東哥點心籠仔蒸飯專門店 (Closed)

沒特別影相。。但有以下體驗1）姐姐服務一流 樣樣跟足 態度親切2）取飲品及調味料的位置不方便3）點心味道中上 雞煲只有醬的濃咸沒爆香 雞肉只是拉油拉熟，不是炒熟！差4）火鍋料出得好快好足份量 正常質數 只有響聆是淋的5）火鍋豉油十分難吃。。。死咸太黑太多老抽6）把客人食剩的牛肉回收再用 這其實我可接 受只要不被我看見7）CP值其實整體都高 但火鍋味道差回頭率：30%。。。主要是火鍋底味跟豉油確實太差 點心再好都不太想再來

真心.. 呢度千祈千祈唔好兩個人嚟食，因為佢除咗任飲任食火鍋之外，佢仲要係任食點心，連啤酒都係任飲架🤩 都係$188 位 💥除非兩位都係黑洞，如果唔係我相信點心已經K.O.左你🤣點心實在係不錯，鹹水角、春卷、灌湯餃、蝦餃、燒賣、腐皮卷等等等等🤤 全部都好好味😋即炸的除咗雞煲仲可以選擇豬骨煲、懷舊醉雞煲、胡椒豬肚雞鍋🍲我今日選擇雞煲及豬骨煲兩個都好食，雞煲好入味雞亦嫩滑，不過加咗湯之後就比較油啲，所以我估我下次都會選擇豬骨煲🤪不過火鍋就普通簡單食材，有鮮雞子、牛頸脊、廣島蠔、牛板腱、鵝腸、等等✨火鍋千其唔好抱太大期望，絕對絕對係普通簡單的🤪每個點心一籠有3-4件，不論你兩個人或者四個人都是這樣，所以點能夠兩個人食呢，三五知己一齊食係最開心🥳 咩都可以食到，重點係都快上枱，唔會呆等哂時間，正呀 ✌🏻

雞煲火鍋就食得多 再加埋點心咁份量十足嘅放題你又試過未食曬三款嘢都只係每人二百頭真係好抵食如果驚太飽都可以揀唔食雞煲直接打邊爐湯底揀咗澳門豬骨煲仲有大大嚿豬骨慢慢淆個湯底越煲豬骨味越香濃牛類選擇有四款 分別係肩胛牛肉 牛板腱 和牛粒同埋肥牛 牛肉好新鮮牛肩牛味好濃郁 爽口彈牙牛板腱食落比較腍滑肥牛肥瘦適中豚肉豬味濃郁 脂肪分佈均勻廣島蠔真係叫幾多畀幾多 蠔身飽滿鮮脆魚腩好厚切 食落好脆口鮮脆鯇片好鮮甜其他丸類蔬菜豆腐都好新鮮響鈴 山根同埋炸魚皮都卜卜脆點心試咗鮮人參灌湯餃 流沙擂沙球同埋千層紅棗糕灌湯餃大大嚿 咬落去啲可以湯汁爆曬出嚟 仲加咗人參流沙擂沙球大大粒 炸得好香口 入面係芝麻餡食飽飽嗌個紅棗糕嚟做甜品就啱啱好飲品選擇都好多 有啤酒 汽水同埋果汁總括嚟講呢個價錢可以食到咁多嘢都幾抵食 仲要座位闊落坐得舒服 員工又Nice

好耐冇打過邊爐啦，見到呢間餐廳有點心+火鍋，而且價錢都唔算太貴就一於試吓啦🤓一入到餐廳就見到原來座位唔算太多，幸好枱與枱之間嘅闊度都好大，坐落都舒服。啲姐姐態度好好，有介紹餐牌俾我哋。我哋先叫一份半隻雞煲，然後再用雞煲嘅汁做打邊爐嘅湯底。係等緊雞煲嘅同時，叫咗一籠燒賣王同埋芋頭蒸排骨，我初頭諗住佢嘅價錢咁便宜質量應該唔會太好，點知佢嘅水準仲好過出變一般嘅酒樓🤩佢嘅燒賣好足料，仲要熱辣辣嘅添雞煲來講，兩個人食嘅份量來講都算好多啊，我叫咗一份小辣，辣到適中，食上口仲有少少麻痹嘅感覺添🤤而且佢啲雞肉好嫩滑👍🏻真係幾好食。食完雞煲就叫姐姐上湯，佢肉類嘅款式都算多，我個人就比較鍾意食美國頂級牛板腱🥰佢啲牛柏葉都好新鮮啊🥰因為見到隔離枱響鈴嘅份量好多，我怕兩個人食唔晒，姐姐好好心咁幫我哋減少左份量👍🏻唔使怕嘥嘢食！任食之餘仲任飲，啤酒無限量供應，除咗普通嘅汽水之外仲有果汁👍🏻臨走之前，仲叫咗一份流沙蕾莎球同埋椰香炸饅頭做甜品🤤真係好豐富呀！

之前在太子等車看到有間打邊爐加點心，價錢仲要幾抵，今日專登同朋友一起來，來到約7點半不太多人，原來之後仲平點，不過我們都照入去，都幾乾淨不錯，有打邊爐加點心可叫，我們叫了芫茜皮蛋豆腐湯底勁足料，已經十分加分，醬料同飲品可自己出去取。 點心有12款我們都叫了一半來吃，質素同酒樓差不多都好味，蝦餃同排骨我就最鐘意，炸物新鮮炸起所以十分脆口有驚喜，仲有中式甜品最後各叫一個不太甜岩我。打邊爐材料都夠我們吃，牛肉都分幾款，食落去都幾好，以這個價錢來講肉質都已滿意。菜都幾鮮，雞都幾滑身，鯇魚好脆口好味道。最後點心和邊爐料各叫了2輪都己十分飽肚。

見呢間店幾好評又幾特別呀可以火鍋加點心一齊食book左位黎可能太full啦都仲要等多幾個字呀兩個人黎座位尚算闊落有卡位先點鍋底是日想食豬骨煲(見好多人點雞煲都讚)唔知係咪揀錯鍋底啦真係好一般呀湯底好淡味完全無惹味既感覺再點左~豬紅唔知係咪處理得唔好有少少怪味道~響鈴同油麥菜正常~蟹棒叫做幾好起碼唔會一夾就散呀~肥牛(朋友點了兩隻)佢話兩款都係麻麻地呀~蝦餃燒賣蝦餃個肉幾彈牙燒賣就正正常常呀~灌湯餃加左紅醋食覺得合格皮唔算好薄

平日放工晚上同姊妹兩個人嚟呢度打邊爐食點心，大約6:30去到，唔使等位，可以坐卡位$188任飲任食打邊爐食點心，第一次試呢個組合，感覺又唔錯喎，一次過滿足晒兩個願望叫咗個胡椒豬肚湯底， 10分足料！火鍋料方面有唔同嘅牛肉亦都有鯇魚片，雖然唔算非常多選擇，但係火鍋基本嘅配料都一應俱全呢個春卷必食，入面好多隻蝦🦐😍，而且似係新鮮炸起，脆卜卜燒賣蝦餃質素都係高嘅新鮮好食！仲有好耐冇食過嘅炸饅頭添啊總括而言，餐廳抵食，只係廁所衛生麻麻地

尋日趁着阿媽放假，就同佢嚟到太子呢邊食嘢行街～見到呢間火鍋店有點心放題，阿媽就話想試吓～我哋就揀咗呢間火鍋餐廳成人只需要$188一位，連埋醬料加一大概$210就可以任食火鍋同點心放題兩個鐘～幾抵食！火鍋牛肉類有頂級牛肩胛肉，頂級肥牛片，牛柳粒等等～可以任食牛肩胛肉，切左薄片，食落感覺幾新鮮，幾爽口～牛柳粒大大粒，幾彈牙，唔錯魚類脆魚腩好好食😋唔會覺得腥，反而好爽口～大大件，食落啖啖肉，脆鯇片比較薄片，不過都唔錯丸類叫咗香芋貢丸，大大粒貢丸～中間有好多香芋粒，好適合芋頭控，好似我咁🤣貢丸好彈牙，仲有叫咗海膽丸，中間有好多蟹子，流心幾正～蔬菜類叫咗油麥菜同金菇菜，都幾新鮮炸魚皮好香脆嘅炸魚皮，就咁食或者擺入邊爐到淥一淥，同樣都咁好味😋椰香炸饅頭細個好鍾意食炸饅頭，好懷念佢嘅感覺～外皮炸得好香，配埋椰漿沾黎食好香甜～饅頭內餡好鬆軟，幾正點心類灌湯餃一大隻灌湯餃～入面有好多肉，仲有菇，配埋香醋，酸酸甜甜，帶有鹹鹹地嘅感覺，仲有好多肉汁同埋粉絲，幾香甜～湯好好味😋流沙擂沙球好鍾意呢個點心🥧芝麻糯米丸嘅外表，內餡係熱辣辣嘅流心芝麻餡，幾香甜，而且煙煙韌韌職員好好人～服務態度好好～

東哥點心籠仔蒸飯專門店地址: 旺角荔枝角道33號百匯軒2號舖電話: 28861029=====================論大食在朋友圈中都出曬名，經常去食任食自助餐同放題，而打邊爐加點心任食，這是我第一次去。主角是點心，我無試過點心任食，把胃架空間留比點心蝦餃燒賣經典必食，真係同酒樓出品一樣，餡多皮薄。灌湯餃成隻手掌咁大呀，餡料足人參湯好飲。流沙鐳沙球，有流心餡架炸煎堆呀，成個面都有黑白芝麻香到爆又脆口。半份小辣雞煲，食完再打邊爐。其實食完點心雞煲都七到八分飽啦，主攻蔬菜油麥菜娃娃菜菇等

朋友介紹太子有間餐廳做緊配搭新穎嘅任食點心+雞煲/火鍋，真係想試一試，今日就相約朋友去試下先。看看點餐紙，任食點心都有十多款選擇：餃類：東哥蝦餃皇、鮮蝦菜苗餃、鮮人參灌湯餃、白醬蒸鳳爪、湯皇鮮竹卷、蟹籽燒賣皇、芋頭蒸排骨、鮮竹牛肉球、沙律蝦春卷、安蝦鹹水角、流沙雷沙球、千層紅棗糕、我地點了數款試試，質素都很不錯。東哥點心雞煲火鍋放題成人$188/位小童$158/位需收取$10醬油費及加一服務費可選雞煲/火鍋，我哋選擇左火鍋，有4款湯底揀，選擇了懷舊醉雞鍋，肉類任食的，有美國頂級肩胛牛肉、美國頂級牛板腱、 澳洲和牛粒、特選頂級肥牛和西班牙豚肉，都好吸引，牛肉質素不錯，肉味濃。火鍋配料都幾豐富，有鮮雞件追加落醉雞鍋一流。海鮮有脆鯇片、脆魚腩、廣島蠔、原隻扇貝；鵝腸也有驚喜，要留意火喉同時間；鮮蝦韭菜餃皮薄餡靚；炸魚皮必點，薄脆香口。蔬菜種類也多選擇，而主食類就只有出前有丁。

一行四人今次去到太子搵，路過這間店，見到點心任食，邊爐又任食火鍋，這間餐廳最特別的就是點心任叫，所以決定一試😁每人都是$188，超級抵食本身可以叫麻辣雞煲，再打邊爐但係都想清清地所以直接點了醉雞火鍋邊爐新鮮的醉雞醉雞口感都好滑溜，入口滿滿的藥材味道感覺好好五款不同的肉類任食美國頂級肩胛牛肉、美國頂級牛版見、西班牙豚肉、澳洲和牛粒、特選頂級肥牛大大粒燒賣口感一流灌湯餃，本身都好鍾意食，味道幾好，入面仲要有人蔘最愛炸饅頭，加煉奶，好味到不得了

打邊爐就真係打得多但係而家嘅打邊爐唔可以淨係用打邊爐來做主菜除咗用上雞煲之外呢一間仲會用上了點心放題做招徠一坐低二話不說店員介紹咗成個Menu之後我哋就梗係衝出去攞凍冰冰嘅飲品啦之後就點左呢個蝦餃燒賣同埋炸蝦春卷同埋叫咗一款依家酒樓好少見到嘅灌湯餃蝦餃燒賣唔會因為係放題關係做到細細粒蝦餃仲食都爽口彈牙嘅蝦肉而且個外皮仲唔開10分之後二燒賣就食到淡淡爽滑嘅豬肉另外炸蝦春卷仲非常之咁香脆灌湯餃嘅頂湯味道非常之咁出色再加少少醋就非常之夾胃口之後我哋選擇左一個小辣嘅雞煲雞煲味道非常之咁好而且雞件仲非常就咁滑店員見到我哋食得咁開心就話原來東主本身係喺街市度做雞檔買手所以有方法攞都好新鮮嘅雞唔怪之呢度嘅雞煲非常之咁出色唔單止雞味濃郁仲係非常之咁滑之後我哋就轉湯底就做打邊爐叫咗其中嘅牛肉同埋豬肉都非常之咁出色同特別而我最鍾意嘅就係佢哋嘅脆肉魚片厚切爽口彈牙之餘 仲食得出魚肉嘅味道非常之咁濃郁另外呢度嘅扇貝同埋生蠔都好好食扇貝雖然唔係話大大粒咁樣但係佢哋都仲係非常之咁新鮮而且山河雖然用上了急凍但原來店員話係用上了韓國好所以都非常之咁濃郁圾完之後都唔會縮晒水呢度百幾$200已經食到一個放題又食到打邊爐又

今日嚟到位於太子嘅一間點心雞煲放題，位置好方便好易搵，有卡位坐所以坐落都好舒服。價錢都十好抵，點心同雞煲/火鍋任食都係200幾一位，任食之餘食物質素仲幾好，值得來食！呢度點心款式無酒樓咁多，但都有唔少，熱門嘅點心例如蝦餃、燒賣、鳳爪都有，蒸點心外仲有煎炸點心，例如沙律鮮蝦卷、鹹水角等。呢到嘅點心每籠有三粒，但我地驚太多食唔曬，所以特別order每款兩粒就夠。點心都幾大粒，唔會因為係放題任食而縮水。燒賣餡料多又彈牙，蝦餃皮薄餡靚，沙津卷都係熱辣辣，唔會放凍哂，d點心水準同平時酒樓食嘅差唔多！呢度可以選要雞煲定邊爐，邊爐有得揀唔同湯底。我哋就叫咗雞煲，因為兩個人食所以揀咗半隻雞，都有好多件，雞嘅肉質都幾嫩，唔會煲得來好鞋，味道都好入味！邊爐配料都有好多唔同種類， 除左丸菜類之外，牛都有三四款，仲要係澳洲和牛同美國牛，豬肉系西班牙豚肉，肉質口感都唔錯，食得出唔係d好普通嘅肉。野飲方面， 除左普通汽水、仲有烏龍茶、果汁！

某天晚上朋友帶我去位於荔枝角道附近既一間餐廳，入面已經有唔少人坐低食緊，職員帶我地坐左响卡位度，之後就可以揀湯底同食物，我地揀左豬骨湯底大大煲，入面有好多料，湯底有好濃既豬骨味，打邊爐除左配料之外，都有幾款不同牛肉可以選擇，比較推介豬豚肉，肥瘦適中呢間仲有點任食點心，蝦餃晶瑩剔透，蝦肉爽口，仲有3粒甘多，燒賣都好味，紅棗糕小編推介唔會太甜，煙煙韌韌甘，職員友善人手有限，所以大家落單後要俾d耐性等候食物上菜。

今晚心思思想食放題，見到太子這間東哥點心籠仔蒸飯專門店可以食點心，又可以食火鍋的放題，當然今晚就選擇了食東哥。坐下先點嗰個點心，一邊食一邊揀火鍋配料及湯底。先選擇了爽口又鮮味的東哥蝦餃皇、 非常香奶味的炸饅頭配煉奶， 開始了今餐的放題~~至於湯底要了個胡椒豬肚雞鍋，湯底擺胡椒的微辣，裏面有很多雞及豬肚……，很足料！美國頂級肩胛牛肉、美國頂級牛板腱，切得很薄，顏色鮮豔又有牛味，很美味！任飲任食火鍋都很多款式，除牛肉外，還要了喜愛的爽脆又新鮮的鮮脆魚腩、鮮雞仔、嫩滑鮮味的廣島蠔、鮮鵝腸、鮮甜的雲吞、爽口彈牙的貢丸、吸滿鮮甜湯底精華的響鈴……最喜愛就是食放題，任飲任食非常滿足~~~