龍味館

Open Now

Now Closed

提到中菜，總會想起大圓桌上的大碟頭菜式，位於上環的龍味館 就可找到精緻二人套餐，交通方便，上環E3出口2分鐘，如果泊車，可以泊林士街停車場或永安中心停車場，裝潢一洗中菜館的俗套老氣，注入時尚氣息，散發摩登的東方韻味，今次就選擇了套餐B $498 兩位用，包括熱湯、三款點心、主食和甜品，比單點更抵食。宮廷酒爵暖胃湯熱湯以半透明仿古爵杯盛載，造型古雅，味道清甜，入口暖胃順喉。龍味點心拼盤包括龍蝦蝦餃、蟹子鮮蝦燒賣和卡邦尼小甘筍，一次過淺嚐三種款式，點心即點即蒸，確保新鮮熱辣辣，龍蝦蝦餃晶瑩剔透的外皮以金邊點綴，造工精細，包裹著矜貴龍蝦肉，爽滑彈牙，燒賣舖上大隻鮮蝦，蝦肉與豬肉比例掌握得宜，卡邦尼小甘筍外型超可愛，表層像鹹水角般酥脆中略帶煙韌，內餡則裹滿白汁火腿芝士，中西合璧卻完全不違和。脆米波士頓龍蝦湯鮑魚海蝦帶子泡飯上桌時倒下脆卜卜的金黃脆米，即使放久了亦沒有輕易被浸淋，軟脆相間帶來雙重層次的口感，盡吸湯底精華，龍蝦湯色澤紅潤油亮，味道濃郁鮮甜，加上新鮮爽彈的龍蝦肉、鮑魚、帶子和海蝦入饌，真材實料。紅粉玉露番石榴果香酸甜清爽，消暑解膩，揉合粒粒果肉和滑溜西米，層次感豐富

今日返夜班，晚飯時間又係公司附近周圍覓食🥰。行下行下發現間好多朋友都介紹我去嘅龍味館，原來咁近我公司，一直都冇為意添😆。餐廳以黑色為基調，裝潢簡約華麗，加上燈光昏暗柔和，突顯尊貴味道🥰。2️⃣人套餐分A/B/C/D 4️⃣款，最平$276 真係好抵，我當然係叫最貴啦😂，其實都只不過係$568。套餐A 2位用 $568 🌟湯品宮廷酒爵暖胃湯湯品器皿好靚又別緻，用上磨砂玻璃仿古爵杯，橙黃色的青紅蘿蔔湯😍，味道清甜又香濃，口感濃稠，熱辣辣暖胃又好飲😋。🌟前菜魚躍龍味館一品頭拼青芥末海蜇頭 - 口感爽脆，青芥末獨特的辛辣味🌶刺激味蕾，十分醒胃😋。香橙白玉蝴蝶 - 冬瓜用上柚子蜜糖醃製，味道香甜，口感爽脆，好驚喜🤤！桂花蜜餞鮮冬菇 - 鮮冬菇炸過後，再混上一層桂花蜜餞糖膠，味道香甜，口感軟滑多汁😍。🌟招牌菜招牌龍蝦鬚擺盤相當吸引，原隻龍蝦造型🦞，龍蝦身用蘿蔔絲酥替代。酥皮鬆化香脆，包住清甜的蘿蔔絲及鮮甜的龍蝦肉粒，香甜多汁，鮮味無窮😋。🌟主食波士頓龍蝦湯燴手工拉麵幼身麵質感爽滑，湯底龍蝦味濃郁🦞，十分鮮甜😋，配搭生蔥絲一齊，增添鮮香味。鮮龍蝦肉身飽滿，質感爽滑彈牙，鮮香味十足🤤。🌟甜品紅粉玉露香甜爽

阿女今晚同我去咗一間中環知名中菜館食晚餐，龍味館曾榮獲米芝蓮指南餐盤獎和米芝蓮粵菜指南推介，當然要過嚟試吓，餐廳裝潢時尚有格調，招呼亦週到。推出數款套餐，不同配搭方便客人選擇。揀咗套餐B：宮廷酒爵暖胃湯：以古代酒爵杯形狀的磨砂杯盛載，飲落順喉又暖胃，口感creamy。龍味點心拼盤：龍蝦蝦餃內餡係彈牙爽口龍蝦肉，外皮用金箔封邊，更顯名貴。蟹籽鮮蝦燒賣：每粒豬肉燒賣上面都放有爽口嘅鮮蝦，加上蟹籽口感更豐富。卡邦尼小甘筍：外皮是鹹水角的味道，饀料卻是煙肉和卡邦尼的醬汁。中西合璧，又是另一蕃風味！脆米波士頓龍蝦湯鮑魚海蝦帶子泡飯：份量十足，半隻波士頓龍蝦鮮甜彈牙，鮑魚柔軟爽滑。龍蝦湯超濃郁，每一啖泡飯都充滿龍蝦鮮甜味，加入左鮮味嘅帶子粒，食嘅時候再加啲脆米，味道同層次感都好豐富。紅粉玉露顏色鮮明，番石榴配西米配搭得宜，甜度適中。

同家人晚飯，決定試下呢間主打龍蝦嘅中餐館。餐廳氣氛幽靜良好，格調設計頗具美感。餐廳用 tablet點餐，掃視咗餐單，我哋好快定咗要套餐B，分餐湯、頭盤、主菜、甜品。餐具甚為精美。餐湯係菠菜暖胃湯，飲得出係雞湯底。雖然係用玻璃酒爵形器皿呈上，睇落幾特別，不過飲湯我都係鍾意用碗同匙羹。頭盤係三件小點心，用一個大碟裝住三小件形色各異嘅龍蝦蝦餃、蟹子鮮蝦燒賣、卡邦尼小甘筍。賣相頗精美。不過龍蝦蝦餃裏面並冇乜龍蝦，食落同普通蝦餃冇太大分別；蟹子鮮蝦燒賣係名副其實；卡邦尼小甘筍幾有創意，顏色造型餡料都幾合襯，食落幾香口。主菜/主食係龍蝦湯海鮮泡飯。賣相好好，熱辣辣紅彤彤一大煲，露出張牙舞爪嘅龍蝦殼、鉗、鬚等等，倒埋脆米落去，霎時沸騰，龍蝦香氣亦越發明顯。食指大動，去殼食肉飲湯吃飯，湯係真材實嘅龍蝦海鮮湯，飲落好鮮甜（而且之後都冇頸渴），撈埋啲飯一家人竟然食晒咁一大煲！期待同樣係熱食嘅甜品，但係甜品係番石榴紅粉玉露，水果派系，係凍㗎。照常嚟講呢個甜品得分應該係高，色香味都經都起推敲。香滑清新嘅番石榴果蓉加埋入口頓覺驚喜嘅脆卜卜西米，成個甜品口感好有對比同層次。但係天氣凍，所以打咗折扣。套餐標明係全日

這間餐廳坐落於上環，交通十分便利，從地鐵E3出口步行兩分鐘即可到達🚆餐廳裝修氣派，環境乾淨整潔，令人感覺十分舒適✨。上菜速度快，不用久等⏳我選擇了Set A，兩人用餐價格為$598💰首先上桌的是“宮廷酒爵暖胃湯”，即雪梨甘筍湯，盛在磨砂玻璃的仿古爵杯內，既別緻又美味🍵。湯香濃清甜，能感受到食材的新鮮🌱。隨後是前菜“魚躍龍味館一品頭拼”。青芥末海蜇頭口感爽脆，微辣的味道瞬間打開味蕾🌶️；香橙白玉蝴蝶是酸甜可口的醃冬瓜，十分開胃🍊；桂花蜜餞鮮冬菇則是炸冬菇配上桂花蜜，🍄幾特別。“招牌菜龍蝦酥”外型吸睛，龍蝦肉包裹在酥皮內，口感鬆化，內裡真材實料，咬下去能感受到新鮮的龍蝦肉，十分難得🦞。最後的“波士頓龍蝦湯燴手工拉麵”，湯底濃郁，手工拉麵筋道，搭配鮮甜的波士頓龍蝦肉，令人驚喜😍。湯底味道濃郁而不膩，一口接一口，完全沒有味精的感覺👌。甜品“紅粉玉露”口感豐富，甜度適中，清新可口🍧，為這頓晚餐畫上完美句號✨。總的來說，這次用餐體驗十分滿意，值得再次光訪！🌟

忙了一整天之後，我來到這間幽靜的餐廳，點了份 b餐。這套餐包括前菜、點心、主菜和甜品。首先出場嘅係 *暖胃湯*，呢款木瓜甘筍湯真係一個完美嘅開場。湯嘅溫度啱啱好，飲完即刻覺得暖笠笠。接住嚟嘅係 *龍苑點心拼盤*，包括龍蝦蝦餃、蟹子鮮蝦燒賣同埋卡邦尼小甘筍。每個點心都精緻又美味，特別係龍蝦蝦餃，鮮甜嘅海鮮味充滿口腔； 蟹子鮮蝦燒賣咬落肉質彈牙有口感。小甘筍脆香可口。主菜係 *波士頓龍蝦、鮑魚、蝦海鮮湯泡飯*，呢道菜真係海鮮愛好者嘅天堂。每一口都食到海鮮嘅新鮮同甜美，湯底係精心熬製，濃郁但唔油膩，配合著加埋嘅脆米飯，忍唔住一口接一口。最後係 * 紅粉玉露*，呢款甜品完美收尾。清新嘅番石榴香味同 一粒粒嘅西米，口感綿密又唔會過甜，為整個用餐體驗劃上完美句號。

最近特登去中環睇燈飾，睇完燈飾之後想食中菜，兩個人食中菜都有啲難揀，去呢間龍味館就有二人套餐，份量啱啱好甘筍湯：湯用好精緻嘅器皿盛載，入面有少少粒粒口感，似係用機器將蔬菜攪勻，幾開胃點心拼盤：龍蝦蝦餃，真係第一次食，味道比普通蝦餃，更加濃郁，但係皮都有少少厚。蟹籽燒賣正常發揮，蝦都幾大隻。卡邦尼小甘筍賣相可愛，表皮好脆又軟糯，入面係白汁煙肉，有創意炭燒蜜餞黑豚肉叉燒：叉燒肥美，而且有好香嘅焦香味，旁邊嘅香草亦都增加咗味道嘅層次紅粉玉露：入口有濃郁嘅番石榴味道，唔算太甜，而且玉露增加口感，好睇又好食

難得過海行街，又想食中菜，見到依間好似幾抵食，環境又不錯，所以決定入食。餐廳位置非常方便，上環E3出口直行2分鐘就到。餐廳侍應都非常好，會留意幾時食完幫你收野，所以張枱嘅空間都夠用🤭而且燈光好柔和，環境清靜，同另一半可以慢慢撐枱腳。Menu入面有四個套餐，揀咗個最抵食嘅D餐，入面包咗前菜、主食同甜品。個茶有得揀我最鍾意嘅白桃烏龍茶，好香甜，飲落亦有茶嘅澀味。💚宮廷酒爵暖胃湯開始食之前每人會有一杯暖胃湯，係花生眉豆湯。花生味濃郁，而且亦有碎碎既花生同眉豆，真係好開胃。💚魚躍龍味館一品頭拼分別有青芥末海蜇頭、香橙白玉蝴蝶同桂花蜜餞冬菇。個人覺得海蜇頭最好食，芥末味唔會太過強烈，易入口，海蜇頭爽脆。💚夏威夷果露筍炒鮮菌夏威夷果粒粒都大大粒同脆口，而且配有不同既菜，個筍亦都好脆口，啲菇亦都炒到好入味💚黑松露和牛崧炒飯上菜既時候已經聞到好香既黑松露味，望落啲飯一粒粒金黃色，食落夠乾，仲有好多和牛，食完一碗又一碗。💚紅粉玉露最有驚喜嘅甜品，開頭見到嘅時候估緊係咩黎。食落十分清甜，原來係番石榴，用嚟做甜品，令成餐飯都感覺到好fresh 😋

龍味館，酒樓咁嘅價錢，fine dining感覺 嘅餐廳，裝修精緻。價錢又貴，最貴嗰個套餐都係每位$299！餸菜夠晒精緻，服務一流！❤️宮廷酒爵暖胃湯 魚躍龍味館一品頭拼 ❤️青芥末海蜇頭 ，有芥辣味，夠爽！❤️杏橙白玉蝴蝶 ，甜酸蘿蔔，夠開胃！❤️桂花蜜餞鮮冬菇 ，呢個好食，甜甜地嘅炸冬菇，好味！❤️❤️招牌龍蝦酥，蘿蔔絲酥餅，真係有龍蝦肉！❤️❤️龍蝦湯麵，半隻龍蝦，龍蝦肉夠鮮甜，面質都彈牙！甜品❤️粉紅玉露，好鍾意呢個甜品，用番石嘅甜品好特別，平時好少食番石榴，番石榴味咁清甜！

咁啱約咗師奶仔朋友港島遊又想坐得舒舒服服傾吓偈不約而同想食中餐 豪d去食龍蝦啦！就諗起呢間性價比唔錯嘅米芝蓮中餐廳😍一直都想試 佢同集團隔離有間叫飲茶 之前試過啲點心都好食 今次過嚟試埋佢嘅中餐廳龍味館地址: 中環德輔道中173號南豐大廈2樓3-5號舖電話: 84945854=====================位置嚟講交通都方便上環E3出口2分鐘如果泊車可以泊林士街停車場🅿️ 或者永安中心停車場🅿️對於選擇困難症嘅人有套餐就一定會揀套餐😂我哋一行二人揀咗B餐除餐附送有宮廷酒爵暖胃湯佢嘅presentation好得意會用咗兩個特色宮廷杯裝俾你飲味道飲落好舒服係一個幾得意嘅Starter 係綠豆海帶湯套餐入邊包咗三件特色點心分別係龍蝦蝦餃，蟹籽鮮蝦燒賣同卡邦尼小甘筍（咸水角）點心質素👍👍👍蝦餃皮薄餡靚有煙韌度，燒賣唔會覺得食落好肥膩，係食落去冇乜肥豬肉嘅足料鮮蝦燒賣，小甘筍號得意入邊包住卡邦尼餡，有啲fusion嘅感覺！主菜就係我哋最期待嘅脆米波士頓龍蝦湯鮑魚海蝦帶子泡飯！😍😍😍😍講緊係成煲拎上嚟，二人份每人可以不到三四碗，加埋脆米嘅口感好好，海鮮亦新鮮！唔錯！😋最後除餐附送嘅甜品係番石

飲食嘅智慧，其中一樣系千祈唔好食咁濃味，如果唔係習慣咗，以後就食龍肉都冇味。所以我選擇系一開始就食龍肉，而唔食濃味。 🍖龍系傳統嘅神獸，我哋都冇見過真正嘅形態，但係每次見到藝術品上面既龍，都係非常精細，就好似呢度嘅前菜，三款精緻嘅點心，放喺美輪美奐嘅碟上面，重視擺盤，賞心樂事，而且點心質素高，尤其係個鹹水角，以蘿蔔形象呈現，各樣都好似龍一樣嘅藝術品咁。 🍖跟住就係食真正嘅龍。。。蝦，系充滿鮮味嘅泡飯，除咗滿滿半隻大龍蝦，仲有蝦同鮑魚，咁多海鮮個湯底自然系會非常鮮甜，而海鮮本身都係啖啖肉，龍蝦唔使講，非常飽滿，又唔會因為浸喺湯入邊而失去彈牙嘅口感。蝦肉夠爽身，同龍蝦肉相影成趣。鮑魚有咬感，但唔會韌，容易咬開，略帶彈性。最重要係個脆米，倒埋落去個粥底，就產生軟棉棉又脆卜卜嘅雙重享受。 🍖餐前既開胃湯品，同餐後甜品同樣出色，顏色都好靚，尤其係甜品玫瑰石榴糖水，冰冰涼涼，清爽得嚟夾雜住玫瑰同埋石榴嘅啖啖清香。 進餐過程感受到藝術氣息，咁先至似食龍肉嘅感覺！

龍味館 (中環)中環優質粵菜最近我去咗中環一間高性價比嘅粵菜餐廳，試咗佢哋嘅Set Menu A，兩個人只需HK$598，真係超值！一入到去，餐廳環境優雅，服務人員親切，讓人感覺好舒服。餐前湯首先上嘅係「宮廷酒爵暖胃湯」。呢碗湯頭真係好鮮甜，味道清淡而不失香氣，喝完之後，整個人都覺得暖和，為接下來的美食做好準備。頭盤接住上咗頭盤，包括「青芥末海蜇頭」、「香橙白玉蝴蝶」同「桂花蜜餞鮮冬菇」。每一樣都好精緻，海蜇頭清爽可口，青芥末嘅味道帶有一絲微辣，配搭得恰到好處。香橙白玉蝴蝶嘅口感滑嫩，香橙味道令整道菜更加清新。而桂花蜜餞鮮冬菇就係甜中帶鹹，味道非常獨特，令人驚喜。招牌龍蝦酥然後就係「招牌龍蝦酥」，外表做得好靚，真的有啲似成隻龍蝦，打卡一流！咬落去外脆內嫩，龍蝦肉鮮美，真的好有水準。主菜之後上咗「波士頓龍蝦湯燴手工拉麵」。湯底真係非常鮮美，配合手工拉麵，兩者相得益彰，味道濃郁又不膩，食落去非常滿足！甜品最後，甜品係「紅粉玉露」，即係Guava cream soup，口感滑順，清甜可口，是完美的結尾，清新而不會過於甜膩。😋靜靜雞指數 🐥🐥🐣🥚🥚🔂再偷食指數 ✅✅✅✅☑️💲減荷包指數 💸💸💵💵

聽朋友介紹，龍味館嘅二人餐幾抵食，賣相幾精緻，我揀左套餐C宮廷酒爵暖胃湯（眉豆湯）宮廷酒爵係用精緻的器皿嚟盛載眉豆湯眉豆湯的淡淡清甜、飲落可以飲到少少軟爛眉豆適合飯前飲用**龍蝦蝦餃**龍蝦的鮮味頗突出，蝦餃的皮夠晶瑩剔透口感Q彈，內餡龍蝦肉好飽滿 龍蝦大大隻👍🏻**蟹子鮮蝦燒賣** 蟹子好鮮味和蝦肉夠彈牙燒賣的皮都好軟糯內餡飽滿又多汁**卡邦尼小甘筍**食落口感似鹹水角賣相幾可愛，細細粒紅蘿蔔**炭燒蜜餞黑豚肉叉燒**黑豚肉好軟嫩、肥瘦比例平均炭燒後的焦香氣息，食落真係幾唔錯**紅粉玉露**呢款係番石榴甜品番石榴粒配上粉紅玉露淡淡的甜味、清爽解膩

果日接老公放工去上環食埋晚飯E3出口行兩分鐘到南豐大廈2/F 龍味館😌餐廳設有全日套餐好方便唔洗自己諗餐死🤣揀左C餐兩位$398✅ 宮廷酒爵暖胃湯裝湯既容器好有特色好趣致😄好似個鼎咁 飲完啖湯暖暖肚 酸酸地開左個胃就食主菜啦✅ 點心拼盤有三件 (燒賣/蝦餃/紅蘿蔔🥕形既點心)前兩件都好足料 蝦好大粒 燒賣又飽滿🥕點心就似咸水角咁 不過裡面就係火腿洋蔥等咸咸地既stuffing 幾特別✅ 炭燒蜜餞黑豚肉叉燒 (有白飯跟)叉燒上枱仲有個火暖住 夠細心半肥瘦 好juicy 肉質仲好淋👍🏻蜜餞做得出色 送飯一流✅ 紅粉玉露 (aka番石榴西米露)依款甜品第一次食 幾fresh粉紅色已經好靚 引起少女心番石榴酸酸地 黎個首尾呼應😋仲有粒粒西米爆珠增加口感

餐廳裝修都很有氣派，乾淨企理，上菜速度也很快，入會消費還有著數，地點也方便，上環地鐵站走2分鐘就到，附近亦有車位可泊車～宮廷酒爵暖胃湯～西芹番茄湯來的，能喝到西芹及番茄味，味道各有突出，比例剛剛好～青芥末海蜇頭～芥末味初時吃很上頭，但過了1秒後就沒事了，辣度醒神開胃，海蜇頭亦十分爽脆～香橙白玉蝴蝶～橙味濃香，冬瓜被炆得十分入味～桂花蜜餞鮮冬菇～冬菇沾粉漿炸至香脆，加上桂花香及蜜餞，甜美可口～招牌龍蝦酥～龍蝦酥的造型超像龍蝦身，酥內更加入了彈牙大粒的龍蝦肉，酥皮亦很酥脆～波士頓龍蝦湯燴手工拉麵～碗內有半隻大龍蝦，蝦殼已略略仆碎，進食方便，龍蝦湯味道超濃郁，伴麵吃完再喝都很正～紅粉玉露～番石榴甜點來的，非常清新，番石榴味超級香濃，內裡也有番石榴粒粒及爆珠，口感很好～