點點心點心專門店 (Closed)

通常都係茶樓食點心但今次同友人大食女兩個人唔想兩條友入茶樓😂 於是去點心專門店 聽友人講先知原來依間都幾出名🤔排咗十分鐘就有得入啦張枱紙幾靚😂😂😂咁我地兩個人就叫咗三款點心廢事食唔哂🤪首先係流沙包 係熱辣辣同流心架!!!幾surprised因為even茶樓都可能未必整到真係流出黎嘅流心🐷之後basic燒賣皇 好味嘅正常發揮咁😂最後畫龍點睛嘅就係碟脆皮鮮蝦腸!!!係真係超好食即炸超脆超有口感蝦都好大隻依個combination真係the best!!!! 好似講到好誇張但真心好好味😭真係值得encore!!!

作為一個麻甩佬，當然要去飲茶la... 不過而家飲茶就唔需要去酒樓，去呢d 點心專門店就ok la！大大話話都食過幾間呢d唔同ge 點心專門店！不過呢間可能因為開晌沙田呢個旺商場！舖內坐位唔多，坐得有d逼！其實舖外有室外茶座，不過更氣咁熱，點會坐出去呢。 坐落見到個茶杯同碗有d黃，應該係因為用得太耐，又未去到唔乾淨ge！叫左個招牌“真係波羅包“、“金沙肥豬仔“同燒賣食！ 真係波羅包係的確幾特別，真係有d波羅肉食，平時點心就應該無呢d食。金沙肥豬仔（姐係流沙奶黃包）同燒賣就無咩咁特別la... 都係普通野la...

小妹是個點心控，喜歡周圍吃不同的點心。來到沙田，當然要到「點點心」啦！這間店子很出名。因為我怕人多，又想坐室內，所以晚上6點就來吃晚飯！幸好很快便入座了！小妹最愛選擇一些特色點心（其他地方沒有的），「真係菠蘿包」一定要點！熱辣辣的！內裡的餡有菠蘿，吃下去很滿足呢！餡偏向奶黃味，岩晒怕酸的朋友。小妹不怕酸，若菠蘿再酸甜一點就更好了！其他值得推介還有燒賣、春卷，裡面的蝦大大隻，很足料，也很好吃！這裡座位較迫，還要跟人家搭枱，論舒適度就不太好了。不過總括而言，點心有特色，而且熱辣辣的，也是會再來一試的餐廳！

晚餐無乜地方有得食點心，咁啱行開沙田就去左點點心。食飯時間等左10分鐘左右，等嘅時候最啱就揀定食乜啦~每張枱有一壺茶，每位$4茶錢最先上枱係叉燒腸，腸粉比較厚身，料都唔少。枱面有豉油，落幾多自己中意。蟹子燒賣正正常常，中間粒蝦肉唔會’淋’哂無味。流沙包好好食！中間真係會流出黎，味道唔會太甜，食嘅時候要小心流哂啲餡😂👍🏻👍🏻👍🏻珍珠雞細細隻，一人一隻份量啱啱好，味道偏濃，有肉有蛋黃。湯餃除左有主角，仲有竹笙，隻餃都有兩隻湯匙咁大。鮮竹卷有啲失望，雖然料多，有菇有菜，但係好咸，如果味道淡返啲就好。

這類點心專門店，位的確有點細窄，不過環境乾淨光鮮，而且侍應服務很快。無論上點心或執野或有要求時。而且這店在沙田最旺地方，也不能強求更多。首先當然是真波蘿包，這包真的有波蘿，本身已焗得皮脆加上甜甜的波蘿。消去了飽滯感，令接下來的點心可以盡情去吃咸水角，老實一般酒樓有部份已沒有，或者做得不好，多數凍凍地。呢間就又熱又好食。不會太咸。鳯爪有水準，同樣的不太咸，這很重要，而且大大隻蝦餃好味，好大隻蝦很飽滿，記得小心吃，不然內裡的汁會盪傷咀。珍珠雞，正正，不會一夾就散，米和料平衡很好。總結點心不會太咸，也可能人流多，非常新鮮熱騰騰。不過枱細，如果一次過叫太多很難放得晒，要小心。

因為時間太晏，茶樓已經冇得飲茶。所以帶父母去食點心店，諗住都有點心食。 滿懷希望去食點心，點知完全中伏。叫咗9個點心1個湯1杯嘢飲，唯一欣賞嘅就係個胡椒豬肚湯真係好有胡椒味。 一定要講嗰個黑松露小籠包同蝦餃，兩者雖然唔一樣， 但口感可以完全一樣散嘅，個外皮得過硬字。 蝦餃裏面仲無啦啦包一粒紅色既唔知乜嘢， 十分恐怖。之後店員好似趕住收工咁，只要食物一食完就即刻上前收碟，而且做得非常匆忙，好似趕我走咁。以後都唔會去食，感覺十分之差。

座位不多，但是持續滿座，基本都係搭枱坐的，嗌幾款經典款，因為是現點現蒸便品著茶等待著；因為人真的很多，大概要等個10分鐘左右，才會陸陸續續上菜； 「脆皮鮮蝦腸」「蝦餃」「有菠蘿的菠蘿飽」「鳳爪」「蟹子燒麥皇」「叉燒包」「南瓜蒸排骨」「醬皇蒸鳳爪」其實差點的口味大致和在廈門潮福城吃的差不多，可見內地的水平現在已經和粵港澳地區相當了，不過菠蘿包是這家的招牌，這裡的菠蘿包不像其他地方吃的包黃油，而是包著看看的菠蘿果肉，噴香無比，果醬的甜度適中，所以這是他們家可以驚艷的一個值得推薦的茶點

最初食過灣仔果一間點心質素真係出乎意料，今日咁啱經過沙田就試吓幾款唔同嘅點心✅雖然價錢偏貴但係質素尚可。上素鮮竹卷實在太過油膩除非你好鍾意食到成口都係油否則可以skip呢個所謂嘅素食點心❤️我最鍾意食就係佢嘅鮮蝦炸倆（must try ) but 整體都係貴咗啲始終呢一類點心鋪頭係mainly for Tourists so it’s expected.應該唔會再食第二次實在坐得太過逼夾人貼人。佢開響沙田都應該係為咗招呼遊客

今日好想食點心，近近地去左點點心。沙田果間第一次去，之前去開灣仔分店，味道ok.其實一個人又想用點心醫肚，呢類型食店係幾好。環境方面比較細，坐得唔舒服，雖然我是接受不太舒適，但不能接受佢地方不太衛生，地下好多垃圾。服務合格啦，街坊生意我無乜要求食物方面好失望。韓式酸蘿蔔味道偏重，食食下發覺唔乾淨，驚到唔想研究佢；蝦餃同灌湯餃～看圖不解釋🤢其實食平野有好多選擇既，我應該唔會再去下次啦。

叫一個飯，送2條菜心，幾好，哈哈！行街行到肚餓，就當然即刻找一間餐廳坐下，食一餐吧。我和舊同事去了吃點心，一間叫做點點心點心專門店的店吃了兩個飯，和一個蘿蔔糕，每道菜都會送兩條菜心，哈哈，感覺幾好，因為有菜心送。我們叫了一個章魚肉餅飯，章魚和肉的比例剛剛好，材料又充足，淋上這間點心店的特製豉油，甜甜鹹鹹的，幾好味，有點兒像蒸飯的味道。第二個飯，我們是叫了鳳爪排骨飯，鳳爪整得很入味，又軟又好味。排骨的肉質又鬆軟，不會硬。當然，同樣我們都有淋上特製豉油，當特製豉油淋上飯一起吃，我覺得就好像將整個飯升了另一個味道似的。坦白說，沒有淋特製豉油的話，我覺得這個飯會變得一般。所以我覺得特製豉油亦是這個飯的精髓，哈哈。香煎蘿蔔糕，切得厚厚的放到我面前。外邊微脆的，裡面有蘿蔔絲，幾好，因為我食得到有一條條的蘿蔔糕，所以幾滿意。整餐飯，其實我們沒有叫過什麼蔬菜類，幸好，原來這間點心店每個菜，都有送2條菜心，所以即使我們沒有下單叫蔬菜，都有菜心吃，哈哈，幾好，又可以吸收到菜心的纖維。

今日放工同男朋友去咗沙田食晚餐，行去連城廣場見到呢間點點心，咁啱有人走有個空位，於是就入去試吓。都算多嘢食揀，最後叫咗章魚餅飯，黑松露野菌腸粉，真係菠蘿包同埋菜苗餃。首先上菜嘅係章魚肉餅飯，個肉餅都OK，但係個飯有啲硬。個腸粉個皮有啲厚菠蘿包入面真係有菠蘿，呢樣值得叫，幾好食。個菜苗餃幾好食。不得不提，服務員嘅服務態度幾好。

今日我哋兩個人食咗四碟點心真係超飽啊！好滿足又抵食又好食嘅點心！不過環境就麻麻哋有啲迫，但係食物質素真係唔錯一定會再黎食！(我係夜晚嚟嘅，唔使排隊)金沙肥豬仔造型可愛，可以用筷子拮穿鼻孔位令啲流沙奶黃流出嚟😆都幾流心，個人來講好鍾意食奶黃包，所以我覺得奶黃味可以再重d，不過都幾好食，呢個價錢呢個質素已經係好好！脆皮炸鮮奶好耐冇食過炸鮮奶！外脆內軟，入面嘅鮮奶好滑身。而且仲係熱騰騰嘅，好食！不過留意番其實食落都幾膩，食一塊都飽飽地😂蟹籽燒賣王燒賣都幾大粒，都幾足料！味道就正正常常~ 呢間餐廳來講算有啲貴。脆皮鮮蝦腸一啖食落唔同層次有唔同嘅口感，先係腸粉皮好滑身之後食到脆脆地嘅皮入面包住啲蝦肉，啖啖蝦肉，正！總括一句，平靚正嘅點心！

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！每次係沙田做完gym都會經過呢間點點心，開頭係我老母帶我黎，前前後後都幫襯左十幾廿次，d出品其實係ok嘅，有時會好過酒樓，但水準就飄忽d，今餐係唔好食之餘仲好唔好彩加左料！茶錢$6位，點心廿幾到三十，要食得飽人均$60左右，比較多內地人同遊客食。飯係最穩陣細個食菠蘿包以為真係有菠蘿，原來只不過個樣似菠蘿，實際係無嘅。而呢到嘅真。菠蘿包就真係放番菠蘿果肉入去，味道一般，而且唔似添好運咁即叫即焗！呢個燒汁茄字可以話係招牌點心！紮實圓渾嘅茄子，頂部釀左蝦膠，燒汁香濃甜甜地，即叫即製好好食！但係今次唔知點解勁多油！最後就係加料！正當我摷開個滑雞飯，食左幾啖，竟然俾我發現呢個外來物，卷狀似麻繩，細心睇發現係鐵線，真係好痴線，可能見我唔夠鐵質掛，個侍應連忙講唔好意思

點點心既點心真系幾出色，鳳爪燒賣已經算普通，叉燒腸真系好特別，唔系d叉燒，系d腸粉，好冧好滑啊。仲有燒汁虎皮尖椒真真真系正，小小辣，d燒汁就有d d甜，必食啊。飯個方面，我就覺得無乜特別辣。

沙田探朋友仔順便等佢放飯，一入到去唔使等位，個侍應就安排左張四人枱比我地座，店面的格局與其他點心店一樣都是有咁迫得咁迫，環境扣哂分，坐低想飲杯茶，不過見到杯茶面有勁多油，洗完也一樣，所以放棄了不喝東西，食物質素正常，可是服務比較差，衛生環境比較差蜜汁叉燒腸$24腸粉皮厚薄適中，叉燒味入味燒汁釀茄子$23茄子朋友推薦，茄子比較有驚喜，茄子釀肉，軟軟的茄子吸收了肉的鮮味甜味，加上茄子本身的細膩口感，很香荷香糯米飯$30竹籠裝著的蒸荷葉飯，一片薄薄荷葉墊在籠底，飯味香不是很濃賽螃蟹翡翠菜苗餃$26吃的時候汁液會流出來，菜苗吃得出夠新鮮，菜苗很多，薄薄的外皮透出內裡的餡料，賣相和味道也不俗