百匯軒

Open Now

Now Closed

港式裝修的傳統酒樓--- 薑汁雞包仔 --- $31.8傳統懷舊包點，肉質不錯，亦食得出薑味size巨大--- 鮮蝦菜苗餃 --- $36.8蝦肉彈牙又鮮味--- 薑汁千層糕 --- $23.8勁推這款薑汁糕，薑味超濃，有微微薑辣味，口感順滑軟彈，size偏大，一個人也可KO三件，绝不誇張--- 原籠蒸魚蝦蟹飯 --- $98食材雖然不是貴價貸，但勝在新鮮，只有傳統蒸籠才能蒸出的原汁原味，魚，蝦，蟹的鮮味完全融合在飯香中，再加大量蒜頭，甜鼓油，人間美食

昨晚一家四口剛從海外回港，每人均手提一大一細行李7時多到此店晚膳，前台接待帶位的員工帶到一張只供4 人靠近牆角的細方枱，店內有很多4-6 人枱空置，我的同行親友要求入坐一張6人枱，該前台員工說有客訂了的，我們看場根本內還有很多枱空，堅持找了一張6人枱入坐了；事實我們入坐後一直到9時多亦再沒有其他客人再入坐！其中一名親友去洗手間，又問著同一 職員洗手間在那裏，該職員指著洗手間的方向和標示回覆：咁你都睇唔到既咩？😤到了結算埋單時，向一位年長的男職員（衣著應該是經理）示演埋單，他回應：你可以自己出去埋！其中一位親友問，我們很多行李，可以你幫我地攞單黎埋嗎？他回應：都可以嘅😵‍💫😵‍💫😵‍💫伴龍瑕的伊面：淡而無味，片皮鴨：是片肉厚切鴨，皮不脆其他食品：中規中矩

首先開始入嚟啦個職員態度已經差㗎啦，講兩句啦，又扮聽唔到個甜醬呢又話唔使啦，轉個頭又食食完使乜啫，咁樣已經係好忟㗎啦，跟住仲要低聲下氣問咗兩次先至送過嚟嗰個炒米粉呢炒到乾Q晒啦，仲要鹹到阿媽都唔認得啲鳳爪呢第一次見到可以溶咗嘅佢個金錢肚攞出嚟好似幾塊洗碗布咁樣我真係唔知講乜嘢唯一好嘅只可以話係佢嘅茶有茶味如果下次過嚟食嘅話可以嘗試佢嘅鳳爪排骨飯有鳳爪有排骨仲有飯添最尾可能你聽到呢段嘢會覺得好荒謬咁我都係食緊當刻即刻寫㗎，所以多數會有啲怨氣喺度但其實差唔多㗎真係各位施主請留位

呢間酒樓既點心都算係有水準，餐具都是乾淨的。叉燒湯米啲叉燒燒得好靚，湯米煮得唔錯。腸粉皮薄，晶瑩剔透。蠟味糯米飯味道好新鮮，很好食。鳳爪、奶黃包及燒賣味道不過不失。

不知所謂的一間酒樓 服務態度好差環境不太好，若果可以選擇的話請三思食物全是凍的，詢問可否更換被答回一句廚房如何處理我不清楚。客人一邊用餐收垃圾的車一邊再推來推去。衛生問題感覺不太好所以請有意考慮選擇這間酒樓的客人，真的三思而後行

門口沒有帶位，要客人自己選位，選完又話唔座得，入去時都好早還有好多位座可況已座下和叫左茶還要叫客人起身都算，又要再問飲咩茶，咪話之前叫左，過左一陣還未來茶咪再叫人，個部長話“妳地叫左嘛”，玩時d服務態度真是好好叫人轉枱是不否應把之前叫左跟回比客呢？是佢地不帶位要客人選位座客人退左比佢18點到19點食完要可浪費張枱要几久時間呢？可況都是4人枱是張枱大細分別。這間酒樓都臭名遠播，次次去親都有客人嘈，剛入來時都有客駡緊緊，上次飲茶都有客嘈位的問題，所以這間是熟客先好好招待的。

即興同同事一班人嚟飲茶，叫咗唔同點心😋食食下先記得影相～叫咗一個午市孖寶，有一碟通菜再加一個伊麵！個伊麵睇落好唔吸引，但比想像中好味～ 點心方面就叫咗個流沙奶黃包，蝦餃，菜苗餃！仲叫咗涼拌手撕雞同埋好好味嘅燒腩仔😋個皮炸得好脆，不過啲肉有少少咸～

今晚與朋友在東涌的📍百匯軒酒樓吃飯一聚。💢點了正在做推廣的🪿片皮鴨一隻，片皮鴨不算太肥外觀還可以且分量不少，配上薄餅甜醬料、青瓜、大葱等同吃味道不錯，可惜的是鴨塊涼了不夠暖。(另加10元可帶走鴨殼)💢招牌炒米粉，米粉炒得夠乾身但又不至於太硬，亦沒有油膩的感覺，蝦隻魷魚等配料豐富味道很好，一個做得很不錯的菜式。👍💢鹹魚肉碎茄子煲，鹹魚味道不夠突出，未能帶出肉碎的鮮味和提升茄子的清淡瓜味。但要一說的是盛茄子的鍋很夠大，但茄子的份量只得四分一亦,不足，給食客的觀感上真是有點哪過吧……🫣🔷️今個晚餐整體有酒樓中上水準，環境坐得闊落，因為有做特價菜式所以都算是抵食。

晚上八點半入座，last order九點，餐牌都未睇就俾三個職員輪流來迫，話你快點落單，食咩，你快手d, 催完一輪，八點三十七分，諗住落單，佢又話你睇飽佢囉，慢慢睇唔落單，最後頂佢地唔順走，個職員話唔食你返去訓。真係唔該哂，下次唔洗去

我哋有3個人想搵一張細枱坐，點知冇，佢就比一張中枱比我地，不過要搭枱、服務態度非常差、香片茶太淡、食物渣到爆炸，我地都味試過飲過咁差⋯⋯所以我哋以後都唔會去呢間！！

勁多優惠選擇，價錢合理，而且份量都超多，非常抵食＊四寶每份＊--$388--彩虹咕嚕肉--豬肉大件彈牙，貸真價實，啖啖肉。配料，洋葱，青紅椒，菠蘿份量也不小，酸味味，好味--彩雲生煎斑球--斑球件新鮮，再配脆肉瓜，四季豆，雲耳炒埋一碟。食材健康新鮮--鹽燒大連飽魚--類似酥炸生蠔嘅做法，外皮酥脆，飽魚淋甜，真係冇牙阿婆都食到--古法碎蒸魚腩--要趁熱食，否則味道略腥，但用蒸魚甜鼓油，再加羌葱，熟油蒸煮，整體味道也不錯

啱啱搬嚟東涌無耐，重喺到摸索緊有乜好嘢食。朋友介紹下，就去依間百滙軒嘅酒樓試下佢啲晚市小菜。去到講真，環境一般啦，唔係話太乾淨。但係佢嘅餐牌上嘅嘢食嘅價錢係驚喜嘅，上湯龍蝦伊麵加隻炸子雞都係200令蚊，蒸碟扇貝加個豉椒炒蟶子都又係200令蚊，晚市喎，抵食啦！咁我同友人二話不說，就叫咗依4樣嘢嚟食。唔知係咪無期望嘅關係，我又覺得食物質素ok喎，龍蝦伊麵又幾足料，炸子雞又脆皮，蒸嗰扇貝同炒蟶子絕對合格！我會再幫襯個晚市！

老豆擺大壽🎂，去左富東酒樓「百匯軒」，雖然是街坊酒樓但質素頗不錯👍🏽，見到有抵食套餐盛宴「龍蝦鮮鮑宴」吾收加一， 六人份，全包都係HKD 988， 決定一戰。上湯波士頓龍蝦伊麵：比較湯汁多，不是濃稠個款，但龍蝦🦞有三隻，全部都已斬開晒，方便食用，啖啖肉，好過癮，伊麵份量多，浸著湯汁，非常易入口。燒味拼盤：燒肉好脆口，比較偏瘦。海蜇好爽脆偏咸，雞肉都好嫩滑，鵝夠咸香，好送到飯。叉燒蜜汁味好夠，帶點邊邊焦脆。XO脆蚌小炒王：蝦干、咸菜譜、腰果、韭菜，食得出好夠鑊氣，蝦干好似煎炸過咁，送到幾碗飯。石榴一字骨：呢個單點都會叫！真係值得encore，平時成日食咕嚕骨都係酸甜汁，今次用上創新石榴汁，石榴芬香十足，好解膩，包裹薄薄炸粉，鎖緊肉汁新鮮熱辣一字骨，好易脫肉，酸酸甜甜多了一份石榴香，上癮。竹笙花膠燴肚翅：花膠仔，竹笙、仿翅足料，重點是湯羹底味調的好，媲美碗仔翅，加點醋，擺酒咁。海石斑🐟：火喉蒸得剛剛好，雖然係石斑仔，肉嫩新鮮！鮑魚伴翠苗：好盞鬼，真係有鮑魚仔，不過係搖柱拌小白菜🥬，但明白豆苗是貴價菜，一分錢一分貨真係。醬皇脆皮燒雞：比足一隻雞的份量，雞皮油脂溢出，香脆醬香十足雞皮搭配嫩滑雞

請朋友食飯，想體面D，見長腳蟹做特價，$238一斤，揀左只大的，六斤重，原隻蒸，但蒸出來一大堆水，沒什麼肉，好像空心的，很氣憤😡之後已沒有心機叫東西，再叫了雞，咕嚕肉，菜，都是一般般，最後叫了碟牛河先似樣。所以不要在這間叫貴價嘢，完全沒有保證

10月1日我知係比較繁忙，早上飲個茶，冇人執枱唔緊要，冇入加水唔緊要，叫你加水一個唔理，兩個唔理，三個唔理，最終自己拎隔離枱壺水，最後我外母去左厠所，問都唔問一下收哂佢d野，最攪笑係又有另外一個人埋黎收野，真係火都黎埋，一定要揾佢發洩下，所以依間野服務差到冇人有