龍門客棧 (麗豪酒店)

Open Now

Now Closed

2月4 在沙田龍門客棧食晚餐。當我地叫服務員幫忙時，有好多時他們都視而不見。有次我地成功搵到一個部長幫我地茶壺加水時，那部長示意知道後，竟然無咗回事，而且唔只發生一次，係發生咗好多次。ok, fine. 我體諒，諒解，畢竟當日係多客，但少職員，係忙既。但我接受唔到係以下呢件事: 係上甜品時(杏霜豆腐something like that)，一位短髮女部長在幫我地分糖水時，竟然離開工作崗位，去逗利是。留下我地半枱沒有甜品，要我地自己服務自己，事後更毫無悔意。以上係罵既，以下係……都算係讚既:話說我唔小心跌咗隻筷子落地啦，咁就搵咗個部長，想話拎多對。之後有個都幾靚女既侍應行過黎，比咗一堆筷子我……我都唔知好嬲定好笑。不過都算係超額完成既。

今天是初一，走到這裡找一些好食的素食。叫了一碟上海粗炒去肉。味道一樣咁好。再加点 豆瓣醬更野味。再叫素鵝及四喜烤夫。两樣都做得好味。加多個黄金銀絲卷。炸得色與味都很出色。最後來個奶油津白，加埋一壺普洱茶，加上這裡的中式佈置。真是一個很好的素食午餐。要多提一樣，用這裡的會員卡重有七五折。

因為屋企人遲D唔係香港既關係，我地早係12月頭就做冬，為左方便老人家，我地決定係麗豪酒店到食飯，當初都驚會好貴，好彩之後係網上搵到個只係$988既8人餐。雖然我地一行只有6人，叫8人餐會太多野食，但係如果叫個4人餐，都成588，加多2個菜，似乎叫8人餐化算D。口水雞都幾辣下，唔係個個都食到，但係果種辣真係幾過癮。美味燻魚雞絲粉皮+ 牛展雞絲粉皮個醬好香濃而且好滑，好好味。賽螃蟹都落得幾多蛋白，不過無飯送又好似差梗D野咁。桂魚羹窩貼煎得夠火喉，而且唔係好油。紫薯凍湯: 呢個是日甜品真係破壞晒成餐飯，原本都覺得呢到既食物係OK架，但係呢碗紫薯凍湯真係好....難....飲，本身個8人餐應該俾8碗我地既，但係...真係...6碗都嫌多啦。

叫左一個油麥萊（超多油），一份豆腐魚片（明顯是急凍魚塊），一份一字骨（大舊度Y媽都吾認得），一碗湯（苦味雞湯），兩碗硬到梗死人白飯，買單$644，以後都吾去仲話2016優質食店，cheap到工廠飯都好過距！

較早前去了位於麗豪酒店既龍門客棧食晚飯餐廳內裝潢很有中國傳統建築感覺內裡裝修到坐桌都很古色古香餐廳主色以紅色做主空間感很大，每台都分隔開，環境舒適，感覺很舒服我們點了套餐來吃，價錢很優惠在前菜方面，我們揀選了陳醋餚肉和雲耳青瓜前菜做工好精緻，陳醋餚肉啫喱部份酸甜美味，餚肉軟硬適中，有點入口即溶既感覺雲耳青瓜做得很清爽不膩口另外湯羹點選了魚肉豆腐羹，很清甜，鮮味足，味道很好主菜少不了最喜歡的炒鱔糊，鱔糊味道夠濃，鱔糊很新鮮，有咬口另外簡單一道炒肉絲也很好，有肉汁不會過乾身最後就是甜品，桂花糕，桂花糕桂花味很香逸，甜品清甜可口The More I WonderThe More I Love ❤ a Chai 阿柴

這是我們第二次到訪龍門客棧，印象中，第一次是前年在機場店。是日來到沙田，隔了整整一個月沒為皮膚充電，被美容師抱怨皮膚乾了，毛孔在慘叫，我個人倒沒什麼感覺，也累得只管昏睡。醒來由新城市漫步走到麗豪那邊，以前唸書時也喜歡穿過圖書館走到沙角邨吃大排檔，所以亦不覺得路程很遠。龍門客棧的裝潢非常古色古香，大紅燈籠令整個空間都充滿喜慶的氣氛。耳邊傳來悠揚的中式音樂，客人不多，這樣的環境最是舒服。這兒有源源不絕的熱水，茶水有小火爐溫熱着，這等小體貼可不是每間茶樓都能享有。又是例牌的露荀蝦餃，非常飽滿的形態，一籠四件。夾起來餃皮有點黏身，內餡的蝦仁爽口略鹹，勝在濕潤多汁，不會很乾身。近年來，和男友一直尋找比回憶更出色的蝦餃，但似乎至今遇到的都只是回憶的影子，或者是時候應該回到明閣找答案。平時水晶餚肉吃得多，但像眼前的陳醋餚肉還是第一次見。一碟八件的餚肉，每件只有指尾長，1cm厚。鹵凍透明的部份混了些粉紅鮮肉，口感又滑又帶鹹香，平時要蘸醋吃。現在直接在鹵凍層加上一層鎮江淅醋凍，交錯拼起來很漂亮，這樣直接吃起來爽口有醋味，不用再蘸醋了。不過醋凍的比例可以再少一點，或者直接減份量。當作開胃小食淺嚐一兩件還可

相約三數好友到沙田聚餐，因同枱有數個小老闆的關係，還是選一間坐得舒適的餐廳至為重要。之前曾光顧龍門客棧一次，餐廳當時在酒店地下，今回餐廳新裝後遷上一樓，裝潢還是充滿中國特色，紅紅燈籠高高掛，魚池屋簷瓦角盡在店中。菜式以滬菜為主，用餐時因小老闆在攪攪震，只可狼吞虎嚥，未能細意品嚐各美食的真味，亦少試了多款菜式，有點可惜！陳醋餚肉：醋香啫厘酸香美味，是必點美食之一。麻香雞絲粉皮：麻香醬惹味度中等，粉皮見滑溜。蒜泥白肉：普通。變節酸辣湯：如何變節呢？酸辣口味未見突出美味。招牌小籠包：皮薄多汁，調味略鹹。生煎窩貼餃：餃皮略厚，勝在汁豐肉香。孜然粒粒骨：成品乾身不膩口，排骨腍身，OK。乾煸四季豆：豆嫩惹味，不俗。蒜子煮津白：津白夠腍，不俗。酒醇玉蘭薳：酒香淡，玉蘭薳翠綠爽口，OK喇。金牌蛋撻仔：酥皮變硬不脆，無甚蛋香，不推介。未試菜式所有未試菜式，不能品其味，只能留影吧！

身為Regal Card會員，舊年用咗送嘅$500現金券去尖沙咀九龍酒店富豪軒食晚飯，今年居然送龍門客棧精選套餐B(4位用)，入去唔使茶芥加一唔使服務費，於是約埋親戚坐的士入去幫襯。加咗個南翔小籠包、三鮮炒年糕。四喜烤夫夠味唔過鹹可惜唔係手撕、花鵰醉雞好香酒味啲雞又滑、小籠包薄皮爆鮮甜肉汁好味、銀芽炒鱔糊魚肉夠彈唔係霉削且唔油膩調味適中、走油小元蹄唔肥膩入味夠腍軟、雪菜桂魚羹啲魚唔夠鮮味但整體味道不俗、炒年糕正常、乾燒大明蝦夠爽彈可惜冇鮮味應是雪藏貨但辣辣的肉醬惹味送飯一流、火腿扒津白正常、杏仁豆腐花唔太甜夠滑還不錯。餐廳佈置現代融合中國傳統，夜晚6點幾去到已經坐咗好多人，但冷氣唔夠凍，服務員態度唔係冇禮貌但感覺硬梆梆而且有啲游魂差咗少少。但總括嚟講同富豪集團其他中菜廳嘅水準一樣頗高，會員有75折都幾抵食。但講就腳我一定去番飯堂富豪東方酒店嘅富豪坊啦。

27.5.2014這次和好姊妹的聚會, 揀了位於麗豪酒店內的龍門客棧. 餐廳內裝潢古色古香, 除了在門口位置設有飼養金魚的水池之外, 也有屏風, 吊燈也有鐵罩罩住, 彷如一個個燈籠般, 甚有中國feel.開餐前, 先來一杯冰凍的梅子特飲吧. 甜甜酸酸的味道, 解渴又開胃, 杯內還有兩顆原粒話梅可以咀嚼哩.  脆皮素鵝的腐皮薄薄的, 層次分明, 脆口又鬆化, 最難得的是, 它的油份不多, 並不會吃到滿咀都是油的情況發生.鎮江餚肉的啫喱部份並不咸, 反而有一種爽口感, 餚肉部份帶有淡淡煙燻味, 當連著啫喱來吃, 感覺清涼, 不失為一碟稱職的前菜.吃著花鵰醉雞, 從每啖嫩滑的雞肉, 也可滲出陣陣酒香. 可是, 酒的份量比較重了些, 令人覺得有點苦味哩.切為薄片的五香牛展, 排列整齊放在碟中. 牛展的邊位煙韌有嚼勁, 而內裡的肉質倒是軟腍又惹味, 有刺激食欲的效果.炸得脆卜卜的無錫脆鱔, 吃著也發出咯咯聲. 它的外層沾過糖漿, 因此其甜味可減輕了油膩感. 不過, 它的確deep fried得太厲害了, 要多花點牙力才可咀嚼它.  魚子燻雙蛋就是把魚子放入開邊的燻蛋之上. 老實說, 這件燻蛋內的

龍門客棧是麗豪酒店中的上海菜館, 有著雅緻的環境, 魚池中錦鯉在嬉戲,, 典雅的大紅燈籠高掛, 雅緻的木製椅桌, 真是仿如置身古時的茶莊一樣. 幽雅寧靜的環境最合知己朋友愉快閒談, 今晚, 我就與幾位姑娘, 在這裡渡過了一個優雅而閒逸的晚上…閒談一輪當然不少得喝跟飲品了! 這裡的茶水用爐溫著, 茶水不會因為舌戰太久而冷掉, 很貼心!另外, 大熱天不妨試試這裡的冷飲:話梅特飲- 梳打水(七X的味道), 配上兩粒特大話梅, 就像X鳳的話梅王似的, 用料很上乘! 酸甜適中, 提神醒胃, 為以下一系列的滬式佳餚揭開序幕.陳醋肴肉- 巧奪天工的外形, 一件肴肉, 由兩層顏色和口感完全不同的部分組成,活像一件藝術品. 上層是肴肉, 肉質彈牙, 且豬肉味濃. 下層是由陳醋冷凍而成的啫喱, 爽口彈牙, 像吃著蒟蒻似的, 酸酸的, 正好中和肴肉的油膩, 是天衣無縫之配搭.無錫脆鱔- 口感脆硬, 味道比較甜, 略略把鱔的鮮味遮蓋了醉雞- 選用了雞腿部份, 外皮Q彈, 肉質嫩滑無比! 酒味香醇, 入口不會苦澀.脆皮素鵝- 腐皮香脆, 咬下去卡滋一聲的. 而內餡也很豐富, 有木耳, 香菇, 芹菜等, 中和了外

上星期二與幾個朋友到沙田麗豪酒店的龍門客棧一聚，可能是星期二的關係，加上酒店位置確實有點兒「吊腳」，因此是夜只有三、四枱客人，清靜得很。甫入門口的石雕流水古典得來很有氣派，在天花的紅燈籠亦作了不錯的點綴，加上一直播著女子十二樂坊式的中式古典曲樂，我想這一絲不苟的裝潢及其他配置都給了大家無窮的期待…其時，發現了幾間裝潢頗講究的貴賓廂，乍看來內裡有園林景、獨立廁、衣帽櫃、42"大電視及影音設備，估計最低消費也不會怎樣的低，於是還是坐在了大廳…好奇心驅使下，參觀了一輪後，再來一杯夏日超解渴飲品，梅子特飲，特飲像鹹檸七的，卻沒有那麼甜，而是淡淡的、一陣陣話梅味，解了渴時又開了胃。冷盤是淮揚富豪盆，共六小碟，各有特色，其中小妹最喜歡的魚子燻雙蛋 及 陳醋餚肉。陳醋餚肉即平日的水晶餚蹄，是鎮江名菜啊，這餚肉味香肉嫩而不腻，入口即溶的口感一試難忘。難得的是這裡選用的陳醋也為這餚肉來個錦上添花，因為很多時餚肉的敗筆就在於陳醋味過濃蓋了肉味，又或太淡而未能去除膩感。花雕醉雞，花雕香味久久地留在了口腔，雖是冰鮮雞，卻沒有很'霉'的肉感，但如可選用有雞味的新鮮雞會更使人齒頰留香。無錫脆鱔，鳝肉鬆脆香酥，甜中

小時候住在沙田，當時讀的幼稚園就在河畔花園，經過這麼多年，幼稚園已經停辦了. 而且搬離沙田後已經沒甚機會到這邊走走. 這次友人邀請我到沙田麗豪酒店的上海菜館，讓我再一次踏進兒時常到的地方.我與友人相約在沙田火車站集合，齊齊乘的士到麗豪酒店，不消10分鐘已到達酒店了，交通也方便. 到達龍門客棧，已經被內裡的古色古鄉裝修吸引住了，入口處還有一個小魚池，內裡有很多活潑且游來游去的錦鯉，生氣秧然! 由於友人是常客，她已經為我們選定了菜單，看著也覺吸引呢!先來六款前菜: 淮揚六錦碟 1.      鎮江餚肉冰凍且晶瑩通透的鎮江餚肉，質感實淨，肉與啫喱部份分佈平均，調味洽當，賣相不俗. 2.      無錫脆鱔即炸的脆鱔香脆鬆化，灑上芝麻同吃，更覺香口，個人幾喜歡. 3.      花雕醉雞充滿酒香且去骨的醉雞，雞肉相當嫩滑，很美味! 4.      脆皮素鵝香脆腐皮包著木耳、菰絲等，熱辣且香脆，不過略為油膩了一點. 5.      魚子燻雙蛋燻蛋面還放上了黑魚子作裝飾，更見矝貴. 燻蛋煙燻味不重，更合我胃口! 6.      五香牛展牛展質感軟淋而入味，個人很喜歡這味道，超級美味! 宋嫂魚茸燴燕

月初,男同事FCP又話請我同女同事ES食晏,佢亦都話叫埋女同事JL,原本話去帝都酒店o既2+2cafe食buffet,但JL同ES話唔想lunch食得咁飽,所以提議o黎呢間,咁FCP就話叫埋女同事EC,而由於呢o度離我o地公司比較遠,所以約23-1-2014(Thur),我上司放假o黎食 .之後,ES又提議FCP請多幾個人,有女同事JH,KT同男同事RL,FCP冇所謂答應.Book好位,到呢日臨時又加女同事S, 一共9個人.我o地去到,被安排坐一張12人枱,然後由JL發板剔o野食,叫o左每位$118.00o既套餐共7位,再加一啲港式點心.1. 套餐中雞絲粉皮3客輪到我時,都已經剩返唔多雞絲o既粉皮,青瓜絲已經冇晒,不過唔緊要,照食.粉皮算爽,個醬…好重花生味,亦好都杰,杰到’糊’口,超誇張,覺得過份o左.2. 套餐中脆皮素鵝4客呢個外脆內軟,清淡得o黎都食到豆味.3. 套餐中酸辣湯7個由於我怕辣,所以同女同事EC share一碗,呢個幾足料,食落,酸辣味同湯唔係溝埋一齊,係明顯地飲到水還水,酸辣味還酸辣味,似煮好後至落調味,而呢個辣味多啲,好彩我食得唔多,所以辣唔到我.4. 套餐中

國慶假期到訪朋友家，午膳時間在沙田確難搵食。麗豪酒店食肆相對上較易揾位。龍門客棧主打滬菜，傳統中式佈置，舒適度OK喇！是日散點菜式如下：陳醋餚肉：餚肉清涼富質感，陳醋啫厘酸香美味，對提升餚肉肉香幫助不少。素菜餃：無食，無意見。小籠包：皮薄，夾起不宜穿散。肉餡香滑，湯汁足。美中不足是湯汁略鹹了少許。東玻肉：小小一件大家分享份量剛好。東玻肉層次分明，肥瘦参半，尤以最外層特別油花甘香，入口溶化。火腿津白：火腿鹹香。津白腍度中上。璋茶鴨：皮脆酥香，但因鴨肉瘦削，口感乾了一點。鱔糊兩面黃：鱔糊調味恰當口味佳。兩面黃夠脆口乾身，但個人還是喜愛潮菜兩面黃多一點。篜銀絲卷：層次分明，口感味道對辦。可配上鱔糊汁吃。

上星期返媽媽屋企 , 媽媽話細佬收到宣傳單張 , 介紹麗豪酒店o既餐廳 ,其中一家淮陽菜館推出一個手拆蟹粉套餐有住戶尊享七折優惠 ,$ 580 兩位用 , 有四款蟹粉美食 , 一款頭盤 , 一蹀炒菜以及兩款甜品 ,細佬睇中o既係佢o係海南島食過覺得好好味o既桂花蓮藕餅 ,於是我地約好今晚過黎試下 , 一行六人 , 叫左三個餐 , 埋單約 $ 2100 好彩我地一早訂好位 , 原來呢度都幾多人 , 我地入座後聽到有人入黎店員都同佢地講今日 full booking 喇 , 呢度地方唔算大 , 但座位闊落 ,枱面用餐工具放得幾有美感 , 另外想提一提 , 個杯同碟仔係心型o家 ^^手拆蟹粉套餐 : 1. 滬江雙錦碟~ 雙錦碟係前菜小食 , 包括蜜餞脆鱔及肴肉 , 六人份量 , 不過不失吧脆鱔暖暖地 , 香甜可口 , 不過有少少燶味同少少腥 , 係可以接受o既肴肉比我想像中好食 , 唔會太多o者喱狀o既油塊 , 食落不覺肥膩 , 肉o既部份好香 , 有肉汁 , 肉質一絲絲 , 口感不錯 , 唔會碎到一 pat 野咁2. 蟹粉小籠包~ 平時食o既蟹粉小籠包 , 咬開會有濃濃o既蟹膏 , 流