Domon 居酒屋 (淘大商場3期) (Closed)

最近好掛念日本既景色同食物，有一日好想食日本野，於是同三位朋友係九龍灣搵到依間餐廳試試，有提供lunch set，學生仲有折，可惜我地唔係學生。我地叫左三款拉麵及一個定食，拉麵仲有配小食，分別叫左薯餅、雞同吉烈蝦。1. 土門叉燒拉麵叉燒拉麵有兩大塊肉，麵質唔會太淋硬。2. 味噌黑豚拉麵濃烈既味噌湯底，黑豚肉既份量偏多，味道不錯。3. 山椒豚軟骨拉麵比想像中既仲要辣，不過香氣撲鼻，中意食辣同拉麵既一定要叫。4. 濃厚醬燒牛肉定食除左飯同牛肉，仲配上中華沙律及味噌湯，好抵食。

冇得去日本唯有去食日本野過下口癮啦! 食日本菜最享受除左食物外, 擺盤賣相都好重要! 唔知點解對定食情有獨鍾, 有前菜、麵鼓湯、沙律、主菜，如果有埋具有特色既甜品更佳!淘大有好多唔同種類既餐廳, 今次選既係日本菜! 日本花魚燒定食: 唔多唔少選依個定食原因係因為比張圖片吸引, 所以對佢都幾有期望, 送餐都幾快到, 一黎到見到條魚煎到金黃色仲好香! 而且食落去好香脆, 唔會太油。另外麵鼓湯唔會偏鹹, 入面既料都好足充。成個定食食到最後時覺得如果有埋甜品就更好了!

難得遇上日式食肆下午茶時間，下午茶餐$35-$38拎票等一等我的票號是73，剛啱叫到68，應該好快等等下，侍應A叫75，望一望係一家3口，無為意下諗住未有細檯吧⋯等等下突然諗⋯⋯依家疫情限聚令只限二人，其中一位也要分檯坐，咁無離由快過前面尐飛喎咁啱我前面有兩個人推門問，點解71都未叫就再跳去76 ？我又跟埋問一下⋯再望一望留位記錄，咦，71-74都刪咗嘅？但一直都無叫喎！但另一位侍應B仲話係刪咗㗎⋯%#*{%{*£•¥之後侍應A先話補番下張比番你地71號票最後都係放棄，比番張飛食肆；同時73終於入得！在店外等期間已經有充足時間諗完又諗食乜，所以一坐底已經9秒9等侍應幫我落單但等食期間，多過二人嘅食客雖然分檯坐，但最大問題係佢地雖然分檯坐，仲係隔咗一條走廊，隔檯坐但成日無戴口罩隔空傾計，如果咁需要傾計咁難捨難離，不如買外賣返屋企食啦？！食一兩啖又擰轉面去傾計或問東問西⋯⋯⋯全程45-90度打側坐監控二人一桌果邊對於食慣咖啡哩飲嘅人嚟講，依個餐嘅咖哩汁係唔夠撈飲，今餐已經係要慳住食，已經唔敢每粒飯都有咖哩汁整體不過不失，只係無魔法會令人下次想再嚟食

夏日炎炎，最啱係食冷麵。因為趕時間，原本想食果間餐廳排長龍，於是望吓附近有咩好食。呢間餐廳食日本菜，唔駛等位就入得去。 望落去好似好大份，其實餸菜唔多，平日唔算大胃王嘅我，食食下真心食得晒成碟。味道就同普通冷麵差唔多，芝麻醬份量夠撈成碟冷麵，啱啱好。不過配料同朋友個炒麵差唔多😂😂😂 上菜同入座都幾快。如果想快食，又唔係大型連鎖餐廳掛話，呢間應該okay!!! 雖然呢間都有幾間分店嘅。 人均消費：$7-80起

今日下午諗住睇戲之前搵個地方食嘢，跟住就搵到呢一間居酒屋，因為平時夜晚都想食呢間，但係因為價錢比較貴所以冇食到我好難得下午茶遇到，當然要去試一下，可惜一入到去佢話已經冇晒牛，都傷心左一陣，最後叫咗個叉燒拉麵，仲有個BBQ豚肉定食，仲有巨風提子蘆薈梳打，仲有芋圓餅，煎壕，其實整體所有食品都不過不失，呢個價錢係抵既👍🏻👍🏻👍🏻

去九龍灣行街，行到夜晚有d肚餓就直接係附近搵野食。行過見到呢間居酒屋好似幾好氣氛，個裝修都睇落幾好，覺得會正宗就入左去食。我自己點左個黑蒜油豚軟骨拉麵同和風牛油焗粟米。等左大約十分鐘就上菜。個拉麵聞落好香蒜味，睇落賣相都唔錯，起碼覺得都多料。點知一食，完全冇蒜味。個湯感覺只係普通嘅豬骨湯底，甚至都唔係特別好味嘅豬骨湯底不過個豬軟骨都ok，都夠冧，所以不過不失啦。平平無奇黑蒜油豚軟骨拉麵反而個和風牛油焗粟米唔錯，夠牛油香得黎又食到粟米嘅香甜。同時又唔會話好油，作為小食可以一試有驚喜香甜和風牛油焗粟米不過呢間都應該冇下次，九龍灣本身都多野食，唔洗一定要食呢間

某日和女友到九展後 在淘大花園附近找地方吃晚飯. 女經理在門外看到我們參看餐牌時 向我們招徠並介紹食物 很有禮貌 於是我們猶疑之際 過了5分鐘後便入去坐低. 首先 要柯打的是日本Kirin啤酒 買一送一 我們也喜歡喝啤酒 配合疲累的身體 這個是很好的moment 頓時間可以把所有事放鬆下來 感覺十分之好!😎我們分別點了泡菜年糕炒豚肉和極上牛肉壽喜燒. 前者年糕有咬口 泡菜汁頗開胃 配合一碗白飯吃 感覺很正.😋 而後者的湯是甜甜的 牛肉我較喜歡半生熟吃 入口亦有牛味 以這價錢來說 簡直是性價比高 我很滿意.👍 當晚我坐在時也聽到 其他餐廳也不忙減價打折 坦白說 今時今日因疫情問題令市民也很少出外消費 這是為免受感染和減少只出外食野而浪費一個口罩 所以我覺得有禮貌和以客為先的服務水準是必需的 而這餐廳也做到這一點.👍👍👍 有時候酒店亦未必有這個水平 (小弟從事酒店餐飲)總括來說 我們揀對了食物 所以對這餐廳印象是很好. 但是要鄰近對手的客也搶過來 務必增加食物的選擇 例如不同的啤酒配串燒或者有蛋包飯 不同甜咖哩炸豬扒等食物 這會令客人提升新鮮感再返來幫襯.✔

晨早經過淘大花園 ， 又唔想去大集團 大xx之類的 茶餐廳。 啱啱行過 見到一間日式餐廳價錢同大集團差唔多， 所以就去試下又唔使加一。叫佢一個雞扒餐份量超級多， 普通一個成年男人都應該會食到好飽， 雞扒煎到啱啱好有少少焦， 太陽蛋都幾嫩滑不過如果有脆邊我就更加鍾意， 唯一要彈嘅就係嗰個 多士， 因為硬身，而且佢預先幫我查咗牛油，變咗我冇得揀落幾多。。不過整體嚟講都係優點好過缺點不過現場客流量偏少似 ，乎喺宣傳方面要下多啲功夫， 咁先唔會浪費咗呢間好餐廳。

九龍灣食店，很多地方都無位，所以就來了這間札幌居酒屋，果然有意外驚喜北海道花語一夜干定食$88，魚味濃郁，不會過熟極上牛肉壽喜燒定食$88，一流，牛肉滑流，送飯食一流黑豚肉炒秋葵，黑豚肉超爽口，味道濃厚，加上秋葵有益78-hkd 極上火炙鰻魚卷，鰻魚熱辣辣，加上暖的壽司，口感和味，鰻魚一流98-hkd

叫了鰻魚飯定食、豚肉炒秋葵定食。個鰻魚算係我食過最難食的一次，超咸。面豉湯又超咸。本人算好食得重口味，但都頂唔住。但環境算OK既。這個價錢算普普通通。但真係要減減鹽。

辛勞工作一整天，放工後最適合到居酒屋喝一杯放鬆一下，這次就選了間不但地點方便、裝潢又簡潔明亮的居酒屋。步進店，我們就點了啤酒和下酒菜，值得推薦的是醬油川海老，每只蝦都炸得酥脆可口，而且當店員將它端出來之際還有撲鼻的香氣，配著啤酒吃真的令人欲罷不能。聊天止不了肚餓，所以我們把想吃的都叫了，黑松露牛拖羅卷、串燒盛、醬燒黑豚丼、牛小排壽喜燒，點餐時心中還盤算著吃完主食後要再點甜品。殊不知每樣的份量都那麼多，甜品只好留待下次，這晚就先好好享受主食吧。每一道主食都很有水準，尤其是黑松露牛拖羅卷，反卷壽司上鋪了片燒得剛好的薄燒牛肉，上面再毫不吝嗇地放了大量黑松露醬，這個絕對是這餐晚飯的亮點！另外牛小排壽喜燒和醬燒黑豚丼亦很出色，餐牌上寫明這是用安格斯牛和西班牙黑毛豬呢，只看其食材用料都可以想像到有多美味了！😛

去完德福睇戲，決定醫埋個肚仔先番屋企🤩牛油果沙律好新鮮啊～牛油果好香好好食！加埋蟹籽好有口感！食完簡直係胃口大開啊黑松露牛拖羅卷 正到呢！大大碟！牛拖羅好厚身又大塊 黑松露又多又好香 超滿足！土門串燒盛每款都有一串，有成5款咖！串燒燒得幾靚，又香口😍極上牛小排壽喜鍋牛小排勁香牛味 仲有有雪花！脂肪分佈得幾靚！配料都幾多下，有娃娃菜、粟米仔、冬菇、金菇同豆腐😍仲有生蛋俾你自己落！加左$20 轉set，有白飯、味噌湯同前菜^^Sapporo 生啤幾易入口，好香小麥味！Somersby Cider 配士多啤梨咁樣飲係第一次！幾夾wor！仲好岩打卡😃

諗住搵個地方同好友食下野傾下偈，去朋友介紹淘大商場嘅呢間居酒屋。入到去畀左最盡嘅卡位我地，我地正想揀個冇乜人嘅位盡情傾！呢間居酒屋嘅野食有好多選擇，另外仲有唔同嘅日本酒揀。我地點左somersby apple cider配草莓($58)，好大杯，草莓酸酸地配apple cider正！本身呢支酒其實好細支，但因為加左冰所以飲極都飲唔完咁，但又唔會溝到太淡味。黑松露牛拖羅卷（$98）有六大件，每件都有大大塊牛肉喺面，黑松露味唔濃厚，但牛味唔錯。醬油川海老（$58）呢個最好食，好適合送酒。細細粒嘅蝦乾配上咸香嘅調味，好惹味。土門串燒盛（$98）串燒拼盤有牛舌、冬菇、雞軟骨、雞翼同秋葵，牛舌最香，送酒都唔錯！石鍋芝士咖喱豬軟骨定食（$78）呢個係另一個推薦，豬軟骨煮得好淋，雖然芝士味唔係超濃郁，但都令個飯冇咁漏，等耐啲先剷個底嘅話會有少少飯焦，更香口。極上牛小排壽喜鍋（$128）呢個就冇乜特別，我地都係為左食多少少蔬菜。埋單連加一每人三百多少少，食左好耐都冇人趕我地走，又多一個傾偈好地方！

同朋友喺淘大行行吓街，到夜晚好肚餓，忽然見到依間居酒屋裝修好靚，餐牌有好多種類，於是入嚟醫肚，第一次嚟食，唔理食都唔知原來九龍灣有啲咁正咁好食嘅隱世美食🤯一入到黎裝修已經好似去咗日本咁，用木嘅裝修為主，Style好簡約清雅，服務員哥哥仲要全程都好有笑容，好有禮貌，全程用膳感覺非常好🥳食物方便包羅萬有，我同朋友兩個食完飽到爆炸😂⭐️somersby ciber / 蘆薈楊甘果茶Somersby蘋果醋超好味，大大杯原枝上，仲加埋大大粒嘅士多啤梨，酸酸甜甜好開胃，而且酒精濃度好低，當果汁飲正！蘆薈果茶好Fresh，裏邊材料都好豐富，有士多啤梨、蘆薈粒...解渴開胃🥰⭐️黑松露牛拖羅卷呢個絕對係必食！牛好林，而且勁香牛味，仲要配上我最愛嘅黑松露，一擺落口好味道勁夾，簡直係人間美食OMGGGG😍⭐️黑松露燻蛋同我日本食嘅味道一樣，蛋好滑好香，仲要配埋黑松露食，健康又美味⭐️主食：極上牛小排壽喜鍋/ 極上牛拖羅拉麵壽喜鍋材料勁豐富，有娃娃菜、金菇、蘿蔔、草菇、仲有勁多勁多肥牛！牛味勁濃勁香jeng！而拉面都好值得食，落左花椒八角，小小麻辣好過癮⭐️原條蒲燒鰻魚鰻魚勁大隻！配住燒汁食勁好食😛😍

九龍灣開咗咁正野竟然冇人知🤫7點頭去仲未洗等位，星期三7點半左右已經要等飛了前菜: 醬油川海老本身以為🦐會大少少原來係細蝦毛，成個炸到卜卜脆，可以成個食，但我都係咬淨蝦身，份量都幾多，唯一一個食唔曬原條蒲燒鰻魚🐟挺厚身又大條👍🏼黑松露牛拖羅卷採用安格斯牛，色澤同口感都很豐富，黑松露配搭在牛上面，加少少creamy 汁👍🏼👍🏼個人必食推介🥰極上牛拖羅拉麵🍜佢啲牛性價比真係好高🐂要試👍🏼不過就有少少🌶但🌶得嚟令你愈食愈上癮😆加上肉碎，整個十分惹味，麵質適中最後係極上牛小排壽喜鍋，又係🐂🐂，可以見到好少嘅脂肪☺️，雞蛋🥚上可加落去or分開食，鍋中還有娃娃菜、豆腐、金菇、香菇等等，整體湯已經夠味😁Sapporo 生啤，個人覺得唔算太苦，容易入口Somersby 配日本🇯🇵士多啤梨🍓🥰