沁沁麫 (Closed)

以前住西灣河時已經經常幫襯，因為冇味精。今年竟然推出新年盤菜，當然要試一試佢。我哋叫咗個4人份量嘅盤菜，當我去攞嘅時候，餐廳好努力將盤菜一盤一盤咁現場即製。份量大到我似為係8人份。回家後將整個盤菜加熱，香氣四溢。而每樣食材都有驚喜。拳頭一樣大的冬菇茄汁蝦碌鹵得好入味嘅蓮藕，枝竹入口即溶嘅腩肉甜得過份嘅蘿蔔自家製椒鹽雞脾同臘鴨脾唔小得嘅鮑魚，鵝掌………食得出餐廳將每樣食材用很長時間去將佢完全入味。如果下年再有得訂，我會再幫襯。

第二次幫襯沁沁麵，上一次食已經係大約半年前。感覺食物用心製作，今次嚟仍然保持水準。小店經營模式，只有4-5張枱，兩名店員負責炮製食物及落單。我哋一家四口👨‍👩‍👧‍👧叫了以下食物share。落單後食物即時製作，所以每樣都相隔約10分鐘才上枱。感覺醬汁及滷水食物味道偏甜，撈麵麵底彈牙。而湯麵的兩個湯底都十分香濃惹味，整體食物質素中上，而且價錢相宜，十分抵食。性價比高，絕對值得推介，值得回頭。👍👍

這次是我第一次寫食評☺️原因係這一間食小店太有心❤️原來開 openrice 新的 account 都幾難、幾麻煩！都搞咗好一陣😥唔緊要啦🥰幫到心儀的餐廳都算值得🥳小妹是有信仰素食者，食全素已經有十年之久，因工作需要午餐多光顧餐廳，但係好多時點餐時走肉，只剩低蔬菜🥬當中的菜汁都有肉類的成份，甚至走肉走得不清😞在我一邊食自己的午餐，一邊知道菜汁有肉，甚至一邊望住塊肉，一邊在食我的午餐，除了有少少嘔心外🤮心理上總是不舒服🤢可惜在我工作的地方，可以提供全素食的餐廳少之又少，有啲餐廳仲要價錢不合理，成日食來食去都係個一兩間都真係有啲悶🥴有日睇FB素食青年有谷友介紹這間餐廳有全素，老闆還好有心地，全為全素客人清潔鍋具才做菜式❤️距離我工作地只有兩個港鐵站，幸好有個熱心立法會議員成功爭取西灣河起港鐵站💪🏻好！一定要試吓！支持！我選了大胃王秘汁撈麵的素食版本😋裏面有大件炸豆腐、豆卜、好大隻冬菇、溏心鹵水旦、時令蔬菜、還有炆得好入味好鮮甜的蘿蔔。食得很豐富很飽肚🥰還有食得好舒心🥰唔洗擔心唔覺以食了肉，還有一讚全店無味精無添加👍🏻傳聞另一素食係素娘惹咖哩湯麵，食過會上癮，下次要試😋

好耐都冇食到一間餐廳，令你咁有回憶，真心佢哋嘅食物同埋老闆嘅態度都十分難得，十分之好。點解咁講呢，呢種小店真係好有人情味，食物又好食，性價比極之高，老闆用心製作，同啲客又有良好互動，我哋真係要多多幫襯，繼續支持。你食得出啲食物，之前係要用好多時間同心機，去預備同製作，呢一點係現今經濟同社會氣氛之下都已經好難得，仲有嘢飲都係好驚喜，好飲。雞卷更加唔使講，食頭一啖已經好開心，開心係有機會食啲咁好食嘅嘢🤣總之每樣嘢都做到好好👍

今日要去筲箕灣做事，做完嘢都只係十一點幾，但係一場嚟到筲箕灣總唔會唔食一餐就走，就係咁，就行咗去東大街行吓睇吓有乜好食啦⋯⋯麵食一向都係我最愛，不過由東大街街頭行到去街尾都有幾間麵店，都唔係我心水，即使當中有三間都幾出名嘅老牌麵店，三間都試過都係名大於實，在心灰意冷諗住要離開筲箕灣時，突然間眼前一亮🤩令我眼前一亮的不是一間食店⋯⋯而係行到去電車總站，即將待開的一架叮叮車（電車）。它令我找到目標了，我嘅目標就係坐幾個站去西灣河，沁沁麵。坐叮叮車好快就去到西灣河文娛中心，落車行兩步就到，去到都係十二點，現場有位就即刻入坐，一坐低店員就推介我沁沁飯，話宜家剛剛開始發售，係最好味最推介。但係我嚟係想食麵喎⋯⋯食飯咪打亂晒我嘅計劃。我回答等我諗吓先。沁沁飯即係臘味雞焗油飯，我又真係好耐都無食過臘味，加上近日已經涼涼地，又真係幾吸引，好啦！既然推介就試吓啦！飯一上就已經聞到個飯好香，香得嚟又好陌生，呢個飯並唔係我曾經食過嘅普通臘味飯嘅味道，望落去個飯好靚，臘腸、鴨潤腸、臘鴨、滑雞都各兩件，飯粒一粒一粒好挺身，飯上面仲有一片飯焦，還有生葱點綴，賣相好好👍🏻真的很想知道食落口會有乜嘢味道。先來食一件滑

今次再次到訪沁沁麪，竟然都唔洗排隊，所以我第一時間即刻入去，做足安心出行同掃針咭，免得傷害到我珍惜的最愛食店💛今次我食新加坡叻沙辣湯麵配金菇肥牛，由於太肚餓，食咗一半先記得唔得影相，好啦😛留返下次再影。沁沁麪個叻沙湯真係好香，比起我曾經食過的叻沙都香，佢哋個麵又白又滑仲要食到麵粉味係我最愛，特別一提係佢啲肥牛好好味，份量又多又唔肥，的確正👍🏻食過沁沁麪的良心出品，一定會回頭，留返下一次先補回影相📸️

在西灣河區工作了六年，收到上頭通知即將要離開西灣河，調職到別區，回顧這六年日日西灣河食午餐都食得很沒趣、十分厭倦，是唯獨有兩間食店沒去一段時間就不期然會掛念，其中一間就係沁沁麪。早前午餐再去食麪時同老闆講將會離開西灣河工作，好懷念老闆專為我與同事們炮製的私房菜，未知在調職前能再品嘗一次呢，老闆表示現在的生意已漸漸回復正常，但睇在我哋都係熟客仔，就特別為我哋做兩日午餐吧⋯⋯第一餐兩味餸，係芽菜炒牛肉同一味從未食過的蒸魚⋯⋯老闆說係「古法蒸脆肉鯇」芽菜炒牛肉係好味，牛肉又滑又惹味，火過剛剛好，好食！但脆肉鯇可以用嚟蒸？真的很懷疑？？但係老闆說包我哋滿意，好吧！抱住人一世物一世都試吓啦！脆肉鯇魚肉分兩種，一係魚柳切成薄片，二係魚腩部位切成一條骨連一條肉，切法已經很有心思與刀功，這種切法即使食魚唔識𠼱骨嘅人都唔會啃骨。先即一下魚肉片，好彈牙又好滑，魚肉經醃製過，有味而又十分好味，魚肉連金針、雲耳、紅棗、杞子一齊蒸，蒸出來的魚汁十分香濃惹味，已經夠人餸一碗飯，再試魚腩，彈牙的感覺更甚，啖啖肉更加食得出魚味，我哋三個一邊不停咀咁食，一邊係咁講好味，好快已經食晒一大碟，老闆話這個份量已經係半條魚，老

行開西灣河有d野買～上網搵到依間睇落幾好～座位唔算好多～20個位度～簡易裝修～老闆都有儲下玩具～不過小編無特別影～留返睇緊既你去欣賞下😎—————————————————🍜沁沁麵新加坡叻沙湯麵配粟米什錦海鮮+上海手工拉麵醉雞卷 湯底主打無味精～小編無叫野飲下亦唔見口渴👍叻沙味道好正～唔會話好濃或好淡～海鮮方面有蝦·元貝仔·青口·多春魚～幾特別😃特別想講講手工拉麵～好煙靭口感勁有咬口～小編覺得好好食🤤醉雞卷酒味唔重～問過老闆因為想配合小朋友都可以食到～貼心位😊每舊都厚切啖啖肉💯好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:小編一定會再黎食過👍食得出廚師用心研究～希望唔同客人都可以食到😇讚‼️

鮮茄茸濃湯拉麵😯蕃茄味非常濃郁,又唔會過酸,更唔會油膩少數令人想飲埋湯既拉麵湯頭用既都係比較輕怡口味既餸,菜肉比例均衡無乜胃口又想食清淡少少既好啱食大胃王秘汁撈麵好鹹好硬好乾😥試咗幾啖放棄肉肉肉肉肉食到個口好寡😐唔係重口味既人最好唔好嗌可能當日夜咗去食所以浸到太鹹(? idk

之前食過一次，唔好食，個大胃王秘汁撈面，豬扒好乾好硬，面好淋，雞翼無味，其實雞翼都覺得唔好食真係surprise既，見咁多like，又小店告急，以為個別事件，我俾多次機會試多次，唔掂，個沁沁面3舊雞好肥，湯淡，西蘭花好硬，溏心蛋just ok, but look bad, 隻蛋裡面好黑，可能好俾心機用鹵水汁淆……不過呢個價錢，唔貴，唔貴既水準黎講，我只可以話below normal，但我係好失望既我煮公仔麵會開心d囉

有朋友喺 WhatsApp 群組推介呢間叫做沁沁麵，話路經西灣河、筲箕灣都一定要幫襯😮又話有個臘味飯好好味成日賣晒，仲有附帶要食到沁沁飯嘅攻略係午餐一點前要到達，晚餐要七點前才有機會食到，咁誇張？😱今日收工放低女朋友一於嚟個自私食😋今日我係專登去試，唔係路經，準時晚上六點半去到沁沁麵，入座率都幾滿，店員查詢我撘枱介唔介意？我話唔介意，其實要食就無得介意嫁啦🙄坐低睇吓個餐牌，好！就試沁沁飯，即係招牌臘味飯，於是由店員落單一個沁沁飯，店員回覆沁沁飯剛剛賣晒😨吓？我問宜家六點半喎咁快賣晒？店員回答剛剛最後一個沁沁飯都有客人點了，今晚唔會再有啦！咁睇多陣餐單，咁唯有沁沁麵啦！配菜加咗雲吞。沁沁麵即係招牌人蔘雞湯麵🍜坐咗一陣碗麵就到，但與此同時我撘枱的一對男女嘅嘢食都到，原來佢哋叫咗沁沁飯😳雖然食唔到沁沁飯，但都見到沁沁飯本尊🤭我先飲啖蔘湯，都幾好飲，人蔘雞湯味有啲澀澀哋，但煲得好鮮甜好易入口，麵條好爽滑，溯咗啲湯好好味，雲吞裏面隻蝦好大隻，碗麵配菜又有蔬菜又有木耳，都覺得好健康，肉絲滲有人蔘味，整體成碗麵都好高質素，難怪有咁多人幫襯👍🏻餐後感：我一邊食，一邊聽對面一對男女評論沁沁飯，又話啲臘味

在西灣河工作已經6年了，中午食飯無論茶餐廳、酒家、麵食…..都食到厭，而沁沁麵一向都係我其中一個選擇，但總不能夠餐餐都食，一樣都會厭。偶爾同老闆傾談，老闆說他的煮的住家菜很拿手，跟同事商議後，我們決定跟老闆說每日都包團餐，暫時包兩星期，我們跟老闆說定了愛吃什麼、不愛吃什麼，便由老闆發板，由他決定每日兩個大份量的小菜。如是者吃了一星期，我和我的另外兩個同事都很滿意，除了份量夠足、食材夠鮮外，老闆的廚藝更是一流，沒有味精無添加而不會淡口味外，更吃得出食物的新鮮味道。麵豉醬豆卜蒸牛肉老闆說他家鄉著法，這個配搭真的確有一點新鮮感。我們很喜愛吃老闆煮的牛肉，無論是蒸或炒或水煮都是很滑很鮮味，是很未失手的高水準，但是我們今次最愛這道菜式竟然不是牛肉，不是牛肉不好吃，而是有更好吃的食材是豆卜，豆卜滲透了牛肉汁和麵豉汁，竟然會好吃如此？真的很佩服。另一道菜是香煎馬駮魚扒，魚扒表面煎炸得很脆卜卜，內裏肉質嫩滑，問老闆要了一碟茄汁，原因是自己的童年回憶。小時候媽媽常做這道菜，媽媽都會準備了一碟茄汁讓我們點著魚肉吃，但長大後離家外出工作後，幾十年來都沒有機會吃過了，今天能夠再吃到這道菜，真是非常感謝。

今晚收工好鬼肚餓，一路撘港鐵一路都想去沁沁麵食嗰個好鬼大份又好鬼抵食嗰個「大胃王秘汁撈麵」，以前一直都想食，但就係怕太大份量食唔晒🥺今次正好係一個大好機會挑戰一下呢個撈麵😡坐低睇吓餐牌，有鹵水豬扒、鹵水雞翼、豆卜、冬菇、腸仔🫘再加一個撈麵都係53蚊，真係好多肉好豐富😋但係睇真啲🔍腸仔？😨我不嬲都唔食腸仔喎😨唔通因為腸仔我就食唔到？😭咁我最後都係決定要食大胃王撈麵，最多都係走腸仔😡唔食唔好嘥嘢食嘛我同老闆娘講：我要一個大胃王撈麵走腸仔。老闆娘講：你唔食腸仔我幫你轉其他野好唔好？我：吓？可以轉其他嘢？老闆娘講：你走咗腸仔就當然要補其他嘢啦！大胃王撈麵咁多肉，不如我轉鹵水蘿蔔俾你好唔好？食多啲蔬菜健康啲我：吓？大感動了🥲第一次食大胃王撈麵感覺很好，個撈麵好好食，豬扒又夠軟滑👍🏻雞翼豆卜好入味👍🏻最特別係鹵水蘿蔔，無渣又唔苦，仲要好鮮甜，真係好好味😋特別係我今次發現店內有Mirror 收藏品，我就問老闆娘：你都係鏡粉？老闆娘答：啲收藏品係老闆，見到佢就反眼🙄老闆係姜糖🙄其實我都係姜糖🥰不過估唔到老闆都係🤣入嚟沁沁麵食嘢，除咗啲嘢食好味之外，其實都有一種回家吃飯的感覺，呢種感覺係會令你不斷的回頭

說它是麵店, 其實它的飯比麵更為矜貴, 無他, 之前光顧午市時, 它的沁沁飯, 也就是雞油臘味飯常常售罄, 今次光臨卻還有幾碗, 除了是我的幸運外, 也反映了疫情下對小店在生意的影響. 雞油平均沾在飯身, 油亮帶香氣, 豉油甜而不死鹹, 色水均勻, 再加在舖上飯面的飯焦, 好睇又好食. 配料除了臘腸和鮮雞件外, 也附上自家製作的臘鴨, 鴨油香豐盈, 鹹度適中, 略嫌鴨肉口感較死實.小食必點的是其醉雞卷, 酒香帶甘甜而不苦, 雞皮彈殫, 雞肉口感實中帶軟, 中間凝固的雞油啫喱令其更有油香, 不用三十元有六大件, 比不少小食店抵食. 以自家熬製的羅漢果茶作結, 不是山珍海味, 但吃完相當溫暖.Double Heart for Noodles is a noodle shop but this rice is excellent and sold out very earlier. This lunchtime I were so luckily to taste it. The rice is full of chicken oil and the soy sauce is even di

沁沁麵人蔘雞湯底人蔘味吾會好重，非常之清甜，喝後有少少回甘，雞肉絲係煲湯雞肉，雞肉絲渗入人蔘味又幾好味，溏心蛋口感綿密，鹵水味十足，配上健康的黑木耳及西蘭花，份量都幾足，手工拉麵夠彈牙，非常掛湯。沁沁飯姐係臘味飯，有臘腸、潤腸、鮮臘鴨同滑雞，臘味夠香又吾會好油膩，鮮臘鴨肉質鮮嫩，米飯帶著微微的臘味香味，十分好食。醉雞卷花雕酒味好香濃，雞肉結實又嫩滑，跟餐$29算幾抵食。滷水特大冬菇兩大隻冬菇要用刀叉享用，滷水汁幾香，但濃味左少少。