點茶

Open Now

Now Closed

一杯幾蚊成本既鐵觀音奶茶、叫漏左「走甜」，同佢講、佢話「做左啦喎」。幾蚊成本，已經賣10倍唔止、連一杯都唔肯做過、仲要同我講「其實都唔係好甜」，已經同佢講飲果個糖尿、要走甜，咁我杯嘢攞黎做咩？唔好以為晚餐時間好多人佢先唔肯做過，間舖得我一個，旁邊無人情況下都可以比我同佢拉鋸左2-3min都係唔肯做過，已經開到口。真係唔好再去、幫襯功夫茶、歇腳亭無咁嬲🤬我去過咁多間台灣奶茶店從來無一間係唔肯做過。

作為街坊，幫襯咗好多年嘅 點茶💁🏻‍♀️選擇多，價錢都算抵飲，有時口痕想飲杯芝士四季春($24)行過都會幫襯吓佢。價錢都算係街坊價，啱晒附近返學嘅學生哥幫襯。之前肚仔唔舒服都會飲佢哋嘅黑糖朱古力薑母奶茶，真係有幫到手㗎！有啲小店💛好值得我哋嘅支持💪🏻覺得呢一間舖頭好有人情味，都儲落咗一班熟客仔，我都係其中一個。希望你哋可以繼續堅持做落去！🤣久唔久嘆返杯珍奶or冰茶奶蓋，對自己係一種放縱，亦都係一種放鬆🙌🏻Hope everyone could find your cup of tea☕️

📍點茶 Dim Tea小店位於土瓜灣北帝街12-14號地下A號舖🪄🪄今次我地叫左1️⃣黑糖珍珠朱古力奶茶(微糖)💯，就算微糖都已經完全感受到好香濃黑糖味，不過黑糖本身甜可以理解，中意食甜野既人可以挑戰正常甜度是否勁勁勁甜😚😆2️⃣ 草莓鮮奶，唔甜好飲👍👍價錢好平👍好抵飲😌😌飲品賣相👌冇中伏的感覺🥰🥰🥰

以前覺得吾錯架，不過今日再試就變得一般般‼️$32 香芋珍珠鮮奶🥛 芋頭味好淡，嗌左少甜不過仍然勁甜😜 不過都理解，黑糖珍珠點都會甜啲既🙈 珍珠無平時Q彈既口感，軟淋淋咁😅

我在大約兩年多之前，曾經攜帶上手手提電話，跟上手「開飯喇」戶口，光顧位於「土瓜灣」「北帝街」旁邊的台式手調飲品店「點茶」。當時我購買了「黑糖珍珠鮮牛奶」飲品，跟「點點芝士芒果茶」飲品。相隔兩年多之後，我對於享用手調台式飲品的口味喜好，已經在不知不覺間有了變化，喜歡喝的飲品由「黑糖珍珠鮮奶」飲品，變成現在的「水蜜桃紅茶」。我隱約還記得兩年多之前的「點茶」價目表裡面，好像沒有製作和售賣「水蜜桃紅茶」飲品。現在的「點茶」價目表雖然沒有「水蜜桃紅茶」，但是卻有其他以「水蜜桃」為口味的手調台式飲品。現在的「點茶」手調台式飲品價目表裡面，主要有兩款以甜味「水蜜桃」作為主要材料跟味道的手調台式飲品，分別是「點點水蜜桃」以及「水蜜桃酸奶」。我詢問過現在「點茶」裡面的店員，發現原來現在「點茶」製造的「點點水蜜桃」飲品裡面，茶底主要還是來自於「綠茶」，不斷我購買和試飲後，發現「點點水蜜桃」飲品裡面的「水蜜桃」果肉，好像變成了碎屑形狀。或許正正就是因為如此，所以現在「點茶」裡面的人，才把「點茶」創作出來的「水蜜桃」綠茶飲品，飲品名稱變成了叫做「點點水蜜桃」。雖然「點茶」台式手調飲品「點點水蜜桃」裡面使用的茶

今日特登去呢間買杯奶茶飲職員都幾nice,不過呢杯一珍珠奶茶真心一般珍珠係幾有咬口，口感唔錯，不過茶味好淡其實講真，呢杯茶一攞上手已經覺得同平時飲開嘅奶茶相差好遠，奶茶個色澤真係淡到呢🌝希望可以改進下

係附近食完個飯就見到呢間台式飲品店，舖頭以簡約為主，望落幾寬敞明亮，就決定試下佢。呢間台式飲品店主打「黑糖珍奶」同「芝士鮮果茶」呢兩款台灣飲品，生果系列有芒果、士多啤梨、鳳梨、提子、西柚等，睇到我花多眼亂，就試試佢地既點點芝士鳳梨百香果$28撞岩就快收舖，所以等咗唔夠5分鐘就有得飲啦haha 。呢間小店仲好貼心咁整咗個打卡牆，可以幫你杯野飲影輯靚相開蓋一睇有厚厚既芝士係杯面，芝士份量比例合適，🧀🧀🧀🧀芝士控既我表示價錢貼地又足料每一啖都食到菠蘿果肉百香果既酸味同鳳梨既甜味都幾夾，加咗芝士之後口感更加豐富，好濃郁既芝士咸味，飲到最底仍然食到啲果肉，好足料！下次會試下其他味

係大街的一角見到呢間台式飲品店，剛好行街有d攰，同朋友叫咗點點草莓同香芋珍珠鮮奶。我杯點點草莓，係用茶底加冰塊打成沙冰，混入士多啤梨茸，都幾清甜，最緊要係消暑。如果想口味豐富d，可以加芝士。除咗士多啤梨，都仲有好多水果可以揀，總有一款啱心水。朋友的香芋珍珠鮮奶，佢話好飽肚。因為香芋泥好濃稠，珍珠的份量又幾多，起初都怕會好滯。不過兩者加上鮮奶攪勻後，整體配合得好好，每啖都有芋頭加奶香味，又有珍珠可以咬，唔會太甜太稀，非常好飲。

有次搭車經過見到呢間茶店，上網睇好壞意見參半，咁啱公司呢個星期壞冷氣，就決定試吓佢啦。買咗 2 杯點點鳳梨百香茶同秘書一人一杯，飲第一啖已經啜到菠蘿，啱晒我呢個菠蘿怪，正 😍😍 再飲有清清嘅茉莉茶香，秘書問我有無叫小甜我話無，佢話杯飲品甜味適中唔太多冰，好香好味道 🤭下次可以試吓其他飲品。

經過土瓜灣，見丁依間台式飲品裝修幾清新，就試下。黑糖珍珠鮮牛奶，黑糖珍珠炒得均勻，黑糖味唔會太甜，用牛奶唔係奶精，奶味香濃。面層加左oreo碎，飲落又唔係太feel到餅碎，下次可選擇唔加。有埋打卡牆，咁就唔怕影唔到靚相😝

小店驚喜本身抱住試伏心態 點知又幾好飲叫左最平嘅黑糖珍珠鮮奶黑糖甜度剛剛好 加上珍珠煮得夠煙韌真的很不錯 冰不會太多沖淡味道 先$21咋.雖然係小店 但都有花心思整左個打卡牆另外 都有唔少街坊支持架

下午我在土瓜灣，先花了大約港幣十八元左右，購買了「零分鐘」光速出餐，炸皮表層超級香脆，雞肉肉質嫩滑兼且有鹹甜兩種味道的「炸雞髀」小食之後，我再在附近地方，找到另一間飲品店。這間土瓜灣的飲品店名稱叫做「點茶」，「點茶」售賣的飲品，屬於近期大熱的台灣手調飲品，包括「黑糖珍珠鮮奶」以及「芝士奶蓋水果茶」這兩種大受食客歡迎，可以拿在街上享用的台灣飲品。由於「點茶」能夠在小小面積的店內，同時製作到「黑糖珍珠鮮奶」以及「芝士奶蓋水果茶」這兩款熱門台灣外賣自取手調飲品，兼且沒有大量食客同時排隊購買，令我購票過程變得十分輕鬆。「點茶」之所以在土瓜灣，但是店舖現場偏偏沒有食客為它們而排隊輪候，我覺得原因有幾個，包括土瓜灣不是熱門旅遊景點、台灣飲品熱潮稍為減退，還有「點茶」本身名氣沒有其他飲品店那麼大。這三個重要的原因，導致「點茶」雖然還有食客光顧購買飲品，但是未至於能夠形成大量食客，為了購買「點茶」的台灣手調飲品而不辭勞苦排隊，像尖沙咀「鹿X巷」那麼人氣鼎沸的台灣飲品店。我發現「點茶」餐牌價目表裡面的台灣飲品，款式也屬於多得叫我快要眼花繚亂，選購飲品之前需要不斷傷腦筋，快要患上「選擇困難症」的情景。不過

經過發現有新開的飲料店,而這間店有我最喜愛的芝士奶蓋飲品,所以就決定試一試吧,點了一杯芝士紅玉,略嫌飲料份量太小, 以往我買開的都是比較大的size,芝士味道有些淡和不太突出,芝士奶蓋份量比例都太小,紅玉是紅茶,但茶味不太濃,普普通通,整體感覺都是一般

最近台灣黑糖珍珠奶茶係大熱，周圍都有好多飲品店用黑糖珍珠做招徠！放工經過土瓜灣見到呢間新開的「點茶」亦都唔例外😌黑糖珍珠鮮奶茶似茶餐廳奶茶Feel，入口茶澀味比較重，欠缺鮮奶順滑嘅感覺；黑糖珍珠黑糖味比較淡，同時亦都欠缺珍珠應有的煙韌口感。

係屋企附近新開，於是試左芝味四季春，二十幾蚊只有500ml，偏貴，而且味道完全及不上正宗的奶蓋茶飲品，奶泡亦非常稀，茶味亦不足，完全唔係個回事。試完一次不會再飲。