東哥點心籠仔蒸飯專門店 (Closed)

呢排返工好有壓力， 乜都趕一餐， 要搵個舊同事出嚟呻呻舒啖氣！佢帶我去位於太子嘅東哥食點心雞煲火鍋放題！一坐落，當然係點湯底先啦， 胡椒豬肚雞鍋，澳門豬骨煲，懷舊醉雞鍋，元茜皮蛋鍋，四選一，我哋揀咗胡椒豬肚雞鍋，湯底勁香濃，勁多豬肚同個鍋有近成隻雞咁多。 打邊爐點可以冇牛肉， 主要有四款畀大家揀最好食嘅係美國頂級肩胛牛肉，肉質結實，口感軟嫩，一啲都唔肥！$188任食火鍋嘅配料竟然有新鮮雞子，日本廣島蠔， 原隻扇貝同即炸響鈴， 鮮脆鯇片等等，我哋點左好多轉廣島蠔，一啲都唔腥味,好鬼正！豬紅都算入味，鵝腸食爽口，魚皮餃彈牙.仲有點心都係任食嫁！飽滿嘅東哥蝦餃皇，裹面嘅蝦啖啖肉，百醬蒸鳳爪好入味，鮮人參灌湯餃，我好喜歡食佢哋嘅流沙擂沙球同埋千層紅棗糕，個擂沙球係即炸嫁，脹卜卜超新鮮！！打邊爐飲啤酒超爽！

有時響巴士站等車經過見到一間叫東哥火鍋，有任飲任食， 8點前入座，成人都係$188,8點後只係$158,好抵！ 我哋被安排坐向卡位比較舒服。  除咗火鍋配料任食，仲有點心任食！ 有成12款，而且款式唔hea嫁！ 例如有東哥蝦餃皇，蟹籽燒賣皇，百醬蒸鳳爪，芋頭蒸排骨等等！蟹籽燒賣皇大大粒除咗裏面嘅豬肉係鮮嫩可口之外鍾意外地真係有蝦，而家晏晝去食點心加埋一，燒賣皇都要三十幾蚊一籠，依家有得任食，真係正！                                                                               真係估唔到， $188任食，都可以食到靚牛！除左有特級肥牛同澳洲和牛粒之外，仲有美國頂級牛板腱，美國頂級肩胛牛肉，好鬼正！仲有新鮮手打墨魚滑，好鮮味，墨魚再打至起膠，更放入粒粒墨魚肉一起攪拌，軟硬適中有嚼勁！ 飲品任飲，除左有獅威啤酒同嘉士伯之外，仲有森美果汁同唔同嘅韓國汽水，同可口可樂等等！仲可以響邊度食到高質食物而又抵食嘅？

食點心多數都係早上真係冇諗過晚上都有同呀囡行街,突然想食點心,呀囡想食火鍋 上網見到東哥點心籠仔蒸飯專門店兩小時任飲任食雞煲點心加火鍋講真. 二百多元一個人.平時飲早荼都要二百至三百元而家仲有火鍋 更係食, 加上係任飲任食,不用客氣,都有不少客人已經入座好彩有位, 點心雖然不多不過都夠食之餘都有蒸炸款式選 對於我來講真係幾好.我同囡囡點左幾款,蝦餃皇不錯. 大大粒蝦肉都爽口, 沒有”梅” 口感燒賣都好大粒肉質絕對有一般酒家水準,其實個餐好抵食, 仲有個雞煲,但我地冇能力食就放棄左之後黎個豬骨煲煲內有好多材料大大舊豬骨之後落左5少海鮮老實講, 食火鍋重點廣島蠔同扇貝比想像中大同新鮮仲有墨魚膠脆鯇片真係要快手我就係太耐就老左好硬豚肉都好大碟基本我同呀囡食得5係甘多有D 後悔叫多左點心特別係榚點不過又真係幾好味.下次再黎,食晒海鮮同雞煲先.真心好抵食.食物質素真係不錯

朋友住在太子，他介紹我去了一間他說很抵食的雞煲！夜晚八點都去到，仍然高朋滿座，可想而知人氣極旺！度除咗雞煲火鍋配料任食開，汽水啤酒也是任飲！除了汽水外，也有楊協成的涼茶系列！非常有誠意！晚上點心火鍋雞煲火鍋任食價錢也只是$158 ，但看價錢已非常吸引！開頭諗住點心任食，質素應該普普通通，結果令人非常驚喜！除了賣相不錯，份量和味道，也是酒樓的級數！燒賣爽滑彈牙！蝦餃的大蝦也鮮味十足！千祈唔好以為平價就沒有選擇，呢度超過10款以些點心任食！其中還包括人參灌湯餃！蝦餃用料十足絕不馬虎！雞煲沒有五款選擇，四個是火鍋湯底，我們選了胡椒豬肚雞鍋！胡椒味十足，份量也頗多！豬肚白白淨都爽口彈牙，胡椒味十足！雞件都是啖啖肉，配些胡椒湯底，十分惹味！任食火鍋配料，選擇也多，午餐肉也絕不吝嗇件件都是厚切的！估唔都咁平的任食火鍋，牛肉質素也不俗！口味十足雪花也均勻！

今晚約咗幾個friend 去東哥點心籠仔蒸飯專門店食飯，因為知道呢度又有得食雞煲，打邊爐，仲有得叫點心。而且價錢仲好抵添，八點前入座只需要$188蚊就可以任食兩小時。所有點心同火鍋配料、飲品都係任食任飲，啤酒任斟。餐廳都好闊落有部電視仲可以一邊睇奧運，入邊食嘢。坐低右手先叫咗半隻雞煲，有唔辣，小辣同埋大辣選擇，今次我哋就叫咗小辣。雞煲嚟到之後有好多嘅芫荽，啱哂我依個芫荽黨 😆之後我哋點左唔同嘅點心，包括鹹水角、春卷、紅棗糕、蝦餃燒賣、鮮竹卷等等。佢哋嘅點心好有驚喜，大部份點心都有酒樓水準以上，亦都好足料。雞煲方面亦都好好味，小辣唔算太辣對於唔食辣嘅人來講就啱啱好。雞都好滑，今次叫咗半隻雞，唔夠喉，下次一定會叫全隻！之後再打埋邊爐，飽哂！

呢間點心就食得多，雞煲火鍋真係未試過，等jo帶埋呀妹同老公試下先.一來到就一輪急攻點心，一如既往的出色，蝦餃燒賣好大粒蝦肉又彈牙，春卷入面有沙律醬好對jo的口味，灌湯餃大大件皮薄又足料，擂沙球好有驚喜外層滿滿芝麻好脆口，入面黑芝麻餡煙煙韌韌好好食！整體點心好高質！.之後食雞煲，也好有驚喜，無諗過咁好食！叫了小辣剛好，麻辣味道好balance相當惹味，雞肉好鮮味同juicy好好食😋.食完點心和雞煲我已經無個胃打邊爐😂整體性價比好高$188一位任食點心火鍋質素又ok，呢到姐姐好親切服務好好，會主動問加唔加湯，爐頭壞左又會幫我地換，呢晚仲成場一齊睇張家朗拎金牌好high，開心🥰

陪媽媽在太子買完東西，個肚打晒鼓，見到門口海報打邊爐加點心任食，一於入去試吓先點幾個點心醫下肚，牆上貼上必食蝦餃，於是點了蝦餃，燒賣，鳳爪，春卷，鹹水角， 蝦餃皮薄，鮮蝦肉味美，燒賣肉質雖然有點鬆散，但味道合格，鳳爪爽口入味，豆苗餃，豆苗加大大隻蝦，鹹水角炸得酥脆至於火鍋湯底有多種選擇，可以點辣雞煲，滋補的醉雞煲，香濃豬骨煲，清熱的芫荽煲，最後揀了黑椒豬肚雞煲，湯底用了十足，不是單單只有幾舊雞豬肚，滿鍋也是豬肚枝竹鮮雞，鷄肉嫩滑，枝竹豬肚滾到最後入哂味，非常好吃牛類點了美國肥牛，肉質煙韌，美國頂級肩胛牛肉，肉質柔軟，牛味比較濃，另外美國頂級牛板腱，肉質比較韌有口感，至於西班牙豚肉就食落比較淡味最鐘意食生根，蟹柳，羅白吸收湯精華，好惹味鯇魚腩彈牙啖啖肉，廣島蠔同帶子好味最後來個擂沙湯丸，咬落充滿芝麻香，內裏是香滑芝麻不得不讚這裏的員工態度有禮熱心

有冇朋友又鐘意打邊爐又鐘意食點心？最近發現到東哥點心籠仔蒸飯專門店一次過滿足哂兩個願望湯底有五款可以選擇雞煲胡椒豬肚雞煲懷舊醉雞煲澳門豬骨煲芫茜皮蛋煲我地簡左胡椒豬肚雞煲火鍋配料揀咗雞子美國頂級肩胛牛肉澳洲牛柳粒美國頂級牛板腱廣島蠔鮮脆魚腩豬肚雞煲非常足料豬肚入味彈牙 雞肉鮮嫩牛肉都係非常不錯除左火鍋仲可以任食點心試左幾款蝦餃安蝦鹹水角鮮竹牛肉球蟹子燒賣皇點心都好有質素真材實料 同平時中式酒樓有過之而無不及百醬蒸鳳爪喺雪櫃可以自由攞野飲亦都有啤酒提供另外一讚係員工服務好體貼溫馨服務態度好好整體黎講性價比好高

低食雞煲火鍋+點心仼食 ，還有汽水、啤酒任飲，滿足晒兩個想食要求😋以下價錢，全包價成人 $198/位 ，小童$169/位晚上8:00後 成人$168/位 ，小童$138除咗火煱仼食，仲有點心可以仼點仼食除左牛肉粒、帶子、鳯爪差外，其他食物都新鮮

疫情期間真係好耐冇飲茶食點心，難得搵到一間點心加打邊爐放題，呢晚就同媽媽黎到東哥點心籠仔蒸飯專門店點心加火鍋放題任食兩小時，每位188都幾抵點心款式唔算多，但貴在味道好，再者點心再多都食唔到咁多，因為仲要打邊爐，所以我都冇試哂咁多點心，剩係揀左d好想好想食既！我好鐘意食炸物，所以點左春卷咸水角，一食就知即叫即炸，食落去熱辣辣，任叫既點心係水準依然keep得好好，本身仲想試個擂沙球，但真係太飽叫唔落媽媽就喜歡蒸點心，叫左蝦餃鳳爪，正常質素，蝦餃入面喲蝦肉都大大隻我地打邊爐方便叫左雞煲，因為我地得兩個人所以叫左半隻，如果你食到叫一隻佢都會比D雞件切到好易入口，唔會好多骨碎，我地叫左小辣，好香口，雞好入味但又唔會太咸，食完雞之後會加水比你打邊爐，由海鮮到肉類再到丸都有，估唔到仲有炸饅頭，炸到外層微脆點上煉奶真係一流！雖然呢到主打點心，但肉類既選擇都幾多，牛板腱同肩胛肉都有，仲好有牛味最後用紅棗糕做甜品，食落又彈牙又少少煙un，有好香既紅棗香同少少甜味，唔錯飲品方面有個飲品櫃都係任拎任飲

3合1可以係呢到食到哂嘅真係第一次，雞煲火鍋就到到都有，但連點心都有得食埋就真系有驚喜拉。平日去但餐廳都近乎坐滿，睇黎好多街坊都鍾意黎呢到食。🔷雞煲火鍋點心任飲任食兩小時 💰188🔹胡椒豬肚雞煲呢個湯底材料好豐富，有枝竹、豬肚同雞件，相信剩係食個湯煲都會夠哂飽。胡椒味非常香同強烈，認真夠哂味。火鍋配料都係以普遍見到嘅為主，不過估唔到嘅係呢到有廣島蠔，而且煮熟左之後都仲係幾大隻。肉類都有5種揀，牛板鍵相信會多啲人鍾意。點心類都有好多，有蒸餃又有甜糕點，排骨、燒賣、鮮竹卷都大大舊，絕對會醫飽你。

二小時仼飲仼食雞煲火鍋點心仼食 😋成人 $188/位 小童$158/位今次揀咗先食雞煲 有半隻同一隻揀揀咗半隻雞 小辣半隻雞都好多件 而煮得幾香口入味 食完雞煲再打邊爐 唔想食雞煲 都有4款火鍋湯底🍲直接打邊爐又得 肉類有5款牛肉及豚肉肉質吾太差 自己最愛美國頂級牛板腱因為肥瘦適中 食落更滑 其他配料仲有廣島蠔、原隻扇貝、脆魚腩等30多種選擇除咗火煱 仲有12款點心可以仼點仼食蝦餃燒賣都好高質大大粒 又新鮮真心幾抵食 性價比幾高

今日喺太子區，搵到一間任食邊爐，我大概6:30到步，入面貌似幾好而且有啤酒任飲，就入咗去🤣佢見到有任飲啤酒，覺得好吸引，就同朋友入咗去👍🏼👍🏼👍🏼除咗啤酒，仲有好多汽水選擇嘅👍🏼有一個典型嘅調味醬料區攞完嘢飲，就坐低開始叫嘢食，估唔到佢呢個邊爐，原來又有得叫點心，又有得任食邊爐火鍋配料！好神奇，一路食夜晚，一路有飲早茶的感覺意想不到仲有扇貝同埋廣島蠔！牛肉之中，最推介呢個頂級牛板腱，你哋都見到佢嘅花紋，脂肪分布好靚😍

一路以來都非常之想食點心但係點心通常食幾件都已經百幾$200一個人所以好多時都會打推搪近排成日都見到有點心放題但係有陣時真係食點心放題又唔夠飽今晚今日見到呢間餐廳唔單止有點心放題仲有火鍋選擇兩大喜好都完全可以滿足晒而且最正就係個性價比非常之咁高只係百幾蚊一個人就已經可以食齊晒兩樣嘢完全啱晒我口味入到去之後揀咗個湯底就可以選擇點心雖然老實講呢度嘅點心選擇唔係太多但係全部都係大路嘢我哋就叫咗蝦餃蝦餃一籠有三件裏面嘅蝦非常之咁大粒而且可愛被唔會太口仲食到有筍絲係入邊非常之咁正宗另外仲叫咗呢個燒賣燒賣又係大大粒裏面嘅肉質非常之咁好食入邊都亦都有蝦肉完完全全滿足晒我呢個最鍾意食燒賣嘅慾望之後就叫咗我另外都非常之咁鍾意食嘅灌湯餃灌湯餃嘅湯底非常之咁好而且入邊仲有數次再加埋少少醋食非常之咁滿足之後仲叫咗個海鮮卷海鮮卷嘅味道就揸得非常之咁好可能係啱啱就係關係非常之咁而入面嘅海鮮仲食到去沙律醬嘅味道湯底我哋叫咗胡椒豬肚雞湯底裏面嘅雞件非常之咁多另外嘅牛肉同豬肉都非常之咁好食不得不提就係呢度嘅餓腸完全冇用過化學品醃製過非常之咁新鮮好食另外因為佢嘅雞肉仲非常之咁好食所以我哋仲叫多咗一份雞件完完全全滿足晒今晚

抱住只求合格嘅心態嚟食，原來有驚喜，以下係我第一身感受，希望唔會令到食店服務員難做。最初係睇到openrice嘅相片，以為係17:30至20:30，$188，於是我就訂咗17:30到，但原來已經冇咗，最新係任食兩個鐘，由於我有朋友18:00先收工，我即時想起身先，等齊人先再嚟，竟然服務員話天氣熱，而且冇客等緊枱，俾我坐喺度涼著冷氣等人齊先至叫食物，大熱天時遇到良心姐姐，窩心指數爆燈。食評：點心絕對係即叫即蒸即炸，堅正，火鍋合格，以任食嘅牛肉嚟講算高質。必食：蝦餃，菜苗餃，燒賣，炸春卷火鍋：肩胛牛肉，墨魚滑，廣島蠔