釣魚翁 燒鵝．海鮮飯店 (Closed)

今晚一家三口落樓下試吓呢個火鍋放題,疫情前呢間舖頭都試過有,而當時都幾成功,但唔知點解停咗,上個月再有番.但見無乜人幫襯,今晚就試吓有無中伏。最先黎過海鮮併盆,(一次過,無添加)海鮮都新鮮嘅,不過唔知點解畀熟蝦?肥牛,呢個幾好,唔係平價貨,韮菜餃,呢個都唔錯,呀仔鍾意食。呢度啲食品比想像中好,收呢個價錢(1~4: $238,5~7:$268另加一)都算合理。鱔片,脆魚鯇,大魚頭都好味道。食食吓,先至黎刺身(都係一次過)以為今次無中伏啦,點知再加單就死喇,唔知係咪無人手,半粒鐘都未黎,而當晚只有二/三十人得6~7張枱,都攪唔掂,追幾次,經理至喺廚房捧食物出來,呢點要注意。

今天約了有人出外行吓，途經烏溪沙的釣魚翁，順道來吃個午飯。雖然是閒日但見仍然企了很多食客在等位，約二十分鐘後終於可以進去，見到裏面的裝修陳設都很新淨，亦夠光猛不過枱椅擺位就有些狹窄。今日點了一個乳鴿套餐，乳鴿來了單看賣相就覺得有點過黑不夠金黃: 但咬入口覺得新鮮熱辣、熱氣騰騰、鴿肉味鮮且嫩多汁，沒有像外表那樣炸得過火和太乾，而且鴿子個頭亦不少，非常抵吃！福建炒飯看上去略嫌濕了些，但賣相都還可以，份量就覺少了一點，可能將貨就價的關係。但食落味道還不錯，蝦肉、肉粒、菜粒、草菇粒等鋪滿飯面。只是個人略嫌飯粒不夠乾身而已。但價錢亦很經濟，在大商場內的如此定位價來說，真是十分抵吃，下次都會再來。

想試下呢間啲外賣燒味飯啦見佢有燒鵝喺個名度咁叫燒鵝應該唔會中伏點知叫完之後料少又唔好食燒鵝唔入味又鞋又多肥得少少肉叉燒又好似丁完黎咁 又鞋又散 間野真係唔會再幫襯去街市嗰邊間燒味好過我行返屋企幾分鐘姐唔相信唔好食係因為關唔新鮮唔熱事

農曆新年假期一向都係儲肥自己嘅時間🙈 由年初一前一個禮拜已經開始不停同唔同嘅人食團年飯🍽 想慳水慳力又食得豐富，仲要好意頭，盤菜一定係不2⃣️之選😌屋企人喺成日去飲茶食飯嘅酒樓訂咗一個6⃣️位用嘅鴻運鮑魚盤菜🍲入面🈶️齊鮑魚、花膠、柱脯、燒鵝、貴妃雞、玉掌、大蝦，等名貴食材。當然仲有其他用嚟襯底嘅食材，例如豬手蘿蔔......話就話6⃣️人份，但呢個份量多幾個人食都🉐️而味道方面都Keep到水準😋店家亦都細心地配左2⃣️大碗汁(唔係湯) 比我哋一邊食一邊加，咁就唔會乾曬啦😙

次次過嚟排隊都要等好耐，每次至少等十張枱，今次終於唔洗排隊啦！😀之前介紹過呢間燒味飯係唔錯嘅，又平又抵食，估唔到入到嚟幾乎每枱都有叫一碟燒味飯😮 可想而知呢度啲燒味幾受歡迎！店員安排我哋坐卡位位置，都算闊落。枱同枱之間唔會相隔好近，亦有隔板隔住。❤️ 綠珠鮮蝦腸總共有六嚿仔，腸粉size較短，方便一啖食哂。每一嚿腸粉都包住一個蝦，啲蝦都算新鮮同彈牙👌🏻 附上一碗豉油，可以自己控制分量。好食度：⭐️⭐️⭐️✨ (3.5/5)❤️ 五香咸肉粽比想像中無咁差，味道ok，肉嘅分量偏少，食肥膏多過食肉。好食度：⭐️⭐️ (2/5)❤️ 蠔皇鮮竹卷每次飲茶必叫😙 鮮竹卷餡料好多好飽滿，而且入面竟然有魚肉，有別於平時食開嘅鮮竹卷😮好食度：⭐️⭐️⭐️✨ (3.5/5)❤️ 煎粟米花姿餅花枝其實係烏賊科，又叫墨魚，體積比魷魚細。好少見飲茶有花枝餅，所以貪新鮮試下🙊 味道似蝦餅，質感紥實富彈性，肉質都算鮮甜。外層有兩片雲吞皮夾住，索哂啲油😬 食落都幾油，食一嚿已經有啲膩。好食度：⭐️⭐️  (2/5)❤️ 碧綠帶子菜苗餃帶子粒都多，菜苗嫩，可惜水晶皮一夾就爛，無口感可言又無嚼勁，扣分！好食度：⭐️⭐️ (2/5)❤️ 瑤柱蛋白炒飯每次去飲

次次經過都想入去飲茶，但無奈次次等位嘅人都好多，睇得出好受街坊歡迎，每次拎飛都要等10-20個位😅 所以都懶得等啦，今次就咁叫佢哋嘅燒味外賣算😬呢度係一間酒樓，好多老人家都會過嚟食點心，一家大細都可以過嚟打下邊爐！門口左手邊就係燒味部，想買燒味外賣可以就咁同門口counter嘅職員落order同俾埋錢👀燒味飯價錢都算平，同同區燒味舖嘅價錢差唔多。師傅整完就會喺呢個窗口仔遞餐俾你！❤️ 蜜汁叉燒飯 $30叉燒用偏瘦嘅豬肉烤製，僅帶有少量脂肪，肉質軟腍，肉面有麥芽糖嘅甘香。叉燒有少少燶邊，略帶焦香。好食度：⭐️⭐️⭐️ (3/5)餐廳推薦度：⭐️⭐️⭐️ (3/5)酒樓質素唔會比區內嘅燒味舖差，價錢亦相若，可以一試。

一早去拎位孝敬長輩😎平時好少叫小食小菜果啲但依個醬汁茄子雖然要成50蚊 但比到驚喜我外皮炸過 成舊都係軟林林 個汁調得岩岩好 食落成舊雪一聲就落左肚 而加諗起都仲想食 不過真係貴😂其他就好普通～

今晚夜放工，原本想去訂試一窩峰打邊爐，結果佢冇開門，於是即刻再搵附近邊度有得打邊爐，咁就索性去釣魚翁啦，打電話去嘅時候佢話啱啱做八八折，所以即刻飛車過去！我哋二人行，叫咗一個二人餐，並且加多一碟新鮮水餃雲吞，其實真係好飽，因為先吃半隻嘅雞煲，少許辣，加上好入味之後就轉左湯底-番茄薯仔湯，二人餐非常之豐富，有新鮮嘅肥牛、豚肉、油麥菜、豬潤、新鮮手打四款丸、萵筍片、白花膠、烏冬、汽水平時不太喜愛花膠的我，這個好滑好味，已湯底佢額外送多咗六粒牛柳粒，非常嫩滑！一定再試

正值午飯時間，同事話已經很久無一盎兩件，諗起烏溪沙的釣魚翁食物質素唔錯，特別同她來試試。這裡是海鮮燒鵝酒家，入門已見鲍參翅肚。入座時，指定坐外面不入房，空氣流通D，服務員亦特別安排。點心選擇多，也有炒粉麵飯及小菜，2個女仔，還是喜歡點心多D。茶雖然是茶包，但亦高質，茶色靚之餘，有茶香兼無澀味。最先上枱是鮮竹牛肉球($19.8)牛肉混有馬蹄丶西芹，香口。而牛肉球亦做得軟滑彈牙，有牛肉味，不會似一些酒樓的牛肉又粉又腍。（註：因掛住食，忘記影相。）😜菠蘿义燒酥($19.8)的皮很脆，屬於酥皮，一層層很有層次。內裏餡料多，有粒粒菠蘿，亦有义燒粒，食落香甜，好味！喜歡煎炸食物的一定喜歡。👍🏻👍🏻👍🏻潮州粉果(19.8)是一籠四粒，每人食咗一粒才記得影相。潮州粉果本來不是我杯茶，但這個卻是好味。它的皮做得煙韌，餡料豐富，有沙角丶芹菜及花生，有鮮味及不同口感，yummy! 😋😋😋香煎蘿蔔糕（19.8）亦靚，有濃濃的蘿蔔香，食到一條條的蘿蔔絲，亦有粒粒臘腸。蘿蔔與粉的比例恰當，不會太硬身或太「削」，加上煎得香口，好味。👍🏻👍🏻👍🏻五個點心較為失色的是這個排骨蒸陳村粉（$30.8），一望已覺乾噌噌，這個

臨近父親節所以同左屋企人去咗釣魚翁度食父親節飯，因為臨近父親節全部餐廳太多人所以我哋都提早book定左7:00食飯。首先我哋嗌左佢哋嘅王牌燒鵝果然真係冇令我失望，完全做到皮脆肉嫩嘅口感，識落非常之juice，肥瘦適中咬落去仲有啲肉汁流出嚟，真係食過返尋味。仲有我哋嗌左一個龍蝦伊面，黑椒牛仔骨煲，呢幾樣都不過不失，味道冇太大突出。反而存在令我最驚喜嘅竟然係我哋叫咗個胡椒豬肚湯，佢啲胡椒味非常之濃郁，不停係咁飲都五覺口乾。

由於疫情問題，減少了打邊爐，但今日實在忍唔住，我哋三個人一齊即係嚟到釣魚翁，食個海鮮火鍋！服務員安排得很好，將我哋每一檯隔好遠，食物質素也不錯，尤其海鮮拼盤，全用新鮮食材！值得推介！

皮薄餡靚真係好耐無見過，粉菓皮薄餡足料，熱騰騰確實好味，咬落去有沙角、芹菜、花生🥜⋯⋯好香😋墨魚餅煎得香口、彈牙，不油膩有少少粟米🌽，真係好想食幾塊😋鮮竹卷都唔錯川弓白芷豬腳超抵食，一盅有4件，豬腳又軟又滑，不過淡湯過咸，稍為改善一下就好啲酥炸海鮮角有4件，咬落鬆脆香口，唔算太熱氣，內裏之蝦頗新鮮，加點沙律醬比較好吃簡單豉油皇炒麵炒得香甜，乾身唔油膩，不過厨師調味需要再改善，食多啖咸到不得了😩下午茶真係抵食好多，$264咋平時食乾炒牛河都要$98呢啲裝飾遠望好靚，近望好嚇人.....啲塵多到差啲跌落頭頂😖下次想試吓

本來打算去烏溪沙站出口的一間酒樓飲下午茶，點知11號當日見門口告示寫着光榮結業，於是搜尋附近茶樓資料便找到釣魚翁。下午茶時段1:45開始叫號入座，侍應遞上下午茶點菜紙，第一時間搜尋腸粉，看見韭菜鮮蝦腸粉只售＄20.8 即點。鮮蝦腸粉件件都有一隻大蝦，非常爽口，腸粉軟而滑，價性比高！蠔皇鮮竹卷：一向都是我去茶樓必點之一，鮮竹卷多汁飽滿，惟內有魚肉，味道有別於平常吃的。薑蔥牛柏葉：薑蔥味道濃郁，切幼的牛柏葉非常入味之外，還較容易咬，不會覺得韌。鮮竹牛肉球：重牛味、有些馬蹄和芫荽配合令牛肉味更加香。燒鵝瀨份＄13.8 認真抵食，眼看每枱都有點燒味粉一定是有質素保證，瀨粉上有四舊燒鵝，鵝皮十分香脆，惟較多肥膏，但鵝肉鮮味夠。推介！混合醬蒸鳳爪：一籠有五件鳳爪，鳳爪脹卜卜很飽滿，混合醬味道濃郁好味，而且鳳爪夠軟身，必點！

上次都介紹過醉翁亭嘅早餐好抵食，事隔兩星期我哋又去食啦。今次我哋叫咗兩份孖寶，再加多一個馬拉糕，最後埋單都只係$95。真係好抵食，而家出邊一個茶餐廳食個早晨常餐都要$40啦。今次專登再寫食評係因為個馬拉糕真係好好食，係傳統懷舊嘅馬拉糕。唔會太甜但係又有黃糖嘅香味，好鬆軟而且唔會俾啲蒸氣搞到林啤啤，熱辣辣蒸出嚟我哋唔使3分鐘就食晒。不過個魚肚粥就非常麻麻，完全冇料。搵斗成碗粥都只係得三舊魚肚仔，每一舊仲細個隻手指尾，粟米都係得個幾粒，都幾失望。不過就味道唔錯囉。仲有好抵讚嘅係侍應姨姨好勤力， keep住幫我地收走啲冇用嘅碟。傳菜的姨姨態度都好好。不過佢哋啲水真係唔夠熱，沖出嚟啲茶都唔係好香。

坐低左先知無左任食（聽到好多人問）單點有兩個套餐-2人餐$888，4-6人餐$1288茶$20一位，醬料$20一位，野飲散嗌。好，散嗌吧。都係咁食既姐.....Good side多左啲貴價野食，多左海鮮。Bad side竟然同任食一樣既食物質數同量。每碟都係得少少，但收單點價錢。一個烏東，七粒魚腐，四節粟米，炸嚮玲四舊。墨魚滑蝦滑係好似膠咁，非常似有漿糊總結原先任食都要3，4百蚊位，但單點收貴價 俾任食食物。 未食完 我已經諗緊下一餐食咩了....