點心到 MIX·大排檔

Open Now

Now Closed

點心到，上次黎食過點心覺得很不錯，今日黎食夜晚。。晚市以小炒，海鮮為主，選擇都多。乾炒肥牛腸粉，大大力推介！炒得好有鑊氣，豬腸粉煎到好香口，牛肉大大件，配上芽菜，香蔥，洋蔥，好惹味。冰鎮咕嚕肉，咕嚕肉放上冰上，咕嚕肉炸到岩岩好，不厚粉，外皮沾上醬汁後，仍能保持少許脆身，醬汁酸酸甜甜，好開胃。另外，菠蘿食得出係新鮮，不是罐頭菠蘿。麻辣雞煲！如果一個人想食麻辣雞煲，可以嚟呢度食，份量多，雞煲充滿麻香，配上白飯就啱晒！榴連甜品

✨旺角·點心到MIX•大排檔✨🔹🔹🔹🔹🔹🔹🔹🔹🔹🔹🔹蝦醬通菜炒魷魚鮮美又下飯！通菜的鮮嫩脆爽搭配上鮮嫩彈牙的魷魚，吃起來口感豐富。而蝦醬的獨特風味帶給這道菜一股濃郁的鮮香，香氣四溢。整道菜看起來色澤鮮豔，讓人垂涎欲滴。而鑊氣小炒王則是以辣椒炒勁道的魷魚條為主，再加上各種鮮蔬配料，形成一道色彩鮮豔、味道獨特的小炒。這道菜的辣椒香味濃郁，魷魚條的口感彈牙十足，令人回味無窮。入口微辣，香辣味鮮明，讓人胃口大開。紅燒乳鴿嫩滑搭配上香氣四溢的紅燒醬料，味道鮮美。乳鴿的肉質鮮嫩，滋味頗為鮮美，紅燒醬料更是使乳鴿的味道更加獨特。整道菜看起來色澤鮮豔，入口鮮嫩多汁，是一道令人回味的美食。🔸🔸🔸🔸🔸🔸🔸🔸🔸🔸🔸▪️美味指數：😋😋😋😋😋▪️餐廳環境：✨✨✨✨✨▪️服務質素：👍🏻👍🏻👍🏻👍🏻👍🏻

✨旺角·點心到MIX•大排檔✨🔹🔹🔹🔹🔹🔹🔹🔹🔹🔹🔹今天我去了一家餐廳點了沙律明蝦角六件，金沙海鮮蛋白炒飯，楊枝甘露和菜脯肉碎煎蛋，整體來說非常滿意。沙律明蝦角六件，外皮酥脆，內裡的明蝦肉鮮嫩多汁，搭配著特製的沙律醬，味道香濃而且微微帶有微辣的口感，非常開胃。金沙海鮮蛋白炒飯，這道菜的外觀色澤金黃誘人，米粒飯香十足，海鮮的鮮味混合著蔬菜的清爽，口感豐富，非常下飯。楊枝甘露是清涼解渴的好選擇，奶香味濃郁，花椰果和椰果帶來的口感更加豐富，甜而不膩，非常適合夏天享用。菜脯肉碎煎蛋，這道菜的煎蛋口感鬆軟，肉碎和菜脯的鹹香味讓整道菜更加美味，非常適合搭配炒飯一起享用。🔸🔸🔸🔸🔸🔸🔸🔸🔸🔸🔸▪️美味指數：😋😋😋😋😋▪️餐廳環境：✨✨✨✨✨▪️服務質素：👍🏻👍🏻👍🏻👍🏻👍🏻

點心到 (旺角)旺角洗衣街39號金雞廣場地下1A, 1B, 1C號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：紅燒涼瓜魚雲煲 $96，啫啫豬潤雞煲 $96，黑金流沙包(1件) $10，卡通芋蓉包(1件) $10，楊枝甘露 $25紅燒涼瓜魚雲煲：涼瓜被紅燒的過程中吸收了魚的鮮味和調味料的香氣，變得軟嫩可口。 魚肉鮮嫩，入口細膩。 涼瓜的澀味與紅燒湯汁的鮮味相互融合，在口中展現出獨特的風味！😄😄😄啫啫豬潤雞煲：雞肉數量多，嫩滑多汁，鮮香可口，味道濃鬱，豬潤亦口感鮮嫩，香氣四溢，豬潤和雞肉的風味相互融合，形成了鮮美的湯汁，再薑、蒜、香菇等配料 ，味道一流！👍👍👍黑金流沙包：黑金外皮上抹上金紋，賣相華麗，咬開後熱騰騰的鹹蛋黃流沙餡溢滿口腔，帶來濃郁香甜的口感！😍😍😍卡通芋蓉包：白色外皮畫著公仔笑臉，賣相精緻可愛，芋蓉酥軟細膩，同時有著香甜美味和芋頭的香氣！😋😋😋楊枝甘露：以椰汁為基礎，帶有濃郁的椰香和柔滑的口感，加上芒果、西米、楊桃等美味配料，提供了多樣的口感和口味，美味可口！❤️❤️❤️

今晚約左鬼妹仔朋友黎食煲仔菜。👉🏻春卷朋友係鬼妹仔ABC，叫個deep fried spring roll比佢食，佢話同越南春卷好唔同，但都好好食😋👉🏻魚香茄子煲自從有一次係酒樓食過油浸魚香茄子煲，就知唔係度度都整得好食。呢味應該係餐廳招牌菜，每次食都覺得味道適中、好送飯，而且好多肉碎同甜椒碎，減低油膩感。👉🏻豆腐火腩煲呢味最好食食嘅竟然係豆腐，炸過嘅豆腐吸飽汁又唔太咸，唔係得層皮，好味。

之前都有唔少人介紹我去點心到，今日下午我就去左食點心到。去到見到都有唔少人排隊。座位好闊落，食左好多野都好好味。😋我覺得黑金流沙包最好食。食左一細啖，好多奶黃已經流左出嚟，好正! 我食緊上面嘅時候，下邊穿左個窿，喺下面流曬D奶黃🤣連隻碗入邊嘅奶黃都唔放過。🤭腸粉都好好味。D腸粉好滑，再加埋麻醬同甜醬更加好味。我食左好多條腸粉🤭🤭仲有乾炒牛河，D牛肉好入味，食左一片牛肉就停唔到口!下次再去，要食多幾個奶黃包先得😋

主打點心店舖，夜晚就係食小菜，連芝士龍蝦都有，直程係酒樓咁。點心舖裝修夠現代派，座位都寬敞😃🌟杏汁豬肺燉湯🌟杏汁唔算好濃，湯料十足，滋陰之選👍🌟黃金炸蝦球🌟蝦球都幾大粒，用上蛋黃炸，蛋黃味好濃郁，好香口呀～😋🌟紅燒豆腐炆火腩🌟上枱時個煲仲係滾到熱辣辣的，經典菜式，除左豆腐同火腩，菇菌類都鮮味十足呀🍄➡️今次試唔到點心，下次再黎過啦📝品牌係油尖旺區有幾間分店，地點都就腳，去開個邊都可以一試。

我今日放工後，約同好友去位於旺角洗衣街39號金雞廣場地下1A，1B，1C號舖的點心到MIX。大排檔食晚飯，環境闊落，很有大排檔風味。我點左個豉汁蒸大鱔（例牌）$138，紅燒豆腐$70，白飯$12，揚技甘露$25，茗茶每位$5。豉汁蒸大鱔賣相不錯，厚切大鱔都排成一朵花狀，豆豉鋪在肉面，相當惹味，鱔肉新鮮彈口，証明師傅功夫了得👍！紅燒豆腐亦做得相當唔錯，豆腐外脆內滑，配菜的菇片和秀珍菇好味又好食；楊技甘露清甜好味！

今晚再去幫襯食晚飯，叫了一盅杏汁燉白肺湯，盅湯上到枱我已經覺得不對勁，我未見過杏汁燉白肺湯是這樣顏色的(見圖)，但我都嘗試去喝一湯匙，完全沒有杏汁味道，味道與一般的豬骨湯類似，我再用湯匙撈起湯渣看看，居然發現真是有豬骨的(見圖)，我第一次飲這個湯是有豬骨的，還有一嚿豬肺是黑色的，我建議：好心位煲湯的師父唔夠料子就唔好主理煲湯啦！並且建議這位煲湯師父到“太興”幫襯一下怎樣才是正式的“杏汁燉白肺湯”！還有落單的老女伙記態度也要改善。

新式茶樓係幾正，唔收加一只收茶錢每位5蚊，抵D叫野食都爽D。晶瑩鮮蝦餃，入面都係原隻蝦，蒸皮都算幾滑。原隻蝦燒賣，鮮味! 有得兩粒兩粒咁叫幾貼心。五香咸水角，好脆口而且餡多皮唔厚，其他炸物都做得幾好。豉汁蒸鳳爪，幾有肉，Q彈Q彈好味道。醬皇金錢肚，爽口大大塊，再有浸到爽口既蘿蔔黑金流沙包，招牌必叫咁濟，有3粒包，望落mini食落就岩岩好，軟綿綿流沙奶皇熱騰騰超級正。金沙脆皮銀蘿腸，蘿蔔絲做餡，有層脆皮在外，再有滑滑既腸粉包住兩樣野，咬落多層口感，內脆外軟。午餐坐無虛席，不斷有人走有人入。勁

見食評講到咁好就諗住去睇戲🍿前食個中午飯。今日星期日11:30去到見門口排左應該有10個人左右，咁照排啦，點知望入去基本上好多係吉枱，起碼3張5～6人枱及4人卡位，應該客人走左完全沒有人去執枱，起碼企左超過15分鐘見依然係無人得閒去理啲枱😩好啦，後來終於有人去清理，跟住就好快入得去(即係話基本上唔應該企係街又熱又焗等咁耐🥲）入到去好彩未坐低，今日白衫呀😖張櫈同櫈🪑背係濕既，抹完坐低到洗杯同碗，勁油膩搵茶洗幾次再抹先得，枱面地下勁污糟😖到講食物～鮑汁鳳爪ok係最好食既☑️～燒賣可以2粒咁叫，正常無咩特別唔好食☑️～蝦腸好食，皮薄唔厚夠滑☑️～山竹牛肉完全無味，咬落較實真係無味道❌～煎蘿蔔糕上枱時表面較濕，唔似岩岩煎完有水氣，食落又係一啲味都無❌總括來講唔會有下一次人手嚴重不足，客人企門口白等環境食具污糟，幾好食都唔好囉食物真心未至於會再返轉頭再食

閒日晚市都要排隊鍾意一大班人黎食因為啲圓檯夠大夠容納多人乾炒牛河$68鍾意食乾炒牛河既必點非常推薦呢度的炒河牛肉切成薄片，經過快速翻炒後變得嫩滑多汁。重點係每塊都好大片，落料絕不手軟，牛肉片份量非常多河粉炒得剛剛好保留到應有質感條條分明有油但唔會成到滿口油食落係有穫氣、滑身但唔膩薑蔥魚雲煲$92大量的薑和蔥爆香過所以超有香味和風味一上碟仲熱到喳喳聲呢道菜唔多地方有得食炸過嘅魚雲肉依然嫩滑份量都夠2人share紅燒豆腐$70建議2-3人share因為豆腐量真係好多紅燒豆腐的一大特點是豆腐本身的質地和口感質地柔軟綿滑煮嘅過程中會吸收紅燒汁所以先有咁獨特的嫩滑口感伴碟的菜都好新鮮絕不馬虎如果唔想碟碟肉嘅推薦紅燒豆腐大家share

🌟同朋友旺角搵地方飲茶聚舊，金雞商場樓下的「點心到」門口排長龍，我哋都排隊試試，好好彩有卡位坐。***** ***** ***** ***** ***** 餐牌有炒小菜、燉湯美食，最後我哋決心叫點心。點心即叫即蒸，全部上枱都是熱辣辣。🍤原隻蝦燒賣🥚懷舊鵪鶉蛋燒賣🫔三絲鮮蝦春捲🍗豐料糯米雞🍘黑金流沙包🍯蜜汁叉燒腸全部是店內熱門推介，覺得真係好食，最愛黑金流沙包，睇得又食得，外層軟綿綿裡面流心奶黃超好味，一定會再嚟飲茶。

試吓fusion大排檔先叫咗6位沙參肉竹燉土雞湯～味道可以～少湯渣、雞肉～但飲落都好味白飯魚煎蛋煎得幾香口～白飯魚都算多～仲有蔥花粒XO爆豬頸肉～好多西芹～少量紅椒、菇片～XO醬唔係好多～不過食得出有少少辣～豬頸肉醃得好淋～不過完全食唔出有豬肉味蒜香骨應該有六嚿～炸得幾香口～好重炸蒜味～不過又係完全食唔到豬肉味紅燒花膠雞煲～呢煲嘢味道可以～不過料多個雞～洋蔥、紅椒、西芹、菇片、蒜頭～花膠應該有幾嚿咁大把～份量有D搵笨喎 椒絲腐乳通菜～多蒜嘅腐乳醬都幾惹味～不過幾十蚊細細碟～唔抵食囉茶芥$5/位～白飯$12/碗～紙巾$3/包～$774性價比唔高囉

餐廳有好多唔同嘅選擇，有小菜、海鮮、點心。就算夜晚都可以叫點心、出名嘅係黑皮流沙飽。我哋叫咗以下菜式❤️豉汁類大鱔；鱔好大條，味道鮮美，鱼肉鮮嫩多汁，淋上豉汁，帶出一種獨特而濃郁嘅味道。❤️黃金蝦球係一道經典嘅菜式。蝦球經䩇咗鹹蛋黃，再炸至金黃色，鹹鹹地嘅鹹蛋黃包住蝦球，外脆內嫩。每一口都能夠品嚐到鮮甜嘅蝦肉同獨特嘅醬汁香氣，令人回味無窮。兩個人食叫兩碟餸，兩個飯都好足夠。真心推介，價錢合理，又近地鐵站。👏