夢樂園 (Closed)

今日放假去左尖沙咀食野啦 有朋友知我鍾意貓 介紹左呢間夢樂園比我 咁我今日就去睇下啦😌 佢喺iSquare附近嘅 好易搵～ 一入到去已經有兩隻貓貓係門口迎接我哋啦🐱😍 好可愛好可愛呀😍 睇個Menu都見到有好多貓貓 就知道店主真係好鍾意貓貓🐱 全部都係貓貓碗裝住好得意😆 飲品方面我揀咗珍珠奶茶 走甜少冰 正常味道 珍珠有咬口 幾煙靭都唔錯朋友就揀咗茉香綠茶加仙草 茶味香 仙草又夠滑 都唔錯呀😌 主食方面就揀咗黑毛豬滷肉飯 滷肉有好多 汁香濃都好夠 最重要係有隻流心蛋😍 撈埋一齊食真係不錯👍🏻 另一個主食就叫左紅尋白雪（沸騰魚） 其實係類似水煮魚咁 入面再加咗烏冬 魚湯好好味又夠辣 魚肉好滑又有好多舊 好好味呀😋 我哋仲叫咗兩款小食 花枝丸 炸完之後都唔會覺得好油膩 有台灣既味道紅油抄手 正常味道又唔會覺得好辣 仲有地方係比客人坐低同貓貓玩 喜歡貓貓嘅朋友一定要上嚟食嘢同埋玩啦🥰 真係好可愛😍 整體來講 環境舒適 貓貓又好可愛 特別一提喺店主超級好人又熱情 會同我哋介紹貓貓叫咩名 幾多歲 邊隻會黏人啲😍 放假去食下野同貓貓玩下都係一個唔錯既選擇 一定會再去呀🥰

細囡很愛貓貓，襯考完試就搵間cat cafe去食個tea玩玩貓。之前去過一些不是有最低消費，就是幾十元食一件西餅，甚至去到只見高竇貓上網搵了一輪，夢樂園完全沒有這些伏，所以即去踩場。確實，樓上鋪不礙眼，要點耐性搵搵，倖好到達餐廳沒失望。環境好有水準，牆身畫晒畫(後來知道原來是老闆娘的作品)， 雖然有四隻小主人，卻乾淨沒有貓味。今次叫了3個套餐及小食，套餐連飲品七十多元，尚算經濟。食物名都好特別，有心思: 風騷豬扒飯，醋底黑豚肉飯。雖然只是套餐，擺款絕不馬虎，味道更有驚喜。特別是醋底黑豚肉，酸酸味味的豚肉很開胃，連埋香蔥很清新 值得一提是炸薯條，是用蕃薯炸的，香脆之餘甜甜的。另外台灣腸是加了蒜蓉在旁，點了蒜香的腸很出名，兩個小食都不揸流灘的。 飲品叫了自家制冬瓜菜，味道清甜，加分呢。整體這間貓餐廳很值推介，下次約帶埋幾個家庭的孩子們，來邊玩邊食真不錯選擇

家鄉黑毛豬肉燥拌稻庭烏冬$72 碗烏冬一嚟到就即刻見到好有台灣特色。首先隻碗好靚有民族pattern 係上面、好大碗同埋加咗好多蔥花。黑毛豬肉燥係偏多水，冇打芡嗰隻。大家食嘅時候記住要撈勻啲汁同埋將先食，因為啲汁喺底。最底嗰一層係啲汁，中間係烏冬，上邊係肉操然後先再係蔥花。肉燥裏面加咗啲蔥油，所以隻嘅時候好香，而且稻庭烏冬都唔會好dry。花枝丸 （跟餐加$6）花枝丸炸得啱啱好，冇overcook到，花枝丸仲係有鎖住啲juice。個size 都係啱啱好mouth bite，食得好舒服。 紅豆冰 （跟餐加$6）紅豆冰要推介比大家飲。佢好大杯，而且勁cute 咁上面有一隻貓爪。貓爪係用豆漿整，然後上邊啲肉球就係用紅豆粒整。超得意！大家一定要叫黎影相！佢同出面嘅紅豆冰唔一樣因為佢用咗豆奶黎整。佢紅豆冰啲紅豆蓉同埋紅豆粒都係自家製架！平時啲紅豆冰都會偏甜但係呢一隻因為用豆奶同埋自家製嘅紅豆蓉整所以唔係好甜。大家都唔使擔心佢等咗好耐啲冰融左紅豆冰就會稀，因為佢啲冰就係用豆漿黎整，唔係水。所以大家可以放心咁樣傾偈同埋玩貓。

一直都好想去貓Cafe同啲貓貓玩，今次終於同朋友嚟咗尖沙咀北京呢一間貓Cafe食個下午茶，順便同下啲貓玩🐱😻一入到去就有一隻好痴人嘅貓跳咗上嚟我哋張枱討摸💕，見到佢咁樣即刻冧晒，玩到差啲唔記得咗要叫嘢食舖頭嘅環境好乾淨整齊，亦唔會有任何異味，其中一個角落係🐈玩嘅空間，可以行過去同貓貓有親密嘅接觸❤️今次同朋友每人叫咗一個主菜，一個小食再加一杯嘢飲，店主亦非常親切咁同我哋介紹菜式風酥豬扒飯🐷（$58 - 午餐）豬扒唔會太乾，厚度適中，非常酥脆。隨餐亦附餐湯，食飯食到有啲乾就可以飲返啖～家鄉黑毛豬肉燥拌稻庭烏冬🍜（$72）烏冬彈牙，肉燥拌勻後味道不會過鹹或淡，個人其中意佢嘅配搭！不過可惜肉燥份量唔多，食到一半變左齋烏冬😵‍💫紅豆冰🥤🧊（$36）賣相非常可愛，面頭嘅貓長係由豆漿沙冰製成，欲求亦都係用紅豆製成，非常有心思。紅豆冰飛非常特別，係用豆漿所制，比起平時嘅紅豆冰，雖然少咗椰香，但飲落比較健康，亦冇咁甜。個人非常推介用呢杯飲品打卡！😍仙草奶茶（$32）🧋香濃嘅奶味，成杯飲品亦唔會太甜，不過不失嘅奶茶。跟餐小食：蝦條+花枝丸總括來講係一次好享受嘅用餐體驗！店主嘅態度非常好，好親切咁樣同我哋介

第一次去貓cafe玩，自己本身唔係喵奴，但又想同喵喵玩，的確係唔錯嘅選擇，介紹4大主角妹豬，新喵，比較怕羞笨笨，為食收銀員，幫你mon住有冇上錯菜妹妹，扮惡但超粘人喵笨豬，懶訓喵環境，室內環境冇咩味，食得舒服，牆有好多童話式油畫，成個環境氣氛好岩一家大細玩，好夢幻同屋企feel，有個小空間比喵奴服侍喵主子，上面仲有2個喵枕頭，初初以為係真喵，有d嚇左嚇xd餐廳仲有提供puzzle + board game，邊食，邊玩，邊服侍喵大人，非常充實講番食物先，我地叫左2個lunch set，第一個：芋頭沙奶茶，係將芋頭雪成冰，咁又可以整成凍飲得黎又唔會變淡，最後果啖都好夠味家鄉黑毛豬肉燥伴稻庭烏冬，佢係咸肉燥，第一次食肉燥烏冬，幾新鮮花枝丸，味道正常發揮第2個：風酥豬扒飯，個豬扒好夠脆，味道偏台式有甜味紅油抄手，算幾辣但唔麻（特寫個撈左嘅烏冬）紅豆冰，超級有心思，依杯係手工豆漿紅豆冰，個肉球係豆漿冰，喵腳指位係紅豆，第一次飲紅豆冰係用豆漿沖，味道好夾店主得閒會出黎幫／教大家點陪喵喵玩，就算第一次都冇有怕！

今日約咗朋友嚟到尖沙咀嘅一間樓上Cafe食嘢黎之前都見到網上面有啲相係有貓貓嘅初時都冇諗過係貓Cafe以為只不過係舖頭有養貓 而啲貓路過影到上到去先見到原來total有四隻貓而且Cafe亦都有貓玩具提供可以用到貓棒同貓玩下雖然有四隻貓但係店面非常之乾淨你唔會見到有貓毛飄過今日同朋友喺食午餐嘅有5個主食包飲品另外可以加錢加小食同埋特色飲品我叫咗家鄉黑毛豬肉燥拌稻庭烏冬府城蝦條同芋圓奶茶府城蝦條同樣係炸到表層卜卜脆但又唔會油膩 係好乾爽嘅炸物餡料係蝦膠有蝦味芋圓奶茶少冰呢度嘅奶茶幾好飲唔會好似台式奶茶咁太甜芋圓就比較細粒所以亦都淋身啲啲但相對亦都唔會話食完之後太濟而且又好似珍珠咁有啲咬感烏冬要先攪勻 攪勻之後就會見到原本白雪雪嘅烏冬染上左啡色嘅肉燥汁唔知係咪因為黑毛豬嘅關係所以個肉操特別香肉燥粒亦都係厚切嘅你會食到豬肉粒嘅感覺由於用咗到庭烏冬比較扁身所以亦都容易啲掛汁 呢度嘅烏冬啱啱好唔會過淋係一個好好嘅配搭朋友叫咗紅鳳凰口水雞配脆皮餃子冬瓜茶脆皮餃子係四面都炸到金黃色並唔係喺屋企煎香咁簡單咬落去脆卜卜而餡料亦都豐富保留到肉汁係一個好香口嘅小食冬瓜茶係店舖自己煲嘅飲落唔會太甜而且係有冬瓜蓉

嚟到尖沙咀，朋友介紹咗呢間餐廳，餐廳嘅位置雖然係鬧市，但係地下冇任何招牌，所以唔講都唔知有間樓上餐廳。上到去有大大張poster貼咗喺牆入到去先知原來呢間餐廳係有貓玩㗎，但係佢又唔係好似普通貓Cafe咁，有好多貓，呢度只係得四隻。每一隻貓貓都好痴人，而且好乖。最搞笑係每一隻貓都有自己嘅地盤妹妹最搞笑，比較鍾意坐喺近門口位置，成為招待貓🤣嘢食方面雖然款式唔多，但係餐廳話除咗餐牌嘅嘢食之外，夜晚其實主要係食私房菜。我自己叫咗杯珍珠奶茶，唔同出面飲嘅奶茶，餐廳用嘅茶好濃厚加埋香滑嘅奶，飲落去好好味。呢個皮蛋好好笑，個名叫做怪味皮蛋，其實一啲都唔怪，而且辣椒調味得好好👍🏻呢個炸花枝丸就好食啦，每一啖都有墨魚，而且炸到好脆，我哋食完仲叫多一碟🤣至於呢個烏冬，其實啲醬料係喺碗底度，要食嘅時候撈埋一齊，朋友話好好食。我自己就叫咗個口水雞飯，口水雞好鮮嫩，而且配嘅辣椒醬唔係話非常之辣，而係濃度剛剛好，有辣椒嘅香味，亦食到雞嘅新鮮。總括而言，以樓上Cafe （仲有貓玩）來講，呢間餐廳嘅質素真心高質。

總括而言覺得呢一間店舖真係會再去食！因為嗰度嘅店員服務態度真係非常之好🥰佢哋唔記得咗走芫荽 之後再特登入去整個俾我🙈搞到我真係唔係好好意思～ 同埋啲貓貓真係好可愛😻😻😻❤️❤️❤️嗰度嘅口水雞我認為係最值得推介！因為口水雞嘅雞肉非常之滑 同埋有好多件雞！而且啲雞件仲要係冇骨嘅 每一次食落好每一啖都好滿足😻😻😻同埋對於好中意食川菜嘅我尼講 真係恩物尼㗎❤️❤️而佢嗰個自製嘅冬瓜茶亦都非常之特別 喺出邊未試過嘅味道🙈但係我覺得有少少甜 如果下次再去我應該會揀少甜🙈🙈同埋最後佢嗰個黑豚肉真係非常之好食！！好有豬肉味 非常之濃郁 烏冬亦都非常之彈牙 醬汁亦都好好食！非常鼓勵大家去食最後係 我會再帶朋友去呢一間餐廳度玩貓貓😚😚

今天放半天假，與友人都holiday mood，心情輕鬆想著過一個悠閒星期五。友人向來喜歡小動物，而我比較不常接觸動物，比較膽小，友人說帶我去貓Cafe感受下放鬆下，於是我便答應了友人去我的第一次貓cafe的經歷。一進餐廳，看到很多關於貓貓牆紙，而且裝潢設計都有很多貓貓主題，就連餐牌餐具都有，地方企理，感覺挺舒服的，感受到店主的用心❤️除左有貓玩，貓Cafe的食物質素還很高，而且價值相宜，對於愛貓之人有得玩貓又有好吃的東西，在這cafe花一個悠閑的下午，絕對是最佳選擇👍🏻食物方面，我點了風酥豬扒飯，豬扒香脆有咬口，件有葱油，點上去非常香，加黑白雲耳仔小食，有少少麻辣感覺，配上一杯珍珠奶茶🧋感覺滿足；友人點了家鄉黑毛豬肉燥拌稻庭烏冬，加個府城蝦條，蝦條想不到如此美味香口，配上杯店主自製的豆漿紅豆冰，還有一個由豆漿加紅豆的貓爪圖案，實在是有驚喜😻性價比高呀！吃飯途中貓貓會走到每枱跟食客互動，非常黏人。店主還很親切友善跟我們講解貓貓的情況，第一次貓Cafe的經歷真的感覺良好，友人跟貓玩得不亦樂乎，這間餐廳絕對值得去一趟🥰

今日啱啱同朋友去咗呢一間想試好耐嘅貓餐廳😍結果真係一啲都冇令人覺得失望！！首先要講吓佢嘅服務態度先🥰我叫咗個口水雞飯 點知上面有芫荽～我就同個店主講但係我唔識芫荽㗎可唔可以幫我走咗佢：（點知店主勁好人話我由頭再幫你整過個新嘅！！第一次見有咁有善同埋咁好服務態度嘅店主😍😍同埋嗰度啲貓貓真係好熱情🥰🥰🥰每次去其他貓嘅餐廳 啲貓都未必會主動搵你玩～點知呢間舖頭嘅貓會主動跳上尼我嘅大髀上面🙈🙈簡直係比貓貓寵幸嘅一天～同埋嗰度啲嘢食分量都好好！！全部都食唔晒呀多到🙈口水雞飯超級推介！第一次食都冇骨啖啖肉嘅口水雞❤️❤️❤️❤️而且雞肉仲要非常滑口🙈🙈最後佢有一個自製嘅冬瓜茶我覺得味道係唔錯嘅但係不過就甜咗少少 如果下次叫嘅話可能要少甜

店內有4隻貓店主🐱唔驚人之餘有幾隻仲幾親人，介不時會走去你個位度yo下你🤣我店主好有愛心😌店內有好多攀架、軟墊、玩具，俾貓貓可以跳上跳落😍而且都好warm，除左店主本身養緊嗰2隻之外仲收養左2隻🐱🐱店主仲好親切咁同我地分享貓貓嘅故事☺️1️⃣ 家鄉黑毛豬肉燥拌稻庭烏冬 $72🌩 烏冬份量幾多，而且煙煙韌韌，唔會一撈就碎曬👍🏼 撈埋醬料一齊食少少鹹幾惹味😁🌩 大量葱花，肉燥係炒香過粒粒分明，好有咬口😋😋2️⃣ 風酥豬扒飯 $68🌩 豬扒炸得好香好脆🤩薄切豬扒所以無咁多油脂，所以無咁肥膩🥰🌩 原本以為配白飯，發現有滷肉汁之後少驚喜😋3️⃣ 花枝丸(2片) (跟餐+$6)🌩 份量唔算多，不過炸到脆皮香口而且煙靭彈牙🤩4️⃣ 府城蝦條 (跟餐+$6)🌩 同樣炸到脆皮好香口👍🏼🌩 呢款蝦條偏軟身，不過入面有加入馬蹄食落爽口😄5️⃣ 冬瓜茶(自家製) (跟餐+$6)🌩 冬瓜茶係自家製嘅💕比一般出面嘅更加清無咁甜👍🏼就算啲冰融曬都唔會無味🥰🌩 食到粒粒冬瓜蓉好足料😍6️⃣ 荔枝玉露 (跟餐+$6)🌩 份量好多，飲落少少甜而且有淡淡啲荔枝味✨🌩 有大半杯都玉露，玉露煙靭彈牙好有口感😋

今日收工早左，去左尖沙咀isquare對面既商業大廈試下貓cafe。可能因為時間都仲早，我地兩個人包左場，一入到去就有貓貓企左上我地枱痴住我地，搞到我地都同貓貓玩左陣先記得要落單😂。🐒口水雞💰$60加配小食紅油抄手👉🏻個口水雞係無骨既，我個日就全部都係雞胸，啖啖肉，下面有d青瓜，唔係好辣但有少少麻，本身以為淨係得餸，原來有跟埋個飯既，所以配埋個飯都ok。👉🏻紅油抄手不過不失，3粒細細粒。🐒醋底豚肉飯💰$66加配小食蝦卷👉🏻呢個醋底又幾特別，酸酸地好開胃，好似日式親子丼，不過就岩我口味多d，因為我中意食酸，所以拎埋口水雞碗白飯配d汁食👉🏻蝦卷都有驚喜，以為係好似墨魚丸質感，但原來唔係好實淨，反而係好似蝦滑，入面仲有啲馬碲。🐒飲品👉🏻芋頭沙奶茶&紅豆冰紅豆冰係豆漿底，所以唔係話好甜，上面仲有舊貓掌冰。相比下芋頭沙奶茶就普通啲，同出面珍珠奶茶舖飲到個啲差唔多，不過就有小小沙冰質感。老闆娘好熱情，仲同我地講貓貓既背景，所以整體感覺都好親切，臨走隻貓貓又上左我地枱撒嬌，愛貓之人真係唔可以錯過！

黑毛豬魯肉飯（$68）：魯肉肥瘦適中，有香菇，醬汁調味幾好，香濃，份量唔少，而且有半熟蛋，蛋黃同醬汁混合拌熱辣辣既白飯食👍🏻紅鳳凰口水雞（$60）：雞肉嫩滑，雞皮爽滑，沒有一嚿脂肪既肥膩感。醬汁質地偏濃，辣度適中（平時食小辣）。除左雞，還有青瓜同花生係底，花生仍然脆口唔淋，跟咗大大碗白飯，夠晒飽。小食同飲品都係每款各自加$6配套餐。脆皮餃子：餃子皮炸得香脆可口，熱辣辣。胡麻萵筍：萵筍口感爽脆，日式麻醬酸酸甜甜，好味。蜜桃烏龍：同市面上買既差唔多，正常。冬瓜茶：餐廳自家製，飲落入面有唔少冬瓜蓉，真材實料，甜度適中。係尖沙咀平時食個lunch 都差唔多要$100蚊，呢度只需$70-80蚊，而且味道唔錯，裝修偏童趣風格，重有可愛治癒既貓咪。希望下次嗰2隻細貓唔好咁活躍，呢埋自己玩，我想打佢卡呀🙈

眼見香港愈黎愈多貓貓狗狗cafe🥰 緊係唔執輸去同啲毛孩玩下啦😜 今次去左貓貓cafe ✨夢樂園✨ 雖然鋪頭唔係好大 但係都有成四隻貓貓😍 不過去到剩係見到三隻😅 老闆娘話其中一隻發緊情😳 所以要特別隔離🙈 餐廳食物款式同其他貓貓cafe 都幾唔同😂 平時呢類餐廳都係西式甜品或者意粉咁 但係呢到竟然有水煮魚 口水雞呢啲選擇😂 不過因為怕辣關係 😣 所以最尾只係叫左黑毛豬魯肉飯同同醋抵黑豚腩飯🐽 食物味道都幾好👍🏻黑豚腩飯味道酸酸咪咪咁好開胃😜 跟餐仲有小食同飲品😚 我地叫左紅豆冰同埋冬瓜茶😁 冬瓜茶係自家製造 唔會死甜又健康👍🏻 紅豆冰上面仲有個貓貓掌印 仲要係用左豆腐而唔係牛奶整既紅豆冰味道無普通紅頭冰咁甜得意又健康🥴成餐飯價錢同一般茶餐廳差唔多😙 呢個價錢有貓貓玩又有野食 cp 值相當高🤪 位置仲相當方便係正地鐵站口 大家快啲黎搵貓貓玩啦😊 👉🏻 黑毛豬魯肉飯🍛💰HKD 6️⃣8️⃣👉🏻 醋抵黑豚腩飯🍛💰HKD 6️⃣8️⃣👉🏻 台灣腸🥓（跟餐）💰HKD 6️⃣👉🏻 府城蝦卷🍤 （跟餐）💰HKD 6️⃣👉🏻 冬瓜茶🥃（跟餐）💰HKD 1️⃣👉🏻 紅豆冰🥛（跟餐）💰HKD 1️⃣6️⃣加一服務費❌

今日同朋友黎左尖沙咀呢間貓貓Cafe吸下貓傾下計，店舖位於尖沙咀Isquare對面，非常便利。 一入門口已經有貓貓歡迎我地，好黏人好可愛～ 每隻貓貓既性格都好唔同，有熱情有高傲，有一隻三色貓喜歡自己坐到好高訓覺，好可愛😆 店主好主動介紹貓貓既性格特性，令我地更加了解佢地。基本上我地入黎已被貓貓們吸睛，忘記左野食一段時間🙈好，吸完一陣貓，終於記得點野食了，呢間Cafe有別於一般飲咖啡食蛋糕嘅貓Cafe，食物係以台灣/川菜為主，我地點了黑毛豬滷肉飯（$68）、家鄉黑毛豬肉操拌稻庭烏冬（$72），小食點了紅油抄手、胡麻萵筍，野飲係自家製既冬瓜茶。野食味道真係唔錯，滷肉飯有好多醬料肉碎，拌飯好足夠，唔太咸岩岩好，而稻庭烏冬口感好滑，加左少少醋，酸酸既味道好開胃。小食同野飲都唔錯！呢間貓Cafe食物環境都平衡到，下次會再同朋友來玩玩～