夢樂園 (Closed)

夢樂園真係一個樂園，因為入面有兩隻靚貓貓喺度。我去嘅當日就有兩個小妹妹同貓貓玩到唔捨得走😂一入到餐廳好似返左屋企甘，好舒服。餐廳定價唔貴，我哋係午餐menu度揀左風酥豬扒飯（58蚊），家鄉黑豬肉燥拌 稻庭烏冬（72蚊），加16蚊叫左兩款小食，每款8蚊。仲加左12蚊叫左荔枝玉露同埋柑桔青檸。風酥豬扒甜甜地，薄薄哋，脆脆哋，送飯一流。啲飯熱辣辣，好軟熟。呢個飯我哋好快速就食晒啦😋家鄉黑豬肉燥拌稻庭烏冬，用左豬肉碎再加蔥花舖左喺烏冬上面。好惹味。食得出喺靚烏冬，好煙un，唔林。套餐嘅小食嚟講呢，我哋揀左煎餃子同埋黑白木耳。黑白木耳有啲 蒜香味，整得好似譚仔！幾惹味。 煎餃子香脆juicy。飲品嚟講呢，荔枝玉露甜甜哋，同啲玉露好夾，柑桔青檸就幾清新，冇甘甜。

間餐廳個名幾得意，「夢樂園」。去到先知，原來呢到係可以令一班貓奴置身於忘憂既夢幻樂園！呢到有兩位貓店長，好得意又完全唔驚人，好容易同客人打成一片，再加上餐廳環境比我既感覺似係去左間幼稚園咁，好適合一家大細過黎消遣一下，共享呢到比到你既休閒氣氛。食物方面，係主打啲台灣菜既輕食版本。今次我地黎食左個Lunch, 黑毛豬魯肉烏冬（本身係跟飯，但嗰陣咁岩冇飯供應，就轉左烏冬）同埋黑白雲耳仔。個黑毛豬魯肉個汁味道剛好，豬肉唔會揀哂全肥，見到都係肥瘦適中既，既可以食到肉既質地，又可試埋肥肉比到既魯肉嗰種感覺，幾好，值得一試！

上星期去咗尖沙咀搵朋友食中午朋友推薦附近有間新開嘅小店🥢黑毛豬滷肉飯 $68採用左本地黑毛豬製作而成滷肉帶皮帶肥肉 入口有黏感😋加埋冬菇片煮得好入味滷肉汁配埋粒粒分明嘅珍珠米撈埋食🥰好快就食左成大碗🥢紅鳳凰無骨口水雞 $60懶人至愛無骨口水雞 仲要份量好足雞皮晶瑩剔透 調味花生味濃郁 唔會過辣 令人食得過癮雞肉口感唔柴 雞胸位都夠嫩滑🥢黑白雲耳仔 加配$6 白雲耳第一次食 幾得意涼拌小菜調味適中🥢台灣腸 加配$6係正宗既台灣腸好懷念台灣既味道🤤🧋茉香芋圓奶茶 $15芋圓細細粒 咬落軟糯奶茶唔會太甜幾有茶香味🫖🥤冬瓜茶 $6係自家製既冬瓜茶 飲得到冬瓜真材實料 好好飲 好消暑

尖沙咀竟然開咗一間以貓做主題嘅日式餐廳個信箱真係超得意入到去已經見到兩隻貓店長喺度開緊工🤣非常之得意仲唔係好怕生餐廳裝修嘅風格都比較有色彩午餐有5款選擇另外加$6仲有一款小食飲品就以台式飲品做主打仲有芋圓做主題嘅甜品小食方面我揀左胡麻萵荀萵荀非常之爽口配埋個胡麻汁勁開胃而主食方面就叫左個家鄉黑豬肉燥拌稻庭烏冬肉燥調味帶少少酸，食落中和左肉燥好油膩果種感覺肉燥嘅質感肥瘦均勻，亦非常之入味成碗烏冬嘅醬汁非常之充足稻庭烏冬口感唔錯整體上都唔錯飲品方面叫左杯苿香奶綠配小芋圓微甜小冰原本想叫無糖，但老闆好細心提我無糖會令到茉香味冇咁出茶味同苿香味都好出加上芋圓好有咬口，好好食令我對呢杯飲品大大加分有機會都會想試下佢嘅糖水

呢間鋪位處嘅商業大廈夠晒方便 係正大商場對面 同朋友行完攰攰地上黎食少少野傾下計 叫左個午餐 風酥豬扒飯加＄6配脆皮餃子 飲品加＄15要左杯仙草奶茶餃子即點即炸 一客有2件 咬落去脆卜卜 入面餡料足又夠熱 由於無晒飯 店員提議轉烏冬俾我 個豬扒醃料甜甜地 外皮確如其名 個酥脆 配埋烏冬清清地 唔錯最欣賞杯仙草奶茶 仙草好有仙草味 奶茶又夠香 兩樣夾埋飲真係好香 同台茶飲品店有得揮 餐廳闊落 牆身畫作都好夢幻 同餐廳名好配合仲見到位可愛店員 夠晒治癒

呢間係以愛同埋貓做主題嘅餐廳 —— 夢樂園🥰今次上去係食私房菜，平時上去可以食Main menu，亦可以提早預訂私房菜😍上次同朋友就食過Main menu，聽老闆娘講有得預約私房菜就立刻約定朋友聚會👯‍♀️私房菜不得了，廚師拍板，啱哂我呢啲選擇困難症嘅人，上黎唔洗諗，等食就得😆成個環境，裝修，最重要係食物都好得我心，佢嘅Main menu黑毛豬魯肉飯同紅尋白雪（沸騰魚）真心好正！！🤤今次就椒鹽鮑魚同埋葱油海南雞大大吸引到我，下次會再上去食☺️仲有唔少打卡位，下午茶時間人少少打卡最正！仲有貓貓玩，抱住佢影相都好乖🥳

前日行開尖沙咀 i square附近，見到呢間舖頭做緊試業優惠，還掂唔知食乜，就膽粗粗同朋友走上去試下。上到去後就好快有人安排座位畀我哋，店員（後尾發現係老闆娘）見我哋望住個menu時個樣好迷惘，就好自然咁行過嚟為我哋介紹，最後我哋叫咗黃金雞翼、胡麻綠寶、怪味花膠、紅油白𤩹、醉鳳凰同埋風酥豬扒菜飯。喺等緊嘢食期間就無聊周圍望下，店面唔大但整體好colorful，特別係牆身有好多唔同主題同style嘅畫：有南瓜車、水墨畫、貓貓望窗外夜景等等（可惜唔記得影相），初頭覺得有啲怪，但後尾諗返個店名係「夢樂園」，就覺得又幾襯幾特別呀。咁啱老闆娘行過嚟，我哋就傾咗幾句，發現牆身嘅畫原來全部都係佢畫，OMG😱！對於冇乜畫畫天份嘅我嚟講，真心覺得佩服！好啦，食物終於上場。作為偽食評家，覺得食物整體質素要俾4.5/5分，cp值係 4/5分，真心推介！黃金雞翼：所謂黃金就係我至愛嘅鹹蛋！鹹蛋香味好出，舌頭感到身處充滿鹹蛋幼沙嘅沙灘咁，好食到覺得個人有少少起雞皮，雞翼本身夠熱雞皮夠脆口，肉質嫩滑好juicy，整體完全唔肥膩，個balance做得好好，只恨一碟只有3大隻，覺得有啲唔夠喉，最後忍唔住攞啲咸蛋汁撈

星期六一行10人去食 一入到去環境十分溫馨 合家歡 成個餐廳都畫滿晒畫重要係老板娘親手畫😯 環境舒服企理嗌咗幾款涼拌小食 白木耳少見所以試吓 木耳咪冇黑木耳咁濃 但兩款涼拌都十分之清爽同開胃😋 兩款雞都嗌晒 醉雞皮同肉之間層jelly令成件事多左種感 平時見我都係卷既樣呢個就件上 酒味好香而又唔苦👍🏻 口水雞個醬比出邊嘅杰 食完唔會成口都係辣油而係沾滿辣醬既香味 醬都係廚師自調嫁 重點係全部雞都逐隻人手起晒骨!好有心機 師傅簡直做壞規矩😆另外佢哋主打本地黑毛豬 所以我哋嗌左黑毛豬排骨 調料到味唔鹹食落仲有陣甜味 感覺似上海排骨菜飯 戈味道😂 但係係好食既 黑毛豬個油脂同埋咬口都十足 係會越食越香 諗唔到原來般的黑毛豬都咁好食👍🏻值得推介紅尋白雪 個樣已經好吸引 唔好見咁多辣椒其實唔係好辣 一拎上台個花椒味已經湧出來. 入面有硯,魚同埋薯粉都夠2-3人份😆 薯粉吸晒海鮮既精華一流 我覺得薯粉唔夠煙韌同可以再辣啲就更惹味. 最後用台灣甜品結束今餐 滿足~同老闆娘傾咗陣計 原來佢哋都會做私房菜同埋包場. 你可以話個budget佢聽由佢發板/你話食咩佢再同你傾😆 唔食menu嘅嘢都完全冇問題