丼造

Open Now

Now Closed

🍽丼造 (上環)📍上環禧利街27號富輝商業中心地下D號舖.🍣壽司盛（23件） $369嗱，睇住師傅逐件整，即叫即整，又係幾新鮮嘅，每件都好肥美。不過呢個價錢就真係少貴啦我覺得。好就好在乜嘢都有，而且即整嚟講15分鐘就有都算快手，行個圈就拎得，店員仲好nice🤤 呢條街嚟講佢都算受歡迎，我地買完出嚟已經幾張單等緊～.不過值得一提嘅係，最近附近開咗兩間Regal Hotel，之前同Fd 去Staycation 就係去咗禧利街買嘢翻去食～ 都幾多選擇～.#利利仁飲食雜誌港島區 #魚生飯 #sushi #sushilover #sushirestaurant #sushihk #hksushi #hkjapanesefood #japanesefood #日式料理 #日本美食 #香港壽司 #尖沙咀美食 #壽司 #おすし #丼飯 #丼弁当 #丼 #Hongkonger #hkfoodie #foodie #foodiehk #852food #hkfood #HongKongfoodie #Hongkongfood #相機先食

其實我好少寫食評。但依間魚生飯真係抵食，店員服務態度又好，所以值得一讚。魚生新鮮，揀咗粒粒魚生飯餐。有肥美三文魚腩、唔腥嘅大海膽、竟然仲有吞拿魚腩、赤身、咬落去卜卜脆的三文魚子、大量飛魚子。一定會再試！

生牛肉他他(大) $𝟷𝟸𝟾 之前以為他他係生牛肉剁碎成一碟菜，原來博切牛肉都係叫他他 啲牛肉他他好好食🥰 配埋個自加製嘅汁 冇得頂🤤 拖羅蓉海膽丼 $𝟸𝟶𝟾 係成板海膽呀😍 啲海膽仲要好鮮甜 一啲都唔腥 加埋啲拖羅蓉一齊食 好好味 𝙳𝚊𝚒𝚕𝚢 𝚂𝚙𝚎𝚌𝚒𝚊𝚕 𝚁𝚒𝚌𝚎 $𝟸𝟿𝟾 半板海膽 原隻赤貝 𝟸片中拖羅 牡丹蝦 𝟸片油甘魚 全部都好新鮮😍😍 中拖羅入口即溶 好正 性價比超高🤩

個個都話上環好多野食，的確有好多，但都吾知邊啲好食，係open rice 見到呢間comment 都幾好，同埋佢每個丼飯既賣相都非常吸引，每個丼飯既料又多款式又多。經open rice落單，去到即刻拎，又唔洗等，幾方便。點左一個牛油果燒三文魚帶子丼，100蚊左右，性價比算高。牛油果🥑足足有成半個，而且係岩岩熟，所以好好食，而三文魚有四片，燒過好食過生食，帶子成6個，有少少燒過，怕食生野既朋友仔其實都可以食。

通常看到menu上唯美的食物圖，內心都會打個折。.今午同事帶路去了間小店，實物根本比餐牌上的更澎湃... 魚生山丘堆起來，份量比飯更多🐟 .魚生十分新鮮，有吞拿魚蓉，三文魚子，海膽，蟹子，還有當季的生魚片，用豐富兩字形容絕對不會過分。.圖中所見所得(影漏了味噌湯😥)，跟餐有沙律，螺肉，味噌湯，都只是$118，店員好Nice，服務好好，但無加一，吃完還要摸着胃腩回公司。.

話說係上環番左咁耐工， 都冇食過呢間， 主要係見到個價錢比較貴就無考慮啦。今日做野比較夜又肚餓，朋友話食過丼造好好食，極力推薦今晚外賣食～由於天氣都凍，所以想食暖野😂就叫左D05 牛油果火炙帶子三文魚Omg!!! 真係好足料～～個飯既份量同厚度岩岩好，唔係壓到死實勁厚果啲👍🏻👍🏻👍🏻然後火炙帶子、三文魚拿挰得好好，仲暖既，同埋油脂一流～好好食👍🏻👍🏻👍🏻牛油果都好creamy👍🏻👍🏻👍🏻今餐非常驚喜！ 雖然價錢唔算平，但佢既食物質素配得起，會再encore🥳

麻雀雖小但是食物的款式選擇豐富：刺身、卷物、丼飯、燒物等等。位置不多，比較適合外賣。值得一讚的是店員十分親切有禮，用餐起來更加愉快。蛋汁吉列豬扒丼 ($78)• 蛋香味甚濃，但没有令人反感的蛋腥味，蛋汁處於半固體狀舖在口感煙韌的珍珠米上。• 吉列豬扒厚薄適中，肉質偏向紥實有咬口，外層炸得香脆，没有油膩感，上面淋上了燒汁和紫菜片，令味道更有層次。• 份量相當充足，作為午餐是個好選擇。燒五花腩 ($26)• 點選了幾款串燒，最值得推薦的是這款招牌燒物。• 肉質肥瘦均勻充滿肉香而且醬汁入味，燒的程度亦恰到好處，外層帶點焦香。

本來昨天想試，但時間就唔到。見到有咁多嘗試抹黑小店的留言，實在為店主感到不公，所以一定要留一留言，分享一下體驗。已幫襯小店多於一年，每個月總有2-3次，小店上上下下的員工亦十分有禮親切，定期有特別推介，如鮮鯛魚湯，特別入貨的刺身等，小店有很多定期的熟客，店員很細心地會記得客人的喜好。還記得有一次很想吃甜食，雖然餐牌沒有，店主把佢私人的甜蕃薯特意燒比我哋試。😋🍠此店的價格不是同區最平，但食材新鮮，刺身飯夠足料，每樣可試D; 份量適中，大食的話可加小食，最重要的是員工和店主服務好，夠親切，一定會再食，現先上載上2次食同樣款式的照片。🍣🍤

店鋪不大但不焗促， 點了個2人餐， 份量拿捏準確，一餐內可品嚐到牛肉、生蠔、刺身， 感覺滿足。刺身入口感覺新鮮， 而且擺盤賣相不錯， 上菜時有驚喜。服務態度亦為店加分， 會主動添茶、添飯。 在疫情下， 都感受到店員和師傅口罩後的笑容。

之前成日經過呢到 今日經過就入左黎 坐底點左個D02 海鮮丼套餐 轉左飯底 $133 埋單！ 前菜有沙律 跟 麵鼓湯 正正常常甘！ 之後海鮮丼送到我面前 我望左下 成個人都呆左 極之失望 我人生中未見過甘垃圾 唔新鮮 食材就變既海鮮丼 甜蝦頭發黑 蝦身變黃 果堆海膽望到想嘔 又紅又黑一睇就咩食慾都無曬 冠以最垃圾海鮮丼絶對實之名歸 我求其去超市d海鮮丼都新鮮過你 ！甘既食材依然制作岀品 為左些小利益 賠上店舖聲譽值得？ 有圖有真相 口講無憑 比大家欣賞下 有幾惡劣

刺生飯over $100以上，中午黎講有d貴，但晚上黎講，都可以接受😄但鋪頭細，8個座位左右，所以一直都路過無試到。直至上星期加班，又想食魚生，見佢未收鋪，就叫左牛油果三文魚帶子飯。有驚喜，份量好足料，三文魚同帶子都好厚肉同新鮮，肥美，食得好滿足。加左$18飲佢個魚湯，濃濃魚味，唔係溝水溝到好稀個d，但對我黎講，個湯咸左d。女服務員態度幾好，一有時間，就會同客人加茶。我7:30去，唔使等好耐就有得食，但之後見佢有好多外賣單接，後期客人就要等好耐。埋單無加一，晚上抵食。

每隔一段時間都好記掛丼造嘅食物，皆因食物質素高，材料新鮮，份量多，最重要係價錢親民，十分抵食！店鋪雖然面積不大，座位有限，師傅都十分親民，每次用餐都感覺好溫馨☺️師傅好用心，根據顧客嘅反饋，好認真採納顧客意見，進一步豐富食物種類。如今能搵到咁用心嘅小店實在太難了！正所謂不時不食，師傅同店家因應不同時節採購魚生品種產地也不同！小店叫「丼造」，我個人認為更加係「當造」🥳🥳🥳今晚試佐二人餐，真係太驚豔！🥰🥰🥰北海道根室海膽當季，入口鮮甜厚滑😍，回甘海水鮮味湧入鼻腔。油甘魚鮮美結實，魚腩味油脂香味回味無窮。拖羅唔使多講，入口即溶，香味濃郁🥳。值得一提，新鮮赤貝刺身爽脆鮮味十足，口感同鮮味並非出面其他好多地方所用嘅冷凍批發赤貝可以相比。半打宮城生蠔，成個手掌咁長，日本蠔海水金屬味平衡得啱啱好，唔會太鹹，對比法國蠔會更creamy更甜。宮城生蠔群邊又脆又滑，加上宜家當造，正！👍🏻👍🏻👍🏻二人套餐仲有和牛他她，口感嫩滑肉汁豐富，超大盤。食到一半，師傅用火槍幫我地炙燒加熱，油脂香味即刻出來，送飯一流🤗。加上師傅秘制嘅醬汁，酸酸甜甜，解油膩。我和同行朋友食完二人餐飽到幾乎扶牆出。下次再試其他嘢～😋

訂了外賣蒲燒鰻魚丼，$78, 大概15分鐘就可以取。外賣有麵豉湯有沙律，丼飯飯量非常少而且只有一條鰻魚，但是非常硬，估計是剛雪藏未解凍就拿出來煮，不會打算再幫襯。

自選魚生飯 一貫的水準， 有左口魚邊，吞拿魚蓉，三文魚籽和鯛魚片。左口魚邊很肥美。平時得少寫食評，今次寫食評的動力是那碗加$18 的鯛魚湯。 一向送的都是面豉湯，今次咁啱有剛煲好的鯛魚湯，經店員（還是老闆娘？）極力推薦，因外表太平凡，加錢送的平時都沒什麼驚喜，還是小店，只是金黃色的一碗湯，沒有影相，剛飲第一啖，有一層好厚的油脂，心想是否用豬骨煲？試過撇油，但又不是一般豬骨拉麵湯底咁厚油，估計是魚油便沒再撇。第二啖，鮮味濃郁，沒腥味！飲完一點也沒口渴，證明其鮮味全是從鯛魚精華來的，魚湯精華在口内久久不散，絕對是誠意之作！不止值$18蚊！希望能成為常設餐單項目！

$88 一個4色魚生飯， 得6 塊魚生， 兩塊八爪魚又乾又un, 兩塊三文魚正常， 兩塊立魚無味， 一pat cheap假蟹子壽司飯正常但無醋味， 附近赤丸平d又好食d, 起碼d魚生厚d