鼎楓會館

Open Now

Now Closed

請友人lunch，方便近公司，雅緻環境，鼎爺信譽，無失望。餐前小食-番石榴，灑少少准鹽，好少酒樓飯店有，上次在尖沙咀阿一海景有供應，清爽又清甜。蝦滑煎釀虎皮椒$68，4條此價-值，樣子事正，又不太燶，不太油，蝦滑彈牙，味good，色香味全，但老人家的我，還是喜歡陳皮香蔥鲮魚肉，再加火腿蓉，口感層次多些。椒鹽九肚魚$88，惹味，薄薄粉香，蒜香，攻陷味蕾後，魚肉軟滑色白， 氹得我心頭開心。雞絲炸春卷$42，皮脆，一口落落聲玻璃碎，聲音清脆，正XO醬炒腸粉$49，小石煱上，熱熱辣辣，腸粉軟滑爽彈，味不咸也不辣不油腻，XO醬少，瑶柱自然少，對我來說健康。芝麻卷，有微粒感，生磨？不是溝粉，清甜，爽。

嚟依度食過唔止一次，起碼有5次！每次都維持到水準，所以要上嚟讚吓！環境坐得舒服，服務非常好食物方面食材新鮮由其椒鹽九肚魚，我去到邊都會叫，唔係間間煮得好食！唔係粉多就無味！依度做到我想要嘅！好食！（無相）另外夏天仲有冬瓜盅，不過係限量連我個腌尖爸爸都話正！乳鴿必食海鮮類可訂位時預訂，煮法亦可商議菜類亦做得10分惹味甜品 黑糖糕 值得一試！不會太甜，甜度剛剛好！所有菜式都係熱辣辣上枱！仲有連洗手間我都要讚吓！乾淨！乾爽！無臭味！

今天在灣仔辦證件，想找飲茶地方、在open rice 找到就近的一間、地方雅致、環境清靜！而且點心很有水準！服務也不錯👍特別推介他們的胡椒爽肚和蝦膠釀青椒！想不到爽肚和青椒一樣爽脆！上湯鮮竹卷、流沙奶黃包、帶子餃同樣令人回味👍這裏本身是主打經典粵菜、所以如果想吃海鮮和鮑參翅肚這些貴價食材，這𥚃也有供應。本人十分推介！

今晚帶家人來試下這間酒家的經典粵菜，特別是這道「倒瀉螺蟹」！無得彈！酒家新裝修，今　日雖然只係星期四，但都坐無虛席，大家想食真係要早點訂枱。下次仲會再來！仲有好多菜式未試。

今日試新嘢，有驚喜！環境唔錯，夠光猛同新淨，招呼都好好。食物好有水準，而且份量都好足。我地order 咗幾樣，乳鴿，雞煲翅，鮑魚爆牛肚菌，荷葉雞飯，前菜2款。因為得3條友，但都已經食到好飽。推薦可以試下個雞煲翅，絕對不能錯過，足料，雞湯濃，最重要係甘既價錢自己都做唔到。乳鴿juice,鮑魚牛肚菌好惹味，不過要趁熱食，雞蒸得好滑。甜品方面，杏仁茶好濃，又唔太甜，好想再飲多碗，但係個肚已經無空間，唯有留下次 大滿足呀！