東哥點心籠仔蒸飯專門店 (Closed)

日頭食點心,晚市食火鍋上湯雞腳 甜中式薄餅卷 皮蛋瘦肉粥 蒸黑椒牛肚上湯雞腳 煮到好軟淋入味 一啜骨肉分離食骨膠原皮蛋瘦肉粥夠綿密香滑 仲加了幾片油條食落味道口感更好 瘦肉已煲到成絲條好味甜味薄餅卷 中式煎餅既甜口味版本 改用椰絲白糖,入口煙韌香甜黑椒牛肚 厚切大件 灑上大量黑椒醃香再蒸,墊底係用腸粉皮陳村粉 更吸汁陳村粉條吸左黑椒牛肚既肉汁非常美味惹味 牛肚辣香彈牙旺角荔枝角道33號百匯軒2號舖平均消費$120評分8/10

東哥點心火鍋好出名，想同朋友黎試好耐啦，但次次經過都排滿人等位，是晚特登早啲黎睇睇，早場ok喎可以即入。$188/位任飲任食兩小時，另加醬料費$10同加一，大概$220人頭。可以點雞煲，打邊爐同點心，真心多野食。飲品選擇唔多，但有罐裝茶同啤酒已經夠啦，想飲甜野有可樂同樂天嘅忌廉溝鮮奶等。覺得自己食唔到咁多野就無揀雞煲了，直接就打邊爐，點左澳門豬骨煲，湯底都幾好味，不死鹹。第一round點左呢啲，火鍋料選擇唔算話好多，但一般大路野都有啦。食物按人頭計，兩個人就分到二嘅倍數。全部料都幾新鮮，炸魚皮好脆，菜翠綠。呢碟係美國頂級牛板腱，都幾好有牛味又唔肥，有時遇到白色一片嘅任食嘛，你懂的。西班牙豚肉都嫩滑喎，淥耐左都唔鞋口。左起和牛粒，雞子，廣島蠔，秀珍菇，鵝腸，其中雞子同蠔好新鮮肥美，encore左幾轉。鵪鶉蛋、蘿蔔、粟米、豆卜，豆卜同蘿蔔吸滿湯汁真係幾正。豬紅幾好唔散，麻辣牛丸爆汁。記住留肚食下點心，蝦餃鮮甜，好食過唔少茶樓，encore！菜苗餃菜嫩多蝦，又係好好食，encore！鳳爪夠入味，好食。灌湯餃足料但驚喜不大，而且呢樣好飽肚，試過便算。呢個價錢咁多野食好抵，食物都有水準，上菜速度

2021年9月7日 晴今晚一行四人黎到旺角太子呢邊打邊爐呢間餐廳特別在仲可以任食點心, 正蝦餃鳳爪都唔錯, 同出面酒樓食差唔多仲叫左燒賣, 菜苗餃同灌湯餃灌湯餃大大隻, 入面仲有條人蔘唔想打邊爐可以叫雞煲, 今次我地就揀左懷舊醉雞煲雞肉都滑, 湯底都有藥材味, 唔錯火鍋配料都好多款肉類有5 款任食: 美國頂級肩胛牛肉, 美國頂級牛板腱, 西班牙豚肉, 澳洲和牛粒 同特選頂級肥牛。個人最中意食肩胛牛肉午餐肉是必點的最後仲煮左個出前一丁食估佢唔到有椰香炸饅頭, 又幾好食喎2 個中任食每人都係$188, +$10醬油錢同加一, 抵食啊

今日收工好攰，要狂食野先可滿足我，揀左這間超抵食放題🎉 每人$200到 。抵！抵！抵！👍🏻👍🏻👍🏻放題包括了點心 及火鍋😃 「鮮人蔘灌湯餃」😙平時飲茶唔捨得叫，今日食過痛快，真有人蔘😆👍🏻👍🏻👍🏻「豉汁鳳爪」這絕對是我飲茶必有的點心😆😆「炸饅頭」新鮮炸起👍🏻👍🏻 配上練奶😋😋火鍋配料種類不算多，但樣樣都是火鍋必備的🥰 「特選頂級肥牛」「美國頂級肩胛牛肉」「美國頂級牛板腱」對於火鍋必有牛的我，這3款我十分欣賞😍備註：🔺如揀了雞煲，就會用雞煲湯底食火鍋😄🔺餐廳格局懷舊味甚濃🕺🏽

有位朋友好鍾意打邊爐，約我打邊爐，我就發現除咗雞煲打邊爐之外，仲有一間日頭專門食點心嘅餐廳，夜晚就搖身一變變成點心火鍋店，一次過滿足兩個願望裏面有超過10幾款任食點心款式，我見側邊嘅人都叫好多，不過今日又唔算特別想食好多，淨係想食少少，仲可以揀有幾多粒。咁就唔驚浪費食物！我哋就揀咗燒賣同埋鳳爪，鹹香十足都好入味。講真火鍋先，可以揀雞煲，食完雞煲先打邊爐。不過今日朋友唔係太有興趣食雞煲，就直接揀咗胡椒豬肚雞湯，味道好香，直接飲都好香濃。配料紙上面都有好多唔同款式，當然唔少得嗌豬同埋牛啦，牛就有頂級肩胛牛肉，花紋分布都可以。而西班牙豚肉方面都比較滑。仲有一款好特別係叫麻辣豬肉丸，個辣味都幾香㗎，口感彈牙！當然仲叫咗唔少其他配料包括炸魚皮、粟米、金菇、枝竹、蟹柳、娃娃菜等等，相當豐富呢！（其實有更加多值得食嘅嘢，不過我同朋友都鍾意食啲平嘢，所以叫晒呢啲XD ）出面飲品區都有多款不同飲品，我最鍾意就係無糖烏龍茶，朋友就係咁飲可樂。

價錢係好抵 但有啲食物硬係三催四請都唔嚟 叫鮮雞肉 叫咗四次先嚟 叫豬紅又唔畀 幾個姐姐做到踢曬腳 汽水櫃又冇人添 不過點心質素依然係高 而且部分侍應姨姨都係有禮貌 胡椒豬肚同埋醉雞都好食 係唯獨是食物來得總是不足 蝦餃 燒賣 鳳爪 擂沙湯球 都非常好食

抵食點心+火鍋放題‼️〖 點心雞煲火鍋放題 〗HKD188/1急急腳咁經過太子東哥好多次，今次終於有機會入去試試佢哋嘅手勢！雞煲同邊爐都分別試過，但係雞煲湯底嘅邊爐就真係第一次。如果唔想揀雞煲湯底嘅話，仲有胡椒豬肚雞鍋、懷舊醉雞煲、澳門豬骨煲同埋芫荽皮蛋鍋，任君選擇。雞煲調味充足，一嚟到香氣撲鼻；雞就有得揀半隻或者全隻，仲有得挑選辣度，揀小辣嘅話香得來只有輕微麻辣，新手唔使驚。肉類差唔多樣樣都試過，特別推薦特選頂級肥牛，其他配料都好新鮮。點心方面蝦餃燒賣係必食！流沙擂沙球都好香脆，上嘅時候仲熱辣辣，幾有驚喜。東哥點心籠仔蒸飯專門店旺角荔枝角道33號百匯軒2號舖

平時在基榮小學站等巴士時，經常看到這間店舖，好奇到底食乜東東，上次看見有雞煲和點心任食放題已覺得幾吸引，今日經過旺角就專程試吓！哈⋯⋯而且食完返屋企就可以出門口上巴士非常方便。10幾款熱選點心任食：蝦餃、燒賣、醬汁鳳爪、山竹牛肉、灌湯餃、春卷、鮮竹卷、蒸排骨等等，我們特別點了蝦餃和灌湯餃，蝦餃晶瑩剔透，粒粒飽滿！灌湯餃大隻餡料多，店員附上紅醋感覺特別滋味！我們不敢吃太多因為好戲在後頭！招牌雞煲(半隻或全隻)(走辣至大辣)：雞件大小適中，肉質不錯，非常入味而且味道是好食的。本人最怕雞肉的雪味，但是呢個招牌雞完全沒有。尤其雞脾部份的雞肉特別香滑，點辣雞煲更加滋味！任食火鍋配料：包括特選肥牛、牛肩胛、牛板腱、骰仔牛粒、廣島𧐢、原隻扇貝、墨魚滑、雲吞、午餐肉、枝竹、脆魚皮等等，牛肩胛肉非常新鮮，肥瘦均勻，我們加點了多次！值得一讚是蔬菜非常新鮮，吸收雞煲湯底確實好味架！要提一提所有店員都有禮貌，無論加點菜式或者有任何要求，店員都有回應有交帶，令人食得舒服，俾個讚👍🏻所有店員姐姐，大大增加回頭率！

先吃雞煲，味道好！再打邊爐加中式點心，正上加正。飲品選擇不多，基本汽水啤酒有齊，用餐時間2小時有點不夠，服務員態度不錯，價錢合理，會再返黎...............！

每逢星期二早上都會派飯給長者，很有善心，所以想身體力行用把口/個胃支持下！每日由17:30-23:00 都有兩小時任食雞煲、點心加火鍋！成人每位都只是$188加一，所以餐廳每晚都full House，太抵食，十分受歡迎！點心大約有12款選擇，連灌湯餃都有。點心即點即蒸，夠熱感覺新鮮，而且味道不俗。《鮮蝦菜苗餃》及《東哥蝦餃王》都皮薄餡足，每夥都漲卜卜。灌湯餃味道偏淡但加點醋就能提味，肉餡有蝦有素翅，有誠意。鳳爪大隻入味，掛骨都多肉。選擇雞煲的話，吃完後可加湯變火鍋；但如果直接選吃火鍋的話就不能點雞煲。我們今次就直接吃火鍋，湯底有四款，我選擇了醉雞湯底。醉雞先分開上，十分大碟，聞到酒香，滾熟後雞肉相當嫩滑，未點任食配料就已經忍不住不停吃雞肉！因為雞肉好吃所以我們從火鍋配料中再點了《新鮮雞件》，同樣嫩滑；另外這裏有五款靚肉選擇，性價比很高，食肉獸單單來吃牛肉都已經回本。海鮮配料更有廣島蠔、扇貝、脆鯇魚腩、鮮脆鯇片和松葉蟹柳，有驚喜，蠔肥美脆滑，脆鯇鮮甜好吃！另外還點了一些比較普通的芝士腸、魚皮餃和蔬菜。炸饅頭會跟煉奶，有誠意。這裏的炸魚皮十分值得推薦， 薄脆可口，我們encore了三次！服

無意間係OpenRice見到雞煲點心任食仲加埋打邊爐添居然$188蚊.試試無妨，傳統嘅雞煲+打邊爐就食得多今次加埋點心任食.一開波，揀咗小辣雞煲一直兩個人食.分量為味道都唔錯，肉冇雪味.食緊雞煲啲點心入陸陸續續上來，喺茶樓食過都知蝦餃最貴呢一間餐廳連蝦餃燒賣任食，一籠三件每一件都係正常size.今次叫咗蝦餃，鳳爪，芋頭蒸排骨，紅棗糕，燒賣都好好味.沙律鮮蝦春卷（個人唔鍾意有沙律醬）不過春卷炸的好脆，好香口.腐皮卷感覺偏淡，中規中矩今次推介椰汁豆奶（好特別第一次見）飲左4盒.除左一般汽水之外，仲有啤酒任飲（啤酒配雞煲一絕）因為食晒啲雞煲覺得有啲鹹，所以就冇將湯直接加入雞煲裏邊我哋同侍應姐姐帶咗一鍋清湯，這個舉動雖然湯底清（不過真心無味，要靠豉油辣醬係吊味）打邊爐啲食材不過不失（除左和牛粒差多d，咬唔到）可能因為都好飽，覺得邊爐方面不太出眾.我都係主力推介雞煲同埋點心

原本諗住同個朋友去間靚靚Cafe打下卡💖但行過點心鋪🔥又有啲興趣下午茶點心時間😆38蚊兩樣野😆好似有成兩個月冇飲過茶🤨還有朋友意見原來呢間佢之前食過佢話都幾好食💖所以我哋就入去回一回😆食物來講都唔錯有小小細個到嘅味道🤟🏻不過整體來講其實有少少偏鹹😋整體來講我最鍾意係個⭐️煎釀茄子雖然佢啲豬肉係鹹咗少少跟住就係佢咗紅棗先咬落去一啲都唔痴牙❤️❤️仲有佢嘅燒賣肥瘦適中一啲都唔臭豬味🤟🏻😋而其他嘅點心都係一般般鹹水角你出嚟嘅時候係熱👍🏻不過好明顯係返炸

今日我突然之間好想食雞煲，就嚟咗旺角嘅東哥點心雞煲專門店。佢就係兩個鐘頭放題任食嘅，成人就$188一位，我一嚟到，佢哋有五個湯底俾我哋選擇，包括係雞煲湯底，澳門豬骨煲，胡椒豬肚，醉雞同埋芫荽皮蛋。咁我哋就揀咗半隻雞嘅雞煲。佢個雞煲，芫荽超級多，肉質都好鮮嫩，好入味，有好多唔同嘅配料，例如辣椒，洋蔥等等。由於呢個雞煲任食套餐，係包括埋點心任食嘅。所以我哋等緊雞煲上嚟嘅時候，我哋已經預先叫咗一啲點心。我強烈推薦大家試吓呢間嘅灌湯餃，好大舊，好濃郁。咁我哋都叫咗啲燒賣，蝦餃，同埋沙律春卷。呢啲全部就同出邊冇乜分別，大家等嘢食嘅時候都可以叫㗎。食完雞煲之後，店員就會幫我哋加清湯，所以我哋亦都一早叫定啲火鍋配料，佢哋嘅火鍋配料都包羅萬有，用唔同嘅菜類啦，包括油麥菜，津白，唔同嘅菇類。好驚喜嘅係，佢哋仲有海鮮，有新鮮嘅扇背，廣島蠔等等。咁當然仲有啲基本野啦，就係芝士腸呀，墨魚丸等等。不過值得睇嘅係，喺張紙上邊嘅嘢食，有啲只係可以叫一次㗎咋，例如喺手打墨魚滑，佢嘅墨魚滑係新鮮做嘅，所以好彈牙。大家記住叫呀！仲有美國肥牛，澳洲牛柳粒而且佢哋嘅嘢飲都係任攞架，除咗汽水之外，仲有其他飲料，例如烏龍茶等等。

今日單純行過，朋友仔突然想食點心，所有衝左入呢間試下😋四點既關係，鋪頭內都冇咩人，鋪頭都算幾乾淨企理👍睇下有咩食先，下午茶時段有點心孖寶選擇，$38蚊簡兩款點心，又真係幾抵喎，不過呢個價位預左佢份量細啲囉🤔嘩嘩嘩，標準份量喎🤤🤤燒賣仲大大粒，出曬煙，應該係即叫即蒸，豬肉新鮮而且彈牙，正喎👍山竹牛肉球菜苗餃呢個係全餐最惹味最推介既香煎魚肉釀茄子，魚肉煎到岩岩好，香味四散，咬落口魚肉既煙韌煙感配埋茄子既軟淋，口感好豐富，而家醬汁偏酸甜，超惹味🤤我有想自己叫多碟既衝動囉😋咸水角薑汁紅棗糕熱辣辣蒸出黎，食落軟熟，啖啖紅棗香，岩曬女士們補身之選👍👍❤️❤️又黎個總結先，以咁既價錢簡直係又抵食又好食，$38蚊有兩個點心，仲要標準份量，真係想點呀😜😜

胡椒豬肚雞湯底，湯底重胡椒(略辣)食物普通，炸魚皮淋，粟米唔甜，牛肉唔得(有微黑)，扇貝不鮮點心反而幾好(12款點心任食)火鍋配料只有40款我哋7點鐘到達，大概有6成滿啤酒汽水任飲第一轉好快上菜第二轉有漏單情況出現有其他食客投訴漏單(應該等了20分鐘)職員有禮道歉👍🏻環境有點擠迫😖6⭐️滿分服務⭐️⭐️⭐️⭐️價錢⭐️⭐️⭐️⭐️⭐️環境⭐️⭐️⭐️食物⭐️⭐️地點⭐️⭐️⭐️⭐⭐️整潔⭐️⭐️⭐️⭐️回頭⭐️⭐️3個人埋單$5944人一枱，可以食到10點適合三五😆瘦削😆知己聚會但每人$200-有找，這算是賣點吧😅(以上內容只供參考)