Dilliwale

Open Now

Now Closed

今日中午去了銅鑼灣Dilliwale印度餐廳，我未食都已經知道正宗喇，店員和顧客都係印度人，不過侍應妹妹啲廣東話很好🤗點了4道菜餐，包括：-小食-藏紅花飯或印度烤餅-沙律和飲品-主菜洋蔥蕃茄咖哩印度魚$109，酸酸辣辣，和港式咖哩味道不一樣，多了香料氣味，辣中帶香，藏紅花飯好大碗，用埋個咖哩汁送飯一流。用香料和濃汁烹製的無骨雞肉$99，滿滿香料氣味，無骨雞全是香料和濃汁的味道，醬汁用來沾印度烤餅同樣惹味。印度脆米球$78，打卡必點，是空心圓球狀的，非常薄，咬落好脆，另配一小碗薯仔粒+洋蔥和微酸的醬汁，味道幾特別。跟餐配Mango Lassi 和Lime Soda 同樣是+$30，飲品水準不錯，不過較為細杯😅餐廳有一幅非常吸睛的黃色打卡牆和貼滿拼圖的圓柱，食物擺盤都好靚，顏色鮮豔，即使是隨意拍 效果也不錯。

Dilliwale (銅鑼灣)銅鑼灣駱克道491-499號京都廣場9樓銅鑼灣的 Dilliwale 是正宗印度人開的印度菜餐。點了$148 香草串燒雞柳，紅色的外皮烤得非常香脆，肉質鮮嫩多汁，味道十分美味呢餐食得好開心，又唔貴，人均先$160 ，會再同朋友下次再來食，curry 一個咖喱印度芝士，味道偏辣但用來配nann 一流Butter nann $34 4片暖暖的,每人剛好一人2片,伴curry 同吃價格合理，份量十足

喺附近睇完bad boys 所以訂左呢間印度野試下✨Dahi Puri $82入面係有乳酪嘅炸波波 酸酸辣辣咁好開胃😋😋 有埋石榴更加係畫龍點睛👍🏻 呢個要快啲食 唔係嘅話會浸腍個波波 ✨Lamb Boti Kebab $168呢個羊就咁食就覺得有啲乾🤔🤔 羊肉又唔係幾嫩 如果配埋啲椰菜 洋蔥食就會好啲 冇咁乾✨Chicken Tikka Masala $138個汁濃得黎唔稠唔膩 香料味配搭得好好👍🏻👍🏻 雞肉都有幾多舊 都幾滑✨Kashmiri Nann $42好特別有果仁嘅Nann 唔知點解佢係螢光粉紅色😂😂 但應該係杏仁+椰整成 好味👍🏻👍🏻🍸cucumber 成杯嘢都真係有好多青瓜粒😂 好清爽 又有野咬下🍹Mango Lassi 呢個Mango Lassi 比較重乳酪味 佢好特別仲有加左啲nuts 有啲口感👍🏻總括嚟講啲嘢食都好好食嘅👍🏻 不過服務就一般般 杯野飲瀉左少少就咁扔低啲紙巾比我地🤣味道❤️❤️❤️❤️抵食❤️❤️❤️💔服務❤️❤️💔環境❤️❤️❤️💔💰晚餐人均～$295（有九折 免左+1）

星期二人少少，兩個人唔知食乜嘢好，但係又唔想食中日韓菜式，所以響OpenRice亂咁讀竟然比我哋發現到銅鑼灣呢一間印度菜。可能因為星期二嘅關係人少少，不過地方都整潔服務亦都可以以啦不算是10分殷勤，但係亦都唔會有黑面嘅情況出現。講返菜式先我哋點頭盤嘅時候唔知點咩，店員就推介咗呢一個乳酪街頭小食。黎到嘅時候簡直係十分之驚喜呀，咬落去出邊脆入邊酸酸甜甜乳酪令到你好開胃。之後就做主菜啦，羊肉咖喱係我食印度咖喱必點嘅菜式，跟住再加多個 Masala啦。再叫埋個加力拉，簡直係Perfect. 食物都十分之美味，嗰個烤餅好香牛油味，但係就略嫌唔夠蒜頭味。仲有梗塞唔少得mango lassi 啦！飲飽食醉埋單走人，美中不足嘅地方係我離開咗餐廳先發現佢冇比到九折我。而我當時自己都唔記得咗，不過算啦係我自己唔記得而且用餐過程都好愉快亦相信係不久嘅將來我都會再光顧嘅。

網上隨機選擇的Indian restaurant真系好正好正宗好多當地人、香港人都過來呢度吃係銅鑼灣c出口一出來對面就係啦 都好容易搵好鍾意佢地既馬薩拉 超級好味咖哩可以選擇辣度的吃不了辣可以揀light spicy

前排去銅鑼灣行街，咁岩我個朋友又好想食印度菜，記得之前銅鑼灣食過間幾好味嘅印度菜餐廳，就帶佢去試下; 當日夜晚餐廳都幾受歡迎，都見到有印度人幫襯。餐廳嘅裝潢都好有印度style，燈光偏昏暗，都幾有情調。 🥗Samosa Chaat 咖喱角沙律 佢同我地平時食開嘅沙律好唔同，佢係無生菜個啲，反而用咖喱角做配料; 咖喱角嘅餡料主要係薯仔和香料，配料有鷹嘴豆同紅石榴籽，味道非常豐富，都有少少辣。 🫓Butter Naan 牛油烤餅 一盤烤餅有三大塊，質地都好厚身，好適合配味道比較濃嘅醬汁一齊食，食完一塊都已經好飽肚。🥘Butter Chicken 牛油雞 牛油雞其實就係咖哩雞，醬汁偏杰身，味道非常濃郁，而雞肉都好入味同嫩滑，好岩配埋牛油烤餅一齊食。 🥬Paneer Palak Wale 芝士菠菜 佢係一款印度嘅素食，將印度芝士同濃郁嘅菠菜汁一齊燉煮，仲可以食到一粒粒嘅豆腐乳酪，好岩配埋米飯同印度烤餅一齊食。 🍡Gulab Jamun with Rabri 玫瑰丸子配果仁甜漿 呢個係印度傳統嘅甜品，表面口感扎實，而內裡嘅口感偏濕潤，味道都幾甜，配埋堅果甜煉乳一齊食，甜度就變得岩岩好。

點解搵到呢間餐廳，係因為我上Openricesearch，見到得2個負評，應該都唔差，斗膽上嚟試下。今次已經係第2次嚟。今次4個人叫得多野啲，有2個咖哩，2個薄餅，同埋一個咖喱雞肉炒飯。個芝士薄餅，好好食，配埋啲咖喱汁一齊真係好好食。個咖喱雞肉炒飯，都好好食，想再去食多次。唯一美中不足嘅係佢啲嘢食真係比較貴，例如一兜咖喱都要百幾蚊，但係份量就細，所以如果咁貴嘅話就唔可以成日嚟食。加上我哋今次嗌咗三杯嘢飲，兩杯係Mango yogurt，一杯黑牛，淨係嘢飲都已經夾埋$148 。我會再嚟食

✅環境好坐 服務可以✅印度炒麵好食🆗價位之前未食過印度餐廳近近地就試下依間一開始就叫Gol Gappe 同 Dahi Puri Gol Gappe係脆米球加餡加青汁（spicy mint water)Dahi Puri 係脆米球加餡加乳酪個人比較喜歡Dahi Puri，乳酪酸甜啲開胃仲叫左chicken lollipop （印度式炸雞）同reshmi malai tikka(烤雞 入味及非常滑 gym之選）食完前菜就叫主菜總共叫左3種咖哩，2種餅（naan)同印度炒麵（desi chowmein)咖哩就正正常常 但要注意辣度：yellow tadka dal （唔辣）<prawn masala<lamb vindaloo （印度式辣）Naan就普通印度餅印度炒麵就意外地好食！(◎_◎;)唔係彈牙既麵底比較似炒x王味道有啲似營x撈總結：下次會encore前菜同印度炒麵

在铜锣湾京都广场9楼（楼上铺不太好找觅🉐这家干净卫生又地道的印度料理⚠️划重点：好吃好吃好吃！便宜便宜便宜！中午饭点人是真多啊... 基本是外国人大概是因为人均几十的Lunch set💰很友好✅一人食强推👉🏻4 courses的午市套餐包含餐前小吃、沙拉、饮料、主菜任选主食可以选择藏红花饭或者烤馕 一份套餐就能吃的超级饱！！！【House Butter Chicken】巨香无比的黄油鸡！！！好吃就好吃在灵魂香料的搭配👇🏻由鲜奶油、姜、蒜、青柠檬...调味腌制而成鸡肉烤熟后加入香气浓郁的腰果酱汁整体散发出一种浓浓的奶油香（不腻搭配烤馕吃一绝！！！【Chicken Tikka Masala】就是经典的咖喱鸡啦～鸡肉很嫩！玛莎拉调味后有一种欲罢不能的咸辣味长粒米饭搭配香浓的咖喱酱更好吃！【Pav Bhaji】很早就听过的印度街头小吃将面包涂上黄油，微炸至金黄酥脆单独摆着一份由蔬菜、 咖喱等做成的酱汁加入柠檬和切碎的洋葱再用面包蘸一蘸，味道好上头油香四溢又清凉爽口的感觉甜品点了【Rasmalai】→印度奶汤圆泡在甜奶中，冰镇口感更佳餐后来一份提升幸福感

印度燴羊肉，🐑像咖喱但是又和咖喱的風味有點不一樣！🍛醬汁給得好多，最後還要了薄餅來吸汁，正啊！烤餅，口感鬆軟，🫓超級適合蘸咖喱，好吃的我停不下來印度脆米球，🥠真的很特別，泡泡是一層脆殼，裡面有土豆泥還有別的一些脆米之類的東西。底下的綠汁倒進泡泡里吃。😆我覺得單吃比較好吃，那個綠汁有個濃郁香料味，如果想嘗試新奇風味的可以點來試試。☺️咬在嘴裡脆卟卟的！羊肉鐵板燒，🐑無骨食得比較方便，羊肉好香，鐵板燒更凸顯肉味。

同好友聚聚就當然要食啲特別嘢，所以就跟佢嚟到銅鑼灣嘅樓上店嘅Dilliwale食正宗印度餐。餐廳由佈置悠閒舒適兼有民族風，幾位店員都係印度人(當然佢地係識英文啦)，所以整個感覺都好有印度Feel。我地叫左兩個Lunch Set，睇餐牌唔知係乜，只要轉向中文翻譯版本就得，話時話….. 中文翻譯版本真係翻譯得幾攪笑。先嚟兩杯飲品，我地upgrade左做特飲，好友嘅係Mabgo Lassi，我就簡單啲嚟個青檸梳打。其實兩杯都唔錯，不過好友杯Mabgo Lassi就可以加以推介，除左有好香嘅芒果味之外，加埋乳酪同印度香料調製而成，所以入口好濃郁的芒果風味，好友大讚好味。嚟到我地嘅Set，先嚟House Butter Chicken，以番茄醬同牛油烹製而成。雞肉滑身唔鞋口，而且件數都唔少。另外個汁係同平時食開嘅印度咖喱好唔同，杰身得嚟但又唔會好油，配埋口感酥脆蒜蓉薄餅一齊食，真係唔覺唔覺食晒四片薄餅呀。另一個主菜係House Fish Curry，以洋蔥加番茄一齊煮嘅咖哩魚，魚肉同樣好足夠又夠滑身，個咖哩醬都係一樣嘅好，但我覺依個醬汁多左一個甜味，更能帶出咖哩嘅香，所以我就比較鐘意House F

印度菜自己好少食但係今次朋友話呢間係印度同事極力推介話係正宗既印度香港好少遇到所以決定一試.餐廳位於銅鑼灣，非常方便一入到餐廳已經可見餐廳有濃厚既印度風無論係裝修，餐具，甚至客人你都會有一刻以為自己身在印度.Samosa Chaat $82作為印度菜其中一個代表作呢度既Samosa Chaat做到好好表皮香脆內裡仍然熱熱地既加入大量既香料食落更有層次而且因為呢款係Chaat會mix佐青瓜蕃茄暮仔口感更juicy.Butter Chicken $148Cheese Naan $37待應介紹呢款係餐廳既招牌菜用作濃郁既芝士混合茄醬同埋牛油雞既熟度岩岩好食落夠滑夠Juicy因為醬汁夠濃夠挺身配埋牛油烤餅Naan絕對係絕配烤餅我揀佐芝士口味佢係暖身軟綿綿既質感估唔到裡面係厚厚既芝士就咁食其實已經好好味.Gulab Jamun With Rabri $88甜品我地揀佐玫瑰丸子配果仁甜漿佢係炸丸帶有玫瑰藏红花和奶香而醬汁就係煉奶混合杏仁絕對係一個sugar bomb用佢作結令人非常滿足.另外留意到餐廳平日午餐set都幾抵最平$89已經有交易亦都有啤酒買2送1既優惠仲要有我鐘意既德國啤酒Becks星

今日同朋友去嘗試了位於銅鑼灣的 Dilliwale 印度餐廳，菜式口味地道，讓我們彷彿置身於印度的美食之中。以下是我們品嚐的幾道菜式Chicken Tikka Masala 印度燒雞咖喱這道菜以雞肉塊裹上香料後烤至入口即化，再搭配濃郁的咖喱醬汁，味道香濃而且微微帶辣。我哋揀咗微辣嘅咖喱醬的口感濃厚，與嫩滑的雞肉完美融合，令人回味無窮。Rogun Josh 燉羊肉這款羊肉咖喱以慢煮的方式烹調，羊肉質鮮嫩多汁，入口即化。咖喱醬汁混合了多種香料的香氣，帶有微微的辣味，讓人食指大動。Plain Naan 印度烤餅這款烤餅是印度餐廳必備的配搭，麵包鬆軟，外層微微酥脆，充滿烤焦的香氣。搭配各種咖喱菜餚一起享用，更能增添層次感和口感。Garlic Naan 蒜蓉烤餅這款烤餅在原本的基礎上加入了蒜蓉，增添了濃郁的蒜香味道，讓整個餐點更加美味。烤餅酥脆的外皮與內部鬆軟的口感形成了完美的對比，除咗配搭咖喱之外仲可以就咁食都好好味。Dilliwale 印度餐廳以其正宗的印度菜式吸引了我們的味蕾，服務態度也十分友善。餐廳環境舒適，氛圍愉悅，讓我們用餐的體驗更加愉快。

香港的印度餐廳主要集中於尖沙咀和中環區，不過在銅鑼灣也可找到主打傳統印度菜的 Dilliwale ，一入門口就見到設計色彩繽紛的打卡牆，樓上舖面積廣闊，空間感十足，鮮明配色瀰漫著濃厚的民族風，這裡由廚師到侍應都是南亞裔，服務態度親切有禮，餐牌選擇繁多，還有不少素食菜式，配有中文菜式名翻譯，點菜時也不怕會看不懂。酥脆咖喱角$72Samosa是印度的家常小食，厚實外層用麵糰搓成脹卜卜的三角形，炸得香脆而不油膩、裏面包裹著飽滿的全素食內餡，主要以咖喱青豆薯蓉製成，香氣四溢。香辣薯仔蓉漢堡包 $78將巨型薯蓉餡餅放進鬆軟的Pav麵包，猶如印度風味的素食漢堡包，一口就有多重層次，薯餅是以馬鈴薯、瑪莎拉香料碎屑與青辣椒混合而成，辣勁十足，再經過油炸固定成形，外脆內軟，綿密之中仍有顆粒感。牛油雞 $148由於咖喱已跟牛油調和，質地濃稠順滑，平衡了辛香料的刺激，不像一般想像的印度咖哩味道較嗆口，雞肉煮得入味嫩滑，微辣中帶香甜奶香，辣度溫和，即使是吃不了辣的也會覺得容易入口。蒜蓉烤餅 $32Naan 的麵糰會先經過數小時發酵，才放入印度烤爐tandoor烤焗，表面佈滿具有彈性張力的泡泡，富有蓬鬆空氣感，

想食正宗印度菜，朋友介紹我嚟到呢間位於銅鑼灣京都商場嘅Dilliwale. 先點一個印度脆米球($78) 香脆外殼包起辣味薯仔, 加入特製醬汁，係一道非常有特色嘅小食。羊肉咖哩炒飯 $168 炒飯加入大量香料，飯質鬆軟，羊肉份量足，厚肉得嚟十分入味，印度炒飯果然風味十足。印度燒雞$128雞肉用上地道香料炮製，味道層次豐富，加上檸檬汁 更加清新，就連配菜洋蔥都相當惹味。甜奶球配特色甜絲 $85印度嘅甜品我都係第一次試，糖水奶滑香濃 加上乾果nuts, 中間一粒類似小蛋糕嘅東西 吸滿糖水, 食落特別得嚟又幾好味，可再試。