Video
Read full review
2016-06-03
479 views
路德圍係我細個好熟悉既地方，不過自爺爺幾年前過身後，我就好少再去呢個範圍喇=_=全職媽媽最大優惠就係閒日下晝都可以出街（bb夠六個月後，可以同佢出下街，唔使再成日困係屋企）我同朋友仔都係全職媽咪，約埋一齊帶埋阿b，大人有得傾，小朋友又可以交流下^_^我地叫左兩個set，我要香草豬肉腸、牛舌配法式蜜糖芥末醬，包size實在唔係講笑，一個女生應該好難食得晒，就算我帶埋仔仔（17個月大）可以幫我手食啲，我都覺得好鬼飽，真係幾大份呀，麵包軟身帶點香脆，香草豬肉腸香草味濃，中和了豬肉腸本身的膩感，牛舌夾係呢到，感覺軟身左啲，同豬肉腸有咬感既感覺有點相反，分開兩樣都好食，但夾埋一齊又好似唔係幾夾，蜜糖芥末醬略嫌兼芥末成份多啲，不過整體都好好食，除左包身外，我仲比左啲牛舌中間同豬肉腸中間阿仔食，佢都不知幾滋味^o^我都試左朋友既小小黑松露滑蛋，我覺得滑蛋好滑但味道偏淡，不過咁又正正岩我地比仔仔食喎（≧∇≦）大人食時加埋啲肉醬食味道就會岩岩好喇。另外我地加錢升級左啲小食，分別係薯條加配松露醬同埋薯條（淋上芝士牛肉汁）首先佢地薯條本身，就咁食已經好好食，炸得非常香脆，就算我地掛住傾計，過左半個鐘有多，竟
全職媽媽最大優惠就係閒日下晝都可以出街（bb夠六個月後，可以同佢出下街，唔使再成日困係屋企）我同朋友仔都係全職媽咪，約埋一齊帶埋阿b，大人有得傾，小朋友又可以交流下^_^
我地叫左兩個set，我要香草豬肉腸、牛舌配法式蜜糖芥末醬，包size實在唔係講笑，一個女生應該好難食得晒，就算我帶埋仔仔（17個月大）可以幫我手食啲，我都覺得好鬼飽，真係幾大份呀，麵包軟身帶點香脆，香草豬肉腸香草味濃，中和了豬肉腸本身的膩感，牛舌夾係呢到，感覺軟身左啲，同豬肉腸有咬感既感覺有點相反，分開兩樣都好食，但夾埋一齊又好似唔係幾夾，蜜糖芥末醬略嫌兼芥末成份多啲，不過整體都好好食，除左包身外，我仲比左啲牛舌中間同豬肉腸中間阿仔食，佢都不知幾滋味^o^我都試左朋友既小小黑松露滑蛋，我覺得滑蛋好滑但味道偏淡，不過咁又正正岩我地比仔仔食喎（≧∇≦）大人食時加埋啲肉醬食味道就會岩岩好喇。
另外我地加錢升級左啲小食，分別係薯條加配松露醬同埋
薯條（淋上芝士牛肉汁）首先佢地薯條本身，就咁食已經好好食，炸得非常香脆，就算我地掛住傾計，過左半個鐘有多，竟然都仲好脆，唔會淋晒或油晒，至於加埋醬食既話，我就鍾意'淋芝士牛肉汁'個份多啲，較為惹味啲，我個人覺得松露醬同薯條其實唔係幾夾，唔難食的，不過覺得唔夾姐。
餐飲我叫左凍朱古力，我覺得偏淡一啲，無乜朱古力香，不過亦因為佢偏淡，所以我又可以比仔仔飲幾啖，其實都幾岩我帶埋阿仔黎食^o^
另外我地叫左份香煎牛舌，晏晝流流咁樣食牛舌好似有啲過份（總覺得呢啲應該夜晚先會食嘛），煎得外皮有點脆，而中間偏淋，岩晒我食外面，留返中間比仔仔食，係我而家既立場，可以顧及埋我仔當然係最好啦，完全無諗過酒吧係可以帶埋bb黎一齊食囉（≧∇≦）當然係食下晝啦。（家姐勁愛牛舌，下次帶埋佢黎先，呢到一定可以滿足佢）
Post
