丼造

Open Now

Now Closed

上環食Lunch，見到外賣app有幾個餐平。平日成七十幾蚊嘅餐，外賣自取五十幾蚊就有。好掛住三鰻完蛋飯，喺上環唯有食住蒲燒鰻魚丼先。間店原來好細間，店員都幾有禮貌，一去到就拎到外賣。估唔到仲有沙律前菜同麵豉湯送。個飯好正，鰻魚算大塊，汁夠多，蛋好甜，都幾抵。沙律前菜同麵豉湯就正正常常。如果有優惠我會再試。

防疫抗疫二月份要WFH、減少飯聚、勤洗手。來到集結號全面復工大前夕，決定來個一人前獨家邨！搭正12點來到丼造，環境光猛簡潔，姨姨和師傅熱情款待，很homey。我點了自選魚生丼，壽司飯 x 火灸池魚 x 三文魚腩 x 海膽 x 半肥拖羅，還有甘草大配角：鮮魚湯！魚湯鮮魚美味，湯面成了薄膜蓋著熱呼呼的濃湯，泛起油甘香，喝起來卻鮮甜不肥膩，好像婆婆在家親自熬的魚湯 😋 魚生丼送到，surprise! 早到叫鳥兒有炸蝦吃，頭幾位顧客有免費炸蝦。同場加映丼造甜蛋♥️一人前、大滿足，genki 回復了 💪🏻 大家繼續一齊努力，俾d爭扎 🙌🏻

I live and work close by, always great services, fantastic people running the little restaurant. Sushi is fresh and good for value, quite affordable. Definitely ask for their red vinegar rice. 

今日要去上環做野，做完野就同個同事食lunch，同事就介紹去呢間叫丼造既小店，話專做刺身丼飯，仲大讚啲刺身好新鮮，於是就去試下。去到見到原來除左刺身丼飯之外，仲有和食丼，串燒燒物炸物等等，估唔到小店地方細細都可以有咁多款式。因為天氣有點涼，所以我最後決定了咖喱雞飯，等左大約15分鐘個飯就出黎啦，香噴噴的咖喱香燒雞香噗鼻而黎，店員仲解釋話即叫即燒，所以熱辣辣，個雞皮仲非常脆添，跟住我即刻試食啦，真係無講錯，雞皮脆，肉質嫩滑有汁，個咖喱汁蔬菜味濃，飯量同雞扒份量都好多，食完非常滿足飽肚。下一次一定會再來，食得很愉快。

首先,我必須強調,店員服務係我見過數一數二好,喺一間面積唔大既餐廳內,多次問我需唔需要添茶,大家要明白,客人留喺餐廳時間越耐,餐廳就會做少一單生意,所以餐廳呢個咁親切既服務真係令我好窩心!!!但係今次亦應該係我外出用膳以黎數一數二食得最嬲既一次, 原來一個人嬲唔係當場發火,而係好靜,內心有d無力感...我叫咗一客88蚊既咖哩燒雞丼, 我諗叫得呢款飯既人都係覺得,伏味應該唔大啦...等咗15分鐘,店員攞出既食物令我重新認識中文字:煎炒煮炸炆燒....我面前呢碟應該係"咖哩水煎皮蒸雞飯", 我即刻攞番份menu幅圖望望,店員都好主動問我:係咪有d咩問題呀先生...我:errr...唔好意思,請問有無黎錯餐店員:無錯呀,咖哩燒雞丼麻...我:umm...燒雞....店員:係呀...咪燒lo我: menu幅圖既燒雞皮明明係紅紅地色架喎(細細聲講...) 圖片僅供參考...唉...算啦算啦大家就當我要求高,我諗我期望既燒雞係皮脆脆地,肉表皮本身乾乾地但咬落去係有肉汁bit出黎, 但我見到既係表皮係有比鐵支煎到少少燶,但表皮仍然好淋, 雞肉濕到似蒸...更令人驚訝既係,咖哩汁稀既程度根本同水無

從未試過吃如此失望的食店！這也是我第一次在openrice寫食評，没想到令我抽時間寫食評的居然是個劣評，可想而之這食店實在是多難以忍受的…差！我吃的是88元的咖喱燒雞飯，店員拿過來的時候我真的是呆了…這是燒雞？？？大家有見過白色表皮的燒雞嗎？ 還有這到底是什麼咖喱汁？？這應該叫咖喱水吧……很稀…而且飯很少，完全不值這個價。你説這如果是像某某快餐店40幾元的日式咖喱飯我就算了…你這裡收88元，没湯没飲品都算了，質素也實在是太令人失望了！説實話真的連某某快餐店的咖喱煎雞飯都不如。其他的丼飯我不知道，但我只知道我真的對這家店非常失望，也不會再去了。非常非常與圖片不符，慎選！

同朋友少有出上環，搜尋到呢間食日本野既餐廳，便去嘗試丼造。日本野食得多，如此優質又便宜扺食實在小有。食開日本料理，刺身食太多就想吃一些熱食，沒想到熱食也有驚喜串燒很棒！而且老闆親切的態度，讓人有家的感覺，一進門先有碗熱雕魚湯，暖心，要求七味粉(本人食串燒偏好七味粉，其實唔落都好夠味)老闆更用碗倒小許比我，再比一罐我，怕我不夠可以再加，小碗就更容易沾上串燒上，細心到。。。之後叫左好多刺身食，三文魚勁厚身，元貝清甜，甜蝦赤蝦夠大夠鮮，最驚喜是一板海膽，鮮甜配紫菜味道更出，價格便宜卻有如此質素，實在吃得太爽！還有我看每個客人進店都必叫的牛肉飯，就叫一碗嘗嘗，味道好日本，好好吃，好吃到不知道如何形容了❤️絕對介紹比朋友👍🏻👍🏻👍🏻

嗰晚約左朋友去西環釣魚🎣,放左工就諗住快手快腳食d嘢就開工,我地都係求其行過見到,就揀左lee間𥚃面可以堂食嘅,不過座位唔夠,目測有6個位,相信多做中午飯外賣生意餐牌都好多選擇,唔單止有刺身丼飯,熟食嘅丼飯都有我地三條友嗌左個刺身拼盤($228)share,d新都幾肥美🤤我嗌左蔥呑拿魚腩🐟海膽飯($198),有成板海膽,價錢都算合理朋友嗌左蔥呑拿魚腩🐟,同我嗰個差唔多,係冇左海膽($148)男朋友嗌牛油果燒三文魚帶子丼,個樣都幾靚,佢話好飯😋lee間嘢細細間,但幾有誠意👍

呢間丼造食過幾次，真心推介的一間小店，雖然它的位置不大，只得幾個位可坐，但食物質素很好，唔會太嘈，如果趕時間可以外賣自取，職員態度有禮有笑容，店鋪會播放著音樂，很relax, 令人會想再去幫襯既感覺。平日中午的確要等位，大約5-10分鐘，還可以接受。今天我叫了「牛油果三文魚帶子飯」，配麵豉湯及沙律。雖然價錢少許貴，但在上環旺區位置，也能接受。刺身新鮮的，三文魚帶子也啖啖肉，配上牛油果，成個感覺好健康，好清新，一點也不油膩，會繼續幫襯的☺️

同老公兩個人又四出搵食了。老公今晚想食剌食，我就醒起上環有間速食店，成日路過都見到有人買丼返 office 食，連鬼佬都去幫襯。今晚就試下佢先。老公要左吞拿魚蓉丼。係新鮮嘅。另外，我就叫左個牛油果海膽醬丼，因為一聽海膽醬仲有幾多的牛油果🥑覺得好特別，所以試下先。又真係無失望，蝦夠新鮮啲肉就會爽，牛油果好軟滑。最特別係海膽醬，店員解釋係用新鮮的海膽做，再舖魚子係面。欣賞呢間小店對食物有心思，會構思呢類型的特別魚生丼，唔似其他魚生店一式一樣。另外，值得一讚係個女店員好有禮貌，平時店員通常都係向埋單果位（即我老公）講多謝，但呢個女店員竟然特意向我道謝。有禮貌。

上環禧利街新開了一家日式小店，專食丼飯和壽司，店內主要提供外賣服務，也有少量座位堂食。由於即叫即製，落單後也等了5-10分鐘。主角拖羅蓉粒粒魚生丼 登場，白飯醋味恰到好處，黏糯適宜。魚生和海膽不算特別新鮮，中等水平。雖然有不同的角切魚生粒， 但並不是佈滿整個丼，第一眼看有點小失望。如果蟹子能鋪滿整個飯面，相信整個賣相會更佳。丼飯附送沙律和麵豉湯。麵豉湯除了昆布，就沒有添加其他配料，是一碗普通的麵豉湯。論食物，我覺得是一般水準，不過論服務態度就很值得給一個「笑臉」好評。由收銀、廚師，到侍應姐姐，全部都好好笑容，有禮貌又會同客人講好多句「唔該、多謝晒、拜拜」，整個用餐氣氛舒服。正所謂，心態決定境界，做飲食都要有熱誠，希望能保持下去！加油！

地方乾淨😍😍之前經過門口已經俾佢地裝修吸引住😙😙😙今日終於同老公去試👍👍👍食材好新鮮🤩🤩🤩即叫即整🥰🥰顧住食、相都冇影🤣🤣佢地丼同相係一樣架💥💥我地食$198丼造特選丼👍👍👍好抵食✨✨✨仲有可以散叫壽司、串燒😋服務一流😉夠nice

禧利街新开小店，晚上八点经过看见很多老外在点外卖，即管入去试下，试了魚生饭，觉得用料新鲜，足料，楼面年青人态度和蔼，再叫了二个串烧，好好味，这小店值得大家试下。