瓏苑

Open Now

Now Closed

其實呢間酒樓開業嗰陣已經嚟試過菜我記得第一個感覺係幾抵食 食物質素幾OK但係唔知係咪開耐咗質素開始下降 我見D食評都話佢差咗所以今日經過特登試試佢本身我哋係叫炸脆皮雞但係侍應話已經賣晒其實嗰陣時都好早大約夜晚7:00去到之後幫我哋改咗做文昌雞隻雞真係麻麻肉質唔滑 冇乜味黑椒牛仔骨煲味道非常惹味而且熱辣辣上枱嗰陣時仲咋咋聲呢個原隻燒乳豬 要一早訂定其實嚟呢間酒樓都係為咗食呢隻乳豬新鮮出爐 非常出色無論調味肉質 而且個皮都係好脆非常值得一試蒜蓉開邊蒸蝦蝦肉質結實唔會霉蒜蓉豉油調味恰到好處連個粉絲底都好好味西蘭花炒帶子帶子隻隻都好大粒 好彈牙保持到酒樓小炒 水準之作小炒王用料都好充足 好有鑊氣所有用料配合得好好送酒一流整體嚟講 我覺得保持到質素如果經過想食中菜都會keep住嚟幫襯最後隻乳豬真係要試試

講下入去食嘢前既體會，等飛仔既系統太混亂，螢幕顯示既同嗌緊既完全錯曬。一入到去坐低，送餐同下欄嘢既走線重疊，衛生好有問題，姐係食緊野既同時會有一會有一羅羅嘅污糟碟，同埋廚餘會喺餐枱唔夠三cm嘅距離。講下食物方面，食物的質感和味道差！XO醬炒蘿蔔糕，炒到好似蒸咁濕，黎到仲衰過腸粉咁，完全XO醬味。講到平時係各大茶樓都會叫到既燒賣，依間都特別，今次食到既係出面硬得黎，入面仲有啲麵粉。希望會改善下啦，話曬藍田冇乜酒樓選擇。

環境光猛新淨幫襯咗兩次，一次食圍套餐，份量足；一次食點心及小菜，可惜兩次食完都好口渴，好多款食物味道都偏咸，煎炸野選擇多。在疫情嚴峻期間無隔板，坐位密度高，比較高風險。

好食，抵食， 👍🏻同一個位置換咗好多間酒樓， 呢間係唯一一間我同屋企人覺得好食。希望可以長做長有，唔好咁快比領X趕走☺️藍田街坊有福了😀😀😀😀😀😀😀

瓏苑新開不久，有在藍田區行駛的小巴身賣廣告。位處藍田呢個傳統住宅區嘅餐廳如此賣廣告實屬少見，一於一試。瓏苑位處的啟田商場內同附近有同類型餐廳競爭，其中位處瓏苑更下層優越地理位置兼屬集團形式經營嘅海港酒家，食物價格比瓏苑更實惠，人流目測都比瓏苑多。抱著獵奇心態，還是一試瓏苑。筆者抵達瓏苑時，差一點就到午市時段。餐廳內人客頗多，但筆者隻身一人去到，不需等位，搭枱坐4人枱，便趕緊下單點早市點心。香芋鴨腳扎，一碟兩件，腐皮看起來不會過淋，保有少許脆口口感。鴨腳扎中肉類（疑似是豬/魚肉），味道不錯，質感札實。芋頭條不過腍。蠔皇鮮竹卷。有木耳。有紅蘿蔔絲、蔬菜。燒汁木魚茄子。熱辣辣。瓏苑點心鏢鎊非中央工場製作，價錢亦不算過貴，可列入考慮之列。

啟田商場前排新開咗間酒樓！第一次提供圍餐！估唔到有驚喜！夠大碟而且味道都好出色！每席$3288連12位茶介加一，包6罐飲品+6罐啤酒上湯大蝦伊麵 - 16隻蝦！勁足料鴻運乳豬大拼盆 - 唔止乳豬，燒肉、燻蹄、切雞、燒鵝翡翠花姿象拔蚌 - 荷蘭豆同啲象拔蚌麵好爽口發財好市大利 - 有兩個超耐無見嘅食材：髮菜同豬脷？估唔到仲有酒樓會整紅燒花膠海皇翅 - 又係勁足料，啖啖都有材料蠔皇金錢生財扣鮑魚 - 蠔豉都算大隻，不過鮑魚有啲過淋，但係入口嘅清蒸沙巴龍躉班 - 最晚最好味！魚肉新鮮又滑！蒸啲火喉岩岩好！但唯獨豉油太過多油海南貴紀雞 - 字食以為係海南雞，但其實係普通白切雞，中規中矩，唔差既臘味糯米飯 - 比較細碟，但食到尾聲其實都好飽了，每日1-2啖就無咗滋潤薑汁糕 - 重薑味，幫助解滯總括嚟講，以團年飯嚟講，性價比高，而家有surprise!! 希望酒樓可以keep住個質素

1. 鮮竹卷 正常無太大特別2.灼時蔬 賣相好好 👍🏻👍🏻唔會好孤寒 試過去d貴茶樓碟菜得幾條勁寒酸 3.乳鴿蒙粉 第一次見到茶樓出這個 好特別 ok正常4.燒賣 我fd幫襯過話一定要食話好新鮮 又確實飽滿結實5.叉燒腸粉 正常 6.燒木魚茄子 正常7.紅豆沙 fd 講到個重點 有陳皮 足料 唔會太甜 覺得驚喜8.蘋果叉燒酥 最後呢個 好在我眼光獨到 選了佢 超有驚喜 肉桂蘋果餡 雖然少左d 但個皮好酥 好正 意外地俾fd 發掘到這個點心因佢就住樓上 決定下次帶佢女食這個總之 令到餐茶 final 係好結尾 所以 會想再黎飲茶呀！

10月10日揾食肥華照原定計劃，讌請政府工舊同事，在此店食名物堂剪乳豬及家常小菜晚餐，是晚菜式没有令肥華及賓客失望，每味小菜都份量足味道好，而肥華誠邀各人專誠到此店一試嘅鎮店名物堂剪乳豬更獲得一致極高評價，但竟然高處未算當肥華及各賓客，食埋此店另一名物义燒王後，形勢劇轉 各人都異口同聲話今晚最出色嘅菜式就係呢碟叉燒王，靚媽更話此店嘅义燒比瑪寶鮮嘅义燒更強更好味，而肥華對今餐嘅評語，各款小菜有A級水準，堂剪乳豬A++評價亦恰如其份，而個义燒王肥華俾個A+++分数佢亦不為過，總結此店食物出色，侍應員工待客有禮服務到位係一間值得成為肥華飯堂嘅食店💯👍

藍田唯一好食，坐得舒服的地方,這間洒家食過幾次，無論飲茶及晚飯也非常出色，他們的燒味超好食，餸菜小炒也非常OK，燒bb豬皮脆，不肥，非常正，很怕食很肥脂肪的燒豬，味道一流，炒龍躉班球也好味,南乳燒鴨，蒸海鮮也很好味，小炒王也很正好夠鑊氣.值得一試，有些相片唔記得咗影，唯一芝士龍蝦伊麵就差一點，因為芝士不是焗的，有少許失色，汁有點稀，建議食上湯龍蝦伊麵會比較好，整體餸菜都好味，唔怪得晚市越來越多人食

為咗確保在10月10日揾食肥華歡讌政府工的一班舊同事能夠食到在youtube頻道，獲平凡食堂楼主忛哥極力讚好的此店名物，堂剪BB豬肥華和靚媽特登在10月8日到此酒楼飲早茶及預訂10月10日的晚飯枱，和堂剪BB豬，因今早志不在嘆茶及就靚媽返工，而此店又爆場所以肥華都唔介意坐搭枱區，點咗幾款點心覺得味道比一般酒楼重口味，和紅楼相比更是各走極端，但此店嘅點心味道卻極啱肥華胃口，加上此店提供茶葉亦有一定水準，對呢餐早茶肥華非常滿意👍👍

呢間餐廳新開嘅！所以特登過嚟試菜！之前聽人講話佢個燒乳豬好出色！所以一早打定電話book定！等齊人我哋叫咗幾個小菜！最出色都係個燒乳豬！燒豬皮超級鬆脆！豬皮脆到飛起！最正係侍應會喺你面前剪開隻燒乳豬！好似睇表演咁！隻乳豬冇乜脂肪！肉質鬆軟！超級抵食！一定要嚟試吓！但係佢話只有堂食唔可以外賣拎走！上湯龍蝦伊麵！龍蝦好足料隻隻龍蝦都好多肉！上湯調味得好好！略為不足係伊麵份量唔夠多！另外仲叫咗一個黑椒牛仔骨煲！肉有少少韌！唔係好咬得開！不過整體來講！非常抵食！得閒會再嚟encore！

原來好久沒有寫食評了，藍田，中學時期的我最常去的地方，因為吃過港九新界米芝蓮，反而更珍惜這種平民價錢能吃到的高質粵菜，好值得支持！椒鹽系列做得不錯 - 特別是椒鹽豆腐小朋友至愛，我就喜歡椒鹽鮑魚。清淡一些推介翠塘蒸蛋白，夠香夠滑，老少咸宜。煙燻炸子雞給我極大的驚喜，百幾蚊的價錢完全可媲美米芝蓮中餐。薑蔥炒蟹和薑蔥桶蠔 價廉物美 應該一試。今天有幸可以點到兩個Off Menu菜式，胡椒豬肚雞湯一鳴驚人，飲完一直爆汗、十分暖胃，老闆說下星期才會出街 ，另外就是桂花炒魚翅，蛋黃夠香魚翅的份量也絕不敷衍。

啟田商場新開的酒樓，因為係"無飯屋企"所以已經食過幾次。需然係街坊酒樓但環境舒適， 好闊落。食物方面必吃一定係黑毛豬叉燒，肉鬆軟又不失咬口，蜜味同燒汁味都剛好！咁嘅質數响出邊食起碼都三百蚊。所以我每次來都必食！其他燒味好似燒腩仔， 乳鴿， 燒豬都好出色。 睇得出佢哋用料一D都唔hea。海鮮食得出好新鮮椒鹽鮑魚， 平時我食鮑魚返屋企一定胃痛，呢個好冧， 外面椒鹽好香脆， 一啲都唔un胃👍🏻琵琶蝦， 夥記話唔係成日都有， 好新鮮， 肉質彈牙👍🏻班腩冬陰粉絲蝦煲， 有少少辣 ，好多隻蝦， 最好食嘅係D 粉絲， 吸收曬啲精華👍🏻整體嚟講暫時試咗幾次都好食， 性價比好高，會再來😁

想以平民價錢食高質中菜？藍田全新粵菜餐館「瓏苑」絕對是是朋友及家人開飯的好去處！位於啟田商場4樓的「瓏苑」今年7月開幕，大廚在食材配搭及煮法上也能完全展現傳統粵菜的滋味。王牌燒味系列，包括西班牙黑豚肉厚切叉燒，燒腩仔及燒豬，看見賣相已經食慾大增！菜式方面還加添了新派及Fusion元素，例如很有驚喜的泰式酸辣粉絲煲，非常惹味！椒鹽鮑魚軟身又香口。新裝修環境舒適，還設有獨立房間，去慶生、過節或者親戚聚會就啱晒！