極尚大瀛喜日本料理

Open Now

Now Closed

每次諗唔到同朋友去食咩，就會提議去放題！前排去左觀塘大瀛喜，放題黎講，真係幾高質！😆❣️食物種類非常多，有創意料理、特色刺身/壽司，仲有燒榴槤放題！❣️刺身竟然有松葉蟹腳，仲要幾ok水準！❣️真係可以每round都點唔同種類野食，有新鮮感之餘容易回本😏🍣刺身類：- 甜蝦、赤蝦 水準都唔錯，尤其係赤蝦係幾肥美，口感同鮮甜度都ok，無限encore之選😆- 松葉蟹腳係幾特別，蟹肉都算鮮甜，唔會梅- 另外北寄貝、厚切帶子刺身都係我favorite😍🍣壽司類：- 真鯛壽司真係出乎意料地高質！真鯛晶瑩剔透，唔腥，幾新鮮，食落去幾有口感，encore了好幾round都有上齊- 期間限定藍鰭吞拿魚都滑身，值得一吃- 想無限食海膽、三文魚子，就要點手卷！手卷飯量唔多，絕對可以食多幾個。海膽都幾creamy甜甜的，三文魚子手卷一啖咬落去好滿足！🌟其他食物：- 極品金枕頭榴蓮燒係無限食榴槤之選，肉質淋淋地 微甜多肉。偶然有d未必多肉，建議點多1-2件- 鮑魚任食，口感淋香得來又鮮甜- 烤羊鞍：好有心機，肉質軟嫩唔酥- 蒜蓉牛油野菌香煎帆立貝：炒得夠香蒜味✨自助區：- 有創意吞拿魚蓉壽司，仲有得狂食青口、小龍蝦-

收工特別肚餓😁見8點半時段，就和朋友去咗觀塘《極尚大瀛喜》食番餐日本料理先，店內環境好大，加上電子落單，坐定定就有得食👍🏻！QR code 落單📱食物好快就送到，簡單又凊晣，刺身壽司、炸物、串燒、天婦羅等等．．． 食幾多點幾多，唔會浪費食物😋！刺身～三文魚、帶子(厚切有口感）甜蝦、赤蝦(好鮮甜)鮑魚（好入味）、就連長腳蟹都有👍🏻👍🏻！榴槤～D24蘇丹王榴槤蓉、燒榴槤都係任點任食，榴槤愛好者一定食回本😅！炸物～即點即炸脆卜卜，乳鴿炸得剛剛好，好香口，雞翼外脆內嫩，加埋芝麻超惹味🥰！黃金開邊蝦，醬汁酸酸甜甜特別開胃！而自助區亦有酒類茶品、雪糕甜品、水果、餐前小食、熟食等等．．．真心抵食👍🏻👍🏻！

食物ok，尤其熟食，仲有榴槤食但員工態度差，食到一肚氣，好食都唔會再想去2位去食，一張細枱，細過返學啲一人枱，食放題根本唔會夠放，但明明隔離好多吉枱無人坐都唔肯比多張枱，誠意十分減分送餐男員工：好快野食放滿全枱，見枱無位擺，拎住碟野食隊喺我地面前，唔出聲唔郁，等我地自己執枱，正常客都會幫一幫執啲位比佢放，我地都做咗，但員工係咪都應該係咁以扮下幫手，我地都明係公司唔肯比多張枱，但好心酸嘅係，自己細個做放題又係我地幫人執，大個做客食飯都係自己執，係咪放假食個飯都要個客幫餐廳手計埋幾時落單叫幾多碟先夠位放？埋單女員工：中途男朋友去廁所，女員工話要埋單，我話等等先，佢話依加要埋單，以為佢聽唔倒再講多次等等先，佢就只係再惡啲講多次，依加要埋單，然後企喺到望住，觀感極差，唔好同我講咩一定要男朋友比錢果啲，果啖氣完全唔關係咪要我比事難得放假約會食個飯，多種不被尊重，只係想要最低要求對待咋

高質👍🏻CP值超高🔥🔥放題🍣🥗🍨🍻首先好肚餓已經係自助區拎咗d 小食螺肉，龍蝦沙律伴櫻花蝦多士，香蔥吞拿魚蓉塔。刺身選擇好多，包括甜蝦，赤蝦，吞拿魚，三文魚，八爪魚，赤貝，北寄貝，帶子，磯燒鮑魚，泰式生蝦，特別推介松葉蟹腳，非常鮮甜。食到唔停得口。再黎叫咗多款壽司，海膽手卷更加 encore 再 encore 😍😝😋之後叫咗一堆一品料理包括京燒比目魚，一口燒饅魚，燒牛舌，蜜椒薯仔牛柳粒，芝士燒虎蝦，重有乳鴿王，油香十足又係 encore 再幾次，一定要試下。食到飽一飽再食埋自助區既小甜品，加埋杯芒果乳酪雪糕就大滿足了💯了。

好鍾意食放題，因為好多選擇性價比高！今次食個放題lunch！自助區已經好多野食，有前菜、沙律、冷盤、熱食！除此之外仲有勁多款飲品，連酒精飲品都有呀！仲有清酒同梅酒添！仲有好多甜品同雪糕，全部都係任食！刺身及其他食品就係scan QR code 落單！刺身厚切新鮮，仲有長腳蟹任食添呀！芝麻雞翼脆卜卜又夠juicy , 鱈魚西京燒甜甜地魚肉又滑燒生蠔同海膽手卷都可以任點任食！最有驚喜既係連榴連都可以任食呀！ 好香好甜！ 我都叫左幾round！一個價錢有咁多高質食物任食真係好抵呀

每次屋企人生日都會黎到大瀛喜食放題，喜歡這裏有很多選擇，這些菜式包括壽司、刺身、炸物、燒烤、湯品、小菜等等。你可以根據自己的喜好和胃口，點選喜歡的菜式。刺身我們點了三文魚、帶子、北寄貝、牡丹蝦，泰式生蝦等…. 樣樣都好新鮮好肥美，特別最鐘意食泰式生蝦，好爽口。燒榴連任點任食，燒得好香好甜，好食到食左幾轉。川燒珍寶鮮蠔燒-粒粒帳卜卜蒜蓉味十足，好惹味！乳鴿外皮香脆可口，咬落多汁。金湯鮑汁燴花膠-花膠有手掌般大，湯汁鮮甜好入味又可以養顏。重有大量美食。最後食埋甜品同水果，呢一餐超滿足。

中午和同事去了公司附近的極尚大瀛喜日本料理，午市放題任食。食物選擇超多，包羅萬有，刺身、空運鮮魚壽司、火炙壽司、迷你手卷、串燒、燒物、天婦羅、炸物、一品料理和煮物都有齊。仲有自助區冷盤小食，大量凍熟蝦和凍青口，水果、甜品、飲品、 雪糕和糖水，真係超豐富🤤餐廳地方寬敞闊落，採用自助QR code落單，方便快捷，而且圖文並茂，上菜和收碟都非常快，值得一讚👍同事是常客，特別推薦西京燒比目魚，魚塊燒得甘香，口感滑溜，加埋醬汁甜甜哋更加惹味。如果喜歡燒物，蒲燒鰻魚和牛油燒翠玉瓜也是不錯的選擇。刺身類 ～ 點了俄羅斯甜蝦和北寄貝刺身，整體都好新鮮，挪威三文魚刺身更是必點之選，肥美鮮甜。壽司類 ～ 點了鵝肝壽司、火炙三文魚腩壽司和醬燒極尚帝王蟹棒火炙壽司，賣相精緻，味道不錯。兩人份量金湯鮑汁燴花膠，非常入味，花膠仲好大塊🙂為求達到歸本為目的，我們繼續點了孜然風炭烤羊鞍、芝麻雞翼、日本一口甜蕃薯仔、鰹魚湯手打讚岐烏冬、牛油炒甜粟米、極品金枕頭榴槤燒和貓山王炸榴槤，真心抵食。除了掃QR code點餐，我們在自助區取了小龍蝦、飲品和椰汁鮮奶燉燕窩，超飽超滿足。

啲枱密密麻麻 貼住其他陌生人 好似同枱食飯甘有位女侍應態度很差 鬧我做咩移開左張枱 無人會想食放題 兩個鐘聽住陌生人講野呱？枱貼枱完全無曬食慾嗰位女侍應黑曬面甘 仲不斷責怪我移開少少張枱 佢就一野將張枱推番去 貼番隔離張枱態度好似我欠佢甘 最後我無食 離開咗 因為唔想貼錢買難受 諗住開開心心食放題換來一肚氣 餓住都起番身 食唔落 唔好怪甘多人番大陸食野 全部係商家同食肆員工自己做成 不只一啲服務態度都無 仲要鬧客永不光顧！只要擺少一兩張枱 會舒服好多請人都要注重質素和培訓

好耐無食放題，今日就同好朋友去老字號「極尚大瀛喜日本料理」食午市放題啦～首先佢嘅炸櫻花蝦配小龍蝦沙律餅真係無得頂啊！櫻花蝦超級香口，炸得好香脆，小龍蝦肉鮮嫩彈牙，一齊食真係好開胃，令人食得停唔到口！仲有一個我好鐘意嘅菜式係小鮑魚配凍鵝肝蘋果杯。小鮑魚煮得剛剛好，鮑魚嘅鮮甜味道同凍鵝肝嘅濃郁口感都好夾呀。再加上蘋果杯嘅清新口感，真係一個好有層次嘅小食。最後，我就要講下佢嘅火灼左口魚邊壽司同三文魚壽司啦！魚生新鮮，火灼得剛剛好，魚肉鮮嫩多汁，配上壽司飯同醬汁，口感好豐富。我自己一個都食左 7 件！

第一次食 有驚喜！-•晚市放題• $288 [👅8.1/10]有極多款刺身 全部都好新鮮 無雪味三文魚極軟糯 略有油香🍣帶子夠鮮甜 赤貝必嗌！好耐無食過咁彈牙嘅赤貝🐚另外都嗌咗蟹腳 好窩心地剝好 一搣就開🦀️壽司方面我幾鍾意佢地嘅黑松露大蝦同鵝肝 都係啲肥膩香口嘢 不過每一舊都好mini🤣🤣-仲有燒榴槤放題！！痴線食爆！燒完嘅榴槤再濃郁啲 熟度啱啱好 軟綿綿 以甜味為主🤤-大部分手機落單 出面自助吧都係一啲冷盤 小食 飲品必須推薦自助吧嘅雪燕糖水 用淡奶煮 完全唔甜膩 暖笠笠冬天飲超啱🍲-📍 #極尚大瀛喜日本料理觀塘分店: 觀塘道414號1亞太中心5樓

又係食放題時間，一向覺得大瀛喜嘅放題質素好、兼夠新意。今期主題係果王-榴槤放題，榴槤控嘅我點會放過呢個黃金機會。金枕頭榴槤用火槍燒過，食嘅時候微暖，真係未試過咁食榴槤，估唔到又出奇地好食喎，特別係甜味，相信因為曾經烤過，梅納反應使甜度得以提升、榴槤香味也更濃；軟綿綿嘅果肉極creamy，雖然每次限叫每人兩件，但食吓食吓，都食咗成10件、8件，叫多兩round都已經回本。 刺身款式選擇多，三文魚、甜蝦、虎蝦、赤貝、帶子、吞拿魚。三文魚厚切肥美，味道鮮；帶子size唔算大，不過新鮮爽口；鮑魚size唔大唔細，有嚼勁；最正赤蝦，蝦肉勁爽彈，味道鮮甜。仲有泰式虎蝦，配上泰式甜辣醬加蒜片，極好味！。西京燒比目魚，係我每次都必叫嘅，因為佢燒到皮層金黃微焦，裡邊魚肉嫰滑，入口油脂即溶。之前未見過嘅新款食物，紅酒藍莓鵝肝，好正！鵝肝幼滑，味道濃郁，配搭藍莓嘅青甜，食多幾件都唔覺膩。炸物之中，可能因為自己超鍾意食榴槤，所以覺得貓山王炸榴槤最出色！芝士年糕都ok，但一定要襯熱食。 飲品勁多選擇，啤酒、清酒、茶、汽水、果汁等等……飲茶可消滯、汽水消暑、酒類令人舒暢，各適其適，總有一款啱飲。甜品除左小蛋糕，一

🍴🍽🍴🍽🍴🍽️🍣🍣🍣🍣🍴🍽🍴🍽🍴🍽🥢$268 (17:30-19:30特價時段)餐廳設好多座位，所以都坐得幾舒服，落單採用QR code 形式，此外仲設有自助區熟食同餐前小吃。飲品除咗有汽水同茶，仲有啤酒、梅酒、青酒等。 自助落單嘅選擇包括有各款榴槤、刺身、壽司、凍蝦、長腳蟹、鮑魚、天婦羅、乳鴿、羊鞍、避風塘魷魚鬚、麻辣龍蝦仔、花膠、燒菠蘿、各類甜品、雪糕，絕對令人眼花繚亂！🥢燒金枕頭榴蓮 🆙第一次食燒金枕頭榴蓮，上枱時熱辣辣，表面烤到有少少焦，效果出奇鮮甜同柔軟。除此之外仲有脆炸貓山王、榴蓮泡芙、榴蓮撻、榴槤布丁、榴槤雪糕、榴槤雪條，榴槤者愛好者淨係食榴槤已經值回票價，誠意推介😍！🥢海鮮 🆗醉鮑魚非常鮮甜；花膠相當大塊，入口鮮味軟嫩，帶黏黏嘅口感，充滿骨膠原，必然之選。🥢天婦羅 🆗用金黃色粉漿包裹着，香脆可口。虎蝦鮮味彈牙，南瓜同日本甜薯仔外脆內軟，香甜可口😋。🥢刺身 🆗擺盤精緻，刺身亦都幾新鮮，配上芥辣豉油令到刺身鮮味提升。厚切嘅三文魚、鯛魚刺身，魚脂豐沛，魚油甘香，鮮甜彈牙，口感一流。仲可以品嚐各種壽司，例如散發出啖啖牛油香氣嘅牛油帆立貝壽司同鮮味軟綿嘅鰻魚壽司。🥢鮑魚雞粥 🆗🥢黑

今日午餐去咗觀塘，同朋友搵地方食嘢，第一時間就諗起極尚大瀛喜日本料理，任飲任食，可以坐足三個鐘，同朋友食飯傾偈一流餐廳位於觀塘道414號亞太中心5樓全層，由觀塘港鐵站A2出口行過去， 2分鐘就到，非常方便今次佢哋有新菜單，就係貓山王炸榴槤同埋極品金枕頭榴槤燒，簡直係榴槤愛好者嘅喜訊貓山王炸榴槤、極品金枕頭榴槤燒，榴槤味本身已經好香，在燒一燒，簡直香氣四溢，朋友唔食榴槤，唯有我點嚟自己食法式紅酒藍莓鵝肝，呢個都係新菜單，第一次見到，朋友好鍾意食鵝肝，終於可以食到，鵝肝獨特嘅口感，加埋特式嘅醬汁，再配合爽脆嘅蘋果，一流蒜蓉珍寶燒扇貝，必食之選，海鮮嘅鮮味配合蒜蓉味，好甜好鮮味壽喜燒牛肉鍋，每次嚟都要試吓，喺咁多種鍋物當中，呢個真係最出色，簡直可以話係招牌菜當然唔少得飲品櫃，飲品任飲，現場仲有清酒梅酒可以選擇，甜品都係任食

日式放題大家應該食唔少，今次試食位於📍觀塘既極尚大瀛喜日本料理🇯🇵上菜都算快，冇出現漏單，點幾多真係黎幾多，冇少到。食日本放題，首先講講刺身先，啲刺身種類都算多，有蟹腳仲有啖啖肉，魚生，虎蝦，生蝦….整體刺身同壽司🍣表現唔錯。鵝肝萍果幾驚艶，鵝肝唔腥，夾埋啲萍果好清新🌿呢個十分推薦大家試吓。芝士黃金醬燒虎蝦，厚厚既芝士，一啲都唔慳住，如果鐘意芝既你就岩晒，我都食左一轉冇再落單。炸物：炸物表現整體都唔錯，雞翼脆卜卜，我個胃位頂唔到太多油膩野，所以炸物唔算叫太多，如果大家食過邊款值得一試可以dm我下次試吓。肉類：羊架，羊架我個人有小小失望，因為有小小騷甜品：推薦極品金枕頭榴槤燒，啖啖肉，燒到岩岩好又唔乾，大胃王又鐘意榴槤食多幾嚿就回本啦。炸榴槤球仲有流心，正正正😍😍😍自助沙律及甜品：前菜同甜品種類好多，值得一提係佢既湯。當日試左一個湯，蟲草花花膠湯，足料靚湯。紅棗燕窩，唔算太甜，岩我口味。其他甜品都正常發揮，唔特別推薦啦，整體水準都平均。野飲有凍飲，仲有熱飲，清酒梅酒都唔洗加錢。可能因為下一個時間段係黃金時間，職員未夠鐘已多次提醒，明既做生意。🫢今次食既時段係17:30-19:30人均HK

大瀛喜放題選擇琳瑯滿目，仲有價錢優惠嘅特價時段，而且推出咗唔少新食品，真係好有驚喜。刺身、壽司、手卷刺身種類有成十幾款選擇，食落都好新鮮，赤貝好爽口，磯煮鮑魚夠入味，壽司就飯夠細，唔會話食兩件就飽，手卷必點一定係海膽，好少有得任食，要刷返夠本。燒物、炸物、一品料理全新推出嘅極品金枕頭榴槤燒絕對係全晚嘅焦點！燒過嘅榴槤格外香甜，食落口感軟滑，濃烈嘅榴槤氣味瞬間充滿全個口，而且數量有限一定唔可以錯過！另一款新品係金牌紅燒乳鴿王，細細隻乳鴿皮脆肉嫩，即叫即燒熱辣辣又多汁。除咗Qr code落單嘅食物之外，仲有唔少前菜、甜品同飲品可以自取任飲任食，嚟一次都未必試得曬！