一碗一串

Open Now

Now Closed

同同事嚟食過幾次，佢介紹我食蟹黃油烏冬，加埋佢個自家調製嘅甜醋，蟹味出晒嚟好濃郁啊⭐️🌟😋之後又食過迷迭香蒜片燒西冷扒同埋韓式黑豚豬都好出色，好惹味又Juicy，我覺得佢哋用嘅肉類同蔬菜都好新鮮，今時今日物價上漲真係難得佢哋做到呢個水準😁💪🏻今日唔想食肉試吓個煎石斑柳魚湯烏冬，食得出係用新鮮魚熬嘅鮮甜味🐟😋，抵贊呀🤩🤩我覺得喺中環食嘢一係好貴，一係食外賣，如果想坐低又可以同同事吹吓水嘅，呢度食得安心味道又好，仲包一杯飲品我覺得好滿意😀🌟👍🏻

這間餐廳由我10年前開始幫襯喜歡他們的蟹黃油烏冬 濃蝦湯系列手撕雞我就食過，不過都係喜歡以上兩款😃最近放假終於有機會再來幫襯水準保持 味道豐富價錢雖然屬於中價 但始終喺中環舖租應該唔平我記得價錢同兩三年前係冇乜分別份量都同以前一樣市道唔好 幫襯小店真係好緊要而家有驚喜 可以有雙拼系列因為我個人好貪心又想呢樣 又想試吓其他一個人叫兩個又覺得太多啦所以呢啲雙拼系列 好啱呀🤭佢哋嘅濃蝦湯真係好好飲我次次都冇剩今次試佢嘅昆布木魚湯 都唔錯 不過我下次都係會食最愛嗰兩個😂佢哋嘅首創油烏冬冇得輸🥳朋友叫咗我食咗少少 真係好好味😁仲有佢哋杯熱咖啡都好好味😁

同事朋友介紹中環士丹利街有間小店，中午出品出色，所以決定一試！小店位於中環士丹利街士丹利大廈11樓，那座樓宇有很多餐廳林立，其中都試過一兩間，味道不錯。今天要試的就是位於11樓的Donka。看名字不知道是什麼派別菜式，後來問問夥記才知道是fusion菜系。中午的選擇有6至7款，當中都包括埋餐飲。朋友點了餐廳較有名的燒海赤蝦魚柳龍蝦湯泡飯，本人就點了迷迭香牛油燒西冷配飯。等了大約十分鐘左右，朋友的龍蝦湯泡飯未放枱，蝦的香氣就已經很撲鼻，非常之香，蝦味很濃鬱。本人的牛柳煎得剛剛好，汁醬配上白飯很不錯。跟餐的餐飲都有驚喜，真的估不到冰咖啡的濃度會咁濃，鍾意飲咖啡的人一定會喜歡！總結：小店用心經營，值得支持。朋友果然沒有介紹錯。聽聞餐廳還有很有名的蟹黃油配讚岐烏冬，下次再嚟一定要試！

同朋友嚟到中環，醒起好耐無去過士丹利街呢間樓上舖Donka。佢哋有個special menu，三款嘢食都好吸引，選擇困難症又出現了😅，最後就揀咗食呢個黑豚肉配飯同西冷扒配飯。正丫!!!👍簡簡單單嘅賣相，但味道唔簡單。豚肉厚身，燒得好香口 (I like 香口嘢)，肉質好juicy...😋配上泡菜雪梨，好特別，甜辣甜辣，一啲都唔覺得膩。😁西冷扒係慢煮架，鮮嫩感足，仲有蒜片牛油香味，配菜都好味。最後叫咗兩杯嘢飲，呢杯凍檸茶係用青檸整，飲落好fresh...😙食到好滿足，飽晒✌️食物正，服務好，個個都好有禮貌，下次再同朋友黎食先。😜

無品服務員，口沒遮攔，大言不慚，出言冒犯人身攻擊，令此次用餐體驗感覺差勁，咁樣出口傷人實在太過份😡😡！其實食物質素過得去但係價錢唔平，貴不是問題受氣事大吖嘛⋯⋯😡😡

呢間喺中環士丹利街一棟大廈裏面嘅餐廳，喺中環朋友就介紹呢一間嚟試吓，咁我上到嚟睇吓個環境，人已經唔係好多㗎啦，可能因為呢間舖頭$$都相對比較貴，我諗佢哋係想打一啲稍為高檔啲嘅fusion菜啦。睇佢個Menu佢有鮮蟹肉嘅稻庭烏冬，仲有赤蝦嚟煮嘅濃湯泡飯。我哋兩個就試咗依兩個。我諗蟹肉烏冬同埋赤蝦泡飯呢可能一個人嗌一份其實係唔係好夠啊佢係比較係適合中餐一班人大家share呢咁可能會好啲因為其實真係食唔飽！味道我覺得中規中矩啦！

📍中環濃郁蟹肉蟹油烏冬‼️• 不過價錢有啲貴🤣 -- 一碗一串🍡•Follow @pigfoodiexhk for more food!🐷#pigfoodiexhk_中環==============================Bookmark donka嘅蟹肉烏冬好耐！前排終於得閒嚟試試😝呢到lunchtime座無虛席，都幾受歡迎👍—————————————⭐️鮮蟹肉·鮮蟹油·稻庭烏冬 $178 （4.4/5）蟹肉份量勁多，蟹油味香濃🥰烏冬煙韌掛汁，由頭食到尾啖啖都係蟹鮮味😆‼️一個人食會有啲膩，同埋價錢都真係唔平，加埋一都差唔多$200落樓，所以試一次就好了～🙈——————————————————賣相：4.3/5味道：4.4/5性價比：3/5推介度：3.5/5———————————————————-店舖資料名稱：一碗一串 @donkacentral 地址：中環士丹利街11號Stanley 11 11樓前往方法：中環站D2出口

12點半嚟到未係好多客難得可以靜靜地enjoy我嗰lunch😋要大讚豚肉泡菜飯！豚肉好厚 燒得好香 肉質非常好重點係個泡菜真係好好味平時出面啲泡菜都整到好鹹好重口味但佢嘅泡菜有種果香味 仲好似有啲芝士味除咗泡菜，入面仲有八爪魚同雪梨令到成個口感好豐富泡菜豚內夾埋一齊擺落口🤤十分推薦👍🏻Lunch set 包埋嘢飲叫咗杯凍柚子蜜，成個人都清爽哂！難得見到有張十人枱可以叫埋一大班朋友上嚟齊齊食唔洗分開都幾好🤣🤣

係中環返咗咁多年工，呢家先知有呢間餐廳！！每次放lunch周圍餐廳都爆哂😭好難得俾我揾到間有位原先都驚驚地唔知伏唔伏🤧睇餐牌都唔知食咩好有個姐姐好nice好好服務介紹啲菜式俾我知又俾相我睇喎😘就決定膽粗粗試下佢地個招牌菜蟹黃烏冬我跟住隔籬枱落枝黑醋🤣一食！救命！超好味！！😱😱😱從來未食過呢種味道蟹黃好香好鮮味！食落去個心口暖粒粒！！加埋黑醋真係無得頂！！呢家講講下又想食🤤個牛舌都好正好爽口下次再試下佢地個蝦湯先好多人叫咁😝😝😝呢間餐廳絕對要推介俾啲friend😆❤️

鮮蟹肉 蟹黃油 煮 手打稻庭烏冬 🌟4/5🤓位於中環，位置十分便利，適合附近返工嘅人士。就算lunch hour等位都唔怕太耐！食物方面就非常足料，由頭食到落尾都係啖啖嘅蟹肉！不過可能因為蟹黃油嘅關係，所以食到一半就已經好飽，所以餐廳都有醋提供，落醋食會無咁濟～一碗已經飽到上心口！-食物：8/10環境：6/10服務：6/10-💰 178 HKD (+10% service charge)午市每客最低消費$128

多年前食過佢哋所謂signature蟹肉烏冬，覺得一啲都唔好食，如果唔係朋友今日book咗lunch都唔會再嚟。等位嘅地方好窄，枱凳好迫，成間鋪超級嘈。朋友叫咗蟹肉烏冬，我叫咗牛肋骨黑松露risotto。等咗四個字淨係嚟咗我個risotto，當我差唔多食完要催先至上朋友嘅蟹肉烏冬同兩杯嘢飲。同我記憶中一樣，蟹肉烏冬近乎冇味非常bland，朋友幾乎落晒成支醋，個汁texture好似鼻涕。牛肋骨黑松露risotto好啲，港式西餐廳水準。咖啡嚟到得半杯。餐廳通風非常之唔好，一路食油煙味都好攻鼻，食完成身好似食完韓燒浸味咁樣，非常唔OL friendly。人均$200完全唔明自己點解要食呢度。

前幾日做嘢經過中環，適逢午飯時間，即刻睇下有咩to eat list 係附近，咁啱呢間係附近，今餐就試下啦😋1點15分左右去到餐廳，原本都驚會好多人，好彩大約8成滿，立即有枱，不用等位💪黎餐廳之前已經諗好左食咩，1分鐘都唔洗就落好單，幫我落單個叔叔好好人，見我一個女仔去廁所，主動話幫我睇袋，幾窩心❤️等左一陣，餐飲同主菜連醋到齊，影完幾張相就立即開動🤭鮮蟹肉蟹黃油煮手打稻庭烏冬😋😋😋坦白講，食物賣相顏色係比較單調，但係凡事都唔好淨係睇外表，將烏冬一撈起，就見到好多蟹肉係個底，我撈到咁上下見到烏冬掛滿蟹黃油，就已經大啖大啖咁食，烏冬軟硬適中，而且煙煙韌韌，每一啖都有蟹嘅味道🥰食到一半，開始覺得有少少滯，就落咗少少醋，即刻消咗濟，味覺又昇華到另一個層次🤣為咗呢碗烏冬，我會再嚟過，因為真係好好食👍

我會形容這店為中環打工仔的輕奢侈午餐之選，坐得舒服，可以訂座，環境夠靜夠乾淨，繁忙時間唔需要排餐飽(午餐來講價位的確偏高)。雖然價錢貴少少，連埋加一每位大概200蚊，但食物質素對得住價錢的。-食過幾次，個人認為此店的烏冬好出色，質地好煙韌好彈牙，係好好食的烏冬，初次來食好推介叫烏冬類食品。皇牌就一定係蟹肉烏冬！而且店家配上的醋係正宗醋，味道夠酸後勁甘甜，感覺好似食大閘蟹，加醋食會昇華味道的層次。另外朋友叫左個大蝦海鮮湯泡飯，味道都好鮮甜好食，但個湯唔夠熱，如果滾到出煙仲正，米就好明顯係用日本米，粒粒肥嘟嘟，不過相比烏冬就冇咁出色喇。有興趣有budget的朋友可以來一試啊

Being a seafood lover, been looking forward to try this for a while. The udon was cooked alright, by the texture you can tell it was precooked and reheated upon order. I was a bit disappointed in the sauce.. There was plenty of crab meat but it wasn't as flavorful as I hoped it would be, it was quite blend. Definitely room for improvement. The portion is actually pretty big, for a girl, it was pretty difficult to consume all by myself. Suggest to share between two people if you’re don’t have a b

1/5Seriously, I’m just hungry and is becos this bowl of whatever you name it cost me 140, so I eat.I kind of like their lemon tea use lime, but that’s all.Tomato soup with minced pork and egg udon, plus cutlet pork(in chinese they say bite size as well). Soup, can soup is even better then this, the texture is alittle gooey. Egg is alright, if for scramble eggs, I will say is alittle dry and crumble. Udon texture is good, but with all the add up, is not good anymore. Cutlet pork is crispy, yet is