tourists here now don't know why. The food is always good, consistent and good value. Great place for a quick lunch. Must try the veggie rice with spare ribs. To be honest it looks more of a pork chop for me, but what's the difference anyway if it's juicy and tasty.

好耐無黎過食美味廚，因為以前覺得價值比較難負擔。依家有收入啦，就想回味一下。店舖靚左，好光猛，不過冷氣就大左啲。叫左一個餐同煨麵。先黎個蟹肉瑤柱羹，個羹好鮮味，料都好足，重食到蟹殻添😂廚師加左胡椒去腥，好好。不過個羹好易變水。排骨菜飯，飯既分量岩岩好。排骨好大塊重大過飯碗而且好脆好香口，啲肉唔會難煨面就清淡得黎好有鮮味，啲面唔會太淋岩岩好，啲料亦好足。無黎咁耐，呢道啲野食都係咁好食水準保持得幾好！

記得第一次幫襯美味廚，已是十數年前的事。當年店子沒有簇新時尚的裝潢，平實的陳設，賣點是拿手排骨菜飯和一份地道的人情味。桃花依舊，面目全非。雖然仍舊屹立銅鑼灣這店舖，賣的縱使仍是排骨菜飯，但我感受到的，卻是另一回事了。當年嘗到的那碗排骨菜飯，驚為天人。上海排骨（即豬排）炸得香口、味道佳，且不算油膩；白菜切得細碎，與米飯混和在一起煮，味道和口感也相當出色。另外，鱔糊菜飯也做得很好，味濃、質感黏稠，正正就是做到「糊」的效果。十數年後的今天，店子裝潢設計時尚了，旅客多了，可我餐桌上的排骨菜飯不一樣了。排骨是微溫的，因為不算熱騰騰，所以帶油膩；白菜切得太大片，且菜飯過黏，像在吃飯糊。唯一還像樣的，是那套餐附上的酸辣湯。我不明白晚上六時光顧，沒有太多食客的環境下，為何食物是微溫的。或許，是因為店子出了名堂，生意無休做吧。

今次系第二次食美味廚，當然要叫吾同野食啦，上次食左排骨菜飯，今次食醉酒雞👍👍👍 隻雞凍的，但好入味，肉質嫩滑 (發覺近排成日食雞tim) 另外叫左個菜肉餃子，可惜得d菜，完全冇肉食🙈🙈🙈 有點失望

Delicious Kitchen is definitely One of my favourite Chinese restaurants (Shanghai cuisine) in HK •I used to come here with my family during my childhood • That time (perhaps 10 years ago) was about $50-60 for a set • but now it cost $92 which is quite pricy! Luckily the quality is still maintained~ Must come for this special combo set • Braised shark's fin soup w/ shredded chicken x Golden Pork rib & steamed rice w/ vegetables ($92) You just need to add few drops of vinegar to flavoured the sou

中學時期常常去食的排骨菜飯店仍然存在，只是重新裝修，價錢貴了，味道一點也沒變。排骨菜飯排骨有著金黃的外表，不太油膩。肉質不是太鬆化但末至於硬。菜飯內的白菜份量頗多，非常有口感。酸辣湯辣度適中帶油香，配料亦非常豐富。如漿粉水薄點更完美。真開心重拾了讀書時的味道！

很久沒有回來此地，環境比以前漂亮了，乾淨了。菜飯依然多菜，排骨非常非常入味。無奈呢個湯的味精非常慷慨，一入口就感覺得到。另外，牛筋同牛腩的水準跟以前一樣佳，很入味。

人參杞子烏雞湯，非常甘甜既人參味，濃郁可口，最愛飲雞湯、更愛飲燉湯，double happiness，好好飲 ﹗紅燒大排翅，不過不失，高湯美味香甜，顏色晶瑩剔透有光澤，非常吸引，食慾大增，啖啖排翅夠超值。排骨菜飯，為左您，我長途跋涉、攀山涉水過海到銅鑼灣。厚厚排骨炸得鬆化香口，味道香甜突出，肉質軟棉，肉汁微滲閃令令，堅好味呢 ﹗必食招牌菜，唯一一間我會讚既上海排骨。到菜飯喇，暫時都係唯一我會食、我又會讚既菜飯，其他無可媲美。飯味香濃、乾爽、飽滿、香，而且仲泛著雞油芬芳，飯粒質感乾爽，味道香甜可口，嚥嚥韌韌，美味極致 ﹗我由細到大一向都好討厭食菜飯，覺得煮到又腍又濕又爛 ﹗直至遇上美味廚，數年前朋友大力推介，要帶我一試，之後唯獨美味廚出品既菜飯才容許進入我口呢。薰魚菜飯配紅燒汁，見到每檯食客都只係食排骨，我都幫襯過三四次，每次都係排骨，有點悶喇，所以真係好奇地想試試薰魚既味道 ﹗食係咁係？都係淨食排骨算啦。薰魚有點放涼了，有點凍、有點乾亦有點硬，幸好仍帶點鮮魚味，而且有肉汁，還可以啦。骨不算多，啖啖肉。味道帶微微煙薰香味，肉質外層香口而裡面滑溜，最衰係唔熱囉 ﹗紅燒汁偏甜，有點膩。菜飯唔

外賣買雲吞同煨麵我問攞醋 負責攞外賣比我個大嬸答佢地唔包 我話佢地枱上已有 只是倒一些走  佢話唔比叫我問坐收銀再老啲既大嬸 佢答得仲妙 話給我的辣椒醬已混有 另外要加5蚊 當客儍仔